المساعد الشخصي الرقمي

مشاهدة النسخة كاملة : رايك و بامانة فى ويبينار تعليم فوركس

مدير الموقع
24-08-2011, 12:26 AM
السلام عليكم و رحمة الله و بركاته..
هذا الاستطلاع ياتى من منطلق بحث ارابيا عن الشفافية و فقط..

كنا قد وعدنا بتقديم ويبينار فى رمضان و نحن بالفعل قدمنا منه ستة حلقات و ننهى رمضان بشرح الفيبوناشى قبل ان ناخد راحة و ياخد المتابعين راحة منى و من صوتى لمدة اسبوع او عشرة ايام حتى ينتهى عيد الفطر و كل عام و انتم بخير مقدما

نود ان نسمع منك رأيكم فى الويبينار بكل صراحة..
هل استفدت من الويبينار و هل اضاف اليك شيئا جديدا ام انه كان كلاما مكررا و غير مفيد..
هل كان المحاضر على مستوى جيد ام كان دون المستوى.
هل كانت طريقة عرض الويبينار جيدة و مناسبة لك ام انها كانت صعبة التواصل..

فى انتظار تواصلكم لاننا قد نفكر فى تكرار الويبينار لم يلحق او فى عمل ويبينارات جديدة فى اقسام جديدة و ليكن البرمجة و الاكسبيرتات و التحليلات الاخرى و كمان اى حاجة يطلبها الاعضاء..

فى انتظار رأيكم بكل امانة و الاستطلاع سرى يعنى مش حنشوف صوتك ايه.

بس صوتك امانة :)

الله كريم.
msaleh2000
24-08-2011, 12:46 AM
السلام عليكم و رحمة الله و بركاته..
هذا الاستطلاع ياتى من منطلق بحث ارابيا عن الشفافية و فقط..

كنا قد وعدنا بتقديم ويبينار فى رمضان و نحن بالفعل قدمنا منه ستة حلقات و ننهى رمضان بشرح الفيبوناشى قبل ان ناخد راحة و ياخد المتابعين راحة منى و من صوتى لمدة اسبوع او عشرة ايام حتى ينتهى عيد الفطر و كل عام و انتم بخير مقدما

نود ان نسمع منك رأيكم فى الويبينار بكل صراحة..
هل استفدت من الويبينار و هل اضاف اليك شيئا جديدا ام انه كان كلاما مكررا و غير مفيد..

طبعا استفدت جدا جدا واعتبر ان هذا الويبينار هو بدايتي الحقيقية في عالم الفوركس
فقد سبق لي قراءة العديد من الكتب ومشاهدة فيديوهات كثيرة ولكن التواصل الحي مختلف تماما وكانت فكرة اكثر من رائعة نتمني تكرارها في مختلف الموضوعات المتعلقة بالتحليل الفني والرقمي والموجي والنفسي والأساسي وغيرها

هل كان المحاضر على مستوى جيد ام كان دون المستوى.

شهادتي مجروحة فمن انا لأقيم استاذي
كل ما يمكنني قوله
بارك الله فيه وزاده علما فوق علمه

هل كانت طريقة عرض الويبينار جيدة و مناسبة لك ام انها كانت صعبة التواصل..

جيدة جدا ترتيب تنظيم
ملاحظة وحيدة تحضير الشارتات قبل بداية الشرح
لاختصار الوقت في البحث عنها

فى انتظار تواصلكم لاننا قد نفكر فى تكرار الويبينار لم يلحق او فى عمل ويبينارات جديدة فى اقسام جديدة و ليكن البرمجة و الاكسبيرتات و التحليلات الاخرى و كمان اى حاجة يطلبها الاعضاء..

فى انتظار رأيكم بكل امانة و الاستطلاع سرى يعنى مش حنشوف صوتك ايه.

بس صوتك امانة :)

الله كريم.

انا حطيت صوتي في الصندوق
منتظر اعلان النتيجة
بس انا عارفها مقدما
99.99%
عشان الكمال لله وحده
nightmare
24-08-2011, 12:47 AM
بأمانة وبدون مجاملة ,, لك مني كل الدعوات ان يوفقك الله ويكرمك ويجعل عملك هذا في ميزان حسناتك ويرزقك من حيث لا تحتسب

كانت فيه حاجات بالنسبة لى صعبة جدا ومش قادر استوعبها وخاصة اشكال الشموع اليابانية والنماذج السعرية ,, وبفضل الله ثم فضلك الآن اعرفها بمجرد النظر إلي الشارت

خالص تقديري وإحترامي لحضرتك وبالتوفيق دائماً وأبداً
خالوود
24-08-2011, 01:16 AM
السلام عليكم ورحمة الله
هو الويبي كان رآآآائع وكافي وشافي، انا قرأت كل اللي قلته من قبل لكن الحلو في هدا كله ان جاء عن طريق مضارب على حسابات حقيقية يعني واحد يعرف طعم المضاربة الحقيقية، وان المقروء في الكراس مطبق عل ارض الواقع.
نظرا لخبرتي السابقة فقد لاحظت انك من صنف المضاربين الحذرين ولا تلعب هجوميا.
وفي هده الحالة فإن تاثيرك في المتلقي انه يتعلم المضاربة الحذرة.
ملاحظة اخيرة: تكوينك العلمي البحث خلى الويبي يظهر بطريقة مخالفة وليس بالطريقة الستندار التي لدى الناس اللذين لهم تكوين اقتصادي بحث.
عموما مبروك علينا وعليك
الله يحفظك لوالديك ولاسرتك الصغيرة ولنا جميعا
شكرا، شكرا، شكرا
م.أحمد مقدادي
24-08-2011, 01:19 AM
انا ماليش صوت لاني ما حضرتش
الباقي عند الشباب
Herr.Omar
24-08-2011, 01:26 AM
تسلم ايدك يا دكتور بجد والله يجزيك خير وياريت فعلا لو في امكانية الاستمرار في وبينارات تانيه عشان فعلا الناس بتستفاد

جزاكم الله خير
ابراهيم امين
24-08-2011, 01:32 AM
اكيد جميل علشان منك يا دكتور بس انا مقدرش اشارك قى كلو علشان ظروف رمضان
salah_852753
24-08-2011, 02:04 AM
في الحقيقة حضور الويبينار اونلاين يختلف كل الاختلاف عن مشاهدة الفيديوهات نفسيا و ذهنيا بحيث تكون مركز و متحمس و اي اشكالية في نقطة ما تقدر تستفسر عنها في اللحضة بالاضافة لشرح دكتورنا الحبيب الذي لم يبخل علينا باي معلومة.... بدون مجاملة اعطي الويبينار تقييم 9/10...
Hema
24-08-2011, 02:42 AM
السلام عليكم و رحمة الله و بركاته..
هذا الاستطلاع ياتى من منطلق بحث ارابيا عن الشفافية و فقط..

كنا قد وعدنا بتقديم ويبينار فى رمضان و نحن بالفعل قدمنا منه ستة حلقات و ننهى رمضان بشرح الفيبوناشى قبل ان ناخد راحة و ياخد المتابعين راحة منى و من صوتى لمدة اسبوع او عشرة ايام حتى ينتهى عيد الفطر و كل عام و انتم بخير مقدما

نود ان نسمع منك رأيكم فى الويبينار بكل صراحة..
هل استفدت من الويبينار و هل اضاف اليك شيئا جديدا ام انه كان كلاما مكررا و غير مفيد..
هل كان المحاضر على مستوى جيد ام كان دون المستوى.
هل كانت طريقة عرض الويبينار جيدة و مناسبة لك ام انها كانت صعبة التواصل..

فى انتظار تواصلكم لاننا قد نفكر فى تكرار الويبينار لم يلحق او فى عمل ويبينارات جديدة فى اقسام جديدة و ليكن البرمجة و الاكسبيرتات و التحليلات الاخرى و كمان اى حاجة يطلبها الاعضاء..

فى انتظار رأيكم بكل امانة و الاستطلاع سرى يعنى مش حنشوف صوتك ايه.

بس صوتك امانة :)

الله كريم.



صوتك امانه!!!! فكرتنى بالحزب الوطنى يا دكتور :1 (103):

طبعا الويبينار ناجح بكل المقاييس والمحاضر اكثر من رائع واللى يقول غير كدا يبقى انسان جاحد وانا استفدت منه شخصيا وبعتبر حضرتك انك استاذى واللى علمنى الف باء فوركس

انا طبعا حابب اننا ناخد حاجات متقدمه اكثر فى الفوركس من حضرتك لذلك انا بقترح لو حضرتك فكرت تعمل ويبينار اخر يبقى خاص بحاجات Advanced عشان نكون خبراء فى السوق وفاهمين كل حاجه ولكن دا بعد ما نتعلم من حضرتك الاساسيات طبعا

ربنا يبارك فيك يارب ويجازيك كل خير
boss999
24-08-2011, 03:04 AM
بصراحه الويبينار اكثر من رائع

احسن ما فيه التطبيق المباشر في السوق مما يجعلنا نفهمه بطريقة جميل جداً

جزاك الله الف خير د.اسامة
احمد صلاح
24-08-2011, 03:23 AM
كان نفسى اشارك فيه بس للاسف ظروف رمضان وانشغال ف معظم الاوقات .,,

وان شاء الله هكون معاكم ف المرات القادمه ...

وللعلم دى فكره رائعه جدا مش موجوده ف منتديات فوركس عربيه بس موجوده ف المواقع الاجنبيه ..,,

فكره جميله ومزيد من التطوير ال أف اكس اربيا معودانا عليه .,,
أم مريم
24-08-2011, 03:48 AM
أولا نود أن نشكر الله تعالى أن جعل لنا أخ كريم عونا لنا وندعو له بالتوفيق وتسديد خطاه فى جميع مناحى حياته الخاصة والعامة
واذا كان هذا الاستطلاع فهو اولا يظهر مدى حرص اف أكس اربيا على التعاون فى نشر وفهم سوق الفوركس وخاصة العالم العربى وفق الجميع فى موقعنا الرائد
وأما من ناحية الويبينار فهو طبعا شيق جدا وممتاز نظرا للتواصل بين الأستاذ وطلابه والمشاركة بينهم فى الحديث فهى فعلا فكرة رائعة ومميزة وطبعا ابدتنا نضع قمنا على أول خطوات تجار الفوركس وياريت مزيد من الويبينارات حتى يتم التواصل
وطبعا الويبينار غير ما يقدم عن طريق الفيديوهات المسجلة
واخيرا ندعو لجميع القائمين على هذا العمل بالتوفيق وأن الله يعطيهم خير الجزاء
وكل عام وانتم بخير بقرب حلول عيد الفطر المبارك أعاده الله على الجميع باليمن والبركات
Ahmed HeLmy
24-08-2011, 05:11 AM
الويبينار كان مفيد جدا وتعلمت منه حاجات كويسة اوي
بس اتمنى انه يكمل بعد الكورس الاساسي دا ببحاجات ادفنسد
ويببقا مثلا كل اسبوع في حاجة تختارها يا دكتور وتعمل عليها درس ويبينار
ورينا يباركلك يا دكتور ويجعله في ميزان حسناتك ان شاء الله
خالدمصطفى
24-08-2011, 06:07 AM
مجهود كبير منك جازك الله خير
Tarek adel
24-08-2011, 09:27 AM
انا شفت الحلقات مسجلة فقط وبالطبع اللى حضر ومكنش يعرف اساسيات الفوركس هو اللى يقيم احسن
لكن انا عندى طلب وهو ياريت يكون فى ويبنار للتحليل الاساسى لانى بصراحه اعانى منه
ساعات بلاقى الشارت متشقلب وكأنه الطوفان وملاقيش اى اخبار مهمة بس الناس هنا تقول اصل البنك الفلانى كان له تصريح عن معرفش ايه!
وساعات الاقى خبر مهم ومش مأثر خالص ده غير ان اختصارات الاخبار اللى بشوفها مش مفهومة خالص وبحاول بس انى ابعد عن الاخبار دى قدر المستطاع
لكن الاخبار موجوده على طول خصوصا لو مدى امر معلق ممكن يفعل وقت خبر.
التحليل الاساسى بالنسبة لى مشكلة
Eng_Anas
24-08-2011, 11:17 AM
أنا حضرت مرة و بجد كانت اكتر من راوعه .. و اتمنى لو كنت اقدر احضرة كله بس للأسف ظروف ... و الف شكر يا دكتور اسامه و ربنا يكرمك يا رب :)
معاذ عودات
24-08-2011, 11:25 AM
يا خساره ماليش صوت :confused:
ahmed35
24-08-2011, 08:43 PM
انا سجلت ولم استطع حضور المحاضرات السابقة بسبب ضروف وان شاء الله لن تفوتني محاضرة الفيبو يوم الغد وبصراحة وبدون مجاملة حيث شاهدت الفيديوات والله احسن طريقة يتعلم بها المبتدا وفي اسرع وقت
ومن حضنا الاستاذ وموقع ارابيا عامل الشيء هذا مجانا ففي جميع المواقع الاخرى محاضرات الوبينار لا تقل عن 300 $ . فجزاه الله كل خير وزاده من علمه الواسع
Benisafcom
24-08-2011, 08:57 PM
وعليكم السلام اهلا دكتور ونتمنى تكون بتمام الصحة و العافية.
كيف تقترح التصويت و الويبينار الكل شهد بنجحاته..بل البعض يقدمه بمقابل.... اما انت يا ستاذنا فقدمته مجانا في شهر الرحمة و المغفرة. نطلب من الله ان يجعله في ميزان حسناتك اضعافا مضاعفة.
اما النسبة لي عندما تقرا موضوع او كتابا عن الفوركس احس انني في درس نظري ..لكن عندما اكون داخل الويينار احس انني في التطبيقي...شكرا دكتور وجعله الله في ميزان حسانتك. و الويبينار يقيم ب 100000000000000000000000000000بالمية
تحياتي
اخوكم خالد
Samy
24-08-2011, 09:06 PM
لم أنل حظ التواجد بينكم

لكن الفيديوهات التى شاهدتها فيما بعد هايله

رائعه
sayed abdallah
25-08-2011, 01:37 AM
الويبنار مفيد واكثر من رائع
tarik elgalai
25-08-2011, 02:09 AM
الويبنار وسيلة ناجحة في تبليغ رسالة المنتدى الهادفة و الحقيقة نجاح هذه الوسيلة راجع الى الكفاءة التي يتمتع بها استاذنا الحبيب د أسامة عادل في تبيلغ هذه الرسالة..
نتمنى له المزيد من النجاح والمزيد من الترقي
يا رب
shobra
25-08-2011, 02:15 AM
جزاك الله خيرا يادكتور بصراحه ممتاز
وكمان فكره تكرار الويبينار فى اشياء اخرى مثل برمجه الاكسبرتات والمؤشرات اتوقع يكون الاقبال عليها كبيير جدا ان شاء الله
Benisafcom
25-08-2011, 04:15 AM
الويبنار مفيد واكثر من رائع


افادة و استفادة....في جو عائلي اخوي
farok
25-08-2011, 04:41 AM
صراحة ومن غير مجاملة
انا مشوفتش اى حلقة ولا اعرف عنه حاجة بس انا واثق بنسبة 100% ان الحلقات كانت مفيدة جدا والويبنار كان اكتر من رائع وان الدكتور اسامة راجل زى العسل:1 (105):
شادى جمال
25-08-2011, 09:30 AM
الوبينار كان هايل فوق الممتاز والدكتور بصراحة الواحد مش عارف يشكرة ازاى لكن أجمل شكر نقدمهولو هوة دعائنا لية بالصحة والستر وراحة البال لأنة فعلا انسان محترم بيحب الخير للناس ربنا يجعلة فى ميزان حسناتة ويخليلة اسرتة الجميلة وأخيرا انا يشرفنى انى اتعرفت على دكتور اسامة مع انى لسة ما قابلتوش شخصيا ويشرفنى انى انضميت لموقع محترم ( اف اكس ارابيا ) اللى انا شايف ان كل اعضائة ناس محترمين جدا و متعاونين وأكيد حيجى يوم نتقابل فية كلنا على خير انشاء اللة و كل عام وكل أعضاء اف اكس ارابيا بخير وعيد سعيد للجميع انشاء اللة
damoty
25-08-2011, 10:18 AM
السلام عليكم ورحمة الله وبركاته

اساسا مفيش كلام يقدر يوصف ولا يقدر اللى حضرتك عملتو معانا ومقدار الاستفاد الرائعة اللى اكيد كلنا اتعلمنا منها سواء كنا مبتدئين او خبراء
كفاية ان حضرتك ضحيت بوقتك ومجهودك لتعليمنا والويبينار اون لاين تحفة بجد لانى جربت اسمع فيدوهات مكانتش الاستفاده بنفس القدر الرائع ده وكنت بكسل اطبق بعد كده
فياريت لو حضرتك تكملو معانا فى مواضيع اخرى بعد منخلص الاساسيات لو مكناش هنتقل على حضرتك احنا عارفين اننا طماعين :1 (31): بس الطمع فى العلم حلو

اخر حاجة بشكرك لانك كنت السبب انى حبيبت الفوريكس اوى واتعلقت بيه ونويت باذن الله انى اكمل دراس علطول فيه ان شاء الله
وربنا يجازيك بالخير كله ويحققلك اللى تتمناه انت واسرتك الكريمة
مدير الموقع
25-08-2011, 10:54 PM
بأمانة وبدون مجاملة ,, لك مني كل الدعوات ان يوفقك الله ويكرمك ويجعل عملك هذا في ميزان حسناتك ويرزقك من حيث لا تحتسب

كانت فيه حاجات بالنسبة لى صعبة جدا ومش قادر استوعبها وخاصة اشكال الشموع اليابانية والنماذج السعرية ,, وبفضل الله ثم فضلك الآن اعرفها بمجرد النظر إلي الشارت

خالص تقديري وإحترامي لحضرتك وبالتوفيق دائماً وأبداً



بارك الله فيك يا نايت مير على الكلام الرقيق..
الحمد لله انه اضاف اليك شيئا هذا يسعدنى كثيرا :)


السلام عليكم ورحمة الله
هو الويبي كان رآآآائع وكافي وشافي، انا قرأت كل اللي قلته من قبل لكن الحلو في هدا كله ان جاء عن طريق مضارب على حسابات حقيقية يعني واحد يعرف طعم المضاربة الحقيقية، وان المقروء في الكراس مطبق عل ارض الواقع.
نظرا لخبرتي السابقة فقد لاحظت انك من صنف المضاربين الحذرين ولا تلعب هجوميا.
وفي هده الحالة فإن تاثيرك في المتلقي انه يتعلم المضاربة الحذرة.
ملاحظة اخيرة: تكوينك العلمي البحث خلى الويبي يظهر بطريقة مخالفة وليس بالطريقة الستندار التي لدى الناس اللذين لهم تكوين اقتصادي بحث.
عموما مبروك علينا وعليك
الله يحفظك لوالديك ولاسرتك الصغيرة ولنا جميعا
شكرا، شكرا، شكرا

اهلين خالوود حبيب الكل.
نعم انا مضارب صياد مش مضارب هجومى يعنى انا بستنى السعر يوصلنى لحد عندى عشان يقولى اتفضل ادخل..
لو وصل يبقى اكدلى تحليلى الصحيح..لو موصلش يبقى كفانا الله شر الخسارة.
الدخول كثيرا يخسرك كثيرا و انتظار الفرص الحقيقية افضل بكثير من الدخول فى انصاف الفرص فتتكبد خسائر..
بالفعل حاولت ان اضيف ذلك للاخوة لايمانى انها الطريقة الافضل للتداول فى فوركس :)
مشكور على مرورك و كلام الحلو..
يا حلو :)

تسلم ايدك يا دكتور بجد والله يجزيك خير وياريت فعلا لو في امكانية الاستمرار في وبينارات تانيه عشان فعلا الناس بتستفاد

جزاكم الله خير

اهلا عمر..
ان شاء الله بنفكر نعمل ويبينارات تانية فى حاجات ادفانسد مثل السكالبينج مثلا او تحليل موجى او تحليل اساسى برمجة اكسبيرتات وخلافه و لهذا فضلت السؤال عن اراء الاعضاء فى الويبينار لمعرفة ان كان هناك جدوى من تكراره من عدمه..
تحياتى يا عمر و متشكر على مرورك.

اكيد جميل علشان منك يا دكتور بس انا مقدرش اشارك قى كلو علشان ظروف رمضان

يا خسارة..
فاتنا كتير انك مش معانا اكيد كنا حنستفيد كلنا باسئلتك..
لكن متزعلش كله متسجل على اليوتيوب يا برنس :)
تسلم يا هيما.

في الحقيقة حضور الويبينار اونلاين يختلف كل الاختلاف عن مشاهدة الفيديوهات نفسيا و ذهنيا بحيث تكون مركز و متحمس و اي اشكالية في نقطة ما تقدر تستفسر عنها في اللحضة بالاضافة لشرح دكتورنا الحبيب الذي لم يبخل علينا باي معلومة.... بدون مجاملة اعطي الويبينار تقييم 9/10...

اهلا بيك اخى صلاح..
اشكرك على كلامك الرقيق و التقييم 9 تقييم ممتاز و انا ارى ان الويبينار يستحق اقل و لكن تقييمك على راسى من فوق.
اشكرك مرة تانية و اتمنى ان اكون افدتك.





صوتك امانه!!!! فكرتنى بالحزب الوطنى يا دكتور :1 (103):

طبعا الويبينار ناجح بكل المقاييس والمحاضر اكثر من رائع واللى يقول غير كدا يبقى انسان جاحد وانا استفدت منه شخصيا وبعتبر حضرتك انك استاذى واللى علمنى الف باء فوركس

انا طبعا حابب اننا ناخد حاجات متقدمه اكثر فى الفوركس من حضرتك لذلك انا بقترح لو حضرتك فكرت تعمل ويبينار اخر يبقى خاص بحاجات Advanced عشان نكون خبراء فى السوق وفاهمين كل حاجه ولكن دا بعد ما نتعلم من حضرتك الاساسيات طبعا

ربنا يبارك فيك يارب ويجازيك كل خير







وطنى وطنى يا وطن طن :)
وطنى مين يا عم دى حاجات خلصت من زمان.
اشكرك يا هيما على كلامك و احنا فى الادارة بنتدارس فى عمل ويبينارات اخرى من عدمه.
تحياتى يا رايق.

بصراحه الويبينار اكثر من رائع

احسن ما فيه التطبيق المباشر في السوق مما يجعلنا نفهمه بطريقة جميل جداً

جزاك الله الف خير د.اسامة

انت اللى اكثر من رائع
و سيكون احسن ما فيه هو تطبيقك انت لما تعلمت و مشاركتنا به هنا فى المنتدى :)
تحياتى للمرور الجميل و الدعوات الرقيقة.

كان نفسى اشارك فيه بس للاسف ظروف رمضان وانشغال ف معظم الاوقات .,,

وان شاء الله هكون معاكم ف المرات القادمه ...

وللعلم دى فكره رائعه جدا مش موجوده ف منتديات فوركس عربيه بس موجوده ف المواقع الاجنبيه ..,,

فكره جميله ومزيد من التطوير ال أف اكس اربيا معودانا عليه .,,


اهلا ابوحميد.
نعم احنا اول منتدى عربى يعمل ويبينار
و اول منتدى يترجم فيديوهات اجنبيه
و اول منتدى يعمل فيديوهات تعليمية كثيرة.
و اول منتدى يعمل افطار جماعى فى رمضان.
و اول منتدى......
حاجات كتير و ان شاء الله وجودك معنا يدفعنا دفعا نحو القمة..
تحياتى يا ذوق :)

أولا نود أن نشكر الله تعالى أن جعل لنا أخ كريم عونا لنا وندعو له بالتوفيق وتسديد خطاه فى جميع مناحى حياته الخاصة والعامة
واذا كان هذا الاستطلاع فهو اولا يظهر مدى حرص اف أكس اربيا على التعاون فى نشر وفهم سوق الفوركس وخاصة العالم العربى وفق الجميع فى موقعنا الرائد
وأما من ناحية الويبينار فهو طبعا شيق جدا وممتاز نظرا للتواصل بين الأستاذ وطلابه والمشاركة بينهم فى الحديث فهى فعلا فكرة رائعة ومميزة وطبعا ابدتنا نضع قمنا على أول خطوات تجار الفوركس وياريت مزيد من الويبينارات حتى يتم التواصل
وطبعا الويبينار غير ما يقدم عن طريق الفيديوهات المسجلة
واخيرا ندعو لجميع القائمين على هذا العمل بالتوفيق وأن الله يعطيهم خير الجزاء
وكل عام وانتم بخير بقرب حلول عيد الفطر المبارك أعاده الله على الجميع باليمن والبركات

شكرا ليكى ام مريم على الكلام الرقيق..
الصراحة انتى احد اكثر المهتمين و المتابعين فى الويبينار و اتوقع لكى مستقبل باهر لو استمريتى بنفس النشاط و الاداء.
المهم هو التطبيق و مشاركتنا بتحليلاتك و ارائك كى تفيدى و تستفيدى و هو هدف الويبينار الاساسى.
اتمنى لكى التوفيق و مشكور جدا على كلامك الرقيق و لكى و للجميع مثله ان شاء الله.

الويبينار كان مفيد جدا وتعلمت منه حاجات كويسة اوي
بس اتمنى انه يكمل بعد الكورس الاساسي دا ببحاجات ادفنسد
ويببقا مثلا كل اسبوع في حاجة تختارها يا دكتور وتعمل عليها درس ويبينار
ورينا يباركلك يا دكتور ويجعله في ميزان حسناتك ان شاء الله

اهلا ابوحميد.
ان شاء الله نعمل حاجات ادفانسد شوية.
خلينا نشوف الطلبات للاعضاء الكرام و نسعى فى تنفيذها..
تحياتى يا راجل يا طيب.

مجهود كبير منك جازك الله خير

و اياكم يا خالوود :)

انا شفت الحلقات مسجلة فقط وبالطبع اللى حضر ومكنش يعرف اساسيات الفوركس هو اللى يقيم احسن
لكن انا عندى طلب وهو ياريت يكون فى ويبنار للتحليل الاساسى لانى بصراحه اعانى منه
ساعات بلاقى الشارت متشقلب وكأنه الطوفان وملاقيش اى اخبار مهمة بس الناس هنا تقول اصل البنك الفلانى كان له تصريح عن معرفش ايه!
وساعات الاقى خبر مهم ومش مأثر خالص ده غير ان اختصارات الاخبار اللى بشوفها مش مفهومة خالص وبحاول بس انى ابعد عن الاخبار دى قدر المستطاع
لكن الاخبار موجوده على طول خصوصا لو مدى امر معلق ممكن يفعل وقت خبر.
التحليل الاساسى بالنسبة لى مشكلة

هو قسم التحليل الاساسى حناقشه تانى محاضرة بعد العيد و ان شاء الله تحضره و تفهمه كويس و كمان حنحاول نعمل حاجات خاصة بالاساسى زيادة
واضح ان فى ناس كتير بتعانى من الاساسى :)
تحياتى يا طارووق و فى انتظار رايك و مشاركاتك للاستفادة فانا اقدر رايك كثيرا جدا.

أنا حضرت مرة و بجد كانت اكتر من راوعه .. و اتمنى لو كنت اقدر احضرة كله بس للأسف ظروف ... و الف شكر يا دكتور اسامه و ربنا يكرمك يا رب :)



اتمنى انك تحضر باستمرار يا بشمهندس.
على اى حال الفيديوهات موجودة تقدر ترجع لها فى اى وقت..
تحياتى و ربنا يكرمك انت كمان :)

يا خساره ماليش صوت :confused:

عبر..
مين قدك :)

انا سجلت ولم استطع حضور المحاضرات السابقة بسبب ضروف وان شاء الله لن تفوتني محاضرة الفيبو يوم الغد وبصراحة وبدون مجاملة حيث شاهدت الفيديوات والله احسن طريقة يتعلم بها المبتدا وفي اسرع وقت
ومن حضنا الاستاذ وموقع ارابيا عامل الشيء هذا مجانا ففي جميع المواقع الاخرى محاضرات الوبينار لا تقل عن 300 $ . فجزاه الله كل خير وزاده من علمه الواسع

مستنيك فى محاضرة الفيبو و ان شاء الله تكون شيقة..
اما موضوع المال.
فما عند الله ابقى و اغلى :)


وعليكم السلام اهلا دكتور ونتمنى تكون بتمام الصحة و العافية.
كيف تقترح التصويت و الويبينار الكل شهد بنجحاته..بل البعض يقدمه بمقابل.... اما انت يا ستاذنا فقدمته مجانا في شهر الرحمة و المغفرة. نطلب من الله ان يجعله في ميزان حسناتك اضعافا مضاعفة.
اما النسبة لي عندما تقرا موضوع او كتابا عن الفوركس احس انني في درس نظري ..لكن عندما اكون داخل الويينار احس انني في التطبيقي...شكرا دكتور وجعله الله في ميزان حسانتك. و الويبينار يقيم ب 100000000000000000000000000000بالمية
تحياتي
اخوكم خالد

اهلا اخى خالد..
مقدر جدا رأيك الرقيق و اشكرك على اعطاء هذا التقييم للويبينار و ان شاء الله تكون استفدت و اضفت لك من العلم الكثير..
ان شاء الله نعمل حاجات تانية و برضه مجانية
احنا مش بناخد فلوس فى علم لانها حاجة توصم جبين ارابيا و لكننا نؤجر من الله فى نشر علمنا او نتحصل على اموال من منابع اخرى مفيدة.
لكن العلم..
نحن نميل لنشره و بالمجان للجميع :)

لم أنل حظ التواجد بينكم

لكن الفيديوهات التى شاهدتها فيما بعد هايله

رائعه



يا عم سامى وجودك فى ارابيا فى حد ذاته هايل و مكسب لينا..
نحن ننهل من علمك و ادبك و كفاية علينا كرمك و تواجدك معانا
يا قلب ارابيا النابض :)

الويبنار مفيد واكثر من رائع



ربى يبارك فيك
مرورك على راسى :)

الويبنار وسيلة ناجحة في تبليغ رسالة المنتدى الهادفة و الحقيقة نجاح هذه الوسيلة راجع الى الكفاءة التي يتمتع بها استاذنا الحبيب د أسامة عادل في تبيلغ هذه الرسالة..
نتمنى له المزيد من النجاح والمزيد من الترقي
يا رب

اهلا بين اخى طارق.
الحمد لله انه اعجبك و افادك و هذا تقدير كبير لارابيا
ان شاء الله نستمر فى تقديم علمنا للابد.

جزاك الله خيرا يادكتور بصراحه ممتاز
وكمان فكره تكرار الويبينار فى اشياء اخرى مثل برمجه الاكسبرتات والمؤشرات اتوقع يكون الاقبال عليها كبيير جدا ان شاء الله



فعلا فكرة كويسة و ده سبب فتح الموضوع.,
خلينا نراقب اقتراحات الاعضاء و نشوف رايهم و نراجع الادارة فى الامر.
شكرا ليك اهتمامك يا غالى.

صراحة ومن غير مجاملة
انا مشوفتش اى حلقة ولا اعرف عنه حاجة بس انا واثق بنسبة 100% ان الحلقات كانت مفيدة جدا والويبنار كان اكتر من رائع وان الدكتور اسامة راجل زى العسل:1 (105):

يا خسارة..
الويبينارات خسرت عدم تواجدك
لكن ان شاء الله اليوتيوب يستفيد من مراجعتك لما تم..
بالتوفيق يا روقة.

الوبينار كان هايل فوق الممتاز والدكتور بصراحة الواحد مش عارف يشكرة ازاى لكن أجمل شكر نقدمهولو هوة دعائنا لية بالصحة والستر وراحة البال لأنة فعلا انسان محترم بيحب الخير للناس ربنا يجعلة فى ميزان حسناتة ويخليلة اسرتة الجميلة وأخيرا انا يشرفنى انى اتعرفت على دكتور اسامة مع انى لسة ما قابلتوش شخصيا ويشرفنى انى انضميت لموقع محترم ( اف اكس ارابيا ) اللى انا شايف ان كل اعضائة ناس محترمين جدا و متعاونين وأكيد حيجى يوم نتقابل فية كلنا على خير انشاء الله و كل عام وكل أعضاء اف اكس ارابيا بخير وعيد سعيد للجميع انشاء اللة

ربنا يكرم اصلك اخى شادى
و متشكر على الدعاء و ربنا يجازيك و كل اعضاء ارابيا بمثله
و ان شاء الله نتقابل على خير و فى الخير دايما..
كفاية انك اسكندرانى..
يعنى اصلى..
و كفاءة :)

السلام عليكم ورحمة الله وبركاته

اساسا مفيش كلام يقدر يوصف ولا يقدر اللى حضرتك عملتو معانا ومقدار الاستفاد الرائعة اللى اكيد كلنا اتعلمنا منها سواء كنا مبتدئين او خبراء
كفاية ان حضرتك ضحيت بوقتك ومجهودك لتعليمنا والويبينار اون لاين تحفة بجد لانى جربت اسمع فيدوهات مكانتش الاستفاده بنفس القدر الرائع ده وكنت بكسل اطبق بعد كده
فياريت لو حضرتك تكملو معانا فى مواضيع اخرى بعد منخلص الاساسيات لو مكناش هنتقل على حضرتك احنا عارفين اننا طماعين :1 (31): بس الطمع فى العلم حلو

اخر حاجة بشكرك لانك كنت السبب انى حبيبت الفوريكس اوى واتعلقت بيه ونويت باذن الله انى اكمل دراس علطول فيه ان شاء الله
وربنا يجازيك بالخير كله ويحققلك اللى تتمناه انت واسرتك الكريمة

متشكر جدا اخت امنية على كلامك الرقيق و الحمد لله انى كنت سبب فى حبك للفوركس و المنتدى بشكل عام.
برضة اتنبئ لك بمستقبل باهر و نواة فوركساوية قوية ان شاء الله.
شرط الالتزام و الصبر و عدم الياس و المتابعة ان شاء الله.
ربنا يباركلك على كلامك الطيب.



اشكر كل الاعضاء الكرام على كلامهم الطيب الرقيق وان شاء الله يكون افادهم الويبينار.

لكن لازلنا لا نبحث عن تشكرات و ان كانت مقدرة و فوق رؤوسنا.
نبحث عن عيوبنا لنصححها ونتلافاها.
نبحث عن افكاركم و طلباتكم لننفذها و ندرجها فى خططنا.

شكرا ليكم اهتمامكم و الحمد لله نتيجة التصويت مفرحة جدا لى و لكل طاقم الادارة.

رمضان كريم و كل عام و انتم بخير.

الله كريم
رامى1
25-08-2011, 11:03 PM
بصراحة انا استفد فعلا ولكن للاسف بعض الوقت لا تسمح لى الظروف الحضور ولكن شرح جيد جدا وانا عن نفسى استفد منه

ربنا يبارك فيك يا دكتور و منتحرمش يارب من شروحاتك وافكارك وصوتك :1 (87):
abdellatif
25-08-2011, 11:14 PM
عمل رائع يادكتور جدا..كان بوسعي حظور الحلقات ولكن الوقت ضيق جدا..
بارك الله فيك ودائما الى الامام اف ايكس ارابيا
بالتوفيق
هيثم
26-08-2011, 12:50 AM
بجد وبينيار جميلل مفايه بس مجهود حضرتك وتعبك عشان توصل المعلومه ربنا يكرمك ويجعله فى ميزان حسناتك انا ليا طلب عندك يادكتور وبينار يكون للمتاجره الحيه التطبيق الليف للفرص وازاى حضرتك بتفكر لما بتعمل صفقه ويكون مثلا لمده شهر عشان كده هتبقى اضافه قويه للوبينيرات ايلى فاتت
lido
26-08-2011, 01:11 AM
ويبنار رائع لكل الناس وخاصة فى المستقبل واجمل ما فى دكتور اسامة انة بيحاكى التطور الرهيب فى تكنلوجيا نقل البيانات وهو من اوائل الناس حسب اعتقادى اللى اشتغل على الوبينار فى العالم العربى وان شاء اللة الناس تتعلم الفوركس من الوبينار وتتعلم كمان كيفية نقل المعلومات بطرق زكية جدا جدا تحياتى للدماغ الجميلة وفعلا مصر من اعظم دول العالم بفضل ولادها
هيثم
26-08-2011, 01:14 AM
دكتور اسامه اتمنى اشوف ورشه لحضرتك بتديرها زى ورشه عروس البحر المتوسط ولو حتى تعملها لمده شهر بهدف تطبيق العلم ايلى فى الوبينار وتبقى مشكور لجهد حضرتك وكل سنه وانت طيب