المساعد الشخصي الرقمي

مشاهدة النسخة كاملة : مصطلحات فوركس هامة

Wigan
21-08-2011, 03:57 AM
السلام عليكم

فى الفوركس بتواجهنا الفاظ ومصطلحات واختصارات ربما مش بنهتم بيها رغم اهميتها

خصوصا فى النيوز الخاصة ببرنامج التداول ، عشان كده باذن الله اعرض ليكم بعض المصطلحات الهامة دى

وخاصة اللى بتدينا تنبيه باتجاه السعر القادم ومدى تاثر السوق بالخبر

ابدأ باذن الله


ECO : جاية من كلمة economic اقتصاد ودى بنشوفها كل يوم فى الاخبار على البرنامج

WSJ : نشرة اخبار وول ستريت "وول ستريت جورنال "

Interbank Foreign Exchange Rates At 13:50 EST / 1750 GMT : توقيت سعر الفايدة والسواب للعملات بين البنوك فقط
وللعلم الاسبريد بين البنوك وبعضها احيانا بيكون ضخم جدا والبنوك بتعمل هدج لارصدتها عشان تحافظ على فلوس الناس

ECB : المركزى الاوربى

Eurobor : الايبور هوه سعر الفايدة "الاقراض" بين بنوك اروبا وكل ما يزيد معناها ان السيولة قليلة فى البنوك

يعنى مثلا لو ظهرلنا ان الايبور معدله fall يعنى السيولة كتير فى السوق وعمليات الضخ متوفرة والعكس

J.P. Morgan : اكبر بنك امريكى ومن البنوك المؤثرة فى الاقتصاد العالمى

Treasury 10-Yr Yield Fall To 1.5% Or Lower : السندات او اذون الخزانة لمدة عشر سنين انخفض سعر الفائدة عليها ودا معناه ان اسعارها بقت مرتفعة نتيجة الاقبال عليها = انخفاض شهية المخاطرة

FinMin : وزير الاقتصاد او المالية لكن غالبا المقصود هو المالية ودا بيختلف حسب تقسيم الوزارات ف الدولة

Yield : العائد او الفائدة على السند او الاصول

SNB : بنك سويسرى المركزى " الوطنى"

JGB : سندات اليابان

Cac : بورصة فرنسا / DAX : بورصة المانيا / Stoxx مؤشر بورصة اوربا لدول اوربا "اليورو فقط على ما اتذكر"

inflation : التضخم او ارتفاع الاسعار

Risk Aversion : الابتعاد عن المخاطرة = ارتفاع الين الفرنك الدولار = انخفاض الكيبل والاسترالى واليورو

buy bonds : شراء السندات

باذن الله نكمل الباقى
Wigan
21-08-2011, 04:32 AM
S&P و Fitch :

ستاندر اند بورز ومؤسسة فيتش دول من اكبر مؤسسات تقييم افتصادات الدول خصوصا قدرتها على سداد الديون

والتقييم زى AAA و AA+ و BBB الخ

Fed : المقصود الفيدرالى الامريكى او عضو الفيدرالى الامريكى خصوصا الاخ Dudley "الرئيس" اللى بيتكلم كتير ومعاه ploser

Crude : البترول الخام الامريكى

Y78.5 : سعر الدولار ين وطبعا السعر بيختلف

Weak data : بيانات ضعيفة او سلبية

profit taking : عمليات بيع لاخد الارباح "لم الربح" زى مثلا بيع اليورو بعد عمليات شراء طويلة وبيصاحب البروفيت تيكنج هبوط فى اليورو والاسترلينى والاسترالى

((يا ريت مشرف يعدل اول مشاركة لانى فى التعديل نسخت المشاركة عشان المنتدى بيفصل وبيدينى تايم اوت و للاسف التعديل والنص الاصلى ظهروا لما لزقت التعديل ))
Wigan
21-08-2011, 04:41 AM
باذن الله تعالى هتصفح الاخبار تانى فى برنامج التداول وانسخ الكلمات الهامة

صيام مقبول للجميع
Hany
21-08-2011, 05:42 AM
جزاك الله كل خير
biko_tork
21-08-2011, 09:10 AM
بارك الله فيك
معاذ عودات
21-08-2011, 11:09 AM
يعطيك الف عافيه اخي
الفاظ ومصطلحات جميله جدا ومهمة
مدير الموقع
21-08-2011, 11:24 AM
بارك الله فيك يا درش..
اسمح لى اغير الموضوع الى مصطلحات فوركس هامة
و ياريت كمان لو تدخل فيها مصطلحات اضافية.. و انا ساقوم باضافتها فى المشاركات الاولى..
تحياتى يا ويجان
msaleh2000
21-08-2011, 12:38 PM
موضوع رائع جدا
بارك الله فيك
بس عايز افهم معني الجملة دي

Interbank Foreign Exchange Rates At 13:50 EST / 1750 GMT : توقيت سعر الفايدة والسواب للعملات بين البنوك فقط
وللعلم الاسبريد بين البنوك وبعضها احيانا بيكون ضخم جدا والبنوك بتعمل هدج لارصدتها عشان تحافظ على فلوس الناس

ويعني ايه البنوك تعمل هدج لرصيدها
Wigan
21-08-2011, 01:05 PM
الحمد لله ان الموضوع عجب الناس وشرفنى مروركم الكريم :)

بارك الله فيك يا درش..
اسمح لى اغير الموضوع الى مصطلحات فوركس هامة
ويبارك فيك يا دكتره والموضوع دا موضوعك مش مستاهله استئذان :)

وشكرا لمعاذ على تعديل المشاركة

موضوع رائع جدا
بارك الله فيك
بس عايز افهم معني الجملة دي

Interbank Foreign Exchange Rates At 13:50 EST / 1750 GMT : توقيت سعر الفايدة والسواب للعملات بين البنوك فقط
وللعلم الاسبريد بين البنوك وبعضها احيانا بيكون ضخم جدا والبنوك بتعمل هدج لارصدتها عشان تحافظ على فلوس الناس

ويعني ايه البنوك تعمل هدج لرصيدها






شكرا لمرورك يا اخ محمد :)

سوق الانتر بانك دا خاص بالناس الكبيرة يعنى زى ما تقول فوركس مخصص للبنوك الكبيرة وصناديق الاستثمار وغيرهم والابريد بتاعه ضخم لان التعاملات بينهم بتكون فى مليارات

والمقصود بسعر الفائدة او الاقراض بشكل مبسط هو ان البنوك بتسلف بعضها لان السيولة مش متوفرة فى البنوك بشكل مستمر ، وبالتالى بيتحدد كل يوم سعر للاقراض مختلف حسب السيولة المتوفرة

اما المقصود بالهدج للايداعات فهو ان البنوك بتقوم بعمليات هدج للحفاظ على فلوس الناس عشان تحمى نفسها وتحمى فلوس المودعين
وكمان عشان تحافظ على سعر العملة من الارتفاع او الانخفاض
وعملية الهدج دا جزء صغير جدا من عمليات البنوك يعنى فى استثمار ومضاربات وغيره لكن الهدج ممطلوب عشان يحافظ على مبالغ المودعين والمستثمرين وغيرهم
msaleh2000
21-08-2011, 01:25 PM
مشكور جدا أخي ويجان علي التوضيح
بوركت
Wigan
21-08-2011, 02:27 PM
نكمل حوار المصطلحات اللى بتقابلنا فى اخبار برنامج التداول :

CDS : دى السندات ولما بنشوف اللفظ دا غالبا هيديك الاسبريد بينه وبين سند المانى

Slip / sink : معناه ان العملة وقعت تحت اوووى وسنك يعنى يغرق وسلب يعنى اتزحلق

bullback : العملة غيرت اتجاهها يعنى قابلت دعم قوى وصعدت او قابلت مقاومة ورجعت لاسفل من جديد

European policy : السياسة النقدية او الاقتصادية لاوربا ودى بيوضعها البنك المركزى

Equities : اسواق الاسهم والسندات والاصول

DJ : طبعا مش معناها الدى جى :) ، المقصود الداو جونز

Futures : المعاملات الاجلة (المستقبلية) ، يعنى تدفع هامش شرا عقد يورو ضخم مثلا او دهب او بترول وتبيعه فى تاريخ معين او زى ما تحب حسب الصفقة

Options: عقود الخيارات (المراهنات الربوية) / يعنى مثلا تفتح عقد شرا على اليورو ونته عارف انه هيصعد خلال اسبوع ((وبنفس الوقت تدى لنفسك خيار البيع لو هبط )) فى الحالة دى لو صعد هتخسر الهامش او العربون لكن هتكسب نقاط الصعود ولو هبط هتنفذ عملية بيع (لانك حطيت بند حق البيع فى الهبوط
الموضوع كبير طبعا لكن دا توضيح بسيط

Swap : وهو الفرق بين اسعار الفائدة او المعدلات بين قيمتين او عملتين ، يعنى لو الفائدة على الدولار 0.25 والفايدة على اليورو 1.50 فى حالة دى لو انته اشتريت دولار وبعت يورو واحتفظت بالصفقة لاكثر من يوم لازم يكون فى سواب (فرق فايدة)والفرق لصالحك لان اليورو اللى بعته فائدته اكبر من الدولار

carry trade : دا موال كبير ويعتبر السبب الرئيسى للتذبذب الكبير فى اسعار العملات فى اواخر السنة او شهور معينة
باختصار شديد جدا / الين مثلا فايدته 0.25 / هاخد قرض بالين فايدته 0.25 وهروح اشترى بالقرض دا سندات يورو بعائد مثلا 2.5 % او 3 % فى الحالة دى هستفيد خصوصا لما اليورو هيصعد قدام الين وكمان هسدد القرض من العائد الكبيروهحتفظ بالفرق
والكارى تريد ربا فااااااااحش

crisis : ازمة او كارثة

Dept : الدين اللى على الدولة او المؤسسة

Dept fears : مخاوف ازمة الدين بتنتشر فى السوق

tight / tighten : ضيق او تضييق يعنى تضييق السياسة المالية او تضييق الفائدة او السيولة

تضييق السياسة المالية يعنى وضع سياسة لكبح جماح مثلا ارتفاع الاسعار او السيولة او القروض الخ


quotes : التسعير او السعر

Bonds up / down : يعنى السندات ارتفع سعرها او انخفض

انخفض سعر السند يعنى محدش عايز سندات يا اما عشان اقتصاد الدولة اللى شارى السند الخاص بيها بقه ضعيف او عشان فى شهية مخاطرة وبيبيع السند عشان يخش يسترى يورو او عملة ليها عائد مرتفع

ارتفاع السند يا اما عشان فى مشكلة اقتصادية ف السوق والناس بتتجه للسندات القوية كأمان ( الامريكى والالمانى) او فى مزاد سندات والناس مقبلة عليها جدا
م.أحمد مقدادي
21-08-2011, 04:04 PM
مشكور اخي الكريم
بارك الله فيك
Wigan
21-08-2011, 05:58 PM
نكمل مشوار المصطلحات والالفاظ /

jobless : البطالة

Cpi : مؤشر اسعار المستهلكين يعنى التضخم

Slight : خفيف يعنى السعر بيتحرك بشكل خفيف او الهبوط والصعود كان خفيف

struggle : يكافح يعنى السعر بيكافح للاحتفاظ بالمستوى السعر اللى هوه فيه حاليا وغالبا لما يكون على دعم


forecast : توقع بمعنى توقع السعر واتجاهه

consumer :استهلاك / مستهلك

slowing economic growth : بطىء النمو الاقتصادى

yield curve : اتجاه العائد او منحنى العائد

10-year bond : سندات العشر سنوات يعنى السند الذى يستحق الدفع بعد عشر سنوات

T-bill : اختصار ل Treasury Bill يعنى اذون الخزانة ودى سندات قصيرة الامد ( تقريبا 6 شهور لغاية اقل من سنة )

* الشروحات يا اخوانا شخصية واى اضافة او تعديل يا ريت الناس تشارك بيها
Wigan
21-08-2011, 06:10 PM
despite Eurozone concerns : معناها بالرغم من مشاكل دول اليورو

pare gains : بنشوفها كتير ومعناها ان العملة فقدت ارباحها يعنى هبطت بعد ارتفاع كبير

bullish momentum : قوة عزم وزخم يعنى العملة اخدت قوة دافعه للصعود

NY : نيويورك

European Opening : افتتاح البورصات الاوربية ( المانيا وفرنسا )

slump : هبوط شديد زى Sunk برضه

Auction : مزاد بيع السندات

Fund : ايداع

finance : تمويل

MPC : اعضاء البنك المركزى الانجليزى

extend losses : استمرار الخسائر او استمرار هبوط العملة او الاسهم

historic low :قاع تاريخى للعملة او السند او السهم

مشكور اخي الكريم
بارك الله فيك
العفو يا احمد وشكرا على مرورك الكريم
Eng.Hamada
21-08-2011, 07:01 PM
في الجووووووووووووووووووووووووووووووووووووووووووووووو وووووووووووووووووووول يا ويجان
وبارك الله فيك وجعل الموضوع ده في ميزان حسناتك يارب
مشكووووووووووووور ياغالي
واحلي 5 نجووووووووم
spiderhoof
21-08-2011, 07:14 PM
مشكور اخى على مجهودك وفى انتظار جديدك دائما
Wigan
21-08-2011, 08:41 PM
في الجووووووووووووووووووووووووووووووووووووووووووووووو وووووووووووووووووووول يا ويجان
وبارك الله فيك وجعل الموضوع ده في ميزان حسناتك يارب
مشكووووووووووووور ياغالي
واحلي 5 نجووووووووم
الحمد لله ان الموضوع عجبك يا حماده وجزاك الله خيرا
مشكور اخى على مجهودك وفى انتظار جديدك دائما


العفو يا غالى شرفنى المرور
Wigan
22-08-2011, 05:37 PM
نكمل بامر الله تعالى

Risk Appetite: شهية المخاطرة / السوق اجوائه مشجعة وبالتالى المستثمر بيتجه للعملات والاصول اللى بتحققله عائد اعلى وبيتخلى عن الين والدولار والفرنك والاسترالى والدهب


sovereign dept : الديون السيادية / الدولة لما بتحتاج تمويل لميزانيتها او مشروعاتها بتصدر سندات والدول التانية والمؤسسات الضخمة بتشترى السندات دى بهدف الاستثمار طويل الاجل وبالتالى الدولة مجبرة على دفع ديونها المتثمله فى الديون دى .

growth fears : مخاوف النمو / هناك مخاوف بعدم حدوث نمو للاقتصاد

Global economy : الاقتصاد العالمى

G7 : مجموع السبع / الدول السبع الصناعية الكبرى بالعالم

maturities : الاستحقاق او اجل الاستحقاق ( تاريخ دفع السند او التامين)

MOF : وزير المالية
المحروم
17-02-2012, 09:17 PM
بصراحه موضوع اكثر من رائع جعله الله في ميزان حسناتك
ahmed badr
23-02-2012, 01:51 AM
شاكريين لك يا باشا ,,, متابعيين معاك