و ماذا بعد تعلم الاساسيات؟

[Kenawee]

صباح الخير. اتمنى ان الكل بصحه و سعاده.

انا تابعت الويبينارات اللي دكتور اسامه عملها و كانت لطيفه جدا و اتعلمت منها كتير، و بعدها تابعت ويبينارات اجنبيه كتير جدا و قريت كتير عن مؤشرات و نماذج سعريه و تحليلات اساسيه.

و بعد تقريبا 8 او 9 شهور، لقيت حاجه غريبه قوي! أنا حاسس اني عندي معلومات كتيره عن حاجات كتيره، لكن مش قادر اني استعمل المعلومات دي عمليا في السوق. بافتح التشارت و باحس اني تايه.

الاحساس ده عامل كأني فضلت اتعلم اني اصنع عربيه , و بعد مصنعتها اكتشفت اني مش باعرف اسوق!!

حد مر بالتجربه دي؟ ياريت لو فيه نصايح او معلومات عن الخطوه التانيه عندكم اكون شاكر جدا

شكرا على الوقت و المجهود

[Mohamed kamal]

اعتقد كلنا مرينا بكدا .
المشكلة ان الانسان بطبعه بيميل للتعقيد حتى مع الامور السهلة و بما ان الفوركس ملوش حتى الان منهج دراسي واضح يمكنك من اتباعه فدا بيخليك تتوه في بحوره .
لكن اجابة على سؤالك هو شخصيتك فانا لاحظت ان علم الفوركس بيخدم كل الشخصيات و الاذواق بمعنى المغامر و الحريص و المندفع و المتأني ... الخ
وجة دور انك بعد تحصيل كل المعلومات و الافكار دي تشوف المتلائم مع شخصيتك و تتخصص فيه زي مثلا هتعمتد على التحليل الفني ؟ و لا الرقمي و المؤشرات و لا الكلاسيكي و لا .... الخ
وربما تعمل مكس بينهم
تاني خطوة تبدأ تشوف موقع توصيات محترم او موقع بيديك صورة واضحة يوميا عن السوق او تتابع مع المنتدى و تشوف يوميا خطوط المقاومات و الدعومات و ترسمهم على الشارت و تبدأ تتابع و تحلل على الديمو لغاية لما تلاقي ان نسبة توقعاتك الصحيحة بدأت تفوق نسبه توقعات الخاطئة و تحليلاتك .

وفي النهاية و عملا بحكمة المحترفين " لا تعقدها و دعها بسيطة "

بالتوفيق

[Hosni Elshobaki]

الكلام ده حصل مع كل الناس.افتح ديمو واشتغل عليه بقلب جامد وطلع كل اللى تعرفه فيه اخسر واخسر واخسر لحد ما تعرف تكسب..بس بشرط كل ما تخسر تعرف انت خسرت ليه..
بالتوفيق

[Benisafcom]

افتح ديمو وتوكل على الله
وابدا كالعادة بالترند العام الدعوم و المقاومات وادارة راس المال الجيدة واقتاناص الفرص
بالتوفيق لك واي سؤال تفضل نحن موجودين هنا