المساعد الشخصي الرقمي

مشاهدة النسخة كاملة : حد يعرف حاجة عن شركة استثمار في الفوركس اسمها Star Capital

jjoojjoo2005
09-03-2013, 03:59 AM
شركة Star Capital Finance هى شركة استثمار في الفوركس سمعت عنها من مدة و سمعت ان ناس بتتعامل معاها من مدة كبيرة و عملوا ارباح ممتازة . نظام الشركة انك بتفتح حساب معاهم مش مع بروكر و بتعمل ايداع 1000 دولار حد ادني و الارباح تتراوح من 5 - 10 % شهريا و اقصى خسارة 3 % شهريا و دي تقريبا محصلتش ولا مرة . الشركة فاتحة من سنة 2010 و مقرها الرئيسي نيوزيلندا و ليها فرع هنا في مصر بيتعمل فيه الايداع و بيقولوا انها مسجلة في الحكومة النيوزلاندية . سمعت عن ناس كتير دبلت حساباتها مع الشركة و ناس شغالين معاها بقالهم سنين .
ياريت لو حد اتعامل مع الشركة او يعرف معلومات عنها يقولنا عشان لو فعلا شركة موثوق فيها يبقى كلنا نسيب الفوركس و نستثمر فلوسنا فيها حد يطول 5 % او اكتر مضمونين كل شهر :D:D

لينك الشركة : www.staraccount.com

للمزيد من المعلومات عن الشركة يرجى زيارة هذا الموضوع

رأيكم في هذه الشركة Star Capital (http://www.fx-arabia.com/vb/showthread.php?t=34456)
معاذ عودات
09-03-2013, 09:49 AM
اهلا فيك اخوي
للاسف لم اتعامل مع الشركه واول مره اسمع فيها

ان شاءالله الاخوان يفيدوك
حسن الهلالي
10-03-2013, 07:44 PM
سمعت انها بتدي ارباح 10 % شهريا ، تقريبا .. وفاتحه من 5 سنين ، بس مجربتهاش
archiwork
11-03-2013, 03:43 AM
أنا ليا حساب معاهم من سنة تقريبا
ولكن لا أثقفى الشركة بنسبة 100% لأنها غير مرخصة وممكن تختفى فى أى لحظة مغامرة فقط ليس الا
أ.نادر غيث
11-03-2013, 08:27 PM
أنا ليا حساب معاهم من سنة تقريبا
ولكن لا أثقفى الشركة بنسبة 100% لأنها غير مرخصة وممكن تختفى فى أى لحظة مغامرة فقط ليس الا


مساء الخير استاذ مجدي , طيب اذن الشركة غير مرخصة وهذا بحد ذاته مخاطرة كما تفضلت ..
ولكن بحكم ان لك حسابك بالشركة , ما تقييمك لها , السلبيات الايجابيات , المنصة الريكوت السحب والايداع الخ ..
jjoojjoo2005
11-03-2013, 08:31 PM
مساء الخير استاذ مجدي , طيب اذن الشركة غير مرخصة وهذا بحد ذاته مخاطرة كما تفضلت ..
ولكن بحكم ان لك حسابك بالشركة , ما تقييمك لها , السلبيات الايجابيات , المنصة الريكوت السحب والايداع الخ ..

يا اخي الشركة ليست بروكر و انما هي شركة استثمار في الفوركس يعني بيشغلولك فلوسك في الفوركس و يدوك الارباح من 5 - 10 % شهريا و الخسارة ان وجدت لا تتعدى 3 %
archiwork
11-03-2013, 09:38 PM
مساء الخير استاذ مجدي , طيب اذن الشركة غير مرخصة وهذا بحد ذاته مخاطرة كما تفضلت ..
ولكن بحكم ان لك حسابك بالشركة , ما تقييمك لها , السلبيات الايجابيات , المنصة الريكوت السحب والايداع الخ ..

يا اخي الشركة ليست بروكر و انما هي شركة استثمار في الفوركس يعني بيشغلولك فلوسك في الفوركس و يدوك الارباح من 5 - 10 % شهريا و الخسارة ان وجدت لا تتعدى 3 %

اهلا اخى نادر
فعلا هذه شركة تدير محفظة ضخمة وتدخل السوق بدون روافع ولذلك نسبة الربح فى حدود 7% شهريا ولا توجد خسائر حتى الان وتعمل منذ 3 سنوات والايداع تحويل بنكى فقط بخصوص السحب عن نفسى لم اسحب منها ولا مرة حتى الان نظرا لصغر راس المال ولكن هناك من يسحب بدون مشاكل
archiwork
11-03-2013, 09:43 PM
بالمناسبة ياشباب من يريد أن يسحب مبالغ صغيرة من ارباحه فى ستار كابيتال ولا يريد تحمل مصاريف السحب مقارنة بالمبلغ المسحوب يتواصل معى يحوله لى وأنا اعطيه المبلغ كاش أو على أى بنك الكترونى
بالتوفيق للجميع
أ.نادر غيث
11-03-2013, 10:30 PM
يا اخي الشركة ليست بروكر و انما هي شركة استثمار في الفوركس يعني بيشغلولك فلوسك في الفوركس و يدوك الارباح من 5 - 10 % شهريا و الخسارة ان وجدت لا تتعدى 3 %

ممممم , لكن حتى لو شركة استثمار تبقى لها سلبيات وايجابيات او مشاكل بالسحب والايداع وهذا الذي اود فهمه من الاخ مجدي ..





اهلا اخى نادر
فعلا هذه شركة تدير محفظة ضخمة وتدخل السوق بدون روافع ولذلك نسبة الربح فى حدود 7% شهريا ولا توجد خسائر حتى الان وتعمل منذ 3 سنوات والايداع تحويل بنكى فقط بخصوص السحب عن نفسى لم اسحب منها ولا مرة حتى الان نظرا لصغر راس المال ولكن هناك من يسحب بدون مشاكل

طيب انت لك سنة معاهم تقريباً , كم نسبة الربح او الخسارة التي تم تحقيقها خلال هذه المدة ..!
archiwork
11-03-2013, 11:45 PM
ممممم , لكن حتى لو شركة استثمار تبقى لها سلبيات وايجابيات او مشاكل بالسحب والايداع وهذا الذي اود فهمه من الاخ مجدي ..



طيب انت لك سنة معاهم تقريباً , كم نسبة الربح او الخسارة التي تم تحقيقها خلال هذه المدة ..!

انا عندى 3 ايداعات على مراحل مختلفة مش هقدر احدد بالظبط لكن ده اداءهم وده حقيقى فعلا وهو كالاتى :
Accumulated yearly performance
2013 : 14.42% Year to date
2012 : 114.49%
2011 : 128.86%
أ.نادر غيث
12-03-2013, 01:52 AM
انا عندى 3 ايداعات على مراحل مختلفة مش هقدر احدد بالظبط لكن ده اداءهم وده حقيقى فعلا وهو كالاتى :
Accumulated yearly performance
2013 : 14.42% Year to date
2012 : 114.49%
2011 : 128.86%


ممم , والله شيئ طيب
ولكن السؤال , هل تستطيع الدخول لحسابك لتتابع الصفقات مثلاً والارباح او الخسائر والعمليات المفتوحة والمغلقه الخ.. ؟!
jjoojjoo2005
13-03-2013, 04:33 PM
ممم , والله شيئ طيب
ولكن السؤال , هل تستطيع الدخول لحسابك لتتابع الصفقات مثلاً والارباح او الخسائر والعمليات المفتوحة والمغلقه الخ.. ؟!

لا تستطيع يا اخي . انت فقط تسطيع الدخول لمتابعة ارباح الحساب و السحب و الايداع لكن الصفقات لا تعرف عنها شيئا
أ.نادر غيث
13-03-2013, 10:57 PM
لا تستطيع يا اخي . انت فقط تسطيع الدخول لمتابعة ارباح الحساب و السحب و الايداع لكن الصفقات لا تعرف عنها شيئا


مممم هنا السؤال الكبير
بما انني لا ارى صفقات لا مفتوحة ولا مغلقه ولا يحزنون , كيف لي ان اتأكد ان هذه الشركة تتاجر بالفوركس
وليس بشيئ اخر ؟!!
حسن الهلالي
14-03-2013, 05:05 AM
مممم هنا السؤال الكبير
بما انني لا ارى صفقات لا مفتوحة ولا مغلقه ولا يحزنون , كيف لي ان اتأكد ان هذه الشركة تتاجر بالفوركس
وليس بشيئ اخر ؟!!



لو الموضوع كده يبقه الناس من حقها تشك فعلا، ممكن الموضوع يكون غسيل أموال فعلا، وممكن الشركة في أي لحظة تقفل وتاخد فلوس الناس زي هيثم الشامي النصاب الي لم 20 مليون من الناس عشان يشغلها في الفوركس وفي الآخر خدها وهرب.

ما يدعو للقلق ايضا ان صاحب الشركة مصري واسمه ( السيد / هاني لطفي ) عامل موقعين واحد اسمه ستار بانك اولاين والتاني الي هو ستار كابيتال اونلاين ( حاليا ستار اكونت ) ، الموقعين شكلهم مختلف لكن بيقدموا نفس الخدمات الي هي ادارة حسابات بربح 5-7% شهريا ومخاطرة 3 % !!
الحاجه التانية ان الدومين بتاع ستار كابيتال متسجل في موقع جودادي ( Private ) عشان محدش يعرف مين صاحبة ! .. طب فيه ايه انته خايف منه بتخبيه؟ و عامل موقعين ليه مش موقع واحد؟

فوركس بيس آرمي كاتب تحذير على شركة ستار كابيتال ، وقال كمان ان فيه عدد كبير من التقيمات المزوره جائت من مصر (( انا سمعت ان ستار كابيتال ليهم فرع في المعادي تقريبا هما شغالين الله ينور ))


عموما ارجع واقول طالما ان الشركة بتدفع يبقه الناس ليها حق تشترك معاها ، لكن كون كل علامات الاستفهام دي حوليها داع كبير للقلق وداع اكبر لأن محدش يدخل معاهم بمبالغ كبيرة مطلقا.
ahmed_A
29-03-2013, 07:27 PM
لو الشركة دي كويسة ياريت حد يقولينا

لانى لم اسمع ان فى شركات ادارة حسابات تستمر لوقت كبير
CARLOS
30-03-2013, 07:15 AM
أنا ليا حساب معاهم من سنة تقريبا
ولكن لا أثقفى الشركة بنسبة 100% لأنها غير مرخصة وممكن تختفى فى أى لحظة مغامرة فقط ليس الا



الكلام ده مثير للشبهه , هل طريقتها المحافظ الاستثماريه ؟, حتى اعرق البنوك متديش نسبه زي دي وكمان شهري ؟!

في بنك في استراليا بيدي 6% هذا اقصى حد ولكن سنوي وليس شهري ,وهي البنوك الجديد التي تبحث عن سيوله عشان توقف على رجليها
forexlover90
30-03-2013, 02:03 PM
هل من اخبار جديدة عن الموضوع دة ؟ اعتقد النسبة الى بتديها الشركة عالية جدا شهريا بس ازاى مستمرة لحد الان ؟ يعنى هل فى اخبار او حد سحب منها مبالغ ضخمة ؟
mhk720
30-03-2013, 09:54 PM
الفوركس
هو عمل الشخص يحلل ويعمل ويجتهد ويحقق ربح مقابل ذلك وبالتالى الحصول على الربح مرتبط بعمل وتحليل سليم وفية مكسب وخسارة
الشركة الا انتم بتقولو عليها دى بغض النظر عن مدى مصدقيتها
ما الفرق بينها وبين البنوك التى تعطى فائدة سنويه مع اختلافه الفائدة
يعنى الحصول على مبالغ بدون اى تعب او عمل
هل هذا يعقل
هل كل ما يهم الناس هو الحصول على ربح عالى وخلاص
حد سال نفسة لم ياخد الفلوس دى هل هى حلال ولا حرام
فائدة وربح بدون اى تعب
ahmed_A
04-04-2013, 07:57 PM
الفوركس
هو عمل الشخص يحلل ويعمل ويجتهد ويحقق ربح مقابل ذلك وبالتالى الحصول على الربح مرتبط بعمل وتحليل سليم وفية مكسب وخسارة
الشركة الا انتم بتقولو عليها دى بغض النظر عن مدى مصدقيتها
ما الفرق بينها وبين البنوك التى تعطى فائدة سنويه مع اختلافه الفائدة
يعنى الحصول على مبالغ بدون اى تعب او عمل
هل هذا يعقل
هل كل ما يهم الناس هو الحصول على ربح عالى وخلاص
حد سال نفسة لم ياخد الفلوس دى هل هى حلال ولا حرام
فائدة وربح بدون اى تعب



احسنت اخى كلامك 100%100
عصام فوركس
09-04-2013, 07:48 PM
ما عنديش معلومات عنها بس هى شركة سمعتها كويسة
ghost2kman
04-11-2013, 04:25 AM
انا ليا حساب مع الشركة من أكتر من سنة والشركة ولله الحمد محترمة جدا جدا وارباحهم من 5.11% إلي 7.23%...
jaber
07-11-2013, 05:51 PM
لا اعلم عنها اى شئ لكن التداول معتمدا على النفس افضل
damdam41
07-03-2014, 03:50 PM
ستار كابيتال لسيت بروكر و لكنها استثمار اموال من خلال العمل فى الفوركس
الشركة موجودة من 2009 و كانت باسم فوركس هاوس و تم تغيير الاسم الى ستار كابيتال عام 2010
انا فيها من اخر 2011
صاحبها هانى لطفى
هل هى تعمل فى مجال الفوركس فعلا ؟ الله اعلم فلا احد يرى اى صفقات او يتابع حسابات و لكن العقد ما بيننا هو انها تعمل فى الفوركس
هل الربح هذا حلال ام حرام؟ اذا تم تحديد الربح فى اى مجال فهو حرام .. لكن ستار لا تحدد الربح بل تخبرك ان متوسط الربح من 5 الى 7 طبقا لمعدل الارباح فى الفترة السابقة و انه فى حالة حدوث خسارة فانها ستقوم بايقاف التداول عند حدوث 3% خسارة من حسابك
الشركة كان لها مكتب فى المعادى و لكنها اغلقته و فتحت كول سنتر فى القرية الذكية ( لا يستقبل عملاء بل فقط للرد على التليفونات)
الشركة منذ انشاءها لم تقم باى شىء سلبى .. حتى ايام الثورة و غلق البنوك كنا ناخذ الارباح منها
الشركة تصلح للاستثمار فى المبالغ الزائدة عن الحاجة

هل معنى ذلك ان الشركة امان ؟
كل مجال الاستثمار عالى الفائدة غير امن سواء فوركس او غيره و لذلك من يريد الدخول فيها فهو يخاطر و عليه ان يقبل باسوا النتائج
لؤى حمدى
01-04-2014, 02:02 PM
ضارب بنفسك احسن
ahmedmosad
15-04-2014, 09:10 PM
الشركة قفلت بعد مشكلة تاخر السحب
يرجي الحذر من الشركات المجهولة , والغير شفافة
rtkwar
16-04-2014, 02:19 PM
ده انا على كده افتح شركة وادير حسابات اى حد يقدر يعمل نسبة 10% بسهولة
alihtc
24-04-2014, 04:19 PM
على حد علمي تم التضييق عليها فى مصر فأغلقت فرعها فى القاهره (كان فى كورنيش المعادي) وانتقلت الي دبى و حاولت أستخراج تراخيص لها هناك و كما قيل انه تم رفض طلبها و الحكومه المصريه لها دخل بذلك هي الأن فى الطريق الي التصفيه و يقال أن صاحب الشركه ارسل رسائل الكترونيه الي عملائه بهذا و انه سيرد لهم الأموال
هذا الكلام على عهدة صديق يتعامل معهم منذ عدة سنوات و هوه الي الأن متعاطف معهم تماما و لكن انا شخصيا لم اتعامل معهم نهائيا