المساعد الشخصي الرقمي

مشاهدة النسخة كاملة : هل تحويلات الفوركس اتقفلت في كريدي اجريكول؟

faridns
08-08-2013, 04:00 PM
السلام عليكم

و انا بفتح صفحة حسابي في كريدي اجريكول لقيت رسالة قدامي الرسالة دي !!

http://im42.gulfup.com/UzXzD.png (http://www.gulfup.com/?UkAu3j)


حد عندة تعليق هل دة مثلا علي حسابي انا بس و لا اي حد بيلاقي الرسالة دية!!!
faridns
09-08-2013, 04:13 AM
هل من مساعدة؟؟
faridns
12-08-2013, 11:09 AM
للرفع ,, اتمني المساعدة
michael thabet
12-08-2013, 11:14 AM
للرفع ,, اتمني المساعدة
بص يا سيدى انا موظف بنك ونصيحتى
اتصل بخدمة العملاء وابلغهم انك كنت بتسحب او تشترى حاجة من النت ولم يتم سحب المبلغ ولا تذكر كلمة فوركس
ahmadmido99
12-08-2013, 12:26 PM
انا عندي نفس الرساله بس التحويل شغال عادي ومتسالش خدمة العملاء لانهم هيقلولك الفوركس ممنوع
بس انا حولت عادي عن طريق الفيزا من كريدي اجريكول
sadk
12-08-2013, 03:10 PM
السلام عليكم

قبل ثورة يناير وبعدها بفترة قصيرة كان يمكنك عمل تحويل للخارج من حسابك فى البنك اون لاين وبدون الذهاب للبنك(تحويل بنكى) وبعد تهريب مليارات الدولارات الى خارج البلاد قام البنك والبنوك الاخرى بايقاف التحويل اون لاين وبناءا عليه لايتم التحويل البنكى الا بالذهاب الى البنك وذكر سبب التحويل

حتى ما قبل الثورة كانت بعض فروع البنوك تمنع التحويل للفوركس وزادت هذه القصة بعد الثورة

لاتقل ان التحويل للفوركس

تمنياتى بالتوفيق
faridns
12-08-2013, 04:34 PM
شكرا ليكم يا جماعة و انا اتصلت امبارح بليل بخدمة العملاء و قالولي ان الموضووع ملوش علاقة بالفوركس هو بس زي ماقال الاخ صادق ان التحويل العملات اتمنع اونلاين فقط و ملوش علاقة بالفوركس
mohab
15-08-2013, 12:19 AM
السلام عليكم,

أنا آسف جداً على إزاج حضراتكُم بس أنا و الله سجلت مخصوص عشان الموضوع دة عشان أنا بواجه مُشكلة.

بعد ما عرفت أن التحويل بفيزا NSGB ممنوع و أني كما ماينفعش أرسل أي حوالات بالدولار لبرة عشان أنا عرض شباب, عرفت أني لازم أعمل فيزا كريدي أجريكول, بس دلوقت أنا قريت أن صاحب الموضوع بما معناه "أن تحويل العملات من خلال المُعاملات الإلكترونية أصبح غير مُتوفر", هل دة معناه أن أنا لو عملت الفيزا و شحنتها مش هتتقبل بردو لما أجي أرسل الفلوس عشان مش بالدولار و هما مش هيحولو؟ و هل مُمكن اشحن الفيزا بالدولار و لا لازم بالمصري بس؟ بمعنى آخر, هل كدا الفيزا ليها لزمة من الأساس؟

أصل أنا بصراحة حاولت أدور على أي موضوع مُشابه على الإنترنت و قلبت الدنيا عليه بس مافيش حد كاتب عن المُشكلة ديه غير هنا.

شكراً ليكم
faridns
15-08-2013, 12:22 AM
لا اطمن خلاص الجملة اللي انا كنت حاططها دية طلعت علي حاجة تانية غير الفوركس

الايداعات في الفوركس شغالة مية مية لسة متقلقش في الجفت كارد
مدير الموقع
15-08-2013, 12:24 AM
لا توجد اى مشكلة فى كريديت كارد كريدى اجريكول و اغلب العملاء المصريين يستخدموها دون مشاكل..
تقبل تحياتى
mohab
15-08-2013, 12:27 AM
أنا مش عارف أشكرك قد إيه على سُرعة الرد عشان أنا كنت خايف, شكراً جداً.