هل حد جرب الايداع بفيزا نت بنك مصر

[Samuel]

السلام عليكم

هل حد جرب الايداع بفيزا نت بنك مصر .. انا عملت ايداع قبل كده والرصيد نزل وحاليا بعد 12 ساعه فقط من الايداع مش عاوز خالص واستنيت لغايه 48 ساعه وخدمه العملاء في التليفون وش رهيب في مشكله في الاتصال هروح البنك وشكلي هسحب الفلوس لو العمليه متمتش واروح اعمل فيزا البنك العربي الافريقي افضل
مستني رد الناس ضروري

[momobanker]

اعرف ان بنك مصر وقف التحويل من فيزا النت

[Samuel]

فعلا الموضوع ده حقيقي انا لسه محول منها من 3 شهور وكانت شغاله وتمام حاليا مش عاوزه نهائي ورحت البنك ولقيت فيها رصيد كافي لو الموضوع ده طلع حيقي هروح يوم الاحد واسحب الفلوس
شكراااااااا

[momobanker]

انا موظفف بالبنك اساسا
و البنك فعلا وقف اى تحويلات بالدولار و شحن الشركات عن طريق فيزا نت كتعليمات البنك المركزى

[Samuel]

طب فيزا البنك العربي الافريقي شغاله هل حد جرب بيها ايداع عن قريب اسمها 4u في انتظار الرد

[Samuel]

انا موظفف بالبنك اساسا
و البنك فعلا وقف اى تحويلات بالدولار و شحن الشركات عن طريق فيزا نت كتعليمات البنك المركزى


طب حضرتك جربت فيزا ايه بتعمل بيها ايداع

[momobanker]

انا شغال ليبرتى

[abd elrhman]

طب فيزا البنك العربي الافريقي شغاله هل حد جرب بيها ايداع عن قريب اسمها 4u في انتظار الرد

انا اودعت بيها يوم 21/3/2013 وكانت شغاله تمام وبالتوفيق

[Rorekz]

طب فيزا البنك العربي الافريقي شغاله هل حد جرب بيها ايداع عن قريب اسمها 4u في انتظار الرد

جربتها من اسبوع يا باشا م و كانت شغالة كويس و شحنت بيها حساب فى wwm

[Samuel]

تمام شكرااااااا جداا وانا هروح العربي الافريقي واعمل ايداع افضل فيزا لحد الان

[kabo]

كريدى اجريكول ايضا ممتاز

[Rorekz]

تمام شكرااااااا جداا وانا هروح العربي الافريقي واعمل ايداع افضل فيزا لحد الان

يا رب ما يقفلوها هى كمان لانها الامل الباقى :1 (24):

[loveforex11]

فعلا الفيزا بتاعت بنك مصر بقالها شهر موقوفه تماما وحصلت معايا نفس مشكلتك وكمان دلوقتى حتى مش شغاله حتى انى اسحب بيها عادى مع انى لسه مجددها من 5 شهور

[Samuel]

ياريت نتمني من الموقع اف اكس اربيا يعمل موضوع ويعرفنا الففيزا الي شغاله في ايداع الفوركس ايه وتجارب الاعضاء وحاليا العربي الافريقي شغاله هي وكريدي اكريكول .. ياريت لو نعرف هل في بنك فاتح التحويل الي الخارج وهل لازم يبقي عندي حساب فيه ولا لا بس موضوع الفيزا اسهل كتير علشان صعب جداا حد يعرف يجيب دولارت غير من السوق السودا والسعر غالي جداا
بالتوفيق للجميع

[masrawy]

اسمحولى افيدكم يا شباب عن تجربه ايداع الاسبوع السابق حتى يوم الاثنين استخدم كردين انترنت . الاول كريدى اجريكول وده مفهوش مشكله بس عيبه ان الليمت بتاعه اليومى و كذلك ايداعه 5000 جنيه غير كده مفيش مشاكل ... اما الكارت التانى فهو سوستيه وحصل معى موقف غريب جداا .. بعدما عملت ايداع فى الكارت وجيت اجرب ايداع فكان بيترفض دايما فاتصلت اسال ليه اتقلى عشان بحول لفوركس . بعدها بيوم بجرب انى احول بمبلغ اقل من الليمت بحاجه بسيطه بصيت انه اتقبل . وحولت كذا مره ومكنش فيه مشكله الليمت 7 الاف مصرى فى اليوم . وطبعا بما يقابله من الدولار + المصاريف

حبيت اوضح تجربتى القريبه واتمنى اكون افدتكم

[Samuel]

شكرااااااا جدا يا masrawy
علي مشاركتك الجميله بس بنك nsgb حتي بقي يقفل علي ناس وناس التحويل بفيزا نت حاليا مفيش غير العربي الافريقي وكريدي اجريكول

[masrawy]

شكرااااااا جدا يا masrawy
علي مشاركتك الجميله بس بنك nsgb حتي بقي يقفل علي ناس وناس التحويل بفيزا نت حاليا مفيش غير العربي الافريقي وكريدي اجريكول


اه تمام اخى الكريم . انا كنت بحول بفيزا انترنت وزى ما قلت لحضرتك بالرغم انه اتقلى انه مينفعش احول لشركات فوركس تانى يوم جربت واشتغلت عادى لجد يوم الاتنين اللى فات . وفيه ناس بتقول انه مش نافع معاهم سوستيه خالص . فعلا حاجه غريبه

بالنسبه للعربى الافريقى اسمع انها شغاله والليمت بتاعها 15 الف فى اليوم

[ylabena]

أنا استخدمتها كثير في الأيداع بشركة الفوركس الخاصة بي ولكن الشركة بتطلب تحويلي لبنك الكتروني اولا للإيداع فيه وبعدين يتم التحويل من البنك الألكتروني لحسابي في الشركة والموضوع بسيط جدا وده لينك البنك الالكتروني وهو فعلا رائع وسهل في استخدامة وامان
https://www.moneybookers.com/app/?rid=27421417 (https://www.moneybookers.com/app/?rid=27421417)
وعلي فكرة لو شحنت فيزا بنك مصر لازم تستني لثاني يوم لغاية لما الرصيد ينزل فيها
تحياتي

[Samuel]

اها انا فاهم قصدي يا باشا بس شركه fxdd معندهاش موني بوكر

[لؤى حمدى]

بنك مصر مش بيقبل تحويلات لشركات الفوركس حسب ما عرفت

[Rorekz]

لو سمحتم يا شباب بالنسبة للناس الى بتستخدم كريدى اجريكول . هل لما اعمل refund او اسحب الفلوس تانى على الكارت بعد ما اشحن بيه ب فترة هل اقدر اسحبها من اى ماكينة ام انها مثل كارت 4u العربى الافريقى لا اقدر ان اسحب منها اموال ؟

[محمود الطناحى]

شكرا اخى momobanker (http://www.fx-arabia.com/vb/member.php?u=10387)

[xanderman78]

لو سمحتم يا شباب بالنسبة للناس الى بتستخدم كريدى اجريكول . هل لما اعمل refund او اسحب الفلوس تانى على الكارت بعد ما اشحن بيه ب فترة هل اقدر اسحبها من اى ماكينة ام انها مثل كارت 4u العربى الافريقى لا اقدر ان اسحب منها اموال ؟



نعم بعد الايداع لو عايز نسحب المتيقى فى حسابك بالكارت .... تقدر .... ده عن تجربة شخصية

[new here]

اريد ان افتح حساب فى بنك للفوركس فقط فما افضل بنك فى مصر يتعامل مع الفوركس من حيث عمولات السحب والايداع والسرعه
هل اخبر موظف البنك ان الحساب للفوركس؟

[Samuel]

لالا انت هتروح اي بنك اجنبي بلاش بنوك مصريه وتقولوا عاوز افتح حساب وهيديلك بياناتك في الحساب تمام كده
لما تجي تسحب فلوس من الفوركس هتكتب البيانات الخاصه بالبك
و الايداع سهل خالص اعمل فيزا نت في بنك العربي الافريقي 4u
اي سؤال احنا تحت امرك يا باشا

[the king]

تمام يا اخوانى جزاكم الله كل خير

[new here]

شكرااا اخ samuel بس كنت عايز اعرف البنك ده كويس مش هيتعبنى فى السحب والايداع والتوقيت
و شكرااااا مره تانيه

[Samuel]

شكرااا اخ samuel بس كنت عايز اعرف البنك ده كويس مش هيتعبنى فى السحب والايداع والتوقيت
و شكرااااا مره تانيه

لآلا البنك ده تمام
بس حضرتك هتعمل ايداع بالفيزا نت والسحب هيتم علي حسابك في البنك وانا جربت السحب والايداع من fxdd
بالتوفيق

[new here]

معلش سوال اخير لازم افتح الحساب بالدولارو لا عادى بالجنيه ؟

[Samuel]

لا افتحوا عادي بالجنيه ولما يجيلك تحويل بالدولار هيتحول لوحدوا بالجنيه .. ولما تعمل ايداع برضوا نفس النظام تحط بالمصري وتضربوا في 7 جنيه
بالتوفيق