حبـــــــــــــــــه فكاهــــــــــــه

[Cleric]

حبـــــــــــــــــه فكاهــــــــــــه

http://alkindyfx.com/up/viewimages/a39662d594.jpg (http://alkindyfx.com/up/viewimages/a39662d594.jpg)






مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب..."

***************


مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟
رد عليه وقال له
: ذرة يا بيه.....
فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه....
راح مشي التاجر بالعربيه وهو في الطريق وقفته لجنه تموين تاني
وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل ذرة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه


*****************


واحده بتقول لجوزها


قولى كلمه حلوة

قالها بسبوسه


قالتله قولى كلمه تهزنى


قالها مرجيحه


قالتله قولى كلمه تحسسنى انى مراتك



قالها روحى وانتى طالق

******************



كان الرجل قد أوشك أن يلقي بنفسه في البحر لولا انه سمع
صوتا يصيح به قائلا أيــها المجنون ....قـــف
وأيقن انه لن يتمكن من الانتحار
بهدوء وتوقف الرجل مرتبك
وشاهد رجلا عجوزا يتقدم منه
وينهال عليه بعبارات التأنـيب ليأسه
من رحمة الله ومحاولته
الانتحار
ثم سأله :
مالذي يدفعك الى الانتحار يا رجل ؟
فقال :
مشكلة عائليه معقدة
فرد عليه العجوز
وهل توجد مشكلة دون حل ما هذه المشكلة ؟
وبدأ الرجل يروي قصته
قائلا :
تزوجت سيده ارمله ولها فتاه مراهقة وعندما بلغت الفتاه
سن الرشد رآها ابي
فاحبها وتزوجها فصرت صهرا لابي كما ان ابي اصبح في مقام
زوج ابنتي
واصبحت انا (حما) لابي لان زوجتي حماته
ثم انجبت زوجتي ولدا لي
فاصبح الولد سلف ) ابي)
وبما ان ابني هو اخو زوجه ابي التي هي بمثابة
خالتي صار ابني يعد خالي
ايضا
وحدث ان وضعت زوجه ابي طفلا يعد اخي من ابي وفي
الوقت نفسه هو حفيدي
لانه حفيد زوجتي من ابنتها وبما ان زوجتي صارت جده
اخي فهي بالتالي
جدتي وانا حفيدها
وهكذا اصبحت انا زوج جدتي وحفيدها في الوقت ذاته
ونظرا الى انها جدة اخي فانا اصبحت ايضا جدا لاخي
وبناء عليه اكتشفت انني اصبحت جد نفسي او حفيد نفسي
لانني ......
وهنا قاطعه الرجل العجوز
قائلا : كفى... كفى...
وقام العجوز بدفعه للبحر قائلاً:
أبوك لأبو جدك لأبو إللي جابك

[Cleric]

نسور مع بعض بيستعرضوا و فيهم و احد غلبان و عملوا مسابقه
الاول طار و رجع فى رجليه اثار دم
قال شايفين الشجره اللى هناك دى
قالو ايوه
قال هتلاقوا عندها ارنب انا اللى اصتدته

التانى طار و رجع فى رجليه و على ريشه دم
قال شايفين الصخره اللى هناك دى
قالو ايوه
قال هتلاقوا هناك غزال انا اللى اصتدته

التالت طار و رجع كله غرقان دم
قال شايفين العامود الكبير بتاع الكهرباء اللى هناك ده
قالو ايوه
قالهم انا ماشفتهوش


******************



واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم يا عم




واحد مسطول ماشى فى الشارع قابل واحد قاله ازيك يا اشرف انت اتغيرت اوى يا اشرف عنيك ووشك وشكلك اتغير قوى يا اشرف رد عليه وقاله انا مش اشرف
قاله يــــــــــاه وكمان غيرت اسمك

*********************



واحد جاب ولاده قبل اما يموت قال لواحد خد عود حطب واكسره فالولد كسره قاله خد اتنين فكسرهم قاله طب خد خمسين فكسرهم فالراجل قال لولاده خلاص اموت وانا مطمن ان معاكم البغل ده

[Cleric]

لعشاق الخيال العلمى

جرت أحداث هذه القصة في بلده صغيره قرب مدينة موسكو الروسية حتى ولو بدت أحداث هذه القصة كقصص الخيال لكنها حقيقية
هذا رجل كان واقفا على جانب الطريق ينتظر أن توصله سيارة عابرة
فهو يريد الذهاب للبلدة المجاورة في ليلة شديدة
الظلام في وسط العاصفة
الليل مر ببطء ولم تمر هذه السيارة عابره
مرت ساعات وساعات وهو واقف
كانت العاصفة شديدة والليل حالك
لم يكن يستطيع أن يرى مكان قدميه أخيرا وبعد طول انتظار
مرت سيارة تسير ببطء كأنها شبح
شبابيكها سوداء
خرجت من خلف الظلام وبلا أضواء
مرت ببطء متجهة إليه حتى توقفت أمامه
ركب الرجل داخل السيارة وأغلق الباب مبتسما
فجأة شاهد ما لم يتوقعه أبدا
لا يوجد سائق لهذه السيارة
السيارة بدأت تتحرك ببطء مرة أخرى
بدأ الرعب يدب في قلب الرجل
وبدأت السيارة تسرع قليلاً
اقتربت السيارة من منعطف خطير جدا
الرجل بدا يدعو ربه من اجل البقاء على قيد الحياة
لا محالة السيارة سوف تخرج عن الطريق وسوف يواجه الموت
فجاه قبل المنعطف بقليل دخلت يد من النافذة وأمسكت الدركسيون
وقادت السيارة عبر المنعطف بأمان
أصبح الرجل فرحا مع بقاء الخوف والرهبة في داخل قلبه
الرجل أصبح يرى اليد تدخل من النافذة عدة مرات كلما وصلوا إلى احد المنعطفات
وأخيرا
قرر الرجل الهروب من السيارة
ففتح باب السيارة وقفز منها ولاذ بالفرار
وذهب إلى اقرب بلده وكان مبتلا وفزعا
ذهب إلى احد البارات وبدأ يخبر قصته المخيفة والمرعبة للجميع
بعدما تأكدوا من هيئته انه غير سكران أو ناقص العقل
وكان الجميع ينصت للقصة في أثناء ذلك وبعد حوالي نصف ساعة دخل رجلان إلى نفس البار
وعندما شاهدوا الشخص المرعوب قال احدهما للآخر
مش هوا ده الأهبل اللي ركب العربية واحنا بنزقها

[Cleric]

مره واحد كان قاعد فوق السطح بيحشش ف طلع عليه واحد قاله الحق يا سيد بيتكو وقع
وامك وابوك ومراتك وعيالك كلهم ماتو قام باصصله وقاله ماتو والدمعه هتفر من عينه وقال لنفسه انا هعيش لمين ما خلاص كلهم راحو وقرر يرمى نفسه من فوق السطح فلما وصل للدور الرابع افتكر وقال ايه ده انا ابويا وامى ميتين من زمان وجه عند الدور التالت قام قايل لنفسه عيالى مراتى ايه ده هو انا اتجوزت اساسا جه بقى عند الدور الاول وقام مزعق وقايل لااااااااااااا
ده انا مسميش سيد

[Cleric]

مـــــع كـل الاحتـــرام والتقدير لمشرفينا الاعزاء

مشرف رزقه الله توأم احتفظ بواحد وحط الثاني بقسم المواضيع المكرره ...


- مشرف وصلته فاتورة التلفون كبيره عملها تعديل..

- مشر ف يتغزل فى زوجته قال لها ,,,

أنتي موضوع عمري ........أنتي مشاركه حياتي ......أنتي كل صلاحياتي...!!

- مشرف حب يعرف حبيبته بتحبه او لا دخل على المنتدى و بدا يحذف بالمواضيع واحد ورا الثاني

(تحبني _ما تحبني_ تحبني_ما تحبني)

- مشرف زعل مع زوجته نزل عليها موضوع بقسم الشكاوي...!!

-مشرف تزوج مشرفه جابو ولد سموه منتدى...!!

- مشرف تقدم لوظيفه طلبت جهه العمل السيره الذاتيه عطاهم وصله البحث عن مواضيع العضو...!!

- خطيبه مشرف كل ما تتصل بيه تطلعلها رساله مسجله _ السيرفرمشغول حاليا _ حاول في وقت اخر..

- مشرف اتخانق مع مرته وقف عضويتها ..............

[Cleric]

مرة واحد سعودي لقى مصباح علاء الدين دعكه طلعله الجني قاله شبيك لبيك تطلب ايه: قاله: طلعلي كل المصريين من السعوديه
فالجني قاله: ليه بس يا عم احنا عملنالك حاجه

[Cleric]

بخيل حلم انه بيوزع فلوسه
لما صحي قال حمار اللي ينام تاني

[Cleric]

يحكى أن صياداً عاد إلى زوجته وهو يحمل سمكة كبيرة طالباً منها أن تقليها في الزيت فاعتذرت له الزوجة لأنها لا تملك زيتاً بسبب إرتفاع سعر الزيت فطلب منها الصياد أن تشويها فاعتذرت له بسبب إختفاء الردة وارتفاع سعر أنبوبة الغاز فى الأسواق فطلب منها أن تطبخها مع الصلصة فلما علم أن سعر كيلو الطماطم قد وصل إلى خمس جنيهات أخذ السمكة وألقاها غاضباً في البحر مرة أخرى
وهنا هتفت السمكة وهي في الماء تحيا جمهورية مصر العربية.

[Cleric]

التليفون يرن...
الطفله:الوووو
المرأه:الو
الطفله:اهلا
المرأه:فين الوالده؟
الطفله:مفيش عندنا واحده والده
المرأه:لا لا مش قصدي كده
الطفله:هوا ايه اللي مش قصدك كده انا بقولك مفيش واحده والده عندنا
المرأه:عمرك كام ياشاطره؟
الطفله:عرفتى منين اني شاطره؟
المرأه:تضحك وتقول باين عليكي دمك خفيف
الطفله:انتي اللى دمك خفيف
المرأه:طيب يالا اديني ماما
الطفله:ليه هيا امك عندنا؟
المرأه:خلاص نادي امك
الطفله:امي معندهاش نادي
المرأه:الله يصبرني ادينى حد كبيييير
الطفله:كبير بالحجم ولا بالطول ولا بالعمر
المرأه:طيب بس اما اشوفك هعملك بطاطا
الطفله:بطاطا مسلوقه ولا مشويه؟
المرأه:زودتيها بقى
الطفله:بصراحه انا قرفانه وزعلانه
المرأه:احسن خليكي تزعلي لحد ماتفجري زي البالونه
الطفله:ايه لون البالونه اللي هنفجر زيها؟
المرأه:تصرخ بأعلى صوتها:فين الوااااالده؟؟؟
فتأخذ الام التليفون من الطفله
وتقول:الوو مين معايا؟
المرأه:حرام عليكي ايه البنت دي طلعتلي قرن في راسي
الام:قرن غزال ولا قرن موز؟
المرأه:زيي انتي دايما بتحبي تهزري دي طلعتلي قرن ثور هههه
الام:ايه حجم الثور؟
تغلق المرأه السماعه وتذهب الى بيت اللي كانت بتكلمهم وترن الجرس....
تركض الطفله نحو الباب وتشد كرسي وتطلع عليه ثم تنظر من العين السحريه
وتقول:مفيش حد دي واحده واقفه ورا الباب
فتقول الام:خليها ترن الجرس زي ماهي عايزه
الطفله:جرس ايه؟ جرس البيت ولا جرس المدرسه؟
الام:لا... جرس البيت
الطفله:جرس بيتنا ده ولا جرس بيتنا الجديد اللي بنبنيه؟
الام:لا جرس بيت الجيران
وبعد ربع ساعه ماتت المرأه بسبب ارتفاع حاد في ضغط الدم والسكر وانفجار بالمراره وتمزق بالمصران الاعور

[Cleric]

علم مدير أحد مستشفيات الأمراض العقلية أن أحد المرضى أنقذ حياة مريض آخر كان يحاول الانتحار بأن جذبه وأخرجه من المسبح قبل أن يموت. قرر المدير مراجعة الملف الطبي لذلك المريض واستدعاه إلى مكتبه وقال له: إن ملفك وتصرفك البطولي يحتمان علينا أن نسمح لك بالعودة إلى منزلك والمؤسف أن الرجل الذي أنقذته انتحر بعد ذلك بأن شنق نفسه بحبل،
قال المريض لا يا سيدي، لم ينتحر، أنا علقته عشان ينشف

[Cleric]

واحد معدى لقى ناس بتهيص قوى قالولهم فية ايه
قالوله فى واحد بلدياتناعايز ينط من سطح العمارة
قالهم خلاص انا طالعلة...
طلعلة وقاله عايز تنتحر لية...
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها
بلدياتنا : ماخبرش
الراجل:البيضة.. اقولك واحدة تانية
حاجتين اسمهم زى شكلهم
بلدياتنا :ماخبرش
الراجل: بيضتين.. اقولك واحدة تانية بسيطه و سهله
حاجة كبيرة وسودة وبتجيب لبن واسمها جموسة
بلدياتنا:3 بيضات
راح الراجل ماسكه وراميه

[Cleric]

صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه ؟
المزارع : انهي فيهم البيضا ولا الحمرا ؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصل البقره البيضا بتاعتي
قالت : والحمرا؟؟

قالها: والحمرا برضو بتاعتي

[Cleric]

"أحمد" بيحب "مني" وهي كمان بتحبه قوي.. بس الحوار ليه اللي بيحبوا بعض اليومين دول بقي مختلف قوي.. تعالوا نشوف المشاكل بتحصل إزاي وإيه اللي يخلي الدنيا تبوظ:
موسيقي تصويرية شعبان عبدالرحيم انا بكره إسرائيل وبحب عمرو موسي؟
مني وأحمد واقفين في عز الضهر علي الكوبري
مني: "برومانسية" شايف النجوم يا أحمد
أحمد: نجوم ايه بس في عز الضهر دا أنا الشمس حرقت افايا
مني: الله ياأحمد بص السحابة اللي هناك دي اللي عليها العصافير
أحمد: لا والله ياحبيبتي أنا مش شايفها بس شايف دخان عربيات خنقني
مني: يووووووووووووه يا أحمد خليك رومانسي شوية
أحمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت
مني: انت مش بتحبني والا ايه
أحمد: ياستي بحبك
مني: لأ انت كذاب انت مش بتحبني
أحمد: يعني أولع في نفسي بجاز عشان تصدقي اني بحبك
مني: "والدموع علي خدها" لا يا أحمد أنت تغيرت خالص
أحمد: ياحبيبتي والله بحبك
مني: لأ يا أحمد متصلحش اللي أنت عملته
أحمد: وهو أنا كنت عملت إيه بس
مني: "تعيط" اهئ اهئ اهئ
أحمد: بتعيطي ليه دلوقت
مني: أحمد طلقني يا أحمد
أحمد: هو احنا لسة اتجوزنا عشان اطلقك
مني: يعني كمان مش عايز تطلقني
أحمد يشد في شعره: يادي الليلة السودا أنا ايه اللي خرجني بس
مني: كمان خليتها ليلة سودا.. يعني أنا اللي خرجتك غصب عنك
أحمد: ياستي مش قصدي. بصي أنا مش هرد عليكي عشان مانتخانقش
مني: للدرجادي قرفان مني
أحمد: "وشه يحمر من الغيظ" يعني انتي عايزة تتخانقي وخلاص
مني: يعني أنا نكدية يا أحمد
أحمد: لأ...... أنا
مني: انت بتاخدني علي اد عقلي
أحمد: حقك عليا وادي رأسك ابوسها
مني: ياسلام كده بكل بساطة
فجأة يقف أحمد علي سور الكوبري ويرمي نفسه في الميه
مني: تفتكر يا أحمد اني كده هسامحك
http://alkindyfx.com/vb/images/smilies/Balloons_Hearts.png