المساعد الشخصي الرقمي

مشاهدة النسخة كاملة : طلب مساعدة ضروري بخصوص الذهب!!

gehad_1010
14-08-2011, 10:27 AM
السلام عليكم ورحمة الله وبركاته

انا مبتدئ في عالم الفوركس , وللأسف دخلت بناء على نصيحة صديق , لكن ما درستش الموضوع كويس , وأول ما دخلت فتحت صفقة بيع على الذهب من يومين وكان في أعلى نقطة وفي اتجاهه للهبوط والتوقعات بتقول انه حينزل اكتر والشركة اللي دخلت معاها كانت عاملة عرض اني ادخل ب2000 دولار و تديني بونص 500 دولار , لغاية دلوقتي انا خسارتي في الصفقة دي 600 دولار وخايف تزيد عن كده و اتمرجن و اخسر مبلغ كبير زي كده
المشكلة الأساسية عندي ان بعد ما فتحت الصفقة و السوق قفل علشان الاجازة وانا على النت لقيت ناس كتير بتقول ان تداول الذهب حرام شرعا وبأحاديث صحيحة . عايز اقفل الصفقة وفي نفس الوقت مش عايز اخسر مبلغ كبير
تنصحوني بإيه , افضل على الصفقة دي لغاية ما الخسارة تقل و بعدين اقفلها , والا اقفلها مباشرة قبل ما سعر الذهب يعلى زيادة و اخسر المبلغ كله
والا اقفل و احافظ على ال 1400 دولار الباقية في الحساب و ابدأ اشتغل بيها بعد ما ادرس الموضوع كويس

برجاء مساعدتكم لان السوق حيفتح النهارده وانا الصراحة خايف اخسر المبلغ كله
Tarek adel
14-08-2011, 11:08 AM
الموضوع مليان اخطاء بصراحة
يعنى مينفعش تضارب فى الفوركس وانت مش فاهم الدنيا كويس
كما ان الذهب يشترى فقط لا يباع...هبوطه فرصه لشرائه لا لبيعه
انا لو منك اقفل الصفقة بمجرد افتتاح السوق ولا اضارب الا عندما اتعلم ولو الحد الادنى المطلوب لاصبح مضارب مقبول
أبو ياسين
14-08-2011, 11:20 AM
اخى الكريم
بعيد عن اى تحليل فنى او اساسى
انت عرفت الان وتأكد انه حرام شرعاً
توقف فوراً واخلص نيتك فى الوقوف لهذا السبب
وتاكد ان ربنا هيعوضك ويخلف عليك
معاذ عودات
14-08-2011, 11:33 AM
اهلا يا غالي
بناء على الفتاوي التي رأيتها على النت : تبين ان المعادن لا يمكن التجاره فيها
لانها حرام
وانا لا احلل الذهب ولا اي معدن
ان شاءالله الدكتور اسامه سيحلله لك .. وسيقوم بالواجب

بتوفيق يا رب
gehad_1010
14-08-2011, 04:20 PM
طارق : شكرا على النصيحة و فعلا الموضوع فيه اخطاء كتير من البداية , الواحد استعجل , في الأول دخلت بحساب 100 دولار و في يومين كسبت 250 دولار وبعدها الوسيط عرض عليا موضوع الألفين دولار اللي عليهم بونص 500 دولار , طبعا مع وجود فري مارجن عالي الواحد طمع و خاطر بعدم دراسة . بس الواحد لازم يتقرص علشان يتعلم :)

ابو ياسين : كلامك صح 100×100 , انا في البداية بدأت ادور على تحليلات للذهب في المنتديات ما لقيتش حد بيتكلم فيها كتير لما بحثت شوية لقيت ان في ناس كتير ما بتشتغلش فيها علشان حرام , دورت في الموضوع لقيت فعلا في حديث صحيح فيها و فتاوى محرماها , ان شاء الله مع فتح السوق النهارده اقفل الصفقة و ربنا يعوض عليا في الخسارة

معاذ : شكرا على مشاركتك و ارجو ان يكون قصدك من "ان شاءالله الدكتور اسامه سيحلله لك" انه سيعطيني توصيات معينة بخصوص الصفقة وليس تحليل من مبدأ الحلال و الحرام ;)
:1 (2):

شكرا لكم جميعا و ان شاء الله اقفل الصفقة مع فتح السوق النهارده
shobra
14-08-2011, 04:25 PM
توكل على الله واقفل الصفقه بمجرد افتتاح السوق
وان شاء الله ربنا يعوضك
مدير الموقع
14-08-2011, 04:26 PM
اهلا بك اخى الفاضل..
تابع التحليل الاسبوعى للعملات و الذى سيصدر بعد الافطار هذا الاسبوع و فيه تحليل للذهب ان شاء الله لعله يفيدك..
فنيا سيكون هناك المزيد من الهبوط للذهب و قد تخرج على ربحا
و لكن المشكلة فى شرعية هذا الامر و انا عمرى ما وضعت صفقة على الذهب ديمو او لايف و لكننى احلله عشان الاستثمار فيه..
تحياتى يا غالى و بالتوفيق ان شاء الله.
الله كريم
Eng.Hamada
14-08-2011, 07:21 PM
اهلا بك اخى الفاضل..
تابع التحليل الاسبوعى للعملات و الذى سيصدر بعد الافطار هذا الاسبوع و فيه تحليل للذهب ان شاء الله لعله يفيدك..
فنيا سيكون هناك المزيد من الهبوط للذهب و قد تخرج على ربحا
و لكن المشكلة فى شرعية هذا الامر و انا عمرى ما وضعت صفقة على الذهب ديمو او لايف و لكننى احلله عشان الاستثمار فيه..
تحياتى يا غالى و بالتوفيق ان شاء الله.
الله كريم
طب ياريت يا دكتور حضرتك تعمل موضوع وتخليه مثبت بالنقطة دي لاني بقالنا سنة معاكم واول مرة نعرف ان التجارة في الذهب والمعادن حرام وكذا مرة بنبقي بنتكلم حتي علي الشات العام للمنتدي عن الدخول في صفقات للدهب ومحدش نبهنا حتي انه حرام

وبإذن الله اخي الكريم تقفل الصفقة علي خسارة قليلة او نقطة الدخول
مدير الموقع
15-08-2011, 04:01 AM
مقدرش اعمل مواضيع لان انا كده حشيل الفتوى على كتافى..
على الجميع البحث و ان يستفتى قلبه.
بالنسبة للاخ الكريم اتمنى ان يكون الهبوط 10 دولارات للذهب يكون اخرجك منها على خير.
اتمنى ان تخرج و لا تطمع فى اى ارباح فالتجارة مع الله اكثر ربحا :)
الله كريم.
الحمصاني
15-08-2011, 07:13 AM
ربنا يعينك اخي

انا اقولك اخي ايش اخذك للذهب انت مبتدأ وذهبت الى الدهب لماذا اخي

ثم حط في بالك ان الوسيط لو انت تخسر او تربح هو يأخذ معاك ربح يعني يلعب عليك كل ما كبر مبلغك كانت فائدته هو كبيره

الله يعينك اخي ويخلف عليك

وانا انصحك تداول ف العملات احسنت ليها دعم ةقوي من حيث الشروحات

حياك الله