استراحة المسابقة الحقيقة لابطال اف اكس ارابيا

[ابراهيم امين]

السلام عليكم و رحمة الله و بركاتة



سوف نخصص هذا الموضوع كاستراحة لمتسابقى المسابقة الحقيقة لابطال اف اكس ارابيا اللى سوف تستمر لمدة اسبوعين من الان و تنتهى يوم 25-11-2011


اتمنى من الكل الفوز فى المسابقة و تحقيق ارباح طيبة و اتمنى من الكل المحافظة على رصيد البداية






منتظرين تفاعل المتسابقين و كل الاعضاء فى الموضوع و بالتوفيق للكل

[Herr.Omar]

بالتوفيق ياهيما ومشكور علي الموضوع

[علاء حمدان]

موضوع متميز وان شاء الله الكل يربح من حسابته اولا بغض النظر عن الفوز بالمسابقة فالفوز الحقيقي هو تنمية الحساب والوصول لارباح دائمه
تحيتي للجميع والله الموفق

[م.محمد عبد القوى]

بالتوفيق للجميع ان شاء الله

[م.محمد صالح]

موفقين يا شباب

[د/محمد حسام]

بالتوفيق للجميع ان شاء الله

[امير محمد عيسي]

بالتوفيق ان شاء الله
بس هى المسابقة هتبدء من النهاردة ولا بكرة 15/11/2011

السلام عليكم.
يسعدنا ان نفتح باب التسجيل فى المرحلة الثانية من مسابقة

ابطال اف اكس ارابيا

و التى ستبدأ فعالياتها بداية من يوم
15 نوفمبر 2011 و لمدة اسبوعين ان شاء الله فى التداول على الحسابات الحقيقية

سيصعد من المرحلة الاولى عدد 16 متسابقا الرابحين فى اسابيعها الاربعة و يشترك معهم 16 متسابق الذين سيقوموا بالتسجيل من هذا الموضوع .

للتسجيل فى المسابقة يرجى فتح حساب حقيقى او شحن حسابك الحقيقى الحالى

- يرجى ارسال رسالة ايميل توضح التالى:

- اسم المتسابق:
- المعرف فى المنتدى:
-البريد الالكترونى:
- رقم الحساب:

على الايميل التالى support@fx-arabia.com

- يرجى العلم انه سيتم ايقاف التسجيل التسجيل لاى حسابات جديدة فور وصول العدد المسجل الى 16 حساب..

يرجى سرعة التسجيل للحاق بفرصة التداول و الربح فى الجائزة الكبرى.

للمزيد من التفاصيل عن الجوائز و مسابقة الدور الاول يرجى مراجعة الموضوع الاصلى من هنا

مسابقة ابطال اف اكس ارابيا بجوائز 4000$ (http://www.fx-arabia.com/vb/showthread.php?t=13593)

لفتح حساب حقيقى يرجى زيارة هذا الرابط.

افتح حسابك الاسلامى مع FXDD و تمتع بدعم اف اكس ارابيا (http://www.fx-arabia.com/vb/showthread.php?t=24)


بالتوفيق للجميع ان شاء الله

مع تحيات
ادارة اف اكس ارابيا

[د/محمد حسام]

بالتوفيق ان شاء الله

بس هى المسابقة هتبدء من النهاردة ولا بكرة 15/11/2011





المسابقه بدات من النهارده اخي الكريم امير بالتوفيق ان شاء الله

[معاذ عودات]

صباح الخير يا اهل الخير
وان شاءالله مسابقه ناجحه وموفقه
تحياتي

[toty]

من الى شات مع هبوط اليورو النهاردا و قدر يكسب ؟؟؟؟؟؟؟؟؟؟؟؟؟؟؟؟؟؟؟؟؟

[Sherif2009]

اتجرأ واقول انا جايب كام


انا عامل 101 بس

مين يزود ؟ :1 (32):

[Tarek adel]

موفقين يا حلوين كان نفسى انافس معاكوا بس صعب اوى حد يكسب بالاومر المعلقة فقط :D

[farok]

موفقين يا حلوين كان نفسى انافس معاكوا بس صعب اوى حد يكسب بالاومر المعلقة فقط :D
ليه ؟
هوه من شروط المسابقة انى مشتغلش الا بالاوامر المعلقة بس ؟

[Tarek adel]

ليه ؟
هوه من شروط المسابقة انى مشتغلش الا بالاوامر المعلقة بس ؟
لا يا باشا بس انا مش بفتح الشارت غير الساعه 6 العصر بيكون السوق نام خالص فبعتمد على الاوامر المعلقة صباحا وهو اسلوب سىء جدا الحقيقة لان احيانا بتفوتنى فرص كتير واحيان اخرى اتدبس فى صفقة كان المفروض اقفلها..الحل عندى فى الاوامر المعلقة او السوينجات بس
وانا بخاف من السوينجات بصراحه :D

[Sherif2009]

لا يا باشا بس انا مش بفتح الشارت غير الساعه 6 العصر بيكون السوق نام خالص فبعتمد على الاوامر المعلقة صباحا وهو اسلوب سىء جدا الحقيقة لان احيانا بتفوتنى فرص كتير واحيان اخرى اتدبس فى صفقة كان المفروض اقفلها..الحل عندى فى الاوامر المعلقة او السوينجات بس
وانا بخاف من السوينجات بصراحه :D


يا راجل هو في حاجة اسمها 6 العصر

دي في اني بلد دي ؟ :1 (97):

[alshreef2011]

بالتوفيق يارجاله فى المسابقة الجديدة

ومش شايف فيه ساقع انا :1 (27):

[ابراهيم امين]

اية الاخبار يا رجالة اعتقد فى كتير دبلو انهردة و فى اكيد اتمرجنوا

نتنمنى التوفيق للكل و خلى بالكو دول 100 دولار يطيروا فى صفقة غلط

[Benisafcom]

بالتوفيق للجميع
ممكن نسمع اكبر رصيد كام؟؟؟;)

[toty]

صدقنى الى يدبل بسرعة يخسر بسرعة اكبر

[WaQQaD]

بالتوفيق ان شاء الله يا شباب

متابعين معكم

[farok]

شدوا حيلكم يا رجالة
دول 100$ فقط
يعنى
اللى هيطمع هيخرج بدرى
واللى هيتسرع برضه هيخرج بدرى
اصعب شىء للمتداول هو تحقيق ربح من رصيد صغير

[husseney]

المسابقه دى فيها حيتان واظن مفيش ناس كتير مش هتهرج بارباح لكن مش هتخرج بحسابو
احسنوا اداراه راس المال فى الاول والاخر بعيد عن المسابقه والجوائز الفائز هو من يحصل على ربح بحسابو حتى لو بسيط وليست الجائزه اللى هنخدها
اسالوا مجرب انا اسرع واحد مرجنت حسابى فى ربع ساعه فقط لاغير بس حساب المسابقه لسه مش بدات اشتغل بى ربنا يستر

[معاذ عودات]

معقول في ناس دبلت الرصيد ؟؟

[husseney]

معقول في ناس دبلت الرصيد ؟؟



ده سوال ولا خبر ولا اى

[معاذ عودات]

ده سوال ولا خبر ولا اى

في علامتين استفهام ؟؟
يعني سؤال
:1 (27):

[husseney]

في علامتين استفهام ؟؟
يعني سؤال
:1 (27):

تمام !!
فى حد قدر يدبلر الحساب ولا لسه ؟؟
طيب فى حد قدر يمرجن الحساب ؟؟
ما انى متاكد من اجابه السوال التانى بشده

[alshreef2011]

تمام !!
فى حد قدر يدبلر الحساب ولا لسه ؟؟
طيب فى حد قدر يمرجن الحساب ؟؟
ما انى متاكد من اجابه السوال التانى بشده

\

فين الساقع ياكبير :1 (27): بتاع تدبيل الحساب :1 (67):

[damoty]

تدبيل مين فى يومين ياجماعة

اما السوق شغال مرجيحة وربنا يستر علينا من التسرع والطمع

بالتوفيق يارب للجميع ويارب الكل يفوز بمكسب فى حسابه اهم حاجة ان شاء الله

[husseney]

تدبيل مين فى يومين ياجماعة

اما السوق شغال مرجيحة وربنا يستر علينا من التسرع والطمع

بالتوفيق يارب للجميع ويارب الكل يفوز بمكسب فى حسابه اهم حاجة ان شاء الله

تمام يا امنيه ده اللى بقول عليه المكسب مش الجوائز من المنتدى المكسب اللى يقدر يعمل ارباح فى الحساب
علشان فى الاول والاخر ده حسابك انت محدش هياخد منك حاجه

[husseney]

\

فين الساقع ياكبير :1 (27): بتاع تدبيل الحساب :1 (67):

بس كده ده صندوق ساقع ليك وكارت شحن كمان
بس لما ندبل الاول

[ابراهيم امين]

اية الاخبار يا شباب يارب الكل يكون ربحان

[Kimo]

الظاهر ان الرجالة خايفة من الحسد :1 (114):

[Kimo]

انا عن نفسي حاطط هدف 10% يوميا وقدرت احقق ده في اول يوم

وانتو عاملين ايه؟؟:1 (105):

[damoty]

:1 (35): للاسف كنت ماشية حلو جدا اتسرعت فى 3 صفقات دخلتهم بتسرع اكلو الربح :1 (35):

ربنا يستر بقى:1 (89):

بالتوفيق يارب للجميع ان شاء الله

ياريت ياجماعة بلاش تسرع عشان منضيعش حسابتنا انا جربت التسرع وحش جدا

[أحمد الرويني]

بالتوفيق للجميع أهم شئ إداره رأس مال صحيحة علي حسابتكم الحقيقية

http://www.fx-arabia.com/vb/showpost.php?p=233862&postcount=3350

[farok]

اللى حاطط فى دماغه انه عايز يكسب علشان يفوز بالمسابقة
هيخسر !!
والعكس صحيح اللى هيتداول بالعقل وبالراحة ومش حاطط هدف الفوز هوه اللى هيكسب
بالتوفيق

[أ.نادر غيث]

بالتوفيق لكل المتسابقين
ونصيحة اخوية بعدم التهور وضبط المخاطرة

[مدير الموقع]

خلينى اسخن الموضوع شوية بشوية نتائج كده بسيطة

نجح احد المتداولين فى تحقيق 103% فى يوم واحد.
متسابق اخر حقق 55% فى يوم..
متسابق اخر حقق 45%
متداول اخر محقق 25% من الحساب..
و اخر 35%
و اخرين يتراوحون بين 1-20%

فى حين لقى حسابين مصرعهم و اصيب 4 اخرين جراء زلزال اليورو عنيف..

كنتم مع تقرير مسائى خفيف للتشجيع :)
بالراحة على حساباتكم يا شباب :)
الله كريم

[Kimo]

جبت الكلام ده منين يادكتور؟؟:1 (3):

هو معاكو بسوردات الانفستور ولا ايه:1 (90):

[ابراهيم امين]

خلينى اسخن الموضوع شوية بشوية نتائج كده بسيطة

نجح احد المتداولين فى تحقيق 103% فى يوم واحد.
متسابق اخر حقق 55% فى يوم..
متسابق اخر حقق 45%
متداول اخر محقق 25% من الحساب..
و اخر 35%
و اخرين يتراوحون بين 1-20%

فى حين لقى حسابين مصرعهم و اصيب 4 اخرين جراء زلزال اليورو عنيف..

كنتم مع تقرير مسائى خفيف للتشجيع :)
بالراحة على حساباتكم يا شباب :)
الله كريم



شكرا على التقرير يا دكتور يارب الكل فعلا يخلو بالو على الحساب و اللى ربنا كاتبلو المكسب هيكسب فى الاخر

[مدير الموقع]

العصفورة!! :1 (67):
الوكيل يمكنه مشاهدة رصيد العميل النهائى من خلال برنامج خاص به..
تحياتى..

[alshreef2011]

ماشاء الله نتائج ممتازة

وللاسف مافيش حد منهم فرق ساقع :1 (27):

بالتوفيق للجميع والخاسر باذن الله يعوض
المهم المحافظة على الرصيد لضمان اى فرصة للتاهل

[husseney]

خلينى اسخن الموضوع شوية بشوية نتائج كده بسيطة

نجح احد المتداولين فى تحقيق 103% فى يوم واحد.
متسابق اخر حقق 55% فى يوم..
متسابق اخر حقق 45%
متداول اخر محقق 25% من الحساب..
و اخر 35%
و اخرين يتراوحون بين 1-20%

فى حين لقى حسابين مصرعهم و اصيب 4 اخرين جراء زلزال اليورو عنيف..

كنتم مع تقرير مسائى خفيف للتشجيع :)
بالراحة على حساباتكم يا شباب :)
الله كريم

نسيت وفى متسابق لم يبدا بعض هههههه
خلينى مدفى احسن ده فى ضرب نار هههههههههههههه

[toty]

بالتوفيق للجميع

انا الى حققت امس 25 فى المية

[farok]

بالتوفيق للجميع

انا الى حققت امس 25 فى المية
25 دولار من اصل 100 فى يومين هذا انجاز كبير
شد حيلك وبالراحة وبالتوفيق

[farok]

بقولك يادكتور اسامة :
مش ممكن تقول اخر الاسبوع على العشرة الاوائل ؟

[ابراهيم امين]

بالتوفيق يا شباب و يارب الكل ربحان و مدبل حسابو كمان

[alshreef2011]

بالتوفيق يارجاله ويوم جديد وان شاء الله نشوف تدبيلات جديدة

[معاذ عودات]

ما شاءالله تدبيلات .. في يوم ..
ربنا يبارك لكم
انتبهوا جيدا

[ابراهيم امين]

اية الاخبار يا شباب مين دبل انهردة

[احمد صلاح]

بالتوفيق لكل المتسابقين ,
وجميل جدا الروح التنافسيه هنا ,,

وان شاء الله الكل يطلع رابح

[ابراهيم امين]

فى انتظار تقرير من الدكتور مين نفسوة فى تقرير كمان زيى؟

[م.محمد عبد القوى]

فى انتظار تقرير من الدكتور مين نفسوة فى تقرير كمان زيى؟



Me 2

بالتوفيق للجميع ان شاء الله

[*Omar*]

بالتوفيق للجميع ان شاء الله :)

[ابراهيم امين]

اية الاخبار يا شباب الكل مختفى لية كدة يارب الكل يكون ربحان فى حسابو

[engcu90]

فى انتظار التقرير يا دكتور

[Sherif2009]

اية الاخبار يا شباب الكل مختفى لية كدة يارب الكل يكون ربحان فى حسابو


انت محسسنى انك مقطع السمكة وديلها ومدبل مثلا وفي بطنك بطيخة صيفي

كل شوية ايه الاخبار يا شباب ايه الاخبار يا شباب

ما تهدى شوية يا عم انت

[معاذ عودات]

ايه .. الشباب
شو عملتو ؟؟؟
طيب ليش تستنوا بالتقرير .. ؟؟
احكوا شو عملتو نسب

[archiwork]

اية الاخبار يا شباب الكل مختفى لية كدة يارب الكل يكون ربحان فى حسابو

انت محسسنى انك مقطع السمكة وديلها ومدبل مثلا وفي بطنك بطيخة صيفي

كل شوية ايه الاخبار يا شباب ايه الاخبار يا شباب

ما تهدى شوية يا عم انت

هههههه:1 (112):
بالعكس ده ممكن يكون شطب على حسابه وبيشقر كل شوية على باقى صحابه بيعملوا ايه :1 (88):
وبالنسبة لك يا هيما ألكس شيل مغارة على بابا الى انت حططها فى صورتك دى علشان الحسد هههه

[Sherif2009]

هههههه:1 (112):
بالعكس ده ممكن يكون شطب على حسابه وبيشقر كل شوية على باقى صحابه بيعملوا ايه :1 (88):
وبالنسبة لك يا هيما ألكس شيل مغارة على بابا الى انت حططها فى صورتك دى علشان الحسد هههه


ههههههههههههه

احلى لايك لكلامك ده

اقوله ياعم بالله عليك

عشان ابراهيم ده صدعنا بالمغارة اللي دخلها دي ههههههه

[ابراهيم امين]

انت محسسنى انك مقطع السمكة وديلها ومدبل مثلا وفي بطنك بطيخة صيفي

كل شوية ايه الاخبار يا شباب ايه الاخبار يا شباب

ما تهدى شوية يا عم انت



لقيت الشباب محدش بيشارك قولت اخش نشوف عملوا اية يا شريف

[ابراهيم امين]

هههههه:1 (112):
بالعكس ده ممكن يكون شطب على حسابه وبيشقر كل شوية على باقى صحابه بيعملوا ايه :1 (88):
وبالنسبة لك يا هيما ألكس شيل مغارة على بابا الى انت حططها فى صورتك دى علشان الحسد هههه






حلوة مغارة على بابا اشليها لية كل ما نبصلها نحس اننا معانا شوية من الزوم دى ولا اية رايك

[damoty]

انا ضيعت 60% من ارباح الاسبوع فى ساعة بجد السوق ده غبى اوووووووووووووووووى او انا اللى غلطانة من الاول لانى عليت اللوت جدا جدا بسبب ثقة فى اتجاه الزوج اللى كنت داخلة عليه

خلو بالكم ياجماعة بجد بلاش الثقة العالية اوووووووى

ربنا يستر

[ابراهيم امين]

اكيد طبعا الطمع اللى بيودينا فى داهية انا واثق ان الكتير مننا نفس الموضوع الشغل واحدة واحدة هو اللى بيكسب فى الفوركس اللعين دة

[damoty]

اكيد طبعا الطمع اللى بيودينا فى داهية انا واثق ان الكتير مننا نفس الموضوع الشغل واحدة واحدة هو اللى بيكسب فى الفوركس اللعين دة

للاسف صح بس انا حظى انى كنت عاملة اكتر من عقد معلق بلوت كبير على اساس انو مش هينزل للسعر ده غير بعد فترة للاسف نزل كتيرررررررررررررررررر وضيعلى كل حاجة ولو مكنتش قفلت على الخسارة دى ممكن كان الحساب راح

وللاسف كمان كنت داخلة نفس العقود فى حسابى الاصلى يعنى ضيعت الاتنين

الحمد لله على كل حال ادينا بنتعلم وربنا يستر من السوق ده

[farok]

للاسف صح بس انا حظى انى كنت عاملة اكتر من عقد معلق بلوت كبير على اساس انو مش هينزل للسعر ده غير بعد فترة للاسف نزل كتيرررررررررررررررررر وضيعلى كل حاجة ولو مكنتش قفلت على الخسارة دى ممكن كان الحساب راح

وللاسف كمان كنت داخلة نفس العقود فى حسابى الاصلى يعنى ضيعت الاتنين

الحمد لله على كل حال ادينا بنتعلم وربنا يستر من السوق ده
على فكرة يا امنية اكثر المتاسبقين هيخسروا حسابتهم
لان ده مسابقه
يعنى التوتر والضغط العصبى هيكون قوى
لان لازم يحقق مكسب كبير
يعنى لازم هيطمع كتير ويتسرع اكتر
يعنى لازم يخسر كتير جدا
وانا مثلا من اللى خسروا حسابهم
لكن مش علشان تحليلى غلط
علشان دخلت بلوتات عالية جدا
فعلا اسلوب المتداول فى الحساب العادى بيختلف جدا عن اسلوبة فى المسابقات

[husseney]

اكيد طبعا الطمع اللى بيودينا فى داهية انا واثق ان الكتير مننا نفس الموضوع الشغل واحدة واحدة هو اللى بيكسب فى الفوركس اللعين دة

واحده واحده بردوا مش نافع والله اليورو ملهوش كبير
انا شغال بعقود صغيره بس اليورو طاير تلت ارباع الارباح فى صفقه
اللهى ينتقم منوا ويخفس بى سابع ارض واشوف كده بيساوى 50 قرش

[damoty]

على فكرة يا امنية اكثر المتاسبقين هيخسروا حسابتهم
لان ده مسابقه
يعنى لازم يحقق مكسب كبير
يعنى لازم هيطمع كتير
يعنى لازم يخسر كتير جدا
وانا مثلا من اللى خسروا حسابهم
لكن مش علشان تحليلى غلط
علشان دخلت بلوتات عالية جدا
فعلا اسلوب المتداول فى الحساب العادى بيختلف جدا عن اسلوبة فى المسابقات

عندك حق استاذ فاروق انا امبارح بالليل ربنا كرمنى وفى يومين ظبت حسابى بسرعة ودبلت بعد مخسرت حبة من ارباح اول يويمن

انهارده الصبح بس ضيعت كل ارباحى بسبب اللوت العالى

الحمد لله على كل حال

لو ومش كده وبس دخلت فى الاصلى كمان بنفس العقود يعنى خسرت مرتين الحمد لله على كل حال ربنا يعوضنا جميعا يااااااااااااااارب

[Kimo]

نفس الكلام برضه يارجالة بس انا معذور مبقعدش الا ساعتين في اليوم ومقضيها اسكالبنج والاسكالبنج سلاح ذو حدين

مرة اطير بالحساب ومرة يتخسف بيه الارض هههههه

ومبروك للفائزين مقدما

وعندي اقتراح اتمني من الادارة تنفذه

وهو ان يقوم كل من الفائزين الثلاثة بعمل ورشة ويشرح فيها الاستراتيجية الي كسب بيها المسابقة وازاي قدر يدبل

حسابه مثلا عشان يقدر يستلم جائزته وباقي الاعضاء تستفاد من استراتيجيته

ايه رايكو ياجماعة؟ ;)

[معاذ عودات]

نفس الكلام برضه يارجالة بس انا معذور مبقعدش الا ساعتين في اليوم ومقضيها اسكالبنج والاسكالبنج سلاح ذو حدين

مرة اطير بالحساب ومرة يتخسف بيه الارض هههههه

ومبروك للفائزين مقدما

وعندي اقتراح اتمني من الادارة تنفذه

وهو ان يقوم كل من الفائزين الثلاثة بعمل ورشة ويشرح فيها الاستراتيجية الي كسب بيها المسابقة وازاي قدر يدبل

حسابه مثلا عشان يقدر يستلم جائزته وباقي الاعضاء تستفاد من استراتيجيته

ايه رايكو ياجماعة؟ ;)






اهلا يا غالي
هو اقتراح ممتاز
حتى نستفيد جميعا ..
ولكن لا نستطيع ان نضع هذا الشرط الان
لان شروط المسابقه واضحه
ولكن اذا احب الفائز ان يشرح فبارك الله فيه
واذا ما حب كمان بارك الله فيه

[engcu90]

مفيش تقرير يا دكتور؟ عاوزين نعرف اعلى 3 نسب بعد نهاية الاسبوع الأول

[م.محمد صالح]

ربنا يوفق الكل ياااارب

ويكون أسبوع أخضر على الجميع


..

[ابراهيم امين]

بالفعل كان اسبوع قاسى على الكل منتظرين تقرير ساخن من دكتورنا

[alshreef2011]

اسبوع موفقين فيه شباب

للاسف مافيش ممثلين صعيد

يلا حنشجع الاتحاد الاسكندرى :1 (73):

[ابراهيم امين]

تمام يا رشاد شجعنى بقا انا اسكندارنى عايز شماريخ تملى المنتدى يا برنس و محدش يقولى هلعب من غير جمهور

[alshreef2011]

تمام يا رشاد شجعنى بقا انا اسكندارنى عايز شماريخ تملى المنتدى يا برنس و محدش يقولى هلعب من غير جمهور


حبيبى ياهميا
والله انت تاخد راحتك ياكبير شماريخ وكله وانا حضربلك نار كمان :1 (74):
واحنا على تول مشجعينك ياصاحبى
وانا بشجع الاتحاد لانى حبايبنا كلهم اسكندرانية

[أ.نادر غيث]

يبدو ان المنافسة طاحنة وحامية الوطيس :D
بالتوفيق للجميع

[م.محمد عبد القوى]

صباح الفل يادكتور
عاوزين نعرف اعلى نسب فى المسابقه ايه
علشان نعرف نكمل ولا نكتفى بال 850% اللى احنا عاملينهم :D:D

[archiwork]

حلوة اوى الوطيس دى
واضح فعلا انى الوطيس مش تمام
ودى حاجة واضحة لاى حد
تحياتى ياغالى

[ابراهيم امين]

صباح الفل يادكتور
عاوزين نعرف اعلى نسب فى المسابقه ايه
علشان نعرف نكمل ولا نكتفى بال 850% اللى احنا عاملينهم :D:D




صبح يا باشا كمل يا ريس انا عامل الفين فى المية لسة ادومك ياما هههههههههههههههه

[damoty]

صباح الفل يادكتور
عاوزين نعرف اعلى نسب فى المسابقه ايه
علشان نعرف نكمل ولا نكتفى بال 850% اللى احنا عاملينهم :D:D


صبح يا باشا كمل يا ريس انا عامل الفين فى المية لسة ادومك ياما هههههههههههههههه

ماشاء الله عليكم انتو الاتنين الحمد لله فى امل يعنى ان الناس شغاله:1 (97):

عاوزين يبقى مليون فى المية مش الارباح البسيتة دى :1 (21):

:1 (105): بالتوفيق يارب

[Benisafcom]

ماشاء الله عليكم انتو الاتنين الحمد لله فى امل يعنى ان الناس شغاله:1 (97):

عاوزين يبقى مليون فى المية مش الارباح البسيتة دى :1 (21):

:1 (105): بالتوفيق يارب

اها اخت امنية وانتي عاملة كام

[damoty]

اها اخت امنية وانتي عاملة كام

الله يرحمهم بقى كانو 103 % بس ذهبو ادراج الرياح مع الدولار ين :1 (69):

الحمد لله على كل حال ربنا يوفق باقى الاعضاء يااااااااااااااارب ويحافظو على ارصدتهم وبلاش تسرع

[Hema]

انا شايف ان اللى هيكسب المسابقه هو اللى ميتاجرش خالص ويسيب حسابه 100 دولار زى ماهو لان اكيد ناس كتير هتمرجن:1 (100):

[Benisafcom]

انا شايف ان اللى هيكسب المسابقه هو اللى ميتاجرش خالص ويسيب حسابه 100 دولار زى ماهو لان اكيد ناس كتير هتمرجن:1 (100):

كلنا تورطنا مع الدولار ين
بالنسبة لي مزال المبللغ100 لان الايداع تاخر
وغدا ستكون اول صفقة لي في المسابقة واول صفقة في حياتي الفوركسية بادن الله
و ربنا يوفقنا ويوفق لجميع

[Hema]

كلنا تورطنا مع الدولار ين
بالنسبة لي مزال المبللغ100 لان الايداع تاخر
وغدا ستكون اول صفقة لي في المسابقة واول صفقة في حياتي الفوركسية بادن الله
و ربنا يوفقنا ويوفق لجميع


ااااه يا خوفى من اول صفقه بتبقى صعبه جدا وهتحس ان قلبك هيقف من الخوف

انصحك يا خالد متشلش المهدئات من جمبك بكره ههه

بالتوفيق يا باشا ربنا يوفقك ان شاء الله ويكون لك نصيب فى الجايزه الكبيره

[archiwork]

كلنا تورطنا مع الدولار ين
بالنسبة لي مزال المبللغ100 لان الايداع تاخر
وغدا ستكون اول صفقة لي في المسابقة واول صفقة في حياتي الفوركسية بادن الله
و ربنا يوفقنا ويوفق لجميع


مبروك ياخالد
اخيرا والله فرحتلك
وانا لسة عند كلامى
بالنسبة لك يا يمين ياشمال مفيش وسط
وانت عارف
وبالتوفيق ياغالى

[م.محمد عبد القوى]

صبح يا باشا كمل يا ريس انا عامل الفين فى المية لسة ادومك ياما هههههههههههههههه

هههههههههههه صباح الفل يابرنس
ياهيما انا مسامحك ياعم انت اول وانا تانى:D
داه انت ابن الجيهه ياريس :1 (77):
انا التارجت بتاعى 1000% بس :1 (2)::1 (2):

[م.محمد عبد القوى]

ماشاء الله عليكم انتو الاتنين الحمد لله فى امل يعنى ان الناس شغاله:1 (97):

عاوزين يبقى مليون فى المية مش الارباح البسيتة دى :1 (21):

:1 (105): بالتوفيق يارب

دى ااقل حاجه عندى انا وهيما :D
بالتوفيق ليكى ان شاء الله يارب

[م.محمد عبد القوى]

كلنا تورطنا مع الدولار ين
بالنسبة لي مزال المبللغ100 لان الايداع تاخر
وغدا ستكون اول صفقة لي في المسابقة واول صفقة في حياتي الفوركسية بادن الله
و ربنا يوفقنا ويوفق لجميع


بالتوفيق ليك ان شاء الله ياريس
شد حيلك يابطل وربنا يكرمك

[Benisafcom]

مبروك ياخالد
اخيرا والله فرحتلك
وانا لسة عند كلامى
بالنسبة لك يا يمين ياشمال مفيش وسط
وانت عارف
وبالتوفيق ياغالى

عانقني يا حبيبي
ههه
والله دائما ارى فيك اخي الاكبر
للعلم انا مشترك في مسابقتين اخرتين
الاولى تنتهي في 22/نوفمبر وهي مسابقة نورد اف اكس
مدتها اسبوعان بعدما كنت في لمرتبة4صرت في اامرتبة50 على 900
يعني صفقة الدولار ين خسرت40الف للعلم مبلغ البداية 10الاف و الان اصبح 104الف...
و الثانية فوكس اوبن و احتل المرتبة 11 للعلم تتنتهي المسابقة يوم2ديسمبر و ال10 الاوائل يكسبو

[Hema]

ايه يا هندسه طموحاتك بقت ضعيفه ليه كدا الف فى الميه بسسسسسس!!!!:1 (13):

بحسبك هتقول خمس ست سبع تلاف فى الميه

ههههههه

بالتوفيق يا باشا

[Benisafcom]

ااااه يا خوفى من اول صفقه بتبقى صعبه جدا وهتحس ان قلبك هيقف من الخوف

انصحك يا خالد متشلش المهدئات من جمبك بكره ههه

بالتوفيق يا باشا ربنا يوفقك ان شاء الله ويكون لك نصيب فى الجايزه الكبيره


ربما العكس يا حبيبي هيما
هههه
للعلم ساتاجر ليلا من سيباركافي لانني ساكون في الجامعة بعيد عن المنزل
و المهدئات كالعادة
علبة سجائر مالبورو و كوب كبير للقهوة
هههه

[husseney]

يوم الجمعه ده كان يوم فظيع وتقريبا للجميع اخد الارباح وطار
بس اتوقع اسبوع قادم اخضر وناس كتير هتعوض الاسبوع اللى فات
هيكون اخضر للجميع ان شاء الله
وانا تقريبا خارج المنافسه لانى ماشى بطى الحساب بعد الخساير بتاعت الجمعه بقى 107 مليون دولار

[Benisafcom]

يوم الجمعه ده كان يوم فظيع وتقريبا للجميع اخد الارباح وطار
بس اتوقع اسبوع قادم اخضر وناس كتير هتعوض الاسبوع اللى فات
هيكون اخضر للجميع ان شاء الله
وانا تقريبا خارج المنافسه لانى ماشى بطى الحساب بعد الخساير بتاعت الجمعه بقى 107 مليون دولار

ان شاء الله تعوض اخي حسني
وان شاء الله الكل يكسب و الشيئ الاجابي في كل للاحوال النفسية تصبح عادية في السوق ويدهب الخوف

[م.محمد عبد القوى]

ايه يا هندسه طموحاتك بقت ضعيفه ليه كدا الف فى الميه بسسسسسس!!!!:1 (13):

بحسبك هتقول خمس ست سبع تلاف فى الميه

ههههههه

بالتوفيق يا باشا

صبح هيما اخبارك ايه يابرنس
انا مرضتش ااقول كده علشان الناس متتعقدش ويسيبوا المسابقه :1 (53):
فقلت ارفع من روحهم المعدنيه :D
بالتوفيق للجميع ان شاء الله يارب

[احمد صلاح]

بالتوفيق لكم جميعا ,,
وان شاء الله الكل يكون استفاد من المسابقه بشىء مفيد ,,

[معاذ عودات]

صبح صبح ..
موفقين في الاسبوع الثاني والاخير

في انتظار تقرير عن الشباب من الدكتور اسامه

[*Omar*]

شكل الدكتور مش عايز يحبطنا ويقولنا ان فيه ناس عملت 200 %
ربنا يوفق الجميع يا رب

[مدير الموقع]

اهلا يا شباب.
التقارير مش ملزمة دى بس تسخينية..بس خلينا نسخن الشباب شوية بعد مرور اول ايام الاسبوع

متسابق بنسبة 135% ما شاء الله
متسابق تانى ب 135% :)
متسابق تالت 110%
متسابق اخر 48%
متسابق كمان 80%
متسابق اخر 62%

متسابقين بقى على قد حالهم مش زى الناس اللى فوق ما بين 10-25%

ذهبت 3 حسابات فى بطن السوق..


و الباقى خسرانين بس مطاروش..

متابعين يا حلوين

[ابراهيم امين]

شكرا على التقرير يا دكتور و بالتوفيق للكل فى النهاية لسة فاضل اربعة ايام كل شى ممكن يتغير فيها

[toty]

اهلا يا شباب.
التقارير مش ملزمة دى بس تسخينية..بس خلينا نسخن الشباب شوية بعد مرور اول ايام الاسبوع

متسابق بنسبة 135% ما شاء الله
متسابق تانى ب 135% :)
متسابق تالت 110%
متسابق اخر 48%
متسابق كمان 80%
متسابق اخر 62%

متسابقين بقى على قد حالهم مش زى الناس اللى فوق ما بين 10-25%

ذهبت 3 حسابات فى بطن السوق..


و الباقى خسرانين بس مطاروش..

متابعين يا حلوين

انا مش عارف انا مين فى دول بس الحمد لله نسبتى معقولة و ليا امل فى المكسب باذن الله تعالى

المهم المحافظة على ما تحقق من الرصيد اهم من اضافة اى رصيد خصوصا ان دا حساب حقيقى مش تجريبى

[Herr.Omar]

انا الاول في المسابقة اللي مش مشترك فيها اصلا ههه :)

[معاذ عودات]

تقررررررير قوي جدا
ما شاءالله ما شاءالله
حافظوا على نسبكم يا شباب

[مدير الموقع]

اول ثلاثة متسابقين اصبحوا متقاربين جدا..
واضح المنافسة ستكون قوية جدا..و خلينا نتابع فى المساء اخر اخبار المتسابقين..
من يضحك اخيرا يضحك كثيرا :)
الله كريم

[ابراهيم امين]

شكلها منافسة ساخنة بين اول تلاتة انا اتوقع سقوط متسابقين و صعود متسابقين اخرين لسة فاضل 3 ايام يحصل فيهم المستحيل

منتظرين تقريرك الساخن يا دكتور

[Haiman hanna]

بالتوفيق للجميع ان شاء الله

[أحمد الرويني]

بالتوفيق لجميع المتسابقين

[engcu90]

فى انتظار التقرير يا دكتور
انا كنت فاكر انى عملت انجاز ونسبة خرافية وخلاص كسبت المسابقة :d لكن شكلها منافسة قوية فعلاً وربنا يستر من المخاطرة العالية...

[ابراهيم امين]

المخاطرة العالية ممكن تودى اكيد للمكسب السريع كما انها تودى الى الخسارة الاسرع اتمنى من الكل ادارة الحسابات بشكل سليم

[engcu90]

المخاطرة العالية ممكن تودى اكيد للمكسب السريع كما انها تودى الى الخسارة الاسرع اتمنى من الكل ادارة الحسابات بشكل سليم

والله عندك حق..انا كنت هادخل الصبح شراء من 3430 على اليورو دولار، النقطة بدولار..وقولت اليورو هيرتد كالعادة
بس ربنا ستر وطلعت جبان ومعملتهاش :d
===

التقرير بقى يا دكتور؟

[ابراهيم امين]

الاستراحة مالها نامت كدة يا شباب السوق شكلو مبهدل الكل ربنا يعينا فى السوق المنيل دة


باقى يوم و تنتهى المسابقة و بالتوفيق لكل الرابحين

[م.محمد عبد القوى]

منتظرين تقرير الدكتور قبل اخر يوم علشان نعرف الدنيا فيها ايه
وان شاء الله بالتوفيق لنا جميعا

[Herr.Omar]

معلشي يا شباب الاوضاع في البلد منيمه الدنيا خالص يارب خير علي الكل

بالتوفيق ليكم جميعا

[husseney]

منتظرين تقرير الدكتور قبل اخر يوم علشان نعرف الدنيا فيها ايه
وان شاء الله بالتوفيق لنا جميعا



التقرير يا سيدى شوفت الناس اللى كانوا محققين من 10 الى 20%
نقص منهم واحد
وهو العبد لله

[مدير الموقع]

سلام عليكم يا حلوين..
سيتم اعلان النتائج النهائية و لن يتم عمل اى استطلاعات عن النتائج الحالية..
بالتوفيق يا شباب..

الله كريم..

[ابراهيم امين]

فى انتظار النتائج يا دكتورنا و ربنا يوفق الجميع يارب

[معاذ عودات]

النتائج
نتائج مسابقة المرحلة الثانية من مسابقة ابطال اف اكس ارابيا (http://www.fx-arabia.com/vb/showthread.php?t=16501)

مبروك لجميع

[أ.نادر غيث]

الف مبروك للفائزين وحظاً اوفر لمن لم يحالفه الحظ هذه المره