طريقتى التى اعمل بها على حساباتى

[wolfrine97]

السلام عليكم,

انا هاعرض طريقتى على طول فى السطور القليلة القادمة.

اولا بأشكر كل اعضاء المنتدى الى استفدت منهم و علمونى كل حاجة اعرفها عن الفوركس و بأعتذر عن عدم تفاعلى فى فترة تواجدى على المنتدى كزائر و عضو و اتمنى انى اقدر افيد بالمعلومات الضئيلة الى عندى.


انا طريقتى تنقسم لجزئين:

طريقتى تتبع نظام الخطوات فى تحديد اللوت. يعنى عند كل صفقه ناجحة نتقدم خطوة و نرجع خطوة فى حالة الخسارة و سأرفق ملف اكسل للخطوات التى اعمل عليها حاليا.

القسم الاول:

أساس هذا القسم هو استراتيجية اخونا جوزيف ايهاب فى موضوعه "استراتيجيتي المعدلة علي اليورو ين" و كانت كالتالى

وضع اوامر معلقة "Buy stop" و "Sell stop" اسفل اللو و اعلى الهاى ب 3 نقاط لفترة سيدنى كاملة -من 11مساءا ل 8 صباحا بتوقيت مصر- بهدف و ستوب 20 نقطة و كانت نسبة نجاحها يقرب ل70%.

و قوة هذه الاستراتيجيه هى فى انك بتضع اوامر معلقه و بتنسى الشارت. فده توفير كبير للوقت و راحة للبال من كثرة متابعة الشارت طوال اليوم.

وضعت تعديل بسيط عليها انى حطيت 5 موفينجات للدخول مع الترند فى صفقة واحدة بدلا من صفقتين و زودت ال بروفت ل 40 نقطة و الستوب كما هو عند 20. السبب انى وجد ان معظم الصقات الخاسرة بتكون عكس الترند و الصفقات التى تكون مع الترند بتربح بنسبة اعلى و بتحقق نقاط اعلى.

الموفينجات هى: 9-18-24-48-72 exponential على شارت الساعة.

يتم وضع الصفقات مع اغلاق اخر شمعة فى فترة سيدنى و التى بتكون الساعة 8 صباحا بتوقيت مصر

يتم وضع صفقة buy stop فقط اذا كان ال 9-18-24 اعلى من 48-72.
يتم وضع صفقة sell stop فقط اذا كان ال 9-18-24 اسفل من 48-72.
غير ذلك لا يتم وضع صفقات فى هذا اليوم.

القسم الثانى:

هو لمتاجرة الاخبار. انا بادخل على الاخبار التى تكون لها تأثير على الشارت فى لحظة صدور الخبر.

اضع امرين "buy stop" و "sell stop" اعلى السعر الحالى ب 15 نقطة و ب بستوب لوز 10 نقاط و بدون تاك بروفت للعملة التى عليها الخبر قبل موعد صدور الخبر ب 3 دقائق و احافظ على مسافة ال 15 نقطة حتى قبل صدور الخبر بدقيقة و اتركهما. اذا تفعل واحد يحذف الاخر فورا و يغلق المفتوح عند 15+ نقطة ربح حسب قوة الخبر او لا قدر الله ستوب لوزز اذا لم يتفعل اى من الامرين بعد 30 ثانية من صدور الخبر يتم الغائهم.


سأكتب كل يوم الصفقات التى اعمل عليها وقت وضعها على الشارت و عند بدايه كل اسبوع الاخبار التى من الممكن ان ادخل عليها. و طريقتى تحقق لى من 60-100% فى الشهر حسب السيولة فى السوق.

ملف الكسل المرفق هو كان من بداية شغلى شهر 6 قبل ان اعدل على الاستراتيجية و لكنى اتبع نفس الخطوات و كانت بدايتى ب حساب به 200 دولار.

اتمنى انى اكون افدت الاعضاء و اى استفسار او نقد انا مرحب بيه جدا و عمرى ما هبخل على حد بأى حاجة اعرفها.

ملحوظة: دى مش هيكون طريقتى الدائمه لان السوق متغير و لازم نكون اكثر مرونة مع السوق. و انا دائما اعمل على تحسين نفسى.

كل الى بتمناه فقط الدعاء. أخوكم احمد.

[wolfrine97]

ده مثال لصفقة اليوم
الخطوط الزرقاء الطولين لتحديد الفترة و العرضيين لتحديد اللو و الهاى و الخط الاخضر هو مكان صفقة buy

http://img38.imageshack.us/img38/2263/bnk3.png (http://imageshack.us/photo/my-images/38/bnk3.png/)

Uploaded with ImageShack.us (http://imageshack.us)

[wolfrine97]

اخبار الاسبوع ذات التأثسر العالى هذا الاسبوع: بتوقيت مصر

-خبر البطالة على الاسترلينى الاربعاء 11-9 الساعة 10:30am
-خبر البطالة على الاسترالى الخميس 12-9 الساعة 3:30am
-خبر Retail sales على الدولار الجمعة 13-9 الساعة 2:30pm

[Badr]

اهلا بك .. استرراتيجيتك واضح انها ممتازة و ان شاء الله نتابعها معاك :)

بس بالنسبة لطريقة التداول على اللخبار انا عن نفسي بخاف منها
بسبب تحرك السعر بشكل جنوني فى بعض الأحيان بالتالي ممكن
تتعرض للسليب بيج و تخسر اكثر من ال 10 نقاط الستوب

[michael thabet]

انا كنت بتاجر على نفس الاستراتيجيتين ولكن تركت طريقة اليورو ين عشان كانت بتخسر كتير
وانوى اضافة المؤشرات اللى حضرتك قولت عليها وعلى فكرة الطريقة جيدة جدا على الفرنك ين ايضا والكندى ين بشرط السبريد الجيد وخلى بالك من اغلاق مؤشر نيكاى جيدا (دى اهم نقطة بالاضافة للدعوم والمقومات)
بالنسبة للمتاجرة على الاخبار انت تتداول مع شركة ايه؟

[wolfrine97]

بالنسره للمتاجرة على الاخبار فهى فعلا خطيرة و مع الوقت بدأت اعرف اتعامل معاها. علشان كده انا بدخل على الاخبار الهامه و اللى ليها تأثير على الشارت عالى علشان الانزلاق السعرى لو حدث تقدر تكسب برده.

و بالنسبة للستوب لوز فلو فى صفقة اتفعلت قبل الخبر و موجود لديها ستوب لوز ممكن يحصل انزلاق للستوب لوز نفسه علشان. لكن لو الصقة اتفعلت بعد صدور الخبر مبيحصلش انزلاق. علشان كدة انا بأضع الاوامر على بعد 15 نقطة من السعر الحالى و بأعدلهم بحيث ان المسافة تفضل ثابته حتى قبل موعد صدور الخبر لتجنب التحرك السريع و تفادى انزلاق الستوب لوز.

بالنسبة للشركات. انا حاليا عندى حسابين فى شركة دوكاسكوبى و اف اكس اوبن و يحدث بهما انزلاق سعرى فى وقت الاخبار مثل باقى الشركات

[wolfrine97]

انا كنت بتاجر على نفس الاستراتيجيتين ولكن تركت طريقة اليورو ين عشان كانت بتخسر كتير
وانوى اضافة المؤشرات اللى حضرتك قولت عليها وعلى فكرة الطريقة جيدة جدا على الفرنك ين ايضا والكندى ين بشرط السبريد الجيد وخلى بالك من اغلاق مؤشر نيكاى جيدا (دى اهم نقطة بالاضافة للدعوم والمقومات)
بالنسبة للمتاجرة على الاخبار انت تتداول مع شركة ايه؟

هى فعلا طريقة اليورو ين جيدة و مشكلتها معى هى نفس ما واجهته انت. اخدت اخد فترة راحة من السوق للتطويرها ووجدت عيبين الاول ان الستوب= التاك و ان الصقات الخاسرة تكون معظمها التى تكون عكس الترند و حاولت كذا حاجه الى ان توصلت للحل هذا و هو مريحنى جدا. و بقدر اطلع فى الاسبوع ب average 15-20% صافى مكسب الحمد لله

[star verdi]

السلام عليكم

سؤال لصاحب الموضوع

1/ ليه بي الضبظ استعملت ارقام الموفينجات 9-18-24-48-72 مش ارقام ثانية
2/ ليه استخدمت موفنج exponential مش simple


هذه الاستراتيجية قمت بتجربتها في شهر 4 و5 و كانت الصفقات الخاسرة اكثر من الرابحة في نهاية كل شهر
واغلب الصفقات التي كانت تنجح ايام الخميس و الجمعة و في كثير من الاحيان السعر يتحرك و يتم تفعيل الصفقة
ثم يرتد و يضرب الستوب لوز اليوم مثلا لو نظرت الا الشارت سوف تجد ان السعر وصل الى اعلى قمة في الفترة الاسيوية
الى 132.57 شمعة الساعة الثامنة يعني سوف نحط امر شراء في132.60 و ستوب لوز 132.40 الامر تم تفعيله مباشرة في شمعة 9 وصل الى 132.69 تم ارتد ووصل 132.36 تم ارتد من هذه النقطة وصعد الى اعلى نقطة وصل اليها لحد الان 133.20.ملاحظة الموفنجات التي دكرتها 9+18+24 كانت اعلى من موفنج 48 + 72
ورغم دلك الصفقة ضربت الستوب لوز قبل ان تحقق الهدف
المشكل في نقطة الستوب لوز يجب ان يوضع في اقوى نقطة
لو اخترقها سوف يكمل الصعود او النزول اما الستوب لوز 20 نقطة
سوف يضربها بكل سهولة ويرتد كما حصل اليوم تماما .

[wolfrine97]

بالنسبة للموفينجات فهى لوتضيح الترند على 5 فترات: 9= فترة سوق, 18=فترة سوقين, 24=يوم, 48=يومين, 72=ثلاثة ايام. و هو exponential لانه الاسرع.

بالنسبة للنقطة الثانية انت وجدت شهر 4و5 خسرانين لانك بتحت الصفقة بعد انتهاء مدة سيدنى بساعة مش بعد انتهاء المدة مباشرا . انا يمكن ماكونتش واضح. فى المثال الى انا ارفقته الفترة متتحددة على الشارت لصفقة النهاردة. الهاى كان عند 132.25 و الو عند 131.91 و الصفقة عند 132.28 و التاك هيكون عند 132.68 و الستوب عند 132.08.

اتمنى اكون وضحت و لو فى اى استفسار او حاجة تانية مش واضحة انا فى الخدمة

[star verdi]

لا بحط الصفقة مباشرة بعد اغلاق الشمعة الساعة 9 على المنصة
الاستراتيجية من الساعة 11 الى الساعة 8 بتوقيت مصر يعني من الساعة 12 الى الساعة 9 على منصة الميتاتريد
اغلبية الشركات توقيتهم gmt +3 افتتاح بورصة سيدني
من الساعة 12 الى 9 بتوقيت المنصة او من 11 الى 8 بتوقيت مصر.
يعني اخر شمعة هي شمعة الساعة 9 على المنصة او الساعة الثامنة بتوقيت مصر شوف على الشارت شمعة الساعة
9بتوقيت المنصة الهاي كما قلت سابقا وصل الى 132.57 شمعة الساعة الثامنة يعني سوف نحط امر شراء في132.60 و ستوب لوز 132.40 الامر تم تفعيله مباشرة في شمعة 9 وصل الى 132.69 تم ارتد ووصل 132.36 تم ارتد من هذه النقطة وصعد الى اعلى نقطة وصل اليها لحد الان 133.20

[wolfrine97]

أنا بتأسف انى مقدرتش اوضح اكتر. احنا هنحط صفقاتنا بعد اغلاق شمعة الساعة 7 بتوقيت مصر الى بتقفل الساعة 8 ف حنحط صقاتنا الساعة 8:00 بتوقيت مصر اى مع افتتاح شمعة الساعة 8 بتوقيت مصر.

بأعتذر مرة تانية انى ماكونتش واضح قل كدة. و على العموم انا كل يوم هارفق الصفقات بالشارت من اول وضعها لانتهائها

[shady hamza]

متابعك ان شاء الله بالتوفيق

[jemy89]

موفق ان شاء الله و البساطة حلوة مفيش كلام
ان شاء الله نجرب معاك ومنها للاعلى يا رب

[wolfrine97]

دى صفقة النهاردة ان شاء الله. الفترة هى ما بين الخطوط البيضاء و تم تحديد الهاى و اللو بالخطوط الزرقاء و الصفقة عند الخط الاخضر.

الهاى=133.38 اللو=132.88 الصفقة= 133.41+السبريد التاك=133.21+السبريد البروفت=133.81+السبريد

http://charts.mql5.com/2/487/eurjpy-h1-fxopen-investments-inc.png

ملحوظة انا هكون شغال معكم بأكونت حقيقى و بنفس الريسك الى انا محدده فى ملف ال Steps فى بداية الموضوع. انا حاليا هاكون مبتدى معكم من الخطوه رقم 20 و هارفق النتائج اخر كل اسبوع ان شاء الله

[م.جوزيف ايهاب]

كيف تأخرت في قراءة هذا الموضوع الجميل :)
فكرة اضافة الموفينجات ممتازة وبصراحة لم افكر فيها من قبل
متابع معك يا باشا وفي انتظار ابداعاتك
تحياتي

[jemy89]

السلام عليكم
متابع معاك ان شاء الله الطريقة و كا نفي مشاركة لأستاذنا الكبير ابو يوسف (trend_seeker) حط فيها ملف اكسل لمعادلة جان (مربع 9) ممكن تساعد و تفيد و الله اعلم
و كل الشكر ليك على مجهودك و طبعا كل الشكر لاخونا جوزيف على الطريقة من البداية
اف اكس ارابيا..الموقع الرائد فى تعليم فوركس Forex - عرض مشاركة واحدة - حاسبة جان مرفقة مضمونة ومجربة وكا عام وانتم بالف خير (http://www.fx-arabia.com/vb/showpost.php?p=528949&postcount=5)

[wolfrine97]

شكرا جزيلا اخى جوزيف على المتابعة و على الاشياء الى اتعلمتها منك و من اعضاء المنتدى. و الفضل كلو يرجع لحضرتك.

بالنسبة لجان فأنا حاولت معاه بس مستمرتش لأنى حسيت ان هذه الطريقه لا تتوافق مع طبيعتى النفسية و لا طريقتى فى المتاجرة ففضلت ابعد عنها. و شكرا للاضافة اخى جيمى.

و انا حاليا شغال دراسة على تحليل الفوليوم بحيث انى افلتر الصفقات الخاسرة الى مع الترند الى بتحصل فى "False breakout" و ازود التاك بوت اكتر

[wolfrine97]

يتم مسح صفقة اليوم لعدم تفعلها و نتقابل غدا ان شاء الله فى الثامنة صباحة

[wolfrine97]

لن يتم وضع صفقات اليوم بسبب عدم توافر الشروط و هى وجود الموفنجات الصغرى 9-18-24 مع بعضها اعلى او اسفل الموفنجات الكبرى 48-72.

و ننتظر غدا باذن الله.

http://charts.mql5.com/2/497/eurjpy-h1-fxopen-investments-inc.png

[theking007]

موضوع ممتاز فعلا و استراتيجيه ممتازه و ربنا يوفقنا جميعا

[wolfrine97]

ملحوظة: اتمنى الا يكون بطء الاستراتيجية عامل منفر بل ان يكون عامل جاذب لاننى لا انظر الى الربح اليومى بل الربح الاسبوع و الاهم الشهرى. لأن معدل الصفقات التى توضع على مدار الشهر لا تتفعل كلها بل بعض منها.

معدل الصفقات التى تتفعل على مدار الشهر هو من 7 الى 10 صفقات. و انا بأتبع نظام الخطواط الموضوعة فى ملف الاكسل فى تحديد اللوتات لذلك عندما نربح نتقدم خطوتان و عند الخسارة نرجع خطوة واحدة بالاضافة الى ان نسبة الصفقات الرابحة تقترب من 70%.

و بكده ان شاء الله فى خلال سنة الى سنتين نقدر نحقق المليون بوسيلتين فقط الصبر و عدم الطمع

[م.جوزيف ايهاب]

ملحوظة: اتمنى الا يكون بطء الاستراتيجية عامل منفر بل ان يكون عامل جاذب لاننى لا انظر الى الربح اليومى بل الربح الاسبوع و الاهم الشهرى. لأن معدل الصفقات التى توضع على مدار الشهر لا تتفعل كلها بل بعض منها.

معدل الصفقات التى تتفعل على مدار الشهر هو من 7 الى 10 صفقات. و انا بأتبع نظام الخطواط الموضوعة فى ملف الاكسل فى تحديد اللوتات لذلك عندما نربح نتقدم خطوتان و عند الخسارة نرجع خطوة واحدة بالاضافة الى ان نسبة الصفقات الرابحة تقترب من 70%.

و بكده ان شاء الله فى خلال سنة الى سنتين نقدر نحقق المليون بوسيلتين فقط الصبر و عدم الطمع

لايك :)

[م.جوزيف ايهاب]

و كل الشكر ليك على مجهودك و طبعا كل الشكر لاخونا جوزيف على الطريقة من البداية



اشكرك يا غالي
ان شاء الله بعد تعديلات اخونا wolfrine الجميلة تقل نسبة الخسارة تماما

[wolfrine97]

شكرا جزيلا اخى جوزيف على المتابعة.

[wolfrine97]

دى الاخبار الى بشتغل عليها على مدار السنة لقوة تأثيرها على الشارت. و انصح دائما بالتدرب على الخبار على الديمو فترة كافية لتكتسب مرونه و خبره فى التعامل مع الاخبار.

الدولار: Non Farm Employment change

الاسترلينى: ؛ Prelim GDP- Claimant Count Change - Retail sales

الاسترالى: Employment change - GDP

النيوزلندى: GDP

الكندى: Employment change

طبعا يتم الدخول فى الازواج الاساسية بسبب قلة السبريد عليها و ارتفاع السيولة وقت الاخبار مع غالبية البروكرز. و بكدة بيكون عندنا حوالى 5 اخبار كل شهر يكفو لأن تربح منهم فقط من 25%-50%. احب اكرر ارجو عدم الطمع فى اللوتات لان الاستعجال يؤدى الى الندم

[Badr]

لن يتم وضع صفقات اليوم بسبب عدم توافر الشروط و هى وجود الموفنجات الصغرى 9-18-24 مع بعضها اعلى او اسفل الموفنجات الكبرى 48-72.

و ننتظر غدا باذن الله.

http://charts.mql5.com/2/497/eurjpy-h1-fxopen-investments-inc.png

مش المفروض ان سيدني من 12 - 9 بتوقيت المنصة ؟
أصل انا شايف انك حاطط خط على الساعة 8 مش 9

[wolfrine97]

ده تقريبا عامل لغبطه عند الناس. و يبقى خطأ منى فأنا بأعتذر انى ما موفقتش فى الشرح. و بأعتذر ان العربى المكتوب عندى ضعيف فياريت تستحملونى حبتين :1 (109):

اى شمعة على شارت الساعة بتغلق بعديها بساعة لأن اسم الشمعة مربوط بوقت افتتاحها مش اغلاقها يعنى مثلا شمعة الساعة 1 بتفتح 1 و بتغلق 2 و الساعة 5 بتفتح 5 و بتغلق 6 و هكذا.

المنصة الى انا شغال عليها GMT+3 زى معظم المنصات. و فترة سيدنى بتكون من الساعة 11 الى 8 بتوقيت مصر و الى بتكون من شمعة بداية اليوم -الساعة 12 على المنصة- حتى اغلاق شمعة الساعة 8 على المنصة. و شمعة الساعة 8 على المنصة بتبتدى الساعة 7 و تغلق الساعة 8.

و عد عدد الشموع من اول شمعة الساعة 12 حتى 8 هتلاقيهم 9 شمعات الى هما فترة السوق :1 (109):

[ميني هامور]

اتمنى لك التوفيق

اعمل على طريقة مماثلة

وقد يفيدك هذا المؤشر في تحدد الفترة التي تريدها ويرسم لك الهاي واللو كما تحب

[wolfrine97]

اليوم ايضا لن نضع صفقات لعدم توفر الشروط

http://charts.mql5.com/2/507/eurjpy-h1-fxopen-investments-inc.png

[wolfrine97]

بداية اسبوع موفقة باذن الله. اليوم هندخل Sell Stop مع الترند مع انه بدأ يعكس الترند فى اخر الاسبوع الماضى بس لسه الترند ضعيف نوعا ما, نتمنى انو يحدد اتجاهه النهاردة بعد كلمة دراجى الساعة 10 بتوقيت مصر.

الهاى=132.40 اللو=131.65 الصفقة=131.62 الستوب=131.82 التاك=131.22

http://charts.mql5.com/2/524/eurjpy-h1-fxopen-investments-inc-2.png

[wolfrine97]

يتم الغاء الصفقة لعدم تفعلها و نتقابل غدا باذن الله

[shady hamza]

شكرا لك و هعمل عليها تست حاليا ونشوف النتايج وان شاء الله خير
واتمنى انك ترجع للموضوع تانى

[shady hamza]

هل تعتبر صفقة ملغية اذا لم تفعل حتى الساعة 5 المغرب بتوقيت مصر

[shady hamza]

سؤال اخر بعد اذنك انا عندى السبريد 3 نقاط
لو مثلا الهاى 135,20 يبقى المفروض احط باى مثلا عند 135,23 ولا عند 135,26 عشان السبريد

[wolfrine97]

هل تعتبر صفقة ملغية اذا لم تفعل حتى الساعة 5 المغرب بتوقيت مصر

الصفقة بيتم وضعها بعد انتهاء فترة سيدنى مباشرة و اغلاقها اذا لم تتفعل قبل انتهاء فترة اوروبا بساعة.

و بسبب تغيير التوقيت الى التوقيت الشتوى فأصبح موعد وضع الصفقات الساعة 9 صباحا و اغلاقها اذا لم تتفعل الساعة 6 مساءا بتوقيت مصر


سؤال اخر بعد اذنك انا عندى السبريد 3 نقاط
لو مثلا الهاى 135,20 يبقى المفروض احط باى مثلا عند 135,23 ولا عند 135,26 عشان السبريد

صفقات الباى ستوب = الهاى+3 نقاط+السبريد. لو مثالك يبقى الصفقة عند 135,26

صفقات السيل ستوب= اللو - 3 نقاط

[shady hamza]

الصفقة بيتم وضعها بعد انتهاء فترة سيدنى مباشرة و اغلاقها اذا لم تتفعل قبل انتهاء فترة اوروبا بساعة.

و بسبب تغيير التوقيت الى التوقيت الشتوى فأصبح موعد وضع الصفقات الساعة 9 صباحا و اغلاقها اذا لم تتفعل الساعة 6 مساءا بتوقيت مصر




صفقات الباى ستوب = الهاى+3 نقاط+السبريد. لو مثالك يبقى الصفقة عند 135,26

صفقات السيل ستوب= اللو - 3 نقاط

شكرا لك يا غالى على الاجابة
طيب هل انت لسه شغال بهذه الاستراتيجة ام لا وايه اخر النتايج

[wolfrine97]

لسة شغال بيها و كل ربع سنة بتجيبلى اللى عاوزه و زيادة الحمد لله.

انا بحسب ربحى كل 3 شهور.

الطريقة محتاجة صبر حبتين و لو اشتغلت عليها لمدة سنة ل سنة و نصف هتكفيك. و الريسك اللى شغال عليه مكتوب فى الاكسل اللى فى اول الموضوع.

[shady hamza]

لسة شغال بيها و كل ربع سنة بتجيبلى اللى عاوزه و زيادة الحمد لله.

انا بحسب ربحى كل 3 شهور.

الطريقة محتاجة صبر حبتين و لو اشتغلت عليها لمدة سنة ل سنة و نصف هتكفيك. و الريسك اللى شغال عليه مكتوب فى الاكسل اللى فى اول الموضوع.

تمام يا غالى شكرا لك انا فعلا من التست فهمت فكرة الطررييقة دى ماشية ازاى وفعلا كلامك صح
ان شاء الله نبتدى نشتغل بيها من اول السنة الجديدة باذن الله
شكرا لك مرة اخرى

[مملكة الجروح]

طريقتك في التعامل مع الخبر جميلة
ما هو الخوف منها ؟
بحكم تجربتك لها ما هي الامور اللي مرت عليك بشكل سيئ مع هذه الطريقة ؟

ايضاً هل ممكن خبر هام لعملة واحدة نتعامل مع اكثر من زوج لها ؟
يعني خبر للدولار قوي قادم اتعامل مع زوج يورو دولار - باوند دولار - دولار ين ؟ بنفس الاستراتيجية هذه ؟

واخيرا ما هي الاخبار الهامة هذا الاسبوع والتي قد تأتي باكثر من 20 نقطة وكيف تقوم بتحديدها ؟

[shady hamza]

معلش سؤال اخر
هل بتطبق طريقة اليورو ين على اى عمملات تانية غيره

[wolfrine97]

طريقتك في التعامل مع الخبر جميلة
ما هو الخوف منها ؟
بحكم تجربتك لها ما هي الامور اللي مرت عليك بشكل سيئ مع هذه الطريقة ؟

ايضاً هل ممكن خبر هام لعملة واحدة نتعامل مع اكثر من زوج لها ؟
يعني خبر للدولار قوي قادم اتعامل مع زوج يورو دولار - باوند دولار - دولار ين ؟ بنفس الاستراتيجية هذه ؟

واخيرا ما هي الاخبار الهامة هذا الاسبوع والتي قد تأتي باكثر من 20 نقطة وكيف تقوم بتحديدها ؟


اولا انا تركت العمل على الخبار بسبب الانزلاق السعرى اللى بيحصل للستوب لوز مع الوامر المعلقة. اسوأ شيئ للمتاجرة على الاخبار هو عدم احترام الستوب لوز و لا انصح بها الان.

و انا حاليا شغال على تعديل بسيط للمتاجرة على الاخبار لتفادى مشكلة الانزلاق السعرى للستوب لوز و سأرفقها اول ما اتأكد من جودتها ان شاء الله.

[wolfrine97]

معلش سؤال اخر
هل بتطبق طريقة اليورو ين على اى عمملات تانية غيره

انا بشتغل على اليورو ين فقط بهذة الطريقة و لم اجربها مع ازواج اخرى

[michael thabet]

من فترة قلت انك ستنزل تعديلات على اليورو ين وتقول عليها من شهر كده وتركت الموضوع؟؟؟؟؟؟؟؟؟؟؟؟؟؟؟؟؟؟؟؟

[wolfrine97]

من فترة قلت انك ستنزل تعديلات على اليورو ين وتقول عليها من شهر كده وتركت الموضوع؟؟؟؟؟؟؟؟؟؟؟؟؟؟؟؟؟؟؟؟

انا لسه شغال على التعديلات على الديمو بس شغال لايف بالطريقه دى لحين الانتهاء و التأكد من جودتها

[michael thabet]

انا لسه شغال على التعديلات على الديمو بس شغال لايف بالطريقه دى لحين الانتهاء و التأكد من جودتها
فى انتظارك يا باشا سواء للاخبار او اليورو ين

[shady hamza]

انا بشتغل على اليورو ين فقط بهذة الطريقة و لم اجربها مع ازواج اخرى

شكرا لك فى انتظار جديدك ان شاء الله
وانا حاليا شغال على طريقة اليورو ين