المساعد الشخصي الرقمي

مشاهدة النسخة كاملة : للمقيمين في مصر

blackc0de
23-01-2012, 09:34 AM
بالنسبة للمقيمين في مصر يا ريت لو أي حد فاتح حساب في البنك لتحويل الربح من شركة الوساطة إيه نوع الحساب بيكون عليه أقل عمولات و مصروفات للتحويل.
cooll_2004
23-01-2012, 02:24 PM
السلام عليكم يا اخي
سأكلمك عن نفسي وتجربتي في التحويل منذ شهر لأني عانيت كثيرا حتي استطيع التحويل
فتحت حساب توفير دولاري في بنك NSGB ثم قمت بتحويل المبلغ مصاريف التحويل حوالي 35 دولار بالاضافة الي 15 $ يتم خصمها من البنك الوسيط
اما عن التحويلات الواردة يتم خصم 3 دولار علي اي حوالة واردة

هذا هو ما اعلمه عن تجربة واي سؤال تحت امرك يا اخي
blackc0de
23-01-2012, 02:48 PM
يعني تقريباً 50 دولار بيضيعو في كل تحويلة بس كدة كتير أوي بما اني عايز أفتح حساب صغير ابتدي أجرب عليه عشان أخد خبرة طب هل كل البنوك بتاخد حوالي نفس المبلغ كدة ولا في بنوك بتاخد أقل؟
أحمد الرويني
23-01-2012, 10:44 PM
الأعضاء في هذا الموضوع قد يفيدوك بشكل أفضل

الى كل من يواجة مشكلة فى التحويلات البنكية الان خطوات الايداع بالفيزا (http://www.fx-arabia.com/vb/showthread.php?t=15028)
medo_792002
24-01-2012, 02:54 AM
انا عندي تجربة مفيدة في الموضوع دا أنا برضه حسابي صغير ووجدت إن التحويلات البنكية بتاخد فلوس كتير حسابي ما يتحملهاش فأنا لجات لحاجة ظريفة اوي :
فتحت حساب في بنك الليبرتي ريسرف و هو احد البنوك الالكترونية و بأتعامل مع شركة وساطة بتقبل الايداع و السحب من الليبرتي ريسرف و فيه شركات كتير بتتعامل مع الليبرتي ريسرف بالذات و بصراحة السحب و الإيداع بيتم في ثواني و أنا مثلا فاتح حسابي ب 100 دولار . الوسيط اللي أودع لي رصيد في الحساب اخد مني 30 جنيه فقط عمولة علي ال100 دولار و لو حولت الفلوس كاش موني بيبقي عن طريقه برضه و بياخد عموله حوالي نفس المبلغ او اكتر شوية بسيط علي كل 100 دولار ... الطريقة دي مرتاح ليها و مافيهاش مشاكل و لا بنك و لا مصاريف تحويل و لا انتظار لفترة عقبال ما الفلوس تتحول لي من الشركة حاجة جميلة اوي يعني . اهم شئ بس ان يكون الوسيط اللي بيعمل لك السحب و الإيداع علي البنك الالكتروني يكون محل ثقة و موجودين كتير علي الانترنت و يستحسن انك لما تقابله يكون معاه لاب توب او موبايل اي فون مثلا يحولك رصيدك امامك . و طبعا لما حسابي حيكبر حافتح حساب بنكي اكيد ان شاء الله و ساعتها حاقدر اتحمل المصاريف و عمولة التحويل البنكي .
أنا حبيت أضيف تجربتي لعل صاحب الموضوع او أحد زملائي في الفوركس يستفيد منها . و حيسعدني لو فيه تعليق علي كلامي .
cooll_2004
24-01-2012, 05:21 AM
يعني تقريباً 50 دولار بيضيعو في كل تحويلة بس كدة كتير أوي بما اني عايز أفتح حساب صغير ابتدي أجرب عليه عشان أخد خبرة طب هل كل البنوك بتاخد حوالي نفس المبلغ كدة ولا في بنوك بتاخد أقل؟

لو هتعمل ايداع في fxdd ومبلغ 1000$ او اكثر بيرجعولك تاني علي الحساب لأن FXDD بتديلك 50 $ بدل مصروفات تحويل
engcu90
24-01-2012, 09:39 AM
اتعامل مع NSGB .. هيدولك فيزا انترنت تعمل بيها الايداع من غير مصاريف تحويل خالص
وساعة ما تسحب من الشركة هتسحب تحويل بنكى برسوم 3 دولار فقط..ودى اقل رسوم تلاقيها ف اى بنك
cooll_2004
24-01-2012, 01:16 PM
اتعامل مع NSGB .. هيدولك فيزا انترنت تعمل بيها الايداع من غير مصاريف تحويل خالص
وساعة ما تسحب من الشركة هتسحب تحويل بنكى برسوم 3 دولار فقط..ودى اقل رسوم تلاقيها ف اى بنك

لو علي الايداع فقط ممكن كمان تعمل فيزا انترنت بنك مصر ب 22 جنية صالحة لمدة سنتين واجراءتها اسبوع وتستلمها اما فيزا NSGB ب 35 جنية في السنة الواحدة وبرضة اسبوع وتستلمها ولكن في نقطة مهمة ان ادني ايداع لفتح حساب دولاري في البنك مبلغ 1000 $ فيتم ايداعهم في البنك والتحويل واسترد مصاريف من FXDD سيكون افضل لأول مرة فقط من اجل فتح الحساب في البنك ثم يتم الايداع بعد هذا عن طريق الفيزا والسحب عن طريق التحويل البنكي
ارجو ان اكون افدت اخواني الاعزاء
blackc0de
24-01-2012, 02:32 PM
شكراً يا جماعة لحكاية تجاربكم و انشاالله حشوف اه أحسن طريقة وانفذها
احمدبير2011
24-01-2012, 02:39 PM
في بنك اسمه بنك القاهره فتح الحساب باقل مبلغ تقريبا 100دولار و مصاريف التحويل 30جنيه مصاريف السوفت و6دولار عموله البنك و التحويل بيتم في يومين عمل
لا تذهب للفروع الصغيره لانها بتكون للمعاشات و المرتبات و الموظفين بتكون معلومتهم ضعيفه و ممكن ميعرفوش يعملولك التحويل اصلا اتجه لفروع المدن حسب محافظتك