|
لكل مبتدئ ... او لكل واحد نفسه يوقف سلسله خسايره ... نصيحه فى الجوووووول
بسم الله الرحمن الرحيم من كام يوم انا نزلت شرح استراتيجيه الكلب الأسود ولو حد مشفهاش هيشوفها هنا شرح استراتيجيه الكلب الأسود .. بالتفاصيل الممله اوى :D ودى استراتيجيه من الأخر بتقولك روح اكسب وتعالى هههههههه الأستراتيجيه مشهوره ومشروحه للأنسان اللى ميعرفش حاجه فى الفوركس والكل هيفهمها .... بس نرجع لموضوعنا ..لو انا سلسله خسايري شغاله رغم استخدامى للأستراتيجيه دى .. او اي حاجه بقى استراتيجيه البتنجان المحلق او استراتيجيه الماشنكاح الأحول .. والخساير مش راضيه تقف زي ما بنقول النحس ركبنا ودلدل رجليه :D نعمل ايه ؟؟ احنا بنبقى واثقين من تحليلاتنا اووووى والسعر بيخالفنا ويضرب استوب لوز بعض اقاويل الناس ... ( حته كوميدي ) " يا عم انا المنصه بتاعتى راكبها عفريت كل لما اقول بيع السعر يطلع ولما اقول شراء السعر ينزل " " عليا الطلاق الفوركس ده نصب " ... مع ملحوظه انه مش متجوز اصلا " يا رب دانا بصوم واصلى ليه بس كده يا رب " ده واحد حس ان ربنا غضبان عليه ههههههههههه ايه يا محمد فين اللاب الجديد بتاعك ؟؟ .... محمد : اللاب اتكسر .... اتكسر ازاى يا محمد ... محمد : لألألأ اصله وقع من على المكتب ( طبعا هو اللى كسره لما شاف الشمعه نازله نزول الأبل وهو كان شاري ههههههه طيب نعمل ايه ؟؟ اقولك انا تعمل ايه التحليل الأساسي للخساير دى اولا الدخول الخاطئ فى اوقات تذبذب السوق يعنى من الأخر بتخوش السوق بعد الساعه سابعه او تمانيه .... وانا عن نفسي بسميهم الساعات المحرمه .. هههههههههه تلاقى دايما دايما دايما اي حاجه انت بتقول عليها بيحصل عكسها .. مش عناد فيك بس السوق بيبقى متذبذب اوى فى الوقت ده وده بيحصل بسبب خروج السوق الأنجليزي عن الصوره ... بيقفل يعنى ... فبيسبب الذبذبه دى ... ( ده حسب تحليلي المتواضع يعنى ) طيب ايه تانى ؟؟ ثانيا : وضع المخيلات قبل الأحلام ومبدأيا نعرف الأتنين دول يعنى ايه المخيلات : يعنى الخيال اللى انت خايف منه يحصل الأحلام : طبعا اللى نفسك ومنى عينك يحصل انت بدل لما تركز على احلامك تركز فى المصيبه اللى ممكن تحصل .. عشان كده يا صاحبي انت بتلبس فى الحيط لابسه صح ههههههههه وزي ما القدماء المصريين قالوا ... اللى بيخاف من عفريت بيتطلعله .. كن متفائل والدنيا هتمشي معاك حلاوه ثالثا .. ودى بقى الفوله .. وضع ستوب لوز قريب رغم ثقتك فى تحليلك يعنى انا واثق من تحليلي الفنى وقولت مثلا ان الزوج eur\usd هيطلع لفوق .... واعمل استوب لوز 20 نقطه ؟؟؟؟؟ احنا هنهرج ؟؟ والنبي انا لو عارف ان امى هتدخول من الباب ده هقول فى احتمال 80 % انها متخوش .... ازاى ما انا شايفها جايه عليا وفى ايدها الشبشب ... احم احم .. ايه الفضايح دى ؟؟ ما علينا انت دلوقتى متأكد من امكانياتك و متأكد من تحليلك يبقى ليه اصلا تعمل استوب لوز ... مش يا حبيبي لما علموك الفوركس قالولك ان الأتجاه بيمشي فى موجات ... موجاه صاعده موجه هابطه بس الأتجاه هو الأتجاه يعنى اه ممكن تلاقى نفسك سالب 30 نقطه عن الهدف بتاعك ... بس بعد ساعه تلاقى السالب ده بقى موجب لأ وجاب التيك بروفيت كمان تقوم انت بقى عامل ستوب لوز 20 نقطه يضربهولك ولما يطلع السعر بعد ال30 نقطه تانى ويوصل للتيك بروفيت بتاعك بعد ما طبعا الصفقه بتاعتك اتقفلت ... تفضل تقول يا ريتنى انا شخصيا كنت بعمل كده :D انت ممكن تحدد تيك بروفيت لكن الستوب لوز اياك تحدده لو واثق من تحليلك ... وخلي بالك من التحليل الأساسي عشان هو عدو التحليل الفنى .. طيب حاجه كمان وهى رابعا انا عندى قانون فى الفوركس مسميه .. وقف الخساير القذره ههههههههههه وده انى بحدد لنفسي 50 نقطه بس ستوب لوز طبعا ستوبايه كبيره ... بس لما يوصل معايا انحراف الأتجاه اللى انا متوقعوه 50 نقطه ... لازم افهم انى حمار بقى ههههههههههه او تحليلي كان غلط وش يعنى ساعات لما يوصل الأتجاه المعاكس لتوقعاتى 45 نقطه ابدأ اراجع هو فى حاجه انا حسبتها غلط ... ساعات بكتشف ان كان فى خبر نازل غير المسار .. ساعات بكتشف ان مفيش حاجه ارجع الاقى السعر رجع تانى للمسار اللى انا محدده وساعات بتبقى حاجات بقى اراده ربنا ... بيوصل 50 نقطه اقوم قافل الصفقه ومتكل على الله على عمله تانيه اخر حاجه بقى وهى خامسا واخيرا اياااااااااك حضرتك تسيب اللاب او الكمبيوتر بتاعك والصفقه بتعتك مفتوحه .. ( ده لو انت شغال على اكونت حقيقي لو ديمو ... لأ عادى ممكن تروح تزور خالتك وترجع بعد اسبوع ) عشان حضرتك الفوركس مش لعبه .. ده شغل .... هو انت ممكن تسيب شغلك وتروح تلعب فى اي بتنجان ومديرك يسيبك كده .... اكيد هيلسعك خصم حلو فى المرتب ... احترم الفوركس عشان يحترمك وخليك مكانك لحد ما تشوف مصير صفقتك ... ممكن تشغل قرأن .. ممكن تسبح ربنا ... ممكن تكلم اصحابك على الفيس وتشوف من كل ان الى اخر الأخبار لكن متسيبش الكمبيوتر ممكن تلاقى نفسك لما ترجع من لعبك ان الصفقه كانت كسبانه يجي 35 نقطه ولما حضرتك تكون شرف كان سالب 35 عشان كده بقولك خليك مكانك وشوف ايه الأحوال من ان الى اخر كده وبكده اكون خلصت نصايحي للناس اللى عاوزه توقف خسايرها بدري بدري ... لأنى عانيت من الحوار ده ارجو ان يكون نصايحي فى الجول زي ما بقول ... وارجو تقبل الموضوع وربنا يوفقنا كلنا ان شاء الله والسلام عليكم ورحمه الله وبركاته |
رد: لكل مبتدئ ... او لكل واحد نفسه يوقف سلسله خسايره ... نصيحه فى الجوووووول
والله انت برنس |
رد: لكل مبتدئ ... او لكل واحد نفسه يوقف سلسله خسايره ... نصيحه فى الجوووووول
اقتباس:
|
رد: لكل مبتدئ ... او لكل واحد نفسه يوقف سلسله خسايره ... نصيحه فى الجوووووول
نصايح فوق الممتازه ،، ربنا يخليك ويكتب لك ولنا الجنه |
رد: لكل مبتدئ ... او لكل واحد نفسه يوقف سلسله خسايره ... نصيحه فى الجوووووول
اقتباس:
|
رد: لكل مبتدئ ... او لكل واحد نفسه يوقف سلسله خسايره ... نصيحه فى الجوووووول
الله ينور على النصائح وعلى المجهود المبذول ياغالى ,
نصائحك فى الجووووول , واتمنى كل المبتدئين يضعونها فى اعبارهم شكرا لك واحلى لايك |
رد: لكل مبتدئ ... او لكل واحد نفسه يوقف سلسله خسايره ... نصيحه فى الجوووووول
اقتباس:
|
رد: لكل مبتدئ ... او لكل واحد نفسه يوقف سلسله خسايره ... نصيحه فى الجوووووول
يا سلام عليك أستآآآآز،متفق معك في كل نقطة أشرت إليها
في ملاحظة هامة بخصوص إستراتيجية الكلب الأسود أعزكم الله،و هي أن صاحب الإستراتيجية نوه عن حالتين يتم الدخول فيها بعد ظهور إشارة الكلب الأسود،دون إنتظار الإشارات التأكيدية الزرقاء أو الحمراء،و الإلتزام بباقي القواعد الحالة الأولى The first is to enter when price breaches the last, or nearest, local high or low by 2/3 pips أي عندما يكسر السعر هاي أو لو الشموع السابقة بحوالي ٢ أو ٣ نقط الحالة الثانية The second type of Black Dog entry occurs when there is no relatively local high or low to focus on. On this occasion it is best to wait for a slight pullback and then enter on the break of that high or low و هذه الحالة لم أفهمها على الإطلاق,حيث أن صاحب الإستراتيجية يشير إلى أنه من الأفضل إنتظار إرتداد طفيف للسعر،و الدخول على كسر الهاي أو اللو أتمنى أن تساعدني في فهم الحالة الأخيرة،لأنك ما شاء الله ملم بجوانب الإستراتيجية |
رد: لكل مبتدئ ... او لكل واحد نفسه يوقف سلسله خسايره ... نصيحه فى الجوووووول
1 مرفق
هنا توضيح للحالة الأولى،الصورة في المرفقات
The first is to enter when price breaches the last, or nearest, local high or low by 2/3 pips and then manage the trade accordingly. With these trades there is usually plenty of time to set up your pending order, your buy or sell stops, stop losses, and target prices, etc. the following chart shows an example of a trade taken on GBPUSD last month with a target price of 20 pips. Many more pips were on offer. Notice that all the rules were observed. |
رد: لكل مبتدئ ... او لكل واحد نفسه يوقف سلسله خسايره ... نصيحه فى الجوووووول
اقتباس:
وخود صوره توضيحيه يا سيدي اهه http://www.m5zn.com/uploads2/2012/1/...top76v01ws.png |
| الساعة الآن 09:02 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com