|
سؤال .. الفرق بين المؤشر والاكسبيرت والتمبلت ؟؟
اخوانى الاعزاء انا بجد مش عارفه اشكركم ازاى على المجهود الاكتر من رائع ده وشكر خاص طبعا لدكتورنا العزيز د/ اسامه عادل ربنا يجازيه عننا كل خير انا اختكم نانى انا جديده فى المنتدى وفى مجال الفوركس طبعا بس يعنى كنت قريت شوية فى الفوركس والى حد ما بحقق مكاسب مش بطاله بس على قدى وعلى قد التحليل الفنى اللى انا اتعلمته المشكلة بقى من يوم ما ابتديت انى احاول اتعلم مع نفسى انى بسمع كتير عن استراتيجية فوركس كذا والمؤشر الفلانى والتمبلت العلانى وحاولت كتير اسأل فى الموضوع ده وكتر خير ا/ علاء حمدان حاول يساعدنى الراجل بجد ما اتأخرش فى االمساعده وشرح بما يكفى الفرق بينهم وكيفية تركيبهم بس مع الاسف فيه عقول معينه تقريبا ما بتفهمش من اول مره .. لازم تكرار المحاوله !!!وطبعا انا المقصوده بالكلام ده مع انى والله بفهم بسرعه بس مشكلتى مع الحاجات دى بس بالكوا انا لو فهمتهم والله هاتشوفوا منى احلى شغل .. يلا بلاش اتكلم عن نفسى كتير هههههههههههههههه المهم الرجاء الخاص دلوقتى انا عايزه حد من اعضائنا او محللنا الكرام يكون عايز يعمل خير ويكسب فيا ثواب ويبدأ معايا من الصفر فى حكاية المؤشرات والاكسبيرتات والتمبلت دول من اول التعريف بيهم لحد ما اعرف اركبهم على الميتاتريدر هو الموضوع حاسه انه سهل بالنسبة للناس بس مش عارفه ليه انا مستصعباه يمكن عشان لسه ما استخدمتوش قبل كده المهم يا ريت بجد يا جماعه رجااااااااااااااااااااء خااااااااااااااااااص من اختكم حد يتبناااااااااااانى فى الموضوع ده واهو كله بثوابه ... وهنيالك يا فاعل الخير والثواب ... ومن قدم مؤشر بيداه التقاه هههههههههههههههههههه فى انتظاركم يا اخوانى |
رد: سؤال .. الفرق بين المؤشر والاكسبيرت والتمبلت ؟؟
|
رد: سؤال .. الفرق بين المؤشر والاكسبيرت والتمبلت ؟؟
مشكور اخى خالد بس انا فاهمه حاجات كتير ماعدا بس النقط اللى اتكلمت فيها دى فا ياريت لو حد بس يساعدنى لحد ما اعرف بس اركب المؤشرات والتمبلت كويس |
رد: سؤال .. الفرق بين المؤشر والاكسبيرت والتمبلت ؟؟
|
رد: سؤال .. الفرق بين المؤشر والاكسبيرت والتمبلت ؟؟
اقتباس:
ههههههههههههههه على رأيك بكره ما نبقاش عارفين نعمل ايه بالفلوس !! |
رد: سؤال .. الفرق بين المؤشر والاكسبيرت والتمبلت ؟؟
انا بامكاني افيدك فقط بتعريفات بسيطة ومختصرة لما طلبته فللاسف الوقت لا يسمح لي بعمل شرح مفصل لك:
المؤشرات الفنية: بالمختصر المفيد هي عبارة عن معادلات رياضية يتم تحويل هذه المعادلات الى برمجة (مؤشرات) و يتم تركيبها في برنامج التداول بحيث يتم تطبيق تلك المعادلات على الشرت لتعطيك رسم او شكل الذي يظهر لك عند تركيب المؤشر.... الاكسبيرت: هو عبارة عن استراتيجية ما تم تحويلها الى برمجة (اكسبرت) و يتم تركيبها في برنامج التداول بحيث انها تطبق تلك الاستراتيجية اوتوماتيكيا دون تدخل اي شخص فيقوم الاكسبرت بفتح عقود بيع و شراء على مدار الساعة حسب شروط الاستراتيجية التي برمج عليها... التمبلت: هو ان نقوم مثلا بوضع عدة مؤشرات فنية و نغير في الوان الشموع و الخلفية و ننظم الشرت كما يحلو لنا ثم نقوم بحفظ كل هذا في صيغة تمبلت بحيث لو دخلنا مرة اخرى لبرنامج التداول لا نضطر لاعادة وضع كل تلك الامور مرة اخرى فقط نقوم باستيراد هذا التمبلت الى برنامج التداول و سيظهر لنا الشكل كما حفظناه سابقا تماما... |
رد: سؤال .. الفرق بين المؤشر والاكسبيرت والتمبلت ؟؟
نص ساعة وارجعلك بالمفيد |
رد: سؤال .. الفرق بين المؤشر والاكسبيرت والتمبلت ؟؟
بالترتيب كدا ومن غير تعقيد التمبلت ... دلوقتي احنا فتحنا الميتاتريد على اي زوج مثلا اليورو دولار فريم اليوم دوسنا F8 وعدلنا في الوان الخلفية والمقدمة والشموع الصاعده والهابطه مثلا ورسمنا التراند العام ورسمنا فيوناشي مثلا وكان الشكل كدا http://www5.0zz0.com/2011/10/08/19/999181432.gif وانتقلنا على اي فريم تاني في نفس الشارت بتاعنا وليكن الساعة ورسمنا ترند تاني على فريم الساعة زي الصورة دي http://www5.0zz0.com/2011/10/08/19/487716922.gif دلوقتي البيانات دي عايزين نحفظها لاي سبب زي اننا عايزين نركبها على منصة تانية او قفلت الشارت بتاعي ورجعت تاني فتحته هل لازم ارسم تاني واغير تاني لأ طبعا .. اعمل حفظ للتمبلت بتاعي باي اسم وفي اي وقت اقدر اعمله استرجاع http://www5.0zz0.com/2011/10/08/19/808629591.jpg يارب يكون الامر واضح وسهل وبسيط ونتابع بعده المؤشرات والاكسبيرتات |
رد: سؤال .. الفرق بين المؤشر والاكسبيرت والتمبلت ؟؟
المؤشر .. معني كلمة مؤشر بالبلدي كدا ايه ؟يعني حاجه بتديني اشارة لحدث صح مثلا عندنا حله فيها مياه على النار وابتدي البخار يتصاعد .. هنعرف ان المياه وصلت درجة الغليان البخار هنا مؤشر صح احنا في الفوركس عايزين مؤشر يعرفنا السعر طالع ولا نازل في مئات المؤشرات اللي بيستخدمها التجار وبيختلف قوة اعتماد كل واحد حسب قوة المؤشر وحسب فهم الشخص نفسه لافضل اعدادات للمؤشر وفي ناس بتستخدم اكتر من مؤشر .. نرجع للمياه اللي بتغلي ونقول لما اخترعوا براد الشاي اللي بيعتمد على ان قوة بخار الماء هتعمل ضغط فركبوا صفاره تعمل تنبيه بردوا في مؤشر بعرف منه الاتجاه ومؤشر تاني يعمل لي تنبيه ومؤشر تالت يعملي تأكيد كدا اعتقد اننا فهمنا معني المؤشر. اما لو كنت عايزه تعرفي المؤشرات وتركبها فدا حوار تاني وموجود مواضيع كتيره بتشرح افضل المؤشرات اعتقد مافيش اسهل من كدا مش فاضل غير كوبيتين والسكر والشاي |
رد: سؤال .. الفرق بين المؤشر والاكسبيرت والتمبلت ؟؟
الاكسبيرت .. واه من الاكسبيرت الاكسبيرت دا بقي حكاية كبيرة وسهله ازاااااااي ... دلوقتي في واحد ربنا كرمه وفتح عليه من علمه وفهم ان حركة السعر في السوق بتعتمد على مجموعة اسس وشروط فهو كان بيتاجر على هذه الاسس والشروط وبيحقق مكسب بنسبة اكبر من نسبة الخسارة دلوقتي هو مش فاضى وبيحاول يتعلم حاجه تاني او عايز يصيف ويرتاح طيب والفلوس اللي رايحه جايه دي يسبها وهو ممكن يكسب لأ طبعا ... كتب الطريقة بتاعته في نظام برنامج وركبه على المنصه يقوم البرنامج لما يلاقي الشروط تمام يدخل في الصفقة كأن صاحبنا هو اللي دخل الصفقه والبرنامج دا بقي هو اللي اسمه الاكسبيرت يعني الاكسبيرت وسيلة للمتاجرة الالية بدون تدخل منا الا في حالات معينة واهم ميزة فيه انه بيحيد العامل النفسي يعني انا لما بكون عايز ادخل صفقه وحتى وانا واثق اني داخل صح بكون خايف من الخسارة ودا امر ممكن يخلي لاواحد يغلط لكن الاكسبيرت ماعندوش الكلام دا ... لانه مجرد بنرمج بينفذ الاوامر وبس تمام يا فندم اعتقد كدا المعني واضح ولو في اي اسألة او استفسارات تانيه ماحدش هيتأخر والكل هنا اخوات بيحرصوا على المصلحة العامة والفائدة المشتركة |
| الساعة الآن 10:10 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com