ايها الفوركسى الخبير المخضرم : ادخل ليستفيد المبتدئ المشتت

[mazen107]

السلام عليكم ورحمة الله وبركاتة

طبعاً انت عارفين اننى مبتدئ وانا ماشى فى الشارع وبقول انا مبتدئ انا مبتدئ ... طيب
هتكلم بلسان حال المبتدئين امثالى او الكثير منهم
طبعاً الفوركسى المبتدئ لما بيدخل السوق بيكون تايه وبيدور على شعاع نور يمشى علية
انا عن نفسى بعد ما انهيت الجزء النظرى بدأت ابحث عن طريقة متاجرة او استراتيجية كما يقال
المشكلة انى وجدت استراتيجيات كثيرة جداً جداً فزادتنى تشتيتاً

المطلوب من الخبراء والمخضرمين فى مجال الفوركس ان يمدونا نحن المبتدئين بخبراتهم حول استراتيجيات التداول
او كل واحد منهم يقول لنا هو بدأ بأى استراتيجية ويعمل بأى استراتيجية وهكذا
اعتقد الموضوع لو تم زى ما انا عاوز ... هيكون مرجع مفيد جداً جداً لمبتدئى بل ولجميع اعضاء المنتدى
يعنى المبتدئين يتعلموا استراتيجيات عن تجربة
والخبراء يكملوا بعضهم البعض للوصول لما هو افضل
اشكركم جداً

[alshreef2011]

مرحب بالاخ مازن

لكى تبدا فى مرحلة التطبيق او تبقى محلل
يجب ان تبدا المناقشة والتحليل مع الورش الحالية
ناقش واسال واستشير
ومافيش مشكلة لو عملت موضوع تحت عنوان تحت التجريب
الشباب مش حيقصر مع حضرتك لمساعدتك او توجيهك نحو الصحيح

الاهم اكسر حاجز انك مبتدا وابدا بالتطبيق ووقتها حتحس بالفرق

واى مساعدة ياغالى اخوك موجود
توكل واشرح على الشارت وحتابعك باذن الله
ولو ناوى على استراتجية معينه انا معاك اشرحها وحناقش معاك وابدا البداية الصحيحة فيها واعتبرها اول خطوة لكسر حاجز المبتدا

[أ.نادر غيث]

حقول لك حاجة حتوفر عليك وقت كبير في التدريب انا مريت فيه
وهي ( ما اضيعش وقتك في دراسة المؤشرات ) دي عبارة بحروف من ذهب ستوفر بها الكثير من وقتك

[معاذ عودات]

اهلا يا غالي
طبعا الكل هنا مبتدئ ولكن مبتدئ عن مبتدئ تفرق
في بدايات الفوركسيه وقعت في نفس المشكله التي يقع فيها الكل
وهي التخبط بين الاستراتيجات ولا اعرف هل هي صالحه لتجاره ام لا ,,
وجربت وجربت
حتى حذفت الميتاتردر كامل هو واستراتيجياته
وبدأ بتعلم ادوات التحليل الفني
فايبو .. موفنج .. ترند .. بولنجر .. النماذج السعريه
ومنها لم اترك التحليل الفني
لانه الوحيد القادر على اعطائي نظره السوق للامام

[husseney]

بس يا مازن انا بردوا لسه بتعلم ومبتدى زيك ومريت بنفس المراحل دى كلها ونزلت فوق ال100 استراتيجه وجمله موثوق منها ولا يختلف عليها شخص واحد انى مفيش استراتيجه بتكسب على طول بس الاستراتيجه الناجحه هى اللى بيكون عدد صفقات الناجحه اكبر من عدد الصفقات الخساره
والاستراتيجات زى ما بيقولوا لكل شيخ طريقه هتلقى ناس بتبيع وناس بتشترى وناس بتكسب وناس بتخسر فى نفس الوقت والسوق هو هو واحد بس نصيحه قبل ما تستخدم اى استراتيجه افهم الاول التحليل الفنى وافهم النماذج كويس جدا وافهم المؤشرات وبعد لما تتعلمهم كلهم هتلقى نفسك بتعمل استراتيجه وتسميها استراتيجه مازن وهتنزلها فى المنتديات ما الناس اللى عامله استراتيجات دى مش ملائكه دول ناس مبتدئين واتعلموا زيك اتمنى يكون راى وصلك

[أحمد الرويني]

بصراحة عن نفسي جربت أستراتيجيات و مؤشرات كثيره و كلها تحت مسمي رحلة المليون و الي يقول حولت 100 دولار إلي 100 ألف بهذا المؤشر و هذه الاستراتيجية :)

و لكن بعد خسائر فادحة بهذه المؤشرات و الاستراتيجيات لم أجد أجمل من الكلاسيكي نعم التحليل الكلاسيكي دعوم و مقاومات فقط

بأستخدم أسهل أدوات التحليل و هي الموفينجات و رسم الترنداد و الفيبو و النماذج السعرية لم أجد أفضل من ذلك في المتاجره

بالتوفيق ،،،

[علاء حمدان]

انا تحركت بمبدء كنت بستخدمه في ايام دراستي بكلية التربية
امسك الكتاب اقراءة كالقصص فقط وانت بتقراء حط خطوط تحت المناطق اللي تشعر انها تهمك
في النهاية استخلص المناطق الهامه وكدا خلص الكتاب

يعني انا في الفوركس شاهدت كورس الدكتور اسامة وفعرفت معني الفوركس شاهدته مرة واتنين تخيل حتى وانا بعمل اي حاجه ممكن اشغله من غير ما اتفرج عليه فقط استماع
وبعدها وجدت اني لا احتاج في الوقت الحالي سوي ان افهم التحليل الفني جيدا وبعدها افضل المؤشرات فقط بحد اقصي 3 مؤشرات على الشارت
وان شاء الله هنتقل فى الفترة اللي جاية للتحليل الاساسي بشكل اكبر
يعني انت بتستخلص وبتركز على نقاط وتنتقل بالتدريج وربنا يوفق الجميع

[طائر الشمال]

وجهة نظري الخاصه انني أفكر بما سيحدث يمين التشارت ...

يعني أبدأ بما انتهى به الاخرون ...

طبعا من خلال القناة والفيبوناتشي وفق شروط محدده

لدخول الصفقات ... سبق وأن ذكرتها في احدى المواضيع ..

[mazen107]

الحمد لله ... الموضوع اخذ اهتمام ويعتبر اخذ الشكل اللى انا عاوزة

احب اشكر كل من رد ومن سيرد
بصراحة كلام من ذهب واستفدت من جميع الردود والنصائح
وبصراحة اكثر نوعيات الاجابان التى كنت انتظرها بخلاف النصائح طبعا
هى نوعية الطرق الذى يستخدمها كل متاجر
تمام مثل هذا الرد





بصراحة عن نفسي جربت أستراتيجيات و مؤشرات كثيره و كلها تحت مسمي رحلة المليون و الي يقول حولت 100 دولار إلي 100 ألف بهذا المؤشر و هذه الاستراتيجية :)

و لكن بعد خسائر فادحة بهذه المؤشرات و الاستراتيجيات لم أجد أجمل من الكلاسيكي نعم التحليل الكلاسيكي دعوم و مقاومات فقط

بأستخدم أسهل أدوات التحليل و هي الموفينجات و رسم الترنداد و الفيبو و النماذج السعرية لم أجد أفضل من ذلك في المتاجره

بالتوفيق ،،،



مع كل تقديرى للردود الاخرى

[mazen107]

اشكركم جداً

[مدير الموقع]

اما عن نفسى فلى قصة طويلة مع الفوركس..
بدات فى العام 2004 و كانت انذاك رحلة المليون للاخ ابو عبد الله باستراتيجية الترند المكسور و كانت طريقة رائعة للغاية و لازالت لانها تعتمد على الكلاسيكى بشكل كبير..
ثم بعد ذلك بدات اتوسع فى بحر العلم و جربت عشرات الاستراتيجيات مثل استراتيجية بورسعيد و لندن بريك اوت و الكثير من الاشياء القديمة نسبيا.
ثم عرفت فى النهاية اننى يمكننى بنفسى عمل استراتيجية بعد دراسة السوق جيدا و قمت بصياغة استراتيجية النظرية النسبية و كانت احد الاستراتيجيات الرائعة فى نهايات العام 2008 و حصلت على اعجاب الكثيرين..

و لكن سيظل الكلاسيكى وورشة عروس البحر المتوسط هى الورشة الخالدة فى حياتى و فيها علمت و تعلمت الكلاسيكى و حققنا سويا عشرة الاف نقطة فى ستة اشهر و كانت ايام رائعة للعمل على الكلاسيكى..

الان لا يوجد الا الكلاسيكى اعمل به و منذ فترة و متاقلم معه و لكن يعيبه الصعوبة المفرطة فى الفهم فى البداية ثم صعوبة التطبيق و لكن فى النهاية و مع التركيز و استخدام اكثر من فلتر لتاكد الصفقات تجد صفقاتك الرابحة اكثر من الخاسرة و تجد ايضا ستوب لوز مناسب يمكن وضعه اعتمادا على اساسيات و ليس عشوائيات و مجرد ارقام..

اعكف حاليا على دراسة الماركت ديبث و حركات اوعية السيولة الضخمة و ان شاء الله لما اصل لشيئ نتواصل فيه سويا بس اكون قادر على شرحه اولا..
تحياتى يا غالى و مشكور للموضوع الرائع.

[Tarek adel]

امسك نوع تحليل واحد ومتسيبهوش غير لما تفهمه كويس
وكحال باقى الزملاء ارى الكلاسيكى هو الافضل علاوة على ان اغلب التحليلات هنا فى المنتدى تقوم على هذا النوع من التحليل فتقدر تطور نفسك باستمرار
لكن هتمشى ورا كل واحد يقولك ورشه الهرامونيك هتنسيك الام الماضى وورشة القنوات السعرية هتدوقك الايام الهنية والموءشر الرهيب الذى تحدى العمالقة
مش هتخلص وفى الاخر نسب النجاح اراها متقاربة بس المهم تتقن اسلوب واحد منهم وبعد كده عاوز تضطلع على اساليب اخرى هيكون فى ايدك

[shobra]

افضل استراتيجيه ليك هيا ايلى انت هتخترعها

[mazen107]

اما عن نفسى فلى قصة طويلة مع الفوركس..
بدات فى العام 2004 و كانت انذاك رحلة المليون للاخ ابو عبد الله باستراتيجية الترند المكسور و كانت طريقة رائعة للغاية و لازالت لانها تعتمد على الكلاسيكى بشكل كبير..
ثم بعد ذلك بدات اتوسع فى بحر العلم و جربت عشرات الاستراتيجيات مثل استراتيجية بورسعيد و لندن بريك اوت و الكثير من الاشياء القديمة نسبيا.
ثم عرفت فى النهاية اننى يمكننى بنفسى عمل استراتيجية بعد دراسة السوق جيدا و قمت بصياغة استراتيجية النظرية النسبية و كانت احد الاستراتيجيات الرائعة فى نهايات العام 2008 و حصلت على اعجاب الكثيرين..

و لكن سيظل الكلاسيكى وورشة عروس البحر المتوسط هى الورشة الخالدة فى حياتى و فيها علمت و تعلمت الكلاسيكى و حققنا سويا عشرة الاف نقطة فى ستة اشهر و كانت ايام رائعة للعمل على الكلاسيكى..

الان لا يوجد الا الكلاسيكى اعمل به و منذ فترة و متاقلم معه و لكن يعيبه الصعوبة المفرطة فى الفهم فى البداية ثم صعوبة التطبيق و لكن فى النهاية و مع التركيز و استخدام اكثر من فلتر لتاكد الصفقات تجد صفقاتك الرابحة اكثر من الخاسرة و تجد ايضا ستوب لوز مناسب يمكن وضعه اعتمادا على اساسيات و ليس عشوائيات و مجرد ارقام..

اعكف حاليا على دراسة الماركت ديبث و حركات اوعية السيولة الضخمة و ان شاء الله لما اصل لشيئ نتواصل فيه سويا بس اكون قادر على شرحه اولا..
تحياتى يا غالى و مشكور للموضوع الرائع.




اذا كان الموضوع مميز فإن ردك ما يميزة

انا اول ما قرأت ردك كنت عاوز اقول : ايوة كدة يا *********

اعتقد بكدة نقدر نستفيد انا وزملائى الجدد (بطلت اقول مبتدئ بناءأ على نعليمات احد المخضرمين)

اشكرك كداً يا دكتور

[mohammed tamara]

انا متفق مع كل الكلام اللى اتقال ...فعلا الكلاسيكى يتربع على عرش القمه وانا باستخدمه كمان زى زى الباقيين.....وليا نصيحه ليك ويمكن الدكتور قالها بس بطريقه تانيه .....سيبك من الاستراتيجيات اللى موجوده لان كل واحد عامل الاستراتيجيه (( بالطريقه اللى فاهم بيها السوق من وجه نظره )) ودا مش معناه انك انت كمان لازم تفهمها زيه ... ولكن دا لا يعنى ان كل الاستراتيجيات هتكون غير مفهومه بالمره واكبر دليل استراتيجيه الترند المكسور والنظريه النسبيه اللى الدكتور ذكرهم ناس كتير بتستخدمهم وعاجباهم ....الخلاصه اعمل الاستراتيجيه الخاصه بيك وان كنت غير خبير فى عمل تمبيت او اسكريب او غيره ممكن تبحث عن استراتيجيه تتفق ( مع فهمك ورؤيتك للسوق ) وتستخدمها...افتكر دا ان كتر استخدام استراتيجيات كتير ممكن يخسرك اكتر ما يكسبك لانك هتبقى مشتت بينهم كلهم وفى الاخر هتلاقى الصفقه ضاعت منك وانت لسه مش عارف هتعمل ايه .....اما بالنسبه ليا انا باستخدم استراتيجيه THV يالاضافه للتحليل الكلاسيكى اساااااسى....ممكن تجربها ولو لاقتها ماشيه مع دماغك يبقى ألف مبروك عليك يا كبير

[mazen107]

انا متفق مع كل الكلام اللى اتقال ...فعلا الكلاسيكى يتربع على عرش القمه وانا باستخدمه كمان زى زى الباقيين.....وليا نصيحه ليك ويمكن الدكتور قالها بس بطريقه تانيه .....سيبك من الاستراتيجيات اللى موجوده لان كل واحد عامل الاستراتيجيه (( بالطريقه اللى فاهم بيها السوق من وجه نظره )) ودا مش معناه انك انت كمان لازم تفهمها زيه ... ولكن دا لا يعنى ان كل الاستراتيجيات هتكون غير مفهومه بالمره واكبر دليل استراتيجيه الترند المكسور والنظريه النسبيه اللى الدكتور ذكرهم ناس كتير بتستخدمهم وعاجباهم ....الخلاصه اعمل الاستراتيجيه الخاصه بيك وان كنت غير خبير فى عمل تمبيت او اسكريب او غيره ممكن تبحث عن استراتيجيه تتفق ( مع فهمك ورؤيتك للسوق ) وتستخدمها...افتكر دا ان كتر استخدام استراتيجيات كتير ممكن يخسرك اكتر ما يكسبك لانك هتبقى مشتت بينهم كلهم وفى الاخر هتلاقى الصفقه ضاعت منك وانت لسه مش عارف هتعمل ايه .....اما بالنسبه ليا انا باستخدم استراتيجيه THV يالاضافه للتحليل الكلاسيكى اساااااسى....ممكن تجربها ولو لاقتها ماشيه مع دماغك يبقى ألف مبروك عليك يا كبير


شكراً ليك يا اخى على ردك

بالمناسبة انا بحب البساطة اكثر من التعقيد يعنى استراتيجية اساسها دعوم ومقاومات وترندات هى اللى تجذبنى

ثم ماذا عن THV ؟

[mazen107]

وجدت THV فيديو ومترجم كمان فى افضل منتدى فوركس تعليمى


فيديو:نظام جديد للمتاجرة فى فوركس THV (http://www.fx-arabia.com/vb/showthread.php?t=10562)

[pure_laser]

السلام عليكم
كل الاجابات رائعه و مفيده
ابو بشار اجابتك ليها طعم خاص
استغفر الله
شكرا