شكرا اخت روان على الاجابة الكريمة والمعلومات المفيده
والحمد لله الكيت عراقي لان تكون قواسم مشتركة ويسهل عليه الامور
و البركة بيج وبكل الاخوة الموجودين وما قصروا
واضح من كلامج انو ممكن فتح حساب وية نتلر من الرعاق وبجواز سفر عراقي
المشكلة حاولت قبل شوية افتح حساب بنتلر بس اول ما افتح الرابط يضهر مسج يكول هذا البلد غير مدعوم حاليا وهم تتظلل الصفحة وتقفل ومن الغي الرسالة واحاول اختار البلد فبالقائمة موجود اسم العراق بس المشكلة من اختاره تضهر نفس المسج وهم تقفل الصفحة فما دا اكدر اكمل تسجيل والضاهر
فشنو الحل لاكمال فتح الحساب
واني قبل 4 اشهر فتحت حساب وية بنك سكريل وتركة وما فعلته ولا استعملته لان ما احتاجيته بس من خلال المشاركات انو نتلر افضل وحضرتج واكثر من شخص نصحني بيه بس المشكلة شلون افتح حساب وياه واذا اختاريت غير بلد فممكن مستقبلا تكون عراقيل ومشاكل خصوصا مراح اكدر اودع بيه من خلال حوالة بنكية ولا عن طريق الفيزا كارت ولا اكدر اربطه بحساب ارضي
لان هم ردت اخذ رايج بانوا فكرت اودع بالشركة او البنك الالكتروني عنطريق اكو فيزا كارت travel ez من شركة الطيف سعرها مناسب 15 دولار وتبقى سنتين فكلت هماودع بيها وهم افعل الحساب وهم استعملها مستقبلا بالتسوق عن طريق النت لان واعتقد بهالشكل يكون التكلفة اقل من الوستيرن يونين الي حسب ما عرفت تاخذ عمولة تحويل 12 دولار للمبلغ 500 فما دون وهم عمولة والوسيط فشنو رايج بس واجهتني مشكلة نتلر مدا يقبل العراق واذا اختاريت غير بلد بهالشكل ما اكدر يمكن استعمل الفيزا
بالنسبة للسحب قصدج نتلر يزودني بفيزا كارت ؟ وعلى كل عملية سحب ياخذون6 دولارات؟ هم ميخالف بس شلون احول الرصيد المسحوب بيها الى كاش؟ قصدج عن طريق الصراف الالي؟
واذا عن طريق الوسطاء قصدج يحولولي المبلغ من نتلر عن طريق الويستيرن يونين؟
وسمعت انو بالوسترن العمليه سريعه وبنفس اليوم صحيح هالشي؟
طبعا الوسطاء راح يكونون عامل مساعد
وطبعا اسف طولت بالحجي والاسئلة بس والله دايخ بهالموضوع واكثر من موضوع التداول نفسه
لو ادري هيج جان ما فكرت بالفوركس
وطبعا شي طبيعي كل بداية تكون صعبة