ضرورى وهام عندى مقابلة بكره

[hgfdj]

السلام عليكم اخوانى الكرام فى شركة اسمها ميراج لتدول الاوراق المالية اتصلوا بى وعندى مقابلة ان شاء الله غدا ياريت لو فى حد يعرف حاجة عن الشركة دى وعن الانترفيو ياريت يفدنى
وتقبلو تحياتى

[mohtaia]

أنا لا اعلم شىء عن هذه الشركة حقيقة
وان كنت قرأت موضوع يتحدث عن مثل هذه الشركات

مرة أخرى أنا لا أعلم اذا كانت هذه الشركة من هذا النوع أم لا

ولكننى سوف أنقل اليك الموضوع لتقرأه
فاذا وجدت ما تقرأه يتكرر معك غدا فلا تقع فى الفخ :)

كاتب الموضوع الأصلى اسمه :- احمد غريب
واذا الأدارة سمحت لى سوف أضع رابط لمدونته

بسم الله الرحمن الرحيم
و الصلاه و السلام على اشرف الخلق سيدنا محمد و على اله و صحبه اجمعين اما بعد ,
كثرت فى الاونه الاخيره فى مصر اعلانات و دعايا كثيره على مجال الفوركس
و الفوركس لمن لا يعلم هو بورصه العملات العالميه Foreign Exchange Market
بعد الفترات الاخيره التى شاهدها العالم اجمع فى 2008 و بعد انتهاء الازمه العالميه الاقتصاديه بدأ الاتجاه العام الى ما يسمى بحلول المتداول او المتاجر الاقتصادي
و على هذا المسار ايضا سار الحال فى مصر عامه بعد الازمه العالميه فى عام 2008 و خصوصا بعد ثوره 25 يناير-2011
فقد بدأ المتاجر او المتداول فى اسواق المال بالبحث عن مجالات اخرى غير الاوراق الماليه ليستثمر بها امواله و لكن يوجد بها ايضا نفس مميزات او اكثر كما فى الاستثمار فى البورصه المصريه
و بالتالى فأن الاتجاه الحالى للمتداولين اصبح يتجه اتجاه مباشر و غير مباشر ايضا الى اسواق المال العالميه بعيدا قليلا عن الاحداث فى مصر و ما يحدث بها من اضطرابات حاليه فى اسواق المال نتيجه
لما يحدث فى البلد من احداث سياسيه و تغيرات .
كثيرا من المتداولين يعلم ماهو الفوركس و اغلب من يعرف قد قام بالفعل بالدخول الى هذا المجال و مشاهده مايحدث به و محاوله المتاجره به ايضا
فيوميا اجد من هم مستثمرين فى البورصه المصريه يريدن معرفه و تعلم الفوركس و خباياه و اسراره و المتاجره به
فالحمد لله يوجد فى مصر كثيرين من الشخصيات المحترمه فى هذا المجال بل و ايضا فى الوطن العربي اجمع
و لكن حال الدنيا يبقى كما هو فكما نجد الصالح نجد ايضا الطالح الذى هدفه هو المكسب السريع و النصب على الناس مستخدما مجال يكاد يكون مبهم للكثيرين من المتاجرين
و للاسف مع كل هذه الظروف التى نشاهدها كثرت هذه الفئه فى الاونه الاخيره بشكل كبير و مخيف فنجد اعلانات تحيط بنا فى كل مكان سيان على الشبكه العنكبوتيه او و سائل الاعلان كالجرائد و خلافه
و هنا تحدث المصيبه و الفجيعه الكبرى لدى المستثمرين بل و اكثر من ذلك لدى كل شاب مصري يحلم بعمل شريف نزيه له
اعتذر مبدأيا عن هذا الكلام الكثير و لكن وجب عليا التوضيح للجميع كيف يفكر الناس و ماذا يحدث من حولنا فاحذروا جميعا فما يأتى من كلام ليس بالكلام الهين و لكن تشيب له العقول و قد يستعجب البعض
من كلامى و موضوعى هذا و لكن انا كأحد العاملين بهذا المجال و غيرى كثيرون ليس لنا هدف سوى الرقي بهذا المجال و عدم وجدود شوائب عليه من بعض الناس التى تستغل كل هذا لكي تكسب بالحرام او الخداع او الطمع
فأعلموا جميعا ان هذا الموضوع اخذ منا ( اناو فريق عمل اخر لا اذكر الاسم منعا لعمل الدعايا ) وقت و جهد ليس بالهين و لا بالسهل و لكن وجب فى هذا الوقت عمل هذا الموضوع للتوعيه و الله المستعان
فالله هو الشاهد على ان هذا الموضوع ليس له اى اغراض شخصيه بالعكس الهدف منه هو التوعيه ثم التوعيه ثم التوعيه
سوف اقوم فى هذه الحلقات بنقل صور النصب بمختلف اشكالها و مسمياتها الجديده و ايضا سوف اقوم بالشرح التفصيلى عن كيفيه اختيار شركه الوساطه المضمونه لك كعميل و متاجر حتى تشعر بأمان و لا تتشتت بين
الدعايا و الاعلانات المزيفه و اختيار الصالح منها دون اى مشاكل ان شاء الله تعالى
نبدأ بأول صوره معنا من صور النصب و هى اعلان وظيفى
نتصفح فى الجرائد الاعلانيه و على بعض المواقع الخاصه بالتوظيف بعض من الاعلانات اليوميه التى تقول
* مطلوب محلل فنى لاسواق المال او مطلوب مراقب شاشات او محلل لاسواق العملات .......... الخ
و المرتب يتراوح بين 2000-4000 جنيه مصري كبدايه فقط
طبعا حينما يرى اى شاب مثل هذا الاعلان يفرح و يتقدم الى هذه الوظيفه حيث ان شروط الوظيفه تكون بسيطه جدا و لا يتطلب بها شروط كثيره غير انك تكون مؤهلك عالى
و ايضا فان التقدم لهذه الوظيفه ليس بارسال الورق الخاص بك الى عنوان ما او بريد او بريد الكترونى و لكن فقط بالتحدث الى هاتف شخص ما
بالفعل يبدأ الشاب بالتحدث الى هذا الموظف حيث يجد ان الذى يرد عليه موظف راقى جدا فى كلامه و سلس و بسيط و مرحب به جدا او يجد نفسه يتحدث مباشره مع صاحب الشركه نفسها او على الاقل موظف ذو شأن
كرئيس قسم او مدير تنفيذى او او الخ
يتم تحديد موعد المقابله فى وقت بسيط و سريع و يذهب الشاب الى مقر الشركه فى المنطقه الفلانيه و هى طبعا منطقه مشهوره جدا و لا يوجد اى شخص لا يعرفها
يدخل المقر ليجد مقر شركه مجهز على اعلى المستويات و الديكورات و اطقم السكرتاريه المنتشرين فى كل مكان و كل اتجاه و كثير من شاشات الحائط التى تحمل صوره لشارت ما ( رغم ان الشارت واقف و لا يتحرك )
يذهب الى السكرتاريه و يقول لها انه هنا لمقابله الاستاذ فلان مدير قسم كذا فتطلب منه السكرتيره طبعا بملء استماره ما و لا يوجد بها سوى بيانات عاديه جدا ( يمكن استماره البطاقه الشخصيه بيطلب فيها بيانات اكتر )
ينتظر الشاب وقت لابأس به و ممكن ان يطول الوقت حتى يتسنى للشاب مشاهده العمل فى الشركه اكثر و كم الناس و السكرتريه العاملين فى هذه الشركه الذى فى الوقت ذاته يمرون من امامه
كأن مكتب السكرتاريه وقتها تحول لميدان عام يجمع كل الطرق الموصله لكل مكان فى الشركه
تأتى اللحظه الحاسمه و يأتى موعد المقابله مع استاذ فلان و يدخل الشاب ليجد مكتب فاخر جدا و يجلس عليه رجل شيك جدا و امامه لا يقل عن 4 اجهزه تليفونات محموله و ايضا 3 خطوط تليفون ارضي
بالاضافه طبعا الى جهاز كمبيوتر قوي بشاشه بلازميه كبيره و ايضا لا مانع من وجود كمبيوتر او اتنين شخصيين ده غير طبعا شاشات البلازما المعلقه
و جميع هذه الاشياء عليها شارتات التداول و كل شاشه بعمله غير الاخرى
تجد امام استاذ فلان ورقه الاستماره التى قام الشاب بملأها بالخارج بالاضافه الى اوراقك الشخصيه التى قدمتها مع الاستماره فى الخارج عند السكرتاريه
و هنا يبدأ بعض من الابتسامه و الكلام العام كاخبارك ايه و عامل ايه كله تمام ؟
انت ايه بقى خريج ايه و سنه كام ؟
الارنب له كام رجل ؟
البطه ليها جناحين و لا لا؟
طموحك بقى انك تبقى ايه بعد 10 سنين ؟
و باقى الاسئله على هذه الشاكله و نأتى الى نقطه التحول
يبدأ استاذ فلان فى سرد تاريخ الشركه العميق القادم من ايام الحمله الفرنسيه على مصر و ازاى انك مصري و مش عارف التاريخ ده
شركتنا شغاله فى مجال الاوراق الماليه و الفكوركس من ايام نابليون لانه هو اللى كان قص شريط الافتتاح فى فرنسا
و بعدها فتحنا فروع كتيره فى اروبا و الهند و الصين و امريكا و كندا و كل دوله هتخطر على بالك لحد ما جينا هنا بقى من سنتين تلاته كده و فتحنا فرع
و كل ده مكتوب على الموقع الالكترونى لينا يعني ما تقلقش كله مكتوب مش كلام و السلام
طبعا انت كشاب كل ما يدور فى زهنك فى هذا الوقت هو انك لقيت اللى بتحلم بيه
شغل راقى فى مكان محترم و شركه عالميه ليها اصل و فصل و بقالها قرون رغم ان الفوركس اصلا مش من قرون بس مش مهم
و مرتب جميل و خيالى و كمان ايه بقى عندك يومين فى الاسبوع اجازه يالا يا عم ابسط و افرح هتخرج و تتفسح و تسافر شارم كمان كل اسبوع ما تقلقش مرتبك هيغطيك
ساعتها استاذ فلان بقى يقولك ايه ؟؟؟
انت ماشاء الله عليك تمام و مواصفاتك 10/10 بس ناقصك حاجه
طبعا ساعتها لو طال الشاب انه يفجر الارض عشان يكمل الحاجه ده هيفجرها , و ايه بقى هى الحاجه ده يا استاذ فلان ؟
يقولك انت ناقصك كورس تدريبي بس الكورس ده مكلف لانه كورس تحليل فنى مش اى كلام و لازم تاخد الكورس ده
طب و الحل يا استاذى ؟
بص يا شاب احنا هنديلك الكورس عشان خاطر انى حبيتك بس و كمان ايه بقى الكورس ده ب 6435 جنيه مصري انا هاعمل معاك واجب و تاخده بس ب 4499 جنيه عشان انت هتشتغل معانا بعد الكورس ده
طبعا انت اترسمت على وشك الفرحه و السعاده و فرحت جدا وفرلك 2000 جنيه فى تمن الكورس و بعدين ايه يعني 4499 ما كده كده مرتب شهر او شهرين بالكتير هيكرجعهم تاني و اسافر العين السخنه بس مش لازم شارم اول شهرين
طبعا يا استاذ فلان موافق نبدأ امتى بقى الكورس
نبدأ يا باشا الاسبوع الجاي ده على طول يوم السبت مباشره و الكورس اسبوعين و بعدها هنعملك بقى اختبار بسيط كده نشوف مستواك
و ماله يا استاذى مانا هتعلم يعني مش فارقه معايا اتكل على الله و نبدأ
طبعا بعد ما الشاب يبدأ الكورس و يتعلم لمده اسبوعين ده اصلا لو عرف يتعلم اى حاجه يبقى كده تمام و يخش على الاختبار ويلاقى نفسه سبحان الله سقط و بقى فاشل
و بما انك سقطت فى الاختبار يبقى انت ما تصلحش تشتغل معانا و فلوس الكورس انت اخدت بيها كورس و شكراااااا
شفتوا بقى الكلام وصل لحد فين
احنا كمحللين نتعب و نتبهدل فى السوق و الشغل و ده يدي كورس ب 4499 جنيه فقط و بعد التخفيض كمان
** ده اول حلقه بس من الحلقات و لسه بقاى الحلقات جايه فيها طرق اكتر و اشكال تانيه و حوارات و لسه نقاشنا فى الشركات ان شاء الله تعالى **
فالنهايه احذروا ثم احذروا ثم احذروا من مثل هذه الدعايا و انت كمتاجر اذا قررت الدخول فى هذا المجال فاصبر حتى تعرف و تتعلم و تجيد اختيار شركه الوساطه المناسبه لك و ليست المناسبه لاى شخص اخر
و للحديث بقيه ان شاء الله و الله المستعان وفى النهاية ربنا يصلح لك الحال
و الموضوع يطلع كويس

تحياتى أخى

[أحمد الرويني]

الموضوع كبير فعلاً
شكراً علي التنبية و يا ريت الناس تخد بالها فعلاً من مثل هذه الألعيب :)

[husseney]

السلام عليكم اخوانى الكرام فى شركة اسمها ميراج لتدول الاوراق المالية اتصلوا بى وعندى مقابلة ان شاء الله غدا ياريت لو فى حد يعرف حاجة عن الشركة دى وعن الانترفيو ياريت يفدنى
وتقبلو تحياتى



شركة ميراج من الشركات الكبيره والمحترمه فى مجال سمساره الاوراق المالية (البورصة المصرية )
ولا علاقه ليها بسوق الفوركس نهائيا

[مدير الموقع]

صحيح شركة ميراج شركة اسهم و ليست فوركس.
على اى حال ياريت الاخ صاحب الموضوع يقولنا حصل معاه ايه للافادة..
تحياتى

[hgfdj]

شكرا اخوانى بالنسبة لموضوعى انا روحت عملت الانترفيو وهما محتاجين ناس فى خدمة العملاء وسكرتيره وشؤون قانونية والحمد لله كان انترفيوا ناجح وربنا يكرم طبعا الانترفيو كله عن خدمة العملاء وليس التحليل الفنى .

[Samy]

بالتوفيق ان شاء الله اخى الفاضل

و رغم ان شركة ميراج حديثة الى حدٍ ما بالمقارنه بغيرها من الشركات الا انه تم حصولها على

المركز 43 في الربع الثانى لعام 2010
و تتوافر بها سبل الاستثمار المتاحه بسوق الاسهم المصريه من الشراء ثم البيع في ذات الجلسة وتوفير امكانيات الشراء الهامشي والتداول عبر الإنترنت .
كما انها تقدم الشركة خدمة تكوين وإدارة محافظ الأوراق المالية لعملائها


...........


و ان شاء الله ربنا يوفقك


مفيش اى مانع انك تبدأ خدمة عملاء
و مع الوقت و وجودك معاهم تستفيد من خبرة تواجدك فى المجال
و تستفيد بكورساتهم و شهاداتهم
و تنتقل لتكون ترادير او محلل

[احمد صلاح]

بالتوفيق لك اخى الغالى ,
فى هذا المجال ,
وكما نصحك الاستاذ سامى ,

ابدا بوظيفه خدمه العملاء على الاققل تكون تعمل فى هذا المجال واكيد مع مرور الوقت وعلاقاتك تقدر تجد وظيفه محلل ,

بالتوفيق لك

[Benisafcom]

مبروك اخي
بالتوفيق لك
و متنساش حضور معرضترند للمزيد من الخبرة