اهلا بك اخى الفاضل..
ساسرد ردى هنا مرة اخرى ان شاء الله لنتابع سويا الرد و لعل يكون فيه الافادة لنا جميعا..
1- يعنى اية استراتيجية ؟؟؟وليه متعددة المسميات ؟؟؟؟؟ صاحبة المسميات الخارقة
استراتيجية هى طريقة تداول معينة,يمكنك صياغة استراتيجيتك الخاصة بك عن طريق عمل توليفة تعلمتها و تدربت عليها و المسميات الخارقة ترجع لاصحابها الذين سموها,
اذن يمكنك عمل استراتيجية تعتمد على مؤشرين ثلاثة مع فلترين اخرين كفيبوناشى باعدادت معينة و هكذا.
يمكنك صياغة استراتيجيك الخاصة بعد ان تتعلم كثيرا من هذا السوق.
2- ازاى اكون واحد من الناس اللى تعمل استراتيجية ؟؟؟؟؟؟
لما تتعلم فوركس و تعرف تتاجر حتقدر تعمل استراتيجية خاصة بيك.
مش كل واحد يقدر كمان لان دى ملكة الابداع و الابتكار و مش موجودة عند كل الناس و لكن عليك ان تتعلم بجد و ان يكون لك خبرة بطريقة تداول معينة و ستكون هذه استراتيجيتك اذن 
3- المؤشرات – ايه هى افضل 10 مؤشرات اتعلمهم واركز عليهم ؟؟؟؟؟
لا اميل كثيرا للتداول بالمؤشرات و لكن اميل فى جعلهم فلاتر للاشياء الرئيسية التى اعتمد عليها كالترندات و الدعوم و المقاومات..
اميل اكثر الى الموفنج افريج باعداداته 100 و 200 و البولنجر باند كمؤشرين جيدين للفلترة.
4- الاكسبيرت –يترى ده عامل زى البرامج اللى بتسخدم فى لعب الاون لاين زى سيلك رود ؟؟؟ اى انها تقوم بالعب مكانك وتعديك لموستويات اعلى ؟؟
ده برنامج تداول الى يمكن ان يكون لديك فكرة او استراتيجية معينة و تطبقها فى برنامج تداول الى يتاجر اليا فور توافر الفرص المبنية على المعطيات الموجودة فى البرنامج نفسه.
5- يترى بعد ما اتعب وافهم ----اجد اكسيبرت يقول لى استريح انت وانا اقوم لك بمتاجرتك ---- اذا يبقى ليه انا تعبت نفسى من الاول ؟!!!!!!!
لان عمرك ما حتوصل لصياغة اكسبيرت غير لما تتعب فى الاول و عمر ما حيوصلك اكسبيرت بيربح ارباح بشكل مستمر و يكون مجانى..
اما انك تصيغ فكرتك الخاصة او تقبل بشراء واحد او تأجيره او شيئا ما.
6- وازاى افهم الاكسيبرتات من اسمائها التى تحمل اسماء مؤشرات علشان اقيمها ؟؟؟
مقدرش افيدك كل اسم يختلف لماذا صاحب الاكسبيرت سماه كذلك كما اننى لا اعرف المؤشرات بداخلها الا اذا كانت النسخة مفتوحة و قابلة للقراءة.
7- ولو الامر كذلك ومع وجود اكسيبرتات فعالة بالمنظر ده ---معنى كده ان الناس المضاربين فى اليابان واميركا واوروبا ((( الحيتان ))) برامجهم هى اللى بتحرك السعر على الشارت صح ولا ايه ؟؟؟؟؟؟؟لان عدد المضاربين فى الثلاث اماكن تلك مش هين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الامر مش الكثرة تغلب الشجاعة و انما هو من اين تؤكل الكتف و قليلا من يصل الى هذا المستوى كما ان الاكسبيرتات الرابحة لا تنتشر بسرعة خوفا من ضربها.
8- ويترى الاكسبيرتات اللى بنصنعها احنا العرب هيعرف يجيب مكاسب وينافس البرامج الذكية الموجودى فى الدول تلك ؟؟؟؟؟؟
يا عالم..العرب مش وحشين و هم مش اكتر مننا صباع ولا اتنين..اللى بيحاول و بيتعب و بيجتهد لازم فى النهاية يوصل و الله اعلم.
9- ومع احترامى الكبير لك --- مادام تعبت واتعلمت تضارب فى العملة --- ليه تاعب نفسك فى الموقع وانت راح تكسب الكثير من خلال مضاربتك ؟؟؟؟----وايه اللى راح ينوبك من التوصيات والرسائل ----والاموال كلها مدفوعة لشركة اخرى ؟؟؟؟؟؟؟؟؟؟؟؟؟؟؟؟
لكل واحد فكره الخاص و نظريته الخاصة فى الحياة قد يكون البعض يحب المال و يجرى ورائه و يتعب من اجله و البعض الاخر من اجل الشهرة و المجد و البعض من اجل العلم و نقل العلم و البعض من اجل وجود دخل اضافى.
هناك الكثير من الاشياء لا يمكنك ان تقيسها بمقياس المادة و فقط فلو كان الكل يقيس بنفس المقياس ما كان العلم وصل لى و لك و للاخرين..
كما اننى لست مهتما بادارة حسابات الغير و يكفينى حسابى و المنتدى فانا اجد فيهم الخير و مناسبين لطريقة حياتى و ظروفى المعيشية
10- بفرض انى ركنت للراحة واشتركت معاك وخليت اكسبيرت ((( عيون النسر ))) يقوم بالمتاجرة لى --- فهل انت معى انى اخاطر ب1000$ فيه؟؟؟؟ حتى ولو جربته على حساب الديمو !!!!!!! خاصة وانى قرأت ان الكسيبرت على الديمو جيد ولكن على اللايف لاء ( عامة على كل الاكسيبرتات)
كل اكسبيرت له عيوبه و قليلا جدا من الاكسبيرتات ما يستمر للابد و نحن نحاول مع اكسبيرت هالى الموجود تقاريره فى القسم العام فى المنتدى يمكنك متابعة التقارير و ابداء رأيك..
ارى ان اسئلتك اغلبها مبكرة جدا جدا و انت لا زلت تحبو اولى خطواتك فى عالم الفوركس و تفكر كيف يمكننى قيادة الطائرة منفردا..
عليك ان تتعلم و تعرف الاساسيات ثم تبدا فى التجارة و انذاك ستحصل على كما كبيرا من المعلومات يساعدك فى فهم اليات السوق.
تحياتى و اعتذر عن ضياع الرد الاول بدون قصد.
الله كريم