الفوركس من الصفر و الى المليون (مبتدئ أو محترف)

[SCOOORPION]

بسم الله الرحمن الرحيم

السلام عليكم و رحمة الله و بركاته

اخوانى اعضاء المنتدى


الموضوع هو عبارة عن دروس تعليمية (http://www.fx-arabia.com/vb/forumdisplay.php?f=3) تكميلية لأساسيات الفوركس (http://www.fx-arabia.com/vb/www.fx-arabia.com)

لن أتكلم عن الأساسيات كثيرا

فقد شرحها الكثير من الاخوة الافاضل


و يمكن مراجعة شرح الدكتور اسامة عادل (http://www.fx-arabia.com/vb/showthread.php?t=4502) و المهندس نادر

للاطلاع على الاساسيات


و لكن سأتكلم بشكل واسع عن الفوركس (http://www.fx-arabia.com/vb/www.fx-arabia.com)

فكثير من الناس تعلم الاساسيات و لكن تخسر

يمكن اعتبار الموضوع وقفة مع النفس لمراجعة اسباب الخسارة

و تحديد أفضل الطرق للوصول لمضاربة سليمة

بربح جيد و اقل خسارة


أسأل الله التوفيق لى فى هذا الموضوع

ليكون سبب لتحسين المضارب العربى

[مدير الموقع]

بارك الله فيك يا سكوربيووو..
متابع يا باشا و حاجز مكانى فى الصف الاول ان شاء الله...,
الله كريم.,

[محمد نوارج]

وأنا هنا من البداية

علشان ألحق وش الموضوع

وموجود في أول الصف جنب الدكتور أسامة على طول ..،

[SCOOORPION]

(1)

الهدف

من أهم مفاتيح النجاح هو تحديد الهدف
انا ليه هدخل الفوركس (http://fx-arabia.com/vb)
انا عايز اوصل لأيه

فى واحد عايز يزود دخله الشهرى او السنوى
و فى واحد عايز يكسب مليون دولار
و فى واحد معاه فلوس و عايز يشغلها

و فى واحد سمع ان الفوركس (http://fx-arabia.com/vb)بيكسب و ممكن تضاعف فلوسك فى شهر
فقال ان لازم اخد حاجة من بحر الفلوس ده

كل دول لهم اهداف لكن مش واضحة
و للاسف دى اغلب الناس
و للاسف هم اللى بيخسروا

طيب كيف اضع هدف واضح؟

تجميع المعلومات عن السوق
سؤال اهل الخبرة
تحديد الهدف
تحديد الطريق لتحقيق الهدف
توفير الوقت اللازم للوصول للهدف

ناخد مثال بسيط

شاب 25 سنة
يعمل صباحا من 8 الى 4 عصرا
الدخل الشهرى 500 دولار شهريا

الامكانيات
100 دولار شهريا يمكن الاستغناء عنها
وقت فراغ من 6 الى 12 مساءا

الهدف
زيادة الدخل الشهرى بمقدار 250 دولار

الزمن المطلوب للوصول للهدف
5 شهور

الخطوات

تجميع المعلومات عن السوق و الشركات
تعلم الاساسيات
تحديد طريقة المضاربة الافضل
تحديد نسبة المخاطرة
بعد التعلم تحديد نسبة الربح الشهرية

فتح حساب حقيقى (http://www.fx-arabia.com/vb/showthread.php?t=24) بمبلغ يناسب نسبة الربح لتحقيق 250 دولار شهريا


تذكر مقولة نابليون بونابرت: " إن الرجل الذي عقد النية على الفوز، لا ينطق بكلمة مستحيل "
ضع هدفك و اعمل من اجله
ستصل له دائما

[SCOOORPION]

بارك الله فيك يا سكوربيووو..
متابع يا باشا و حاجز مكانى فى الصف الاول ان شاء الله...,
الله كريم.,



وأنا هنا من البداية

علشان ألحق وش الموضوع

وموجود في أول الصف جنب الدكتور أسامة على طول ..،




اهلا بالكبار
و ان شاء الله الموضوع يكون مفيد للجميع

[SCOOORPION]

(2)

الطريق

طريقك فى هذا السوق هو طريقة تحليلك

هناك العديد من طرق التحليل
الكلاسيكى
المؤشرات
الرقمى
الشموع اليابانية
المستويات السعرية
موجات اليوت
طرق جان
فيبوناتشى

لا يوجد طريقة افضل من الاخرى فى نظرى
هناك من يقرأ عنهم و يختار ما يناسبه
و هناك من يتعلمهم و يعمل بما يتناسب معه


الكلاسيكى
و هو الاشهر بين المضاربين
يعتمد على الترندات و الشموع و النماذج
سهل التعلم
و كلما زادت الخبرة كلما زادت نسبة النجاح

المؤشرات
و تعمد على المؤشرات كما واضح من اسمها
هذا التحليل به الكثير من الخبايا و الاسرار
و يحتاج الى كثير من الخبرة لتحديد افضل الفرص

الرقمى
يعتمد على المعادلات
و تكرار النظام مع الزمن
صعب التعلم لندرة من يعلمه
و لكنه يحقق ارباح رائعة

سنتكلم عن جميع الطرق بالتفصيل لاحقا ان شاء الله

و هناك تحليل لا تصل اليه الا بالخبرة و متابعة الشارت لفترات طويلة
و هو التحليل النفسى

أكرر لا يوجد طريقة افضل من الاخرى
اختر طريقك بنفسك
و التزم به
لا يوجد رأى مقدس فى هذا السوق سوى رأيك
لا يمكن ان تعتمد على طريقة شخص أخر
لان كل مضارب له احساس و وجهة نظر
لا يوضحها فى توصية او تحليل

متقولش هو انا لسه هقرا 10 كتب
و اجرب ديمو و اشوف الطريقة شغالة معايا ولا لأ
مشوف واحد بينزل توصيات بتكسب و اشتغل معاه و خلاص

افتكر دايما ما حك جلدك مثل ظفرك فتول انت جميع امرك

[SCOOORPION]

(3)

انا رفيقك و قرينك الدائم
انا افضل مساعد لك او اثقل عبء عليك
انا هدفعك للنجاح او هسحبك للفشل
انا تحت امرك

انا سهل الادارة لكن لازم تكون حازم معى
أرنى بالظبط كيف تريد عمل شئ
بعد بعض دروس انا هعمله اتوماتيك

انا خادم جميع العظماء
و سبب ندم جميع الفاشلين

انا لست ألة و لكن اعمل بدقتها
و ايضا بذكاء الانسان

ممكن تشغلنى للمكسب و ممكن تشغلنى للخسارة
مش هتفرق معايا
علمنى و دربنى و خليك حازم معايا
و انا اخلى العالم يركع تحت رجلك
اتساهل معايا و انا هدمرك

انا العادة

العادة اهم الادوات فى سوق الفوركس
التزامك بالاساسيات و ادارة رأس المال
ألتزامك بطريقتك و استراتجيتك
ألتزامك بوضع استوب
ألتزامك بنسبة المخاطرة و risk reward
ألتزامك بجميع شروط النجاح
يكون صعب فى البداية لكن بالألتزام تصبح عادة

اذا كانت عاداتك فى المضاربة سليمة فطريقك هو الربح
اذا كنت متساهل هتخسر

أحكم نفسك بحزم
ألتزم بشروطك
نظم تفكيرك
تصل لهدفك

[delpiero]

كلام جميل اوى و محترم اوى اوى اوى

متابع معاك يا سكوربيون

[معاذ عودات]

كلام جميل جدا

ورائع

بارك الله فيك اخوي سكوربيون ,,
وان شاءالله في ميزان حسناتك يوم القيامه

[المسلم أمره لله]

السلام عليكم و رحمة الله و بركاته
ما شاء الله لا قوة الا بالله
الحمد لله الدي أنعم علي بالتسجيل في هدا المنتدى الرائع
أساتدة كبار بمعنى الكلمة
و انا وراكم و راء كل ماتقدمونه لأتعلم
ألف شكر يا باشا دكتور أسامة جمعتنا مع وجوه الخير كل من يساهم في المنتدى و لو بكلمة شكر
أكرمكم ربي و أحسن اليكم

[SCOOORPION]

كلام جميل اوى و محترم اوى اوى اوى

متابع معاك يا سكوربيون



كلام جميل جدا

ورائع

بارك الله فيك اخوي سكوربيون ,,
وان شاءالله في ميزان حسناتك يوم القيامه





السلام عليكم و رحمة الله و بركاته
ما شاء الله لا قوة الا بالله
الحمد لله الدي أنعم علي بالتسجيل في هدا المنتدى الرائع
أساتدة كبار بمعنى الكلمة
و انا وراكم و راء كل ماتقدمونه لأتعلم
ألف شكر يا باشا دكتور أسامة جمعتنا مع وجوه الخير كل من يساهم في المنتدى و لو بكلمة شكر
أكرمكم ربي و أحسن اليكم


شكرا لكم
و يارب اقدر افيدكم اكتر ان شاء الله
تحياتى

[SCOOORPION]

(4)

Risk Reward

و هو نسبة الاستوب الى نسبة الربح التى يتم تحديدها لصفقة
مثلا اذا كان الهدف 50 نقطة و الاستوب 50 نقطة
فتكون النسبة 1:1

اما لو الاستوب 50 و الهدف 150 نقطة
فتكون النسبة 1 : 3

الرقم الاول يحدد الاستوب و الثانى الهدف

طيب يعنى ايه لزمته؟

ناخذ مثال شخصين
الأول يعمل بنسبة 2 : 1 يعنى الاستوب ضعف الهدف
الثانى يعمل بنسبة 1 : 2 يعنى الهدف ضعف الاستوب

الاثنان قاما بدخول 10 صفقات بأهداف ثابتة 100 نقطة
و وصلت 5 صفقات للهدف و 5 ضربت الاستوب

اذا الاول خسر 100 فى 2 فى 5 صفقات = 1000 نقطة
و ربح 100 فى 5 = 500 نقطة
اذا المجموع - 500 نقطة خسارة

اما الثانى فقد خسر 50 فى خمس صفقات = 250 نقطة
و ربح 100 فى 5 صفقات = 500 نقطة
اذا المجموع +250 نقطة ربح

يبقى كل ما نسبة الهدف للاستوب تزيد ده أحسن

مهما كانت طريقة العمل او الاستراتيجية المستخدمة
يجب الا تقل النسبة عن 1 : 1

و انا شخصيا أفضلها 1: 2 كحد أدنى
فتخيل لو انك تعمل بنسبة 1 : 5 فصفقة واحدة رابحة تعوض لك خسارة 5 صفقات ضربت الاستوب

أختر صفقاتك بعناية (السوق مش هيطير :))
أدخل على الصفقات التى لها اقل استوب
تحقق ارباحا جيدة بأذن الله

[Ayman]

موضوع راااااااااااااااااااائع
شكراً لمجهودك
متابع معاك

[مدير الموقع]

كلام فى الصميم و الله يا محمد..,
استمر فانت تقول فى هذا الموضوع درر و لكن اولا يتفكرون!!
اؤكد للجميع ان من يلتزم بهذا الكلام رابح و لا محالة و من لا يلتزم فان محرقة الاموال فى انتظاره..,
استمر يا غالى..,
متابعين ان شاء الله.,

[Ammar Alkaissy]

كلام في منتهى الروعة وحقيقي فعلا ....... بارك الله فيك وجعلها في ميزان حسناتك
كل التوفيق

[hamed33]

بجد مشكور على الدروس الجامد ده ويا ريت تكمل الدورس ويا ريت لو تحجزلى مكان فى الصف الاول

[SCOOORPION]

(5)

الفوركس او سوق العملات يعطى أكبر الفرص للمكسب السريع و الخسارة كذلك أكثر من اى سوق اخر
ينقسم الناس فيه الى 4 مجموعات
المضارب المبتدئ : الغالبية العظمى الخاسرة فى السوق
المتداول : صناع السوق
المضارب الاكاديمى : الفئة التى تعمل في البنوك والشركات أو الوكالات الحكومیة و يضاربون بمبالغ كبيرة و هو ما يعطيهم القوة
المضارب المحترف : لا يملكون قوة الاكاديمين و لا قوة المتداولين و لكن يعتبروا الاذكى بين المجموعات

الفارق بين المضارب المبتدئ و المحترف

اثنان فى الغابة و يطاردهم دب فتوقف احدهم ليلبس حذاء الجرى فسئله الاخر : انت بتعمل ايه كده مش هتسبق الدب
فرد الاول : انا مش محتاج اسبق الدب المهم اسبقك انت

ده الحال فى سوق الفوركس
انت مش محتاج تسبق الدب و فعليا انت عمرك مهتقدر على السوق (السوق مبيرحمش:1 (5):)
لكن كل المفروض تعمله انك تسبق المبتدئين
هدفك كمضارب انك تكسب ما يخسره غيرك
و متقلقش أكيد هييجى حد وياخد فلوسك فى السكة و يعلمك درس جديد
و مش هتتعلم من غير فشل

المبتدئ هيلاقى الترند اتكسر ويدخل بعد ما السعر يكون اتحرك 40 نقطة
أو هيتسرع و يدخل قبل ميتكسر
المبتدئ هيشترى بعد السعر ميرد من دعم بـ50 نقطة
و المحترف هيشترى بعد 20 نقطة عشان فى شمعة هامر

طيب انا اعمل ايه انا لسه جديد و مبتدئ
يعنى لازم اخسر الاول

لا طبعا مش لازم تخسر الاول
لكن لازم تتعلم كويس قبل متبدأ على حساب حقيقى و تعرف كل المعلومات الممكنة عن طريقة تحليلك
سواء كلاسيكى او مؤشرات او رقمى
و تجرب طريقتك على الديمو و تعرف اسرار وخبايا الاستراتيجية اللى انت شغال بها
ده هيفيدك انك تسبق واحد غيرك معلوماته اقل منك

أقرأ و تعلم
راقب فرصك
تربح بأذن الله

[mohamed harmal]

السلام عليكم ورحمه الله وبركاته
الاخوه الاعزاء بارك الله فيكم وجزاكم خير انا مبتدى تنصحونى بايه فى الفوركس
وشكرا

[SCOOORPION]

السلام عليكم ورحمه الله وبركاته
الاخوه الاعزاء بارك الله فيكم وجزاكم خير انا مبتدى تنصحونى بايه فى الفوركس
وشكرا

اهلا بك أخى
ما ذكرته هنا فى الموضوع هو مفاهيم اساسية تساعدك على النجاح فى السوق ان شاء الله
يمكنك البدء بمشاهدة فيديو الدكتور اسامة و المهندس نادر فى قسم الفوركس لمعرفة الاساسيات للمتاجرة
أبدأ بحساب ديمو و جرب الاستراتيجيات
و لو فى أى مشكلة ممكن تسألنى و سأرد بأفضل رد ان شاء الله
لك منى التحية

[darkoon2001]

اية يا جماعة المنتدى دا انا دخت من كتر المعلومات اللى بكتسبها من الكبار
يا محمد انت استاااااذ ولا تقل قيمتك بين الكبار
مش عارف اكتب تعليق يليق بفكرك الذى يجبرنى على الاحترام
متابع معاك بقوة

[SCOOORPION]

اية يا جماعة المنتدى دا انا دخت من كتر المعلومات اللى بكتسبها من الكبار
يا محمد انت استاااااذ ولا تقل قيمتك بين الكبار
مش عارف اكتب تعليق يليق بفكرك الذى يجبرنى على الاحترام
متابع معاك بقوة

ربنا يخليك يا برنس
و يارب اقدر افيدك للنجاح ان شاء الله
تحياتى لك

[mohamed harmal]

اهلا بك أخى


ما ذكرته هنا فى الموضوع هو مفاهيم اساسية تساعدك على النجاح فى السوق ان شاء الله
يمكنك البدء بمشاهدة فيديو الدكتور اسامة و المهندس نادر فى قسم الفوركس لمعرفة الاساسيات للمتاجرة
أبدأ بحساب ديمو و جرب الاستراتيجيات
و لو فى أى مشكلة ممكن تسألنى و سأرد بأفضل رد ان شاء الله
لك منى التحية

شكرا اخى الكريم على معلوماتك الرائعه وبارك الله فيك

[Ayman]

أنا مستني المزيد
بجد معلومات قيمه وأفادتني كتير
أرجو منك التكمله

[FX Matador]

الموضوع توقف ليه يا اخى محمد موضوع رائع ربنا يباركلك منتظر عودتك لاكماله تحياتى ...,
إنطلق إلى القمة ...,

[wanna learn fx]

ماشاء الله عليك تبارك الله فيك يارب ويجعلة في ميزان حسناتك استمر بالكتابة علشان بجد كلامك بسيط وسهل اوي ووقدرت افهمة

[SCOOORPION]

أنا مستني المزيد
بجد معلومات قيمه وأفادتني كتير
أرجو منك التكمله



الموضوع توقف ليه يا اخى محمد موضوع رائع ربنا يباركلك منتظر عودتك لاكماله تحياتى ...,
إنطلق إلى القمة ...,

ماشاء الله عليك تبارك الله فيك يارب ويجعلة في ميزان حسناتك استمر بالكتابة علشان بجد كلامك بسيط وسهل اوي ووقدرت افهمة

شكرا لكم
و ان شاء الله ساستكمل الموضوع
ادعوا لى بالتوفيق
تحياتى

[thezoro_112]

بسم الله ما شاء الله

أخي SCOOORPION

حضرتك رائع جداااااااااااااااااااااااااااااااااا

والموضوع مهم ومفيد جدا وأضم صوتى الى الكثيرين وأطلب من حضرتك استكماله

وتضع لنا نصائح أكثر عشان الانسان بينسي بسرعة

وعمرنا ما هنعرف نصيغ النصائح بمثل هذه السلاسة


بارك الله فيك

وجزاك الله خيرااااااااااااااااا

[جون ميرفى]

الف شكر ليه بجد والله معلومات اهم من انى اتعلم فيديوهات د اسامه

[mohaa12]

بصراحة موضوع فوووووووق الرائع ربنا يجعله فى ميزان حسانتك
انا عندى سؤال عندى حساب حقيقى و مش عارف احدد ازاى اشتغل يعنى سوينجات و لا سكالبينج محتار جدا ؟

[Benisafcom]

اهلا متابعين معك يا غالي لي عودة لمتابعة المضوع رد رد
كومنت كومنت

[mostafa darwish]

فعلا موضوع مهم لان انا مقتنع تمتم الاقتناع بان الانسان لازم يتعلم ويصر على النجاح ويجتهد حتى يصل الى افضل النتائج بإذن اللة وهوا دة المهم بالنسبة للاعضاء وان لازم الانسان يكون عارف او يصر على انة يكون هوا الى بيحط التوصيات لنفسة ومهما كان اراء من حوله بس ملحوظة لو سمحت فية بعض من الناس بتتعلم شهرين ثلاثة وتفتكر ان هيا ملكت السوق ممكن تحصل بس بشرط اياك والغرور وخليك متاكد ان طول ما انت بتسعى هتنيك تتعلم لحد ما الانسان يتوفاه اللة وربنا يديك على قد نيتكي يا رب

[mostafa darwish]

فعلا موضوع مهم لان انا مقتنع تمتم الاقتناع بان الانسان لازم يتعلم ويصر على النجاح ويجتهد حتى يصل الى افضل النتائج بإذن اللة وهوا دة المهم بالنسبة للاعضاء وان لازم الانسان يكون عارف او يصر على انة يكون هوا الى بيحط التوصيات لنفسة ومهما كان اراء من حوله بس ملحوظة لو سمحت فية بعض من الناس بتتعلم شهرين ثلاثة وتفتكر ان هيا ملكت السوق ممكن تحصل بس بشرط اياك والغرور وخليك متاكد ان طول ما انت بتسعى هتنيك تتعلم لحد ما الانسان يتوفاه اللة وربنا يديك على قد نيتكي يا رب

اسف على الخطأ فى الكتابة و ربنا يديك على قد نيتك يا رب

[احمد صلاح]

فعلا موضوع مهم لان انا مقتنع تمتم الاقتناع بان الانسان لازم يتعلم ويصر على النجاح ويجتهد حتى يصل الى افضل النتائج بإذن اللة وهوا دة المهم بالنسبة للاعضاء وان لازم الانسان يكون عارف او يصر على انة يكون هوا الى بيحط التوصيات لنفسة ومهما كان اراء من حوله بس ملحوظة لو سمحت فية بعض من الناس بتتعلم شهرين ثلاثة وتفتكر ان هيا ملكت السوق ممكن تحصل بس بشرط اياك والغرور وخليك متاكد ان طول ما انت بتسعى هتنيك تتعلم لحد ما الانسان يتوفاه اللة وربنا يديك على قد نيتكي يا رب


التعليم هو اهم شىء وليس اعتبار الفوركس كلعبه قمار ,,
ومثل ما ذكر اخونا الكريم ,.
بالتعليم والتدريب والمتابعه اليوميه من الممكن ان تجد نفسك بدا يكون لك رؤيه فى السوق

تقديرى لك

[Eng.a2910]

تسلسل معلوماتي رائع

أنا مبتدأ في الفوركس وقبل بدايتي في تعلم التحليل
أقرأ وأتعلم عن إدارة رأس المال ونسبة المخاطرة حتى أأخد بنصائحكم وتعليماتكم :)

كل ما في الأمر القليل من الحسابات لكن الجزء الأكبر يكمن في الإلتزااااام

^_^ شكري لك
مترقب جديد الموضوع

[احمد صلاح]

تسلسل معلوماتي رائع

أنا مبتدأ في الفوركس وقبل بدايتي في تعلم التحليل
أقرأ وأتعلم عن إدارة رأس المال ونسبة المخاطرة حتى أأخد بنصائحكم وتعليماتكم :)

كل ما في الأمر القليل من الحسابات لكن الجزء الأكبر يكمن في الإلتزااااام

^_^ شكري لك
مترقب جديد الموضوع


اؤيدك الرأى الالتزام هو اساس النجاح فى الفوركس
اما الطمع والعشوائيه فى المتاجره ستؤدى فى نهايه المطاف الى الخساره

وانصحك بمشاهده هذا الموضوع فى اساسيات اداره رأس المال
فيديو : اداره رأس المال فى الفوركس ( مفهوم , عناصر , التطبيق العملى ) (http://www.fx-arabia.com/vb/showthread.php?t=23095)


بالتوفيق

[Eng.a2910]

اؤيدك الرأى الالتزام هو اساس النجاح فى الفوركس
اما الطمع والعشوائيه فى المتاجره ستؤدى فى نهايه المطاف الى الخساره

وانصحك بمشاهده هذا الموضوع فى اساسيات اداره رأس المال
فيديو : اداره رأس المال فى الفوركس ( مفهوم , عناصر , التطبيق العملى ) (http://www.fx-arabia.com/vb/showthread.php?t=23095)


بالتوفيق

سلمت يداك
أنا فعلا درست من الفيديو ده وشرح موفق

وجزاك الله الخير

[siafari]

موضوع اكتر من رائع في انتضار اكتماله وشكرااا