|
دعوة للتعرف على فيبوناتشى اكسبنشن Fibonacci Expansion فى الفوركس
دعوة للتعرف على فيبوناتشى اكسبنشن Fibonacci Expansion فى الفوركس بسم الله الرحمن الرحيم السلام عليكم و رحمة الله و بركاته فيبوناتشى إكسبنشن Fibonacci Expansion يمكن غريب شوية الفيبوناتشى دا ؟ http://stashbox.org/677614/1.jpg كتير منا بيشوفه ضمن أدوات الفيبوناتشى و لكن يظل دائما مظلوم يعنى بالبلدى ماحدش بيقرب له طيب ندخل فى الموضوع الفيبوناتشى اكسبنشن دا عبارة عن مستويات زى الفيبوناتشى الريتريسمينت السعر بيتحترمها و بيقدرها و بيعملها الف حساب طبعا الريتريسمينت عبارة عن مستويات دعوم و مقاومات قوية بنسب فيبوناتشى يحترمها السعر اما الاكسبنشن فهو امتدادى " للموجة الاولى و الثانية و يتوقع الثالثة " بنسب الفيبوناتشى أيضاً طيب ايه وظيفته بالظبط و طالما هو زى الفيبوناتشى الريتريسمينت اهى كلها مستويات و السلام أكيد دا فيه حاجة زيادة !! أكيد فيه حاجة زيادة و هقولكم ايه الحاجة دى إن شاء الله طبعاً كلنا عارفين ان السعر عبارة عن قمم و قيعان " قمة - قاع - قمة - قمة - قاع " و هكذا طيب الفيبوناتشى اكسبنشن دا بيحدد فين رايحة الموجة الثالثة - جميل جداً , طيب ازاى ؟ الشرح ببساطة شديدة http://shup.com/Shup/233950/69.jpg السعر بيعمل موجة 1 " هابطة " و بدايتها القمة 1 و نهايتها القاع 2 و من القاع 2 تنطلق موجة أخرى " صاعدة " و هى عبارة عن الموجة 2 و بدايتها القاع 2 و نهايتها القمة 3 جميل طيب كدا عندنا فعلا " قمة - قاع - قمة " يعنى ايه برضو مش فاهم !! يعنى كدا أترسم الفيبوناتشى اكسبنشن و تقدر سيادتك بكل بساطة تتوقع أتجاه الموجة رقم 3 و نهايتها أنطلاقاً من نهاية الموجة 2 كنقطة بداية للموجة الثالثة و من النقطة دى و كبداية نقدر ندخل على حالات الفيبوناتشى أكسبنشن و هما حالتين فقط الحالة الاولة " قمة - قاع - قمة " قمة قاع = موجة هابطة " الموجة الاولى " قاع قمة = موجة صاعدة " الموجة الثانية " و بداية الموجة الثالثة من نهاية الموجة الثانية و تحدد على أساس ثلاث مستويات فيبوناتشى قابلة للزيادة و هما 61.8 - 100.0 - 161.8 الحالة الثانية " قاع - قمة - قاع " قاع قمة = موجة ساعدة " الموجة الاولى " قمة قاع = موجة هابطة " الموجة الثانية " و بداية الموجة الثالثة من نهاية الموجة الثانية و تحدد على أساس ثلاث مستويات فيبوناتشى قابلة للزيادة و هما 61.8 - 100.0 - 161.8 طب جميل قوى لحد كدا , أكيد عايزين أمثلة على الحالتين نشوف مثال على الحالة الاولى و من السوق لايف http://shup.com/Shup/233951/2.jpg قولنا بدايتك من قمة و النقطة الثانية قاع و النقطة الثالثة و الاخيرة قمة و بكدا عندنا موجتين و منتظرين نعرف الثالثة رايحة فين ؟ نقطة 1 = قمة نقطة 2 = قاع نقطة 3 = قمة أعتقد انه بسيط جداً طيب نشوف مثال على الحالة الثانية و برضو لايف http://stashbox.org/677626/3.jpg بدايتك من قاع و النقطة الثانية قمة و النقطة الثالثة و الاخيرة قاع و برضو عندنا موجتين و منتظرين الثالثة الى أين ؟ نقطة 1 = قاع نقطة 2 = قمة نقطة 3 = قاع سهل برضو إن شاء الله تعالى أهداف فيبوناتشى أكسبنشن 1 - 61.8 2 - 100.0 3 - 161.8 و وراد جداً أن يتجاوز السعر النقاط الثلاثة السابقة أو يرتد منهم أخيراً أتمنى ان الشرح يكون سهل و منتظر أسئلتكم و أتمنى المشاركة بشارتات فى الموضوع لأطمئن من وصول المعلومة كاملة بالتوفيق للجميع |
رد: دعوة للتعرف على فيبوناتشى اكسبنشن Fibonacci Expansion
نقل لموضوع رائع ومهم جداً لأخونا شادي عبده ربنا يجازيك ويجازيه كل خير .. وإن شاء الله هنتعلم منه ونستفيد كتير ..، |
رد: دعوة للتعرف على فيبوناتشى اكسبنشن Fibonacci Expansion
شكرا لك سعيد جدا لئن الموضوع قد نال اعجابكم
تحياتي واتمنىالافاده لللكل |
رد: دعوة للتعرف على فيبوناتشى اكسبنشن Fibonacci Expansion
ما شاءالله طريقه جديدة واكتشاف لاداة رائعه بمعنى الكلمه اشكرك اخي على هذا الموضوع الجميل وهاي احلى شارت شوفلي اياه اذا صح :1 (31): http://fx-arabia.com/vb/uploaded/39_01275761112.jpg |
رد: دعوة للتعرف على فيبوناتشى اكسبنشن Fibonacci Expansion
العفو يا مان
ردودكم تجبرني على ان ازيد من العطاء لهذا المنتدى بتوفيق |
رد: دعوة للتعرف على فيبوناتشى اكسبنشن Fibonacci Expansion
بارك الله فيك يا غالى..
على فكرة مستويات الفيبو اكسبنشن مستويات حديدية للسعر يحترمها جدا جدا.. جربتها و هو طريقة ممتازة للعمل بس فرصها قليلة.. تحياتى يا غالى.. الله كريم., |
رد: دعوة للتعرف على فيبوناتشى اكسبنشن Fibonacci Expansion
اقتباس:
لأ يا زعيم للاسف غلط ....صدق نفسى اعمل معك واجب منذ زمن ... أنتظر أو نام :) ( مش عارف وقت الرفع ممكن يكون قدر أية ) خدمة الفيديو السريع فى الطريق أليك .... أتذكر انى كنت اول ممن تكلمت عن الفيبوناتشى أكسبنشن فى بورصات وفى الفوركسندرانية ولكن شادى عبده الله يبارك له شرحه بالشارتات ... والدور علينا تانى نشرحه بالفيديو من الأساس علشان الناس تفهم مين ولية وفين وازاى تأكسبنشن نفسك :) مش تكون المؤشرات جامدة مجرد خطوط مش فاهمين من أين جائت ولا لأين ذهبت ...وأتمنى الجميع يستفيد من موضوع الفيديو القصير القادم . |
رد: دعوة للتعرف على فيبوناتشى اكسبنشن Fibonacci Expansion
اقتباس:
نكترها نكترها يا غالى بس أنت تأمر ... ههههههه الموضوع ده فكرنى بفكرة الأستك هههههههه فاكرها ؟ ...لكن متقلقش الشرح المرة دى من غير أساتك خالص ههههههه |
رد: دعوة للتعرف على فيبوناتشى اكسبنشن Fibonacci Expansion
شكرا على طرح الموضوع الهام معلوماتى بتقول و انا بستخدمه فقط انى اعرف الشمعه القادمة اخرها ايه بعد الشمعه الأنعكاسية او اى شمعه اخرى يعنى هدفى هايكون لغايه فين بس ؟ هل الكلام ده صح ؟ تحياتى ..,
|
رد: دعوة للتعرف على فيبوناتشى اكسبنشن Fibonacci Expansion
طيب هندبا منين ناخد الفيبو
ناخدها بالعد الترقيمى للموجات يعنى البدايه اللى هنشى عليها ولاذم نكون عارفيين موجه 2 فين نهايتها اصلا عشان نححد اانا نرسم الفيبو من 1 الى 2 اعتقد ان الموضوع دة يساعد فيه موجات الفا رسمت دلوقتى لاقيت ان النسهب ثابته وهى 50 فيبو كارتدادات ولاكن الواقع بيقول غير كده ممكن ترد قبل وبعد الكلام دة يبقى ايه الوضع معلش عاوز شرح باستفاضه شويه لان الاداه جديده بالنسبالى بصراحه انا بستخدم فيبوناتشى العادى وزوم بس دى ما جربتها قبل كده |
| الساعة الآن 04:07 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com