فـكـر جـديـد ورشة المبتدئين واللى الدنيا ملطشة معاهم (لو الفوركس خلاها ضلمة يبقى مكانك هنا)

[msh4egy]

بسم الله الرحمن الرحيم


رغم ان الموضوع محتاج تفصيل طويل ولكن فكرته سهلة وبسيطة وهعرضها بشكل مختصر.


طبعا المنتدى فيه اعضاء بسم الله ما شاء الله كتير منهم المحترف فى الفوريكس وفيهم الغلبان اللى زى حالاتى اللى بيحاول يتعلم ونفسه يوصل لدرجة انه يبقى واثق من نفسه وهو قاعد قدام الشارت.

وطبعا بما إنى بخاطب الناس المبتدئين او اللى الدنيا ملطشة معاهم زى حالاتى يبقى هقولكم الاتى :

- احنا فى وسط المنتدى اكيد تايهين شوية لانك تخاف تقول توصيات عشان ممكن تطلع غلط وفى نفس الوقت ممكن تخاف تقول رأى وسط الناس "الفطاحل" فيبقى شكلك وحش او ممكن ماتبقاش عارف انك تطبق استراتيجية معينة ومش هتلاقى وقت حد يفهمك بالتفصيل.

طيب وبما إن ان احنا فى المنتدى من النوع ده كتير طيب ماتيجى نعمل لنفسنا زى مكان كده نجتمع فيه كلنا احنا الناس المبتدئين واللى الدنيا ملطشة معاهم.

طبعا هنفضل وهنكون جزء صغير من المنتدى الكبير العزيز على قلوبنا ولكن بس مجرد اننا هنعمل ركن لينا نتكلم فيه مع بعض من غير خوف.


طيب حد يقولى ,, طيب وايه الجديد يعنى وايه الفرق بينه وبين القسم العام ؟
اقوله الإجابة :

1- الموضوع ده هيبقى بتاعنا احنا ,, كل واحد هيدخل فيه يقول رأيه وتحليله للعملات من غير ما يكون محرج او خايف لاننا كلنا زى بعض الى حد ما.
2- كل واحد هيدخل يحط توصياته للعملات لو شايف شراء او شايف بيع وكلنا هنتناقش معاه فى توصياته دى ونتكلم يا ترى هو عاوز يشترى ليه ويبيع ليه وده هيفدنا لأننا كمبتدئن واللى الدنيا ملطشة معاهم هيكون فكرهم قريب من بعض فنقدر نصلح لبعض.
3- لو فى حد مش فاهم حاجه معينة فى الفوريكس بشكل عام هيدخل يسألنا ومش هيبقى مكسوف لانه موجود فى المكان اللى هيلاقى ناس فكرهم قريب منه فهيقدر يسأل اسئلة تفصيلية وتعليمية وهتبقى بنتعلم من بعض.


يعنى فى الختام هتكون دى هى الورشة الأم للمبتدئين واللى الدنيا ملطشة معهم عشان :

1- نتعلم الفوريكس خطوة خطوة مع بعض.
2- نتعلم من اخطاء بعض.
3- نطور مستوانا ونكسر حاجز الخوف.

والجزء المهم كمان ان فيه افكار تانية كتيرة جدا هدفها ربط الموضوع ده والناس اللى فيه بعموم المنتدى عشان يبقى استفدنا اننا طلعنا ناس من الموضوع بقت بتفهم فوريكس وكمان المنتدى عادت عليه فائدة من ناحية الترويج ليه والدعاية ومن ناحية نشاطه
وان شاء الله مع تطور الموضوع ونجاحه هنبدأ نعرض وننفذ الافكار اللى متعلقة بكل مرحلة من مراحل هذا الموضوع.




واخيرا الشكر لإدارة المنتدى الكبير اللى هتعتبر راعى للموضوع ده لانه يعد نواة هامة للمنتدى بشكل عام إن شاء الله
شكرا جزيلا


مواضيع ذات صلة

دروس فيديو دورة تعليم الفوركس مجمعة كاملة (http://www.fx-arabia.com/vb/showthread.php?t=11991)

[احمد صلاح]

واضح ان الموضوع فيه أفكار كتير ,
بس فكره جميله ,
وفى انتظار توصات المبتدئين عشان ندخل وراهم واحنا مغمضين :1 (76):

ومتابع معك
وكلنا مع المبتدئيبن

[msh4egy]

واضح ان الموضوع فيه أفكار كتير ,
بس فكره جميله ,
وفى انتظار توصات المبتدئين عشان ندخل وراهم واحنا مغمضين :1 (76):

ومتابع معك
وكلنا مع المبتدئيبن



شكرا جزيلا يا ابو حميد
وانت وباقى المشرفين واسامة
هيكون ليكم دور كبير معانا ان شاء الله
عشان الموضوع ده هيحتاج منكم عون كبير ان شاء الله

[M Sabry M Elbakrawy]

موضوع رااااااااااااااائع
وانا متابع معاكو بصفتي خبرتي قليلة شوية وبداياتي لاتتعدي 3 شهور ولسه ماعنديش اكونت حقيقي للمتاجرة عليه

وحاولت الم الموضوع شوية :1 (96):

[أحمد الرويني]

ورشة موفقة و فكرتها رائعة
متابع معاكم إن شاء الله :)

[اسلام العوامى]

وانا مسجل حضور معاكم واول مشاركة منى فرصة على اليورو دولار فى حدود 10 نقط الدخول بيع من 1.3206 بهدف 10 نقط

[سيد الزعمان]

السلام عليكم عاوز اعرف اهم الاسئلة التي اوجها لمديري حسابي قبل تسليمه ادارة حسابي

[احمد صلاح]

السلام عليكم عاوز اعرف اهم الاسئلة التي اوجها لمديري حسابي قبل تسليمه ادارة حسابي

اداره الحسابات ليست بالشىء السهل واتمنى الا تقع فى اشخاص وهميين لايصلحون لاداره الحساب
عمتا اهم شىء ان ترى طريقته فى المتاجره
على حساب حقيقى باسمه مدته لاتقل عن 3 شهور لتتأكد من صلاحيته

وبالتوفيق لك

[msh4egy]

ورشة موفقة و فكرتها رائعة
متابع معاكم إن شاء الله :)


شكرا جزيلا يا ابو حميد
هنحتاجكم معانا ان شاء الله

[msh4egy]

موضوع رااااااااااااااائع
وانا متابع معاكو بصفتي خبرتي قليلة شوية وبداياتي لاتتعدي 3 شهور ولسه ماعنديش اكونت حقيقي للمتاجرة عليه

وحاولت الم الموضوع شوية :1 (96):





يبقى انت هنا جيت للمكان الصح
ده مكانك ان شاء الله

[aafag]

واضح ان الموضوع فيه أفكار كتير ,
بس فكره جميله ,
وفى انتظار توصات المبتدئين عشان ندخل وراهم واحنا مغمضين :1 (76):

ومتابع معك
وكلنا مع المبتدئيبن



هههههههة واضح طبعا
ماتنساش تعمل مرور كل يوم للتصحيح اكيد الشارتات زي المطر
بس يارب ما تنسى كل اللي درسته بعد ما تشوف اللي هنعمله

لايك للموضوع الخرافي مع اني مش مبتدئة جدا بس فرصة اساعد غيري واختبر معلوماتي

[msh4egy]

وانا مسجل حضور معاكم واول مشاركة منى فرصة على اليورو دولار فى حدود 10 نقط الدخول بيع من 1.3206 بهدف 10 نقط


جميل جدا منك ان البداية تكون من عندك باول توصية

[msh4egy]

اداره الحسابات ليست بالشىء السهل واتمنى الا تقع فى اشخاص وهميين لايصلحون لاداره الحساب
عمتا اهم شىء ان ترى طريقته فى المتاجره
على حساب حقيقى باسمه مدته لاتقل عن 3 شهور لتتأكد من صلاحيته

وبالتوفيق لك



زى ما قالك احمد صلاح
واحب اضيف كمان انك تخلى الشخص ده يشرحلك الطريقة اللى هيمش عليها
لو لقيته من النوع اللى عاوز يجيب ارباح ضخمة فى وقت قصير
نصيحة منى ,, خد فلوسك واجرى

لا تثق الا فى الشخص اللى هيمشى واحدة واحده وبالعقل
عشان لو حصلت خسارة ماتكونش فادحة

[اسلام العوامى]

تم تحقيق هدف اليورو دولار واكثر الحمد لله

[اسلام العوامى]

التوصية الثانية شراء اليورو دولار من 1.3197 بهدف 10 نقاط

[اسلام العوامى]

شراء الذهب من 1630.75 بهدف 10 نقاط

[اسلام العوامى]

شراء الباوند ينت من 131.43 بهدف 10 نقاط

[اسلام العوامى]

فين الناس

[mohaa12]

معاك ان شاء الله
متابعين للوصول لبر الامان

[احمد صلاح]

هههههههة واضح طبعا
ماتنساش تعمل مرور كل يوم للتصحيح اكيد الشارتات زي المطر
بس يارب ما تنسى كل اللي درسته بعد ما تشوف اللي هنعمله

لايك للموضوع الخرافي مع اني مش مبتدئة جدا بس فرصة اساعد غيري واختبر معلوماتي



العفو العفو ,
احنا بنتعلم منكم ...
بس انا شكلى هاشوف بدع :1 (12):

يالا هانشوف احلى تحليل فنى :1 (80):

[msh4egy]

فين الناس

مجهود جميل جدا منك يا عوامى
وان شاء الله واضح انك هتبقى اساسى معانا فى الموضوع

الحكاية بس ان لسه الموضوع نازل من حوالى ساعتين
فكل الاعضاء لسه ماقرأتهوش ولسه الفكرة هتنتشر ان شاء الله

فلا تييأس

[احمد صلاح]

شراء الباوند ينت من 131.43 بهدف 10 نقاط

شراء الذهب من 1630.75 بهدف 10 نقاط

التوصية الثانية شراء اليورو دولار من 1.3197 بهدف 10 نقاط

تم تحقيق هدف اليورو دولار واكثر الحمد لله


وراك يامعلم :D
الله ينور والى الاهداف ;)

[msh4egy]

معاك ان شاء الله
متابعين للوصول لبر الامان




ان شاء الله

ومنور

[• فهد •]

انا بحب الافكار الجديدة

فكرة جميلة وان شاء الله هتابع معاكوا

[• فهد •]

يا ريت اللى يحط فرصة يحط الشارت بتاعة مع اسباب الدخول

علشان غيرة يفهم ويتعلم

[اسلام العوامى]

تم تحقيق هدف التوصية الثانية لليورو دولار بحمد الله والله ينور عليكوا

[mahmoud0711]

فكرة جميلة بالتوفيق معاكم ان شاء الله

[اسلام العوامى]

الفرص اللى انا شغال عليها سكالبينج مش هلحق احط الشارت انا يادوب بلحق احط التوصية وشكرا

[اسلام العوامى]

الباوند ين وصل للهدف بتاعه من زمان والدهب جاب 100 نقطة مش 10

[msh4egy]

يا ريت اللى يحط فرصة يحط الشارت بتاعة مع اسباب الدخول

علشان غيرة يفهم ويتعلم


اهلا بيك اولا
وثانيا ,, فعلا والنقطة دى هنهتم بيها
بس يمكن عشان هو شغال تلقيط سريع
ولكن هنظبط الدنيا دى ان شاء الله

[اسلام العوامى]

تصحيح الدهب 100 نقطة = 10 نقط فى العملات الرئيسية

[msh4egy]

الفرص اللى انا شغال عليها سكالبينج مش هلحق احط الشارت انا يادوب بلحق احط التوصية وشكرا


وتوضيح للناس سكالبينج يعنى تلقيط سريع
وفعلا صعب فيها انك تعمل شارت قبليها
لكن ان شاء الله هنظبط الحكاية دى لما الناس كلها تقرا الموضوع وتبقى معانا

وياريت برضه ياباشا من جانبك انت توضح لينا بتعمل السكالبينج "التلقيط السريع" بناء على ايه

[اسلام العوامى]

انا شغال على اكثر من نظام يعنى اليورو دولار شغال على thv ودى ليها موضوع فى المنتدى هحاول احط الرابط بتاعة اما بقية الازواج اما على الشمعة المنحرفة عن البولنجر او عن طريق التحليل الكلاسيكى ودة طبعا اساسى

[اسلام العوامى]

شراء اليورو دولار من 1.3207 بهدف 5 نقط فوق السبريد

[msh4egy]

انا شغال على اكثر من نظام يعنى اليورو دولار شغال على thv ودى ليها موضوع فى المنتدى هحاول احط الرابط بتاعة اما بقية الازواج اما على الشمعة المنحرفة عن البولنجر او عن طريق التحليل الكلاسيكى ودة طبعا اساسى


بتشتغل على TVH ايه ؟

خطين التركس ولا الاسهم ؟؟

[msh4egy]

شراء اليورو دولار من 1.3207 بهدف 5 نقط فوق السبريد


معاك فى التوصية دى ان شاء الله

[اسلام العوامى]

thv النسخة الرابعة خطين التريكس بس لازم فى الشراء تقاطع الخطين تحت الصفر بنفس اللون وخط الكورال يدى علامه صفرا دليل التحول من بيع لشرا واختراق السعر للسحابة لو شرط واحد ناقص يبقى فى خطورة وده كلة على فريم 5 دقايق

[احمد صلاح]

وتوضيح للناس سكالبينج يعنى تلقيط سريع
وفعلا صعب فيها انك تعمل شارت قبليها
لكن ان شاء الله هنظبط الحكاية دى لما الناس كلها تقرا الموضوع وتبقى معانا

وياريت برضه ياباشا من جانبك انت توضح لينا بتعمل السكالبينج "التلقيط السريع" بناء على ايه



انا شغال على اكثر من نظام يعنى اليورو دولار شغال على thv ودى ليها موضوع فى المنتدى هحاول احط الرابط بتاعة اما بقية الازواج اما على الشمعة المنحرفة عن البولنجر او عن طريق التحليل الكلاسيكى ودة طبعا اساسى

بتشتغل على TVH ايه ؟

خطين التركس ولا الاسهم ؟؟




تفضلوا هذا لينك الاستراتيجيه
فيديو:نظام جديد للمتاجرة فى فوركس THV (http://www.fx-arabia.com/vb/showthread.php?t=10562)

اى خدمه ;)

[msh4egy]

thv النسخة الرابعة خطين التريكس بس لازم فى الشراء تقاطع الخطين تحت الصفر بنفس اللون وخط الكورال يدى علامه صفرا دليل التحول من بيع لشرا واختراق السعر للسحابة لو شرط واحد ناقص يبقى فى خطورة وده كلة على فريم 5 دقايق


جميل جدا ,, انا عندى برضه النسخة الرابعة
وفعلا الخطوات اللى انت قلتها هى شروط تطبيق الطريقة
ان يتوافر فيها الحاجات دى كلها

وان شاء الله تستفيد منها

وهنزلها قريب ان شاء الله شرح بالشارت

[msh4egy]

تفضلوا هذا لينك الاستراتيجيه
فيديو:نظام جديد للمتاجرة فى فوركس THV (http://www.fx-arabia.com/vb/showthread.php?t=10562)

اى خدمه ;)


الله عليك يا ابو حميد

مشاركة مهمة جدا لانى عارف ان الاستراتيجية دى كويسة

[اسلام العوامى]

اليورو ضرب ستوب قدر الله وماشاء فعل ندخل بيع من 1.3197 بهدف 10 نقط وستوب 10

[احمد صلاح]

الله عليك يا ابو حميد

مشاركة مهمة جدا لانى عارف ان الاستراتيجية دى كويسة



العفو , اخى الغالى ,
وان شاء الله يستفاد منها جميه اعضائنا المبتدئين ,
فهى مترجمه ايضا

تحياتى لكم ومبروك افتتاح الورشه

[msh4egy]

اليورو ضرب ستوب قدر الله وماشاء فعل ندخل بيع من 1.3197 بهدف 10 نقط وستوب 10


جميل جدا ,, دى ضربت التيك بتاعها علطول

[اسلام العوامى]

اليورو ضرب ستوب قدر الله وماشاء فعل ندخل بيع من 1.3197 بهدف 10 نقط وستوب 10

الحمد لله الهدف اتحقق

[اسلام العوامى]

فرصة على الدولار فرنك بيع من 0.9115 بهدف 10 نقاط

[اسلام العوامى]

فرصة على الباوند ين بيع من 131.66 بهدف 10 نقاط

[اسلام العوامى]

واحدة على الاسترالى ين بيع من84.25 بهدف 10 نقاط

[اسلام العوامى]

تعديل على هدف الاسترالى خلية 5 نقط بس

[bary_3]

تسجيل متابعة:1 (76):

[اسلام العوامى]

فرصة على الدولار فرنك بيع من 0.9115 بهدف 10 نقاط

اتحقق الهدف الحمد لله
ايه ياجماعة محدش عنده فرص قدامة ولا اية

[اسلام العوامى]

فرصة على الدولار فرنك شراء من 0.9092 بهدف 10 نقط

[اسلام العوامى]

واحدة على الاسترالى ين بيع من84.25 بهدف 5 نقاط

اتحقق الحمد لله

[اسلام العوامى]

فرصة على الباوند ين بيع من 131.66 بهدف 10 نقاط

الهدف اتحقق الحمد لله

[wolfkamikaz]

اعجبتني الفكرة و شكرا لك طريقة رائعة و احنا دائما معاكم جميل الدخول بقوة توصيات جميلة باهداف قليلة في حالة انعكاس السعر في الاسكالبينج ماهو النظام المعتمد لديكم ؟ نصيحة عندما تريد الدخول اسكالبينج يجب عمل خطة بديلة في حالة الانعكاس او ستوب لوز اجباري اي عندما ينعكس عليك و تدرك انه لن يعود اضغط على ستوب و الا اكل ربحك
نصيحة اخرى لا تغترو ساعدوا بعضكم مهما كانت الظروف و لا تلوموا انفسكم على خسارة حدثت لا قدر الله
لا تكتم علما ابدا
و احب لغيرك ما تحب لنفسك
بالتوفيق يا غاليين و سابقى في صفكم فكلنا مبتدؤون

[اسلام العوامى]

شكرا ليك ياغالى واستوب الصفقات 10 نقط ثابت وربنا يبعدنا عن الغرور يارب ويخلينا دايما نعاون بعض فان الله فى عون العبد مادام العبد فى عون اخية وشكرا

[اسلام العوامى]

الناس راحت فين ؟؟؟

[M Sabry M Elbakrawy]

الناس راحت فين ؟؟؟

اناااااااا موجود وحبقي لاجي هنااااا :1 (80):
ومتابع معاك
وان شاء الله اشوف شرح لاستراتيجية اللي شغال بيها عشان افهم بقي :1 (4)::1 (4):

[اسلام العوامى]

اهلا بيك ياغالى
الناس شكلها نامت بدرى بدرى

[M Sabry M Elbakrawy]

لا لا مانموش تلاقيهم بيتفرجو علي الماتش :1 (104):

[اسلام العوامى]

بيع اليورو دولار من 1.3214 بهدف 10 نقاط

[احمد صلاح]

اهلا بيك ياغالى
الناس شكلها نامت بدرى بدرى

لا لا مانموش تلاقيهم بيتفرجو علي الماتش :1 (104):



اكيد بيتفرجو على الماتش ,
ولا برنانكى سد نفسهم فى المتاجره ;)

بالتوفيق

[اسلام العوامى]

مش وقت ماتش ده
السوق اول مره من ساعة لما اتعلمت فوركس اشوفه كده
ان شاء الله النهاردة البحر هيرمى خير كتيييير

[اسلام العوامى]

سؤال للمشرف الغالى احمد صلاح
لو انا عايز نقاط التوصيات المحققة اللى على اليمين دى تعد ياباشا اعمل اية

[msh4egy]

اعجبتني الفكرة و شكرا لك طريقة رائعة و احنا دائما معاكم جميل الدخول بقوة توصيات جميلة باهداف قليلة في حالة انعكاس السعر في الاسكالبينج ماهو النظام المعتمد لديكم ؟ نصيحة عندما تريد الدخول اسكالبينج يجب عمل خطة بديلة في حالة الانعكاس او ستوب لوز اجباري اي عندما ينعكس عليك و تدرك انه لن يعود اضغط على ستوب و الا اكل ربحك
نصيحة اخرى لا تغترو ساعدوا بعضكم مهما كانت الظروف و لا تلوموا انفسكم على خسارة حدثت لا قدر الله
لا تكتم علما ابدا
و احب لغيرك ما تحب لنفسك
بالتوفيق يا غاليين و سابقى في صفكم فكلنا مبتدؤون



شكرا جزيلا لك
وفعلا انت قلت نقطة مهمة هى حكاية الانعكاس فى الاسكالبينج
لان فى ناس مش بتشتغل بستوب فيها وده فيه خطورة
عشان كده مش بحب الاسكالبينج

[msh4egy]

اهلا بيك ياغالى
الناس شكلها نامت بدرى بدرى


لا ابدا
الماتش فعلا اخدنا كلنا
وبعد ما الريال خسر كمان الناس نفسها اتسدت وانا معاهم :1 (12):

وان شاء الله الموضوع هيبقى افضل
هو بس عشان لسه فى الاول والناس لسه بتعرفها ولسه هنتفاعل فيه
وان شاء الله هيكون ليك دور مهم معانا

[السيد الجبالي]

فكره غايه في الروعه وربنا يوفقكم واكيد معااااكم يا كبير ومستنين باقي الافكار

[archiwork]

أحب أقول لصاحب الموضوع الى هو عمل الورشة دى انهاردة و الأن الدنيا ملطشة معاه
بكرة هايطلع من هنا برنس كبير أوى وهيعمل ورشة توصيات خش ورايا وانت مغمض
أنا مع فكرة التفاعل وحاجة جميلة أن الناس تضيف لبعضها معلومات والتعليم يكون تراكمى
وان شاء الله متابع معاكوا
بالتوفيق للجميع

[م.جوزيف ايهاب]

فكرة رائعة فعلا
متابع معكم وبالتوفيق للجميع
بالنسبة لبعض التوصيات اللي شوفتها مثل الاسترالي ين خدوا بالكو ان السبريد في الكروسات دي بيكون عالي وبيوصل ل10 نقاط
تحياتي

[msh4egy]

فكره غايه في الروعه وربنا يوفقكم واكيد معااااكم يا كبير ومستنين باقي الافكار




ربنا يخليك
ومنور معانا

[msh4egy]

فكرة رائعة فعلا
متابع معكم وبالتوفيق للجميع
بالنسبة لبعض التوصيات اللي شوفتها مثل الاسترالي ين خدوا بالكو ان السبريد في الكروسات دي بيكون عالي وبيوصل ل10 نقاط
تحياتي

ملحوظة جيدة جدا لان فيه ناس مبتدئين مش بياخدوا بالهم من الحكاية دى

[msh4egy]

أحب أقول لصاحب الموضوع الى هو عمل الورشة دى انهاردة و الأن الدنيا ملطشة معاه
بكرة هايطلع من هنا برنس كبير أوى وهيعمل ورشة توصيات خش ورايا وانت مغمض
أنا مع فكرة التفاعل وحاجة جميلة أن الناس تضيف لبعضها معلومات والتعليم يكون تراكمى
وان شاء الله متابع معاكوا
بالتوفيق للجميع


ربنا يخليك وشعور جميل منك
ومشرف معانا

[msh4egy]

يالا بينا يا جماعة

الناس المبتدئين واللى الدنيا ملطشة معاهم


كل واحد يدخل يقول رأيه فى السوق دلوقتى ولو عنده توصيات يقولها

على الاقل على الازواج الاشهر EURUSD GBPUSD

[م.جوزيف ايهاب]

في رأيي اليورو والباوند للبيع علي الاقل 30 نقطة

[msh4egy]

فيه خبر إيجابى قوى دلوقتى على للدولار

خبر عن المبيعات

هننتظر ربما اليورو دولار ينزل دلوقتى

[msh4egy]

انا رأى دلوقتى ان اليورو دولار ممكن يكون شراء

لان فيه دعم بسيط عند 1.3231 وممكن يطلع مثلا فوق حوالى 10 نقط

ايه رأيكم ؟؟؟؟؟؟؟؟؟؟

[romio2oo5]

انا بحلل بطريقه الوافي وصفقاتي عن طريقته واتوقع استمرار الصعود ل 20 نقطة تقريبا وسيتم كسر الترند الصاعد وسيبدا بالهبوط واذا تم كسر نقطه 1.3260 سيستمر في الصعود

الموضوع اكثر من رائع ....

[romio2oo5]

انا بحلل بطريقه الوافي وصفقاتي عن طريقته واتوقع استمرار الصعود ل 20 نقطة تقريبا وسيتم كسر الترند الصاعد وسيبدا بالهبوط واذا تم كسر نقطه 1.3260 سيستمر في الصعود

الموضوع اكثر من رائع ....

مرفق صورة للشارت تبعا لتحليلي

( تحليلي من نظرتي ولست مسئولا عن خسارتك )

[romio2oo5]

تم كسر الترند الصاعد سريعا وتم الدخول بيع بهدف 20 نقطه ( حقيقي )

[romio2oo5]

تم تحقيق الهدف 20 نقطه علي طريقه الوافي
وهنالك المزيد من الهبوط بعد كسر الترند الصاعد اليومي...

[romio2oo5]

مرفق صورة تحقيق الهدف

[احمد صلاح]

الله ينور عليكم بجد ,
وان شاء الله الدنيا مش هاتلطش معاكم ابدا ,

بالتوفيق للجميع

[M Sabry M Elbakrawy]

كنت منزل الشارت ده في توصيات اليورو دولار
ونسيت اجيبه هنا معلش هو عامة جاب +30 :1 (32):

http://www.fx-arabia.com/vb/uploaded/8759_11335474784.jpg (http://www.fx-arabia.com/vb)

[msh4egy]

انا بحلل بطريقه الوافي وصفقاتي عن طريقته واتوقع استمرار الصعود ل 20 نقطة تقريبا وسيتم كسر الترند الصاعد وسيبدا بالهبوط واذا تم كسر نقطه 1.3260 سيستمر في الصعود

الموضوع اكثر من رائع ....


طيب ياريت تشرحلنا ايه هى طريقة الوافى دى عشان اول مرة اسمع عنها

[msh4egy]

كنت منزل الشارت ده في توصيات اليورو دولار
ونسيت اجيبه هنا معلش هو عامة جاب +30 :1 (32):

http://www.fx-arabia.com/vb/uploaded/8759_11335474784.jpg (http://www.fx-arabia.com/vb)




ممتااااااااااااز جدااااااااااا

[khaled eldraginy]

معاكم يا كبير انا لسه فاتح حساب قريب و الحمد لله طاااااااااااااااااااااااااار :D

ان شاء الله تكون ورشة قوية و نتعلم من بعض

و دي استراتيجية الوافي عشان في ناس سألت عليها

http://www.fx-arabia.com/vb/uploaded/7513_01335489961.pdf

بالتوفيق لكل اعضاء المنتدي

[msh4egy]

معاكم يا كبير انا لسه فاتح حساب قريب و الحمد لله طاااااااااااااااااااااااااار :D

ان شاء الله تكون ورشة قوية و نتعلم من بعض

و دي استراتيجية الوافي عشان في ناس سألت عليها

http://www.fx-arabia.com/vb/uploaded/7513_01335489961.pdf

بالتوفيق لكل اعضاء المنتدي


مشاركة اولى ممتازة منك
وشكرا على الشرح
انا بقرأ فيه حاليا

[msh4egy]

جمعة مباركة عليكم يا جماعة

وايه اخبار الفوريكس معاكم فى اخر يوم قبل السوق ما يقفل

فى حد متعلق فى صفقات ؟؟؟؟؟

[romio2oo5]

معاكم يا كبير انا لسه فاتح حساب قريب و الحمد لله طاااااااااااااااااااااااااار :D

ان شاء الله تكون ورشة قوية و نتعلم من بعض

و دي استراتيجية الوافي عشان في ناس سألت عليها

http://www.fx-arabia.com/vb/uploaded/7513_01335489961.pdf

بالتوفيق لكل اعضاء المنتدي

جزاك الله كل خير
والله الطريقه دي انا اشتغلت بيها اسبوع بعد قراءة دامت اسابيع علشان اتعلم الطريقه
والحمد لله زاد الحساب تقريبا 45 % في اسبوع متاجرة :1 (67):

[jamalscalper]

جزاك الله كل خير
والله الطريقه دي انا اشتغلت بيها اسبوع بعد قراءة دامت اسابيع علشان اتعلم الطريقه
والحمد لله زاد الحساب تقريبا 45 % في اسبوع متاجرة :1 (67):

جميل ادن انت مدين للوافي ب1 في المءه من الارباح زكاة :1:وياريت لو تنقل لنا خبرتك من الاستراتيجيه لتعم الفاءده

[romio2oo5]

باذن الله النسبه اكيد خارجه لله ان شاء الله
ومن حيث الخبرة فقريبا ساوضح الفكرة باختصار بعد قرائتك للكتاب جيدا وساضيف عليها الكثير من التحليل الكلاسيكي حتي نخرج بزبده التحليل كما قال الوافي
وسارفق كتاب للتحليل الكلاسيكي سابدا بالعمل به بجانب طريقه الوافي ارجو قرائته جيدا
http://www.4shared.com/file/zxnbmbjt/_____-__.html

[jamalscalper]

باذن الله النسبه اكيد خارجه لله ان شاء الله
ومن حيث الخبرة فقريبا ساوضح الفكرة باختصار بعد قرائتك للكتاب جيدا وساضيف عليها الكثير من التحليل الكلاسيكي حتي نخرج بزبده التحليل كما قال الوافي
وسارفق كتاب للتحليل الكلاسيكي سابدا بالعمل به بجانب طريقه الوافي ارجو قرائته جيدا
http://www.4shared.com/file/zxnbmbjt/_____-__.html

بارك الله فيك انت حمستني جاري القراءه ولو انها 1035 صفحه مع ضعفي في الانجليزي اراها 5000 صفحه لكن تهون للوصول إلى نتاءج مرضية بتوفيق الله اشكررك استاد ولا تحرمنا مزيدك

[r7aal]

هو احلى حاجة ف استراتيجية الوافى انها بتخليك تاخد السوق طالع نازل
والاجمل بالنسبالى انها متوافقة مع فكرة راس الشنكو انك احيانا بتخش مع
كسر المقاومات والدعوم ..صراحة استراتجية كويسة للى فهمها و حاجة تانية
خالص للى مش فاهمها .. ياريت اللى فهمها اوى يشرحهالنا كمان مرة

[romio2oo5]

هو احلى حاجة ف استراتيجية الوافى انها بتخليك تاخد السوق طالع نازل
والاجمل بالنسبالى انها متوافقة مع فكرة راس الشنكو انك احيانا بتخش مع
كسر المقاومات والدعوم ..صراحة استراتجية كويسة للى فهمها و حاجة تانية
خالص للى مش فاهمها .. ياريت اللى فهمها اوى يشرحهالنا كمان مرة

الحمد لله رب العالمين والصلاه والسلام علي اشرف المرسلين سيدنا محمد صلي الله عليه وسلم تسليما كثيرا
صراحه انا كنت شايف ان مفيش وقت اشرح يه الطريقه الخاصه بالوافي مع الاضافات الجديده وكنت هقوم بالعمل ده كعمل خير في منتدي مجاور حيث اني مشترك في الكثير من المنتديات وبالاخص منتدي واحد مجاور كنت ساشرح فيه طريقه الوافي بالاضافات وصراحه انا شايف اني لو عرضها هكون مستفيد بالمتابعه زي المتابعين بس مش هقدر اواصل مع اكثر من مكان ولكني ان استطعت فلن ابخل
حيث اني عاهدت نفسي ان وجدت طريقه تربح بالاموال والراحه وبدون خسائر سانشرها بدون تردد ....
انتظروني قريبا ان وفقني الله تعالي فيما افكر

[السيد الجبالي]

مستنينك يا كبير وبالتوفيق ان شاء الله

[Aymanalmerai]

بارك الله بكم يا شباب
بالفعل تطبيق حقيقي لفكرة أن رحلة الأف ميل بتبدأ بخطوة
موفقين و متابعين معاكم

[khaled eldraginy]

تصوري لليورو

طالما السعر اسفل الترند الهابط علي الديلي بالنسبة ليا البيع احسن

السعر ارتد من اعلي البولينجر باند مع وجود تشبع شراء علي الديلي و الاربع ساعات

لو تم سيناريو الهبوط من الممكن وصول السعر لمستويات 1.31940 و اذا تم كسرها ممكن يصل ل 1.31360


http://www.fx-arabia.com/vb/uploaded/7513_01335748570.png

[msh4egy]

تصوري لليورو

طالما السعر اسفل الترند الهابط علي الديلي بالنسبة ليا البيع احسن

السعر ارتد من اعلي البولينجر باند مع وجود تشبع شراء علي الديلي و الاربع ساعات

لو تم سيناريو الهبوط من الممكن وصول السعر لمستويات 1.31940 و اذا تم كسرها ممكن يصل ل 1.31360


http://www.fx-arabia.com/vb/uploaded/7513_01335748570.png


بداية جيدة جدااااااااا لهذا الاسبوع ان شاء الله

واتمنى ان كلنا ان شاء الله نتواجد فى الموضوع ده

لانه بتاعنا كلنا احنا

[msh4egy]

ان شاء الله اسبوع يبقى كله ربح عليكم وعلينا ان شاء الله

وانا فى طريقة وصلتلها ,, طريقة سهلة وربحها الحمدلله وبسم الله ما شاء الله كويس

ولكن انا عملتها باك تيست مش كبير قوى ودقيق

عشان كده انا هشتغل عليها الاسبوع ده ان شاء الله

ولو نجحت هنزلها هنا فى الموضوع بالتفصيل وبالصور عشان مانزلهاش وتطلع فى الاخر مش كويسة قوى

وبالتوفيق للجميع ان شاء الله

[khaled eldraginy]

بداية جيدة جدااااااااا لهذا الاسبوع ان شاء الله

واتمنى ان كلنا ان شاء الله نتواجد فى الموضوع ده

لانه بتاعنا كلنا احنا


بالتوفيق لينا كلنا ان شاء الله

[مؤمن_كريشنا]

واللهى ورشة حلوة جدا

بالتوفيق للجميع يارب

ومتابع طبعا معاكوة لانى لسة بقول يا هادى

وياريت الاخوة اللى بيينزلوة توصيات يقولوة اسباب الدخول

ولو مش متوفر معاهم وقت ممكن يشرحوة بعدها بيوم او يومين اى وقت يفضى فية

ويشرحلنا ان امكن الاسترتيجية مع حفظ الحقوق طبعا لصاحبها

وشكرااااااااا

[msh4egy]

واللهى ورشة حلوة جدا

بالتوفيق للجميع يارب

ومتابع طبعا معاكوة لانى لسة بقول يا هادى

وياريت الاخوة اللى بيينزلوة توصيات يقولوة اسباب الدخول

ولو مش متوفر معاهم وقت ممكن يشرحوة بعدها بيوم او يومين اى وقت يفضى فية

ويشرحلنا ان امكن الاسترتيجية مع حفظ الحقوق طبعا لصاحبها

وشكرااااااااا



اهلا بيك يا مؤمن ,, منور
بس خد بالك لفظ الجلالة واللهى كده غلط
اكتبها والله

[مؤمن_كريشنا]

اهلا بيك يا مؤمن ,, منور
بس خد بالك لفظ الجلالة واللهى كده غلط
اكتبها والله



حاضر يا جميل

[r7aal]

انا بايع باوند بهدف 6200
وبايع دولار فرنك
بهدف 9050
حد معايا ?

[msh4egy]

انا بايع باوند بهدف 6200
وبايع دولار فرنك
بهدف 9050
حد معايا ?

الصفقة حتى الان جايبها 30 نقطة
بسم الله ما شاء الله

[ibrahimt]

فكرة ممتازة وانا من المبتدئين

بس بصراحة اقول اني بقالي اربعة اشهر ادرس الفوركس بس للان مش عارف كيف ابداء،ومن وين تكون البداية وكيف.
اخوكم ابراهيم

[msh4egy]

فكرة ممتازة وانا من المبتدئين

بس بصراحة اقول اني بقالي اربعة اشهر ادرس الفوركس بس للان مش عارف كيف ابداء،ومن وين تكون البداية وكيف.
اخوكم ابراهيم


ان شاء الله معانا تكون الامور كويسة

فى ناس بتنزل توصيات هنا فى الموضوع

وانا توصلت لطريقة لو ظبطت هتبقى فظيعة ان شاء الله .. سهلة ومافيهاش تعب ولا تفكير كتير وارباحها حلوة

بس لسه مش عاوز انزلها غير قبل ما اتأكد منها قوى الاسبوع ده ان شاء الله

وان شاء الله اول ما اتاكد منها الاسبوع ده هنزلها بالتفصيل

[msh4egy]

فرصة شراء يورو استرالى EUR\AUD
عند 1.2700 والهدف فى حدود 10 نقاط ان شاء الله

[msh4egy]

فرصة شراء يورو استرالى EUR\AUD
عند 1.2700 والهدف فى حدود 10 نقاط ان شاء الله




الحمدلله التوصية جابت اهدافها

والشارت اهو




http://www.iraqup.com/up/20120430/gJn57-1XNx_285963192.png

[M Sabry M Elbakrawy]

انا بايع الساحر USD/JPY
T/P 79.256
S/L 80.078

http://www.fx-arabia.com/vb/uploaded/8759_11335801205.jpg (http://www.fx-arabia.com/vb)

[msh4egy]

انا مش عارف ليه ماحدش من الإخوة المبتدئين او اللى الدنيا ملطشة معاهم بيشاركوا

مع ان مع إفتتاح الموضوع كانوا كلهم معجبين وحاسين ان المكان ده مناسب ليهم

وإلا ان يكون المنتدى كله محترفين ومافيش مبتدئين ولا حد الدنيا ملطشة معاه

[M Sabry M Elbakrawy]

انا مش عارف ليه ماحدش من الإخوة المبتدئين او اللى الدنيا ملطشة معاهم بيشاركوا

مع ان مع إفتتاح الموضوع كانوا كلهم معجبين وحاسين ان المكان ده مناسب ليهم

وإلا ان يكون المنتدى كله محترفين ومافيش مبتدئين ولا حد الدنيا ملطشة معاه




اناا معاااااااك يا شريف :1 (72):
خد بس فنجان قهورة روق اعصبك :1 (94):

[husseney]

متابع معاك يا شريف باشا
وان شاء الله الكل هيشارك

[msh4egy]

اناا معاااااااك يا شريف :1 (72):
خد بس فنجان قهورة روق اعصبك :1 (94):


ماشى ياعم ,, مقبولة منك القهوة دى
جات فى وقتها :1:

المشكلة بس ان فيه ناس عاوزة تشتغل فى الفوريكس وتكسب
من خلال انها تدخل المنتديات تاخد توصيات جاهزة بس

مش عاوزين يحللوا ويدرسوا ويتناقشوا ,, وهو ده الطريق الوحيد لتعلم الفوريكس

[msh4egy]

متابع معاك يا شريف باشا
وان شاء الله الكل هيشارك




منور الموضوع يا حسينى

[Benisafcom]

متابعين معك يا غالي و ان شاء الله موفقة وخضراء

[msh4egy]

متابعين معك يا غالي و ان شاء الله موفقة وخضراء

منور واهلا بيك وبكل اهل الجزائر

[msh4egy]

يالا يا جماعة لو حد عنده توصيه او تحليل او رأى

[م.جوزيف ايهاب]

يالا يا جماعة لو حد عنده توصيه او تحليل او رأى



بيع الكيبل للاستفادة من التصحيح بهدف 6160
ده رأيي الشخصي

[r7aal]

بيع الكيبل بحذر
وشرائه من مستويات 1.6160

[msh4egy]

جمييييييييل جدا

[msh4egy]

يا جماعة فرصة شراء دلوقتى على اليورو دولار EURUSD ان شاء الله

شراء من 1.3242
وتيك بروفت 30 نقطة
وستوب لوس 30 نقطة

وبالتوفيق لينا كلنا ان شاء الله فى الصفقة دى

[aafag]

صفقة موفقة والى الاهداف
عن نفسي داخلة شراء يورو ين وبايعة الدولار فرنك والاسترالي دولار والباوند دولار

[msh4egy]

يا جماعة فرصة شراء دلوقتى على اليورو دولار EURUSD ان شاء الله

شراء من 1.3242
وتيك بروفت 30 نقطة
وستوب لوس 30 نقطة

وبالتوفيق لينا كلنا ان شاء الله فى الصفقة دى





الحمدلله رب العالمين الصفقة حققت اهدافها بالكامل
مبروك على اللى دخل فيها 30 نقطة

http://www.iraqup.com/up/20120501/5L00X-gjrM_299424694.png

[msh4egy]

يا جماعة فرصة شراء دلوقتى على اليورو دولار EURUSD ان شاء الله

شراء من 1.3242
وتيك بروفت 30 نقطة
وستوب لوس 30 نقطة

وبالتوفيق لينا كلنا ان شاء الله فى الصفقة دى




الحمدلله رب العالمين الصفقة حققت اهدافها بالكامل
مبروك على اللى دخل فيها 30 نقطة


http://www.iraqup.com/up/20120501/nX4e4-X6Dj_655878234.png

[السيد الجبالي]

دايما بالتوفيق ومستنين دايما المذيد

[msh4egy]

دايما بالتوفيق ومستنين دايما المذيد




شكرا جزيلا
اهم حاجه بس كلنا نتفاعل فى الموضوع ده لانه بتاعنا كلنا

[msh4egy]

فرصة بيع باوند دلوقتى 1.6188 GBPUSD

وبالتيك بروفت 30
والستوب لوس 30

وبالتوفيق ان شاء الله

[msh4egy]

فرصة بيع باوند دلوقتى 1.6188 GBPUSD

وبالتيك بروفت 30
والستوب لوس 30

وبالتوفيق ان شاء الله






الصفقة ضربت الاستوب 30 نقطة
والسبب انى دخلت وقت خبر قوى على الدولار
وهذا خطأ لن يتكرر ان شاء الله

[• فهد •]

بالتوفيق فى الورشة يا غالى

ممكن تشرح الطريقة اللى شغال بيها ؟

[msh4egy]

بالتوفيق فى الورشة يا غالى

ممكن تشرح الطريقة اللى شغال بيها ؟

ان شاء الله انا فى إطار تجربتها ولو ثبتت كفاءه
هنزلها ان شاء الله هنا بالتفصيل
وادعى يارب تبقى كويسة لانها سهلة وبجد روعة ان شاء الله

[msh4egy]

فييييييييييييينكم يا جماعة؟

[khaled eldraginy]

فرصة حلوة علي اليورو ين و النموذج ان شاء الله في طريقه لكسر خط العنق

http://www.fx-arabia.com/vb/uploaded/7513_01335187215.jpg

[msh4egy]

فرصة شراء USD/JPY ان شاء الله

شراء من 79.72

T: 30
S: 30

[msh4egy]

فرصة شراء Eur/Cad ان شاء الله

شراء من عند 1.2986

T 50,70
S 40

[احمد صلاح]

فرصة شراء USD/JPY ان شاء الله

شراء من 79.72

T: 30
S: 30



فرصة شراء Eur/Cad ان شاء الله

شراء من عند 1.2986

T 50,70
S 40




الله ينور ياشريف بيه ,
والى الاهداف ان شاء الله ,
متابعين معاك

ومستنينك توضحلنا الاستراتيجيه ال انته شغال بيها عشان كل الاعضاء تستفيد

[ibrahimt]

تم تفعيل التوصيات على حسابي الديمو ومنتضرين النتائج

[msh4egy]

الله ينور ياشريف بيه ,
والى الاهداف ان شاء الله ,
متابعين معاك

ومستنينك توضحلنا الاستراتيجيه ال انته شغال بيها عشان كل الاعضاء تستفيد



شكرا جزيلا يا ابو حميد
وانا وعدت الاعضاء ان شاء الله ان الطريقة لو مشيت بشكل سليم

هنزلها بشرح صور عشان الكل يستفيد ان شاء الله

[msh4egy]

تم تفعيل التوصيات على حسابي الديمو ومنتضرين النتائج


ان شاء الله تنتهى على خير الصفقتين

صفقة الدولار الين الاولى فاضل لها نقطتين وتحقق هدفها ان شاء الله 30 نقطة

وصفقة اليورو كندى لسه بدرى عليها لان الصفقات دى طويل شوية يعنى تقعد يوم او يومين

وبالتوفيق للجميع ان شاء الله

[wawaz]

الله ينور على الشغل الجميل
ياريت تكتب بيانات حسابك لمتابعة افضل
login
investor
وعلى اى منصة
بالتوفيق يا غالى

[husseney]

ان شاء الله تنتهى على خير الصفقتين

صفقة الدولار الين الاولى فاضل لها نقطتين وتحقق هدفها ان شاء الله 30 نقطة

وصفقة اليورو كندى لسه بدرى عليها لان الصفقات دى طويل شوية يعنى تقعد يوم او يومين

وبالتوفيق للجميع ان شاء الله





الله ينور يا شريف شغل احترافى
والف مبروك اول تارجت
ومتابع معاك

[msh4egy]

فرصة شراء على USD/CAD ان شاء الله

شراء من 1.0028

T 60
S 40

وبالتوفيق للجميع ان شاء الله

[msh4egy]

الله ينور على الشغل الجميل
ياريت تكتب بيانات حسابك لمتابعة افضل
login
investor
وعلى اى منصة
بالتوفيق يا غالى


شكرا جزيلا

وخلى خطوة انى احط الحساب ان شاء الله قريب
لما الامور تتأكد معايا اكتر

ومش بس حساب
انا هنزل ان شاء الله الطريقة اللى بشتغل عليها بالتفصيل والصور
وادعى يارب تكمل على خير عشان ان شاء الله هتبقى طريقة وسهلة جدا ومافيهاش وجع دماغ

بس قول يارب D:

[msh4egy]

صفقتين EUR/CAD , USD/CAD
ضربوا الاستوب بسبب الاخبار القوية اللى على الدولار والكندى
وطبعا الاخبار مش بتعترف بأى قواعد

[msh4egy]

ان شاء الله تابعونى فى الورشة الجديدة بدءا من اليوم

على

★★★ ◄ التــيــكــى تــــاكــــا► صفقات على طريقة برشلونة ★★★ (http://www.fx-arabia.com/vb/showthread.php?t=20958)


صفقات سهلة وبسيطة وبتيك وستوب وان شاء الله مضمونة

[msh4egy]

تابعوا الفرصة الاولى فى الورشة الجديدة ان شاء الله



★★★ ◄ التــيــكــى تــــاكــــا► صفقات على طريقة برشلونة ★★★ (http://www.fx-arabia.com/vb/showthread.php?t=20958)

[Benisafcom]

متابعين يا غالي رغم انني من عشاق الريال ههههه

[msh4egy]

تابعونا فى الورشة الجديدة

★★★ ◄ التــيــكــى تــــاكــــا► صفقات على طريقة برشلونة ★★★ (http://www.fx-arabia.com/vb/showthread.php?t=20958)

[السيد الجبالي]

متابعين باذن الله .. وبالتوفيق

[msh4egy]

متابعين باذن الله .. وبالتوفيق



تنور معانا

[msh4egy]

تابعوا معنا فى ورشة التيكى تاكا احدث اربعة صفقات ان شاء الله

[M.Hussien]

السلام عليكم
فكرة الموضوع فكرة جيدة ان يكون تجمع للمبتدئين وكنت اتمنى المشاركة معكم
بس الواضح ان التفاعل انتقل الي ورشة صاحب الموضوع وتم اهمال الفكرة الاصلية للموضوع

شكرا وتقبلوا مرورى

[cupid19]

بالتوفيق لكل المبتدئيين اللي زي
ولو كنت اعتقد ان التعلم من الناس الخبراء الرائعين في هذا المنتدي اوقع واكثر فايده لان مهما كنا بنفكر فعدم الخبره هايخلي افق التفكير محدود مش زي ما نشوف الناس اللي شايفه سوق الفوركس من فوق
ويارب التوفيق للجميع

[ziyadiah]

السلام عليكم ورحمة الله وبركاته

جمعه مباركة


تسجيل حضووووووور

[msh4egy]

ان شاء الله وكما وعدتكم من قبل
فقد تم الإنتهاء بشكل نهائى من استراتيجية A.D Arrow
والتى وعدتكم بانى هنزلها هنا ان شاء الله اول ما اتاكد منها
والحمدلله فى اخر ستة شهور حققت كل شهر من 350 الى 500 نقطة

وشهر يوينو المنقضى حققت فيه الحمدلله 400 نقطة من خلال 6 فرص حققت منهم 5 فرص التيك بروفت وصفقة واحدة ستوب لوس

وانا جهزت الاستراتيجية بالتفاصيل الدقيقة والصور .. وان شاء الله تكون فاتحة خير وتغير ليكم وجهة نظركم فى الفوريكس لانها مش محتاج تفكير او تعب

وان شاء الله هنزل الاستراتيجية بكرة فى الورشة الخاصة بيها




★★★ ◄ التــيــكــى تــــاكــــا► صفقات على طريقة برشلونة ★★★ (http://www.fx-arabia.com/vb/showthread.php?t=20958)

[msh4egy]

بسم الله الرحمن الرحيم



حصريا || استراتيجية ◄ A.D Arrow ► كما وعدتكم .. 5 صفقات شهريا = 400 نقطة .. بدون تحليل, بدون توتر, بدون متابعة مستمرة (http://fx-arabia.com/vb/showthread.php?p=357984#post357984)





A.D Arrow Strategy

★★★◄ التــيــكــى تــــاكــــا►★★★





إعداد ودراسة: شـريـف الشـيـتـانى

فى البداية اتمنى التوفيق للجميع ان شاء الله وان يهبنا الله رزقا حلالا ..
وللأمانة احب ان انوه ان ادوات هذه الاستراتيجية التى اتشرف بتقديمها لكم لتعم الفائدة على الجميع منقولة ..
ولكننى استخدمتها واستغليتها والحمدلله بشكل اخر ومختلف غير موجود فى اى منتدى او اى موقع اخر ..
وبعد عمل مضنى كبير إستغرق حوالى قرابة شهر او اكثر وبعد مراجعة وعمل باك تيست لـ 5 شهور بالإضافة الى شهر تجربة حقيقية وصلت والحمدلله الى الصيغة والشكل النهائى للطريقة التى بإذن الله ستغير مفهوم الفوريكس فى اذهاننا جميعا .. من الخسارة المستمرة الى المكسب المستمر إن شاء الله ..



مميزات الاستراتيجية



1- تعتمد الاستراتيجية على شارت 4 ساعات وهو ما يعنى ضرورة تواجدنا امام شاشة الفوريكس فقط عند غلق شمعة الـ 4 ساعات ولمدة لا تزيد عن دقيقة لتنفيذ الصفقة او انتظار الشمعة التالية وهو ما يحدث فى اليوم 6 مرات فقط فى اوقات الساعة 3 فجرا و7 صباحا و11 ظهر مع تكرارها فى نصف اليوم المسائى.

2- عدد الصفقات التى تتوفر لنا تقريبا تدور ما بين 5 الى 6 صفقات فى الشهر وهو ما يعنى عدم إحتياجنا قضاء ساعات طويلة امام الفوريكس, وفى نفس الوقت 5 او 6 صفقات تكون كافية ان شاء الله لتحقيق ربح عالى وذلك نظرا لإرتفاع التيك بروفت الذى سيتم تحقيقه ان شاء الله.

3- تعتمد الاستراتيجية على تيك بروفت اعلى من ستوب لوس, اى حتى لو دخلت فى صفقتين فقط إحداهما خسرت والاخرى حققت ربح فالمجموع الكلى سيكون هو ربح ان شاء الله.

4- تبتعد الاستراتيجية عن دهاليز الفوريكس المعقدة والحسابات المقلقة حيث ان صفقاتها حاسمة, فإما تكون هناك صفقة او لا توجد صفقة حيث لا توجد حالات وسط تحتار امامها.


المتطلبات والشروط



اولا .. يتم العمل على شارت 4 ساعات على الازواج التالية ( اليورو دولار – الباوند – المجنون) ( ( EUR/USD – GBP/USD – GBP/JPY.

ثانيا .. العمل على منصة Metatrader على شركة FXDD .. حيث تم تطبيق الاستراتيجية وتجربتها على الشركة الاخيرة.

* وحتى لو كان حسابك يتبع شركة اخرى فلا مشكلة فيمكنك ان تفتح حسابا ديمو على شركة FXDD ومتابعة الصفقات علي الشارت الخاص بها والتنفيذ على حسابك الحقيقى الموجود على اى شركة اخرى.


طـــريــقــة الــعــمــل


اولا .. فى حالة الشراء
يجب توافر شرطين اساسيين:
1- ان يكون البولنجر الاحمر اسفل البولينجر الاصفر.
2- ظهور سهم ازرق.
3- سيظهر لك السهم الازرق اثناء تداول الشمعة ولا يتم الدخول فى الصفقة إلا فى حالة غلق الشمعة ووجود السهم الازرق لانه عندما تغلق الشمعة يتم تثبيت السهم ووقتها ندخل فى الصفقة. اى يتم الدخول من سعر فتح الشمعة التالية لشمعة السهم.
4- يتم تحديد من نقطة دخول الصفقة 100 نقطة تيك بروفت .. ومن 65 الى 70 نقطة ستوب لوس.

· تحذير: لا يتم الدخول فى الصفقة بمجرد ظهور السهم الازرق ولكن عندما تُغلق الشمعة ووجود السهم الأزرق عليها ووقتها ندخل فى الصفقة مع بداية فتح الشمعة التالية للشمعة التى عليها السهم.



http://www.fx-arabia.com/vb/images/statusicon/wol_error.gifThis image has been resized. Click this bar to view the full image. The original image is sized 945x420.http://www.fx-arabia.com/vb/uploaded/4567_01340934522.png


ثانيا .. فى حالة البيع
يجب توافر شرطين اساسيين:
1- ان يكون البولنجر الاحمر فوق البولينجر الاصفر.
2- ظهور سهم احمر.
3- سيظهر لك السهم الأحمر اثناء الشمعة ولا يتم الدخول فى الصفقة إلا فى حالة غلق الشمعة ووجود السهم الأحمر لانه عندنا تغلق الشمعة يتم تثبيت السهم ووقتها ندخل فى الصفقة. اى يتم الدخول من سعر فتح الشمعة التالية لشمعة السهم.

· تحذير: لا يتم الدخول فى الصفقة بمجرد ظهور السهم الأحمر ولكن عندما تُغلق الشمعة ووجود السهم الأحمر عليها ووقتها ندخل فى الصفقة مع بداية فتح الشمعة التالية للشمعة التى عليها السهم.



http://www.fx-arabia.com/vb/images/statusicon/wol_error.gifThis image has been resized. Click this bar to view the full image. The original image is sized 802x449.http://www.fx-arabia.com/vb/uploaded/4567_01341063773.png


الـنـتـائـج


حققت الاستراتيجية بفضل الله فى شهر يونيو المنقضى 6 فرص منهم 5 فرص حققت اهدافها كاملة وصفقة واحدة فقط خاسرة, وبعمل عملية مقاصة صغيرة تكون ارباح الشهر المنقضى قد تخطت حاجز الـ 400 نقطة بحمد الله, وهى كالتالى كى يمكنكم مراجعتها:

الصفقة الاولى .. شراء EUR/USD .. Stop Loss .. 4 يونيو >> -70

الصفقة الثانية .. شراء GBP/USD .. Take Profit .. 6 يونيو >> +100
الصفقة الثالثة .. شراء GBP/JPY .. Take Profit .. 6 يونيو >> +100
الصفقة الرابعة .. بيع EUR/USD .. Take Profit .. 21 يونيو >> +100
الصفقة الخامسة .. بيع GBP/USD .. Take Profit .. 21 يونيو >> +100
الصفقة السادسة .. بيع GBP/JPY .. Take Profit .. 25 يونيو >> +100

وللإطمئنان بشكل اكبر فبعد مراجعة ودراسة وعمل باك تيست لـ خمسة شهور على الشارت فإن هذه الإستراتيجية بأمر الله تحقق شهريا من 300 الى 500 نقطة ويمكنكم مراجعة ذلك على الشارت.


صفقات ممنوعة



1- عدم الدخول فى اى صفقة فى حالة ظهور سهم سواء ازرق او احمر على الشمعة الاولى مع إفتتاح اسبوع التداول.

2- عدم الدخول فى اى صفقة فى حالة ظهور سهم سواء ازرق او احمر على الشمعة الاخيرة وقبل الاخيرة من يوم الجمعة (ختام الاسبوع).

3- عدم الدخول فى اى صفقات يوم وجود خبر عن تغيير سعر فائدة اليورو, وبشكل عام إذا لم يطمئن قلبك الى وضع السوق بسبب وجود حدث كبير هام فيمكنك ان تؤثر السلامة وتستغنى عن صفقات هذه اليوم ان وجدت.

4- كما وضحنا فى طريقة العمل فإنه لابد ان يكون البولينجر الاحمر اسفل البولينجر الاصفر فى حالة الشراء والعكس صحيح فى حالة البيع, ولذا وجب علينا التنبيه ان هناك بعض الحالات التى ستجد فيها البولينجر الاحمر والاصفر فى حالة تداخل واضحة ووقتها حتى فى حالة ظهور اسهم فلا ندخل فى الصفقة.

* ولكن يأتى التحذير الاهم وهو ان هناك بعض الحالات التى تجد فيها البولينجر الاحمر والاصفر فى حالة تداخل غير كاملة وربما يختلط الامر على البعض ويحتار هل هذه الحالة صالحة لدخول الصفقة ام لا ؟ ..

وما يمكن ان اقوله ان عليك الا تدخل فى اى صفقة إلا عندما يطمئن قلبك الى شكل البولينجر الاحمر وان يكون سواء اسفل او اعلى الاصفر واضحا بشكل معقول وغير متداخل او متشابك ويمكنك الرجوع الى الورشة والتناقش سويا للتأكد من الصفقة قبل دخولها ..

وإليكم بعض الحالات التى يمتنع وقتها الدخول فى الصفقة ..



http://www.fx-arabia.com/vb/uploaded/4567_21341063773.png http://www.fx-arabia.com/vb/uploaded/4567_01341064971.png




ادوات الاستراتيجية



الملف الاول .. اسمه

Bollinger.tpl

ويتم وضعه فى فولدر Templates

الملف الثانى .. اسمه

Arrow.ex4

ويتم وضعه فى فولدر Indicators

* ويتم تركيب الاندكيتور والتمبليت على الشارت.



اخــيــرا ..



من يجد صعوبة فى فهم او تطبيق الإستراتيجية او يحتاج الى تفاصيل عملية اكثر يتشرف بزيارة الورشة الخاصة بهذه الاستراتيجية ومتابعة الصفقات اول بأول للتعرف اكثر على طريقة الدخول.


★★★◄ التــيــكــى تــــاكــــا► صفقات على طريقة برشلونة ★★★ (http://www.fx-arabia.com/vb/showthread.php?t=20958&page=9)




====================

تحميل ادوات الاستراتيجية

اضغط هنا (http://www.fx-arabia.com/vb/uploaded/4567_01340903948.rar)

[salah-alhoot]

بالتوفيق ان شاء الله اخي وجزاك الله كل خير

[msh4egy]

بالتوفيق ان شاء الله اخي وجزاك الله كل خير


شكرا جزيلا

[fady]

شكرا جزيلا

الاسهم بتظهر ازاي؟ علي التشارت

[احمد صلاح]

شرح ممتاز استاذ شريف .
بارك الله فيك وان شاء الله تكون استراتيجه مثمره لك المبتدئين

بالتوفيق لك وحسابات خضراء

[msh4egy]

شرح ممتاز استاذ شريف .
بارك الله فيك وان شاء الله تكون استراتيجه مثمره لك المبتدئين

بالتوفيق لك وحسابات خضراء
ربنا يخليك يا ابو حميد
وان شاء الله تكون خير
لانى مانزلتهاش إلا لما تأكدت انها نتائجها رووعة وثابتة لمدة 6 شهور

[msh4egy]

الاسهم بتظهر ازاي؟ علي التشارت


زى ما موجود فى الشرح
ركب التيمبليت والاندكيتور على الشارت
هتلاقيه الأسهم ظهرت والبولينجر الاحمر والاصفر ان شاء الله

[hossamzaki]

شرح جميل وجارى التجربة بارك الله فيك
سيتم التجربة على الديمو وعند اجادة
الطريقة عليه ساعمل بها فى المسابقات

[hossamzaki]

هل يمكن التجربة على جميع المنصات

[احمد صلاح]

هل يمكن التجربة على جميع المنصات

المنصات تختلف اشكال شموعها باختلاف اوقات اغلاقها
ننتظر الاستاذ شريف لبدلنا على اى المنصات افضل للعمل بالاستراتيجيه