محتاج مشورتكم ورأيكم بكل أمانة وصدق

[hemaya]

السلام عليكم ورحمة الله وبركاته
جمعة مباركة عليكم جميعا
أنا دخلت السوق من 4 سنوات تقريبا وتقاذفتني امواجه بين المؤشرات والحبشتكنات كلها وبين الطريقة الخارقة والطريقة المارقة وبين رحلة المليون من دولار ونص .. المهم يعني لفيت ولفيت زي اغلبكم
الحمد لله لي حساب حقيقي منذ بدأت ولم اخسره ولكن كنت بخسر وبكسب ولأنه حساب بالنسبة لي تجريبي بمبلغ قليل 1000 دولار فكنت بحاول اتعلم عليه
المهم صدعتكو انا عارف بس معلش استحملوني
في النهاية وصلت لقناعة زي معظمكم ان معظم المؤشرات غير صالحة والحل ابسط وابسط ومش حل سحري لأن الفوركس ملوش كبير ابدااا ولا عزيز ..
ولأني اصلا مبرمج ومن ايام الدوس وكويك بيسك وبورلاند سي .. اتجهت من البداية للاكسبرتات وبرمجت مئات او الاف الاكسبرتات هههههههه وتقريبا معظمها كان بيفشل ..
من حوالي عام تقريبا وبعد جهد ومتابعة الكلمات التي بين السطور لبعض الخبراء في الفوركس الحمد لله عملت اكسبرت ناجح الي حد بعيد .. وبيتماشي مع السوق .. ودرجة الأمان فيه عالية والمخاطرة قليلة جدا ..
-انا طبعا عمال ارغي وارغي بس محلش انا بفضفض معاكو لأن بقالي 4 شهور مبتكلمش مع حد وعايش في شقة 4 غرف لوحدي فاكيد اتجننت رسمي - المهم من حوالي عام وانا شغال بالاكسبرت ديمو وشغال الحمد لله - تمام التمام وبيجيب ارباح تقريبا 35%: 40 % شهريا طبعا عارف معظم خبراء المنتدي هيقولوا ان النسب دي صعب تكون موجودة .. صحيح صعب بس مش مستحيل .. من حوالي 6 اشهر تركت عملي مع اني اعمل خارج بلدي مصر لكن لانشغالي بالاكسبرت والفوركس عموما قررت ترك الوظيفة والجلوس عاطلا علي رأي اصحابي لكني لست عاطلا انا شغال في الفوركس .... المهم شغلت الاكسبرت علي الحقيقي بس قللت المخاطرة جداا واصبح الربح تقريبا 20% لكن للأسف الالتزامات والايجار والدنيا اللي مبترحمش مش اقدر اعيش من 20% من مبلغ 2000 او 3000 دولار طبعا واحد ناصح هيقولي طب يا عم الأمور سيب الاكسبرت شغال واصبر عليه من غير سحب الربح لمدة سنة ارد عليه واقوله ما انا قولتلك الدنيا مبترحمش يعني مش هتقدر تستحمل سنة بدون دخل .. واحد تاني هيقولي دور علي شغل وسيب الاكسبرت شغال .. حضرتك انا من النوع اللي بيحب يركز في الحاجة ومعرفش افكر في حاجتين يعني لو اشتغلت دماغي مش هتكون في الشغل هتكون في الفوركس من الاخر يعني
المهم جاتني فكرة اعرض الاكسبرت للبيع مرة واحدة ب 10 الاف دولار او حتي بنسبة من الارباح بس اولاد ال... مخلوش لأولاد الحلال حاجة .. معظم الناس فكرتها اني جاي انصب عليهم طبعا معذورين لأن ناس كتير بتعمل كده وكمان معظم الناس عندها اعتقاد او يقين ان الاكسبرتات عموما فاشلة ولو نجح السنة دي هيفشل السنة الجاية هههه كده يعني .. فاستبعدت حكاية البيع دي عشان مش ناقص وجع دماغ
دي الوقتي امامي حل واحد وعايز رأيكم بكل أمانة واللي عنده حلول تانية ياريت ما يبخل علي لأني في أشد الحاجة لرأيكم ومشورتكم
الحل اني اطلع فيزا من البنك وازود المبلغ وليكن 5000 واسدده جزء شهريا طبعا مع فائدة للفيزا ..
ده الحل اللي امامي
ياريت اللي عنده حلول يقولها او يقولي رأيه ..

ربنا يكرمكم

[معاذ عودات]

اهلا وسهلا فيك اخوي ،،

يمكن ما اقدر اقدملك حل مثالي ،،

ولكن نصيحه لوجه الله انك ما تجيب فلوس هي مش معك او تدين او تجيب قرض .. الخ
وتضعه في الفوركس
الفوركس خطر جداً
ولا تخاطر بحياتك كمان كرمال الفوركس
دائما نقول الفوركس لا ينفع شغل اساسي وانما اضافي فقط

طيب ارجع مصر لو عايز وخلي الاكسبيرت شغال
اعتقد انك رح تعيش احلى :)

[hemaya]

مش عايز ارجع فاااشل ..

[unknown]

ان شاء الله ترجع صر وتنور بلدك
حضرتك بتقول 20% من مبلغ (2000/3000) دولار
نسبة الربح دى تعيشك فى مصر مستريح

ومافيش حاجة اسمها خايف ارجع مصر فاشل
طيب هتفضل بره تعمل ايه ؟ انت مش شغال وايجارات الخارج كبيره
بجانب الاكل والشرب والمستلزمات برده غاليه

طيب اقولك حاجة ارجع مصر من غير ماتقول لحد
والعيشه هنا ارخص من بره

[MARGIN CALL]

الشي اللي ماتعرفه ان الفيزا فوائدها تراكمية يعني مش حتقدر تسدد حاجة بقى تصرف على البنك بدل ماتصرف على نفسك يعني بتدور حول نفسك مش زي القرض وكل امرك لله وصلي ركعتين استخارة الله يرزقك من حيث لاتحتسب

[ahmed_hassan]

طالما قولت بكل صدق وامانه...لو انت فعلا مش بتعرض اكسبيرت للبيع وده مجرد اسلوب تسويق.. يبقى الحل سهل وبسيط وممتاز
انت ترجع بلدك وسط اهلك وناسك وتعيش ملك ..هيبقى دخلك 15000 فى الشهر وحد يقول عليك فاشل!! 15 الف= فاشل؟؟؟
وهتدخر الفلوس زى ما انت عاوز بدل مانت بترميهم كل شهر فى ايجار واكل وكلام فاضى ..وكفايه انك هتخلص من الغربه.
لو مصمم انك هتبقى فاشل ..برده الحل بسيط مصر وااااااسعه انت ترجع وتعد فى المحافظه اللى تعجبك ..روح مطروح على البحر فى اخر مصر والجو رائع ورخيصه .او تعالى وانا (اتاويك) فى المحافظه اللى تعجبك وبقيت ال 15000 الف اتبرع بيهم او هاتهم يا سيدى بدل ما انت بتتبرع بيهم بره!!!!!!

متزعلش منى انت اللى قولت بكل صدق وامانه ... حاجه تغيظ بصراحه ان واحد مشكلته انه دخله 2000 د فى الشهر بس:1 (26):

[MARGIN CALL]

طالما قولت بكل صدق وامانه...لو انت فعلا مش بتعرض اكسبيرت للبيع وده مجرد اسلوب تسويق.. يبقى الحل سهل وبسيط وممتاز
انت ترجع بلدك وسط اهلك وناسك وتعيش ملك ..هيبقى دخلك 15000 فى الشهر وحد يقول عليك فاشل!! 15 الف= فاشل؟؟؟
وهتدخر الفلوس زى ما انت عاوز بدل مانت بترميهم كل شهر فى ايجار واكل وكلام فاضى ..وكفايه انك هتخلص من الغربه.
لو مصمم انك هتبقى فاشل ..برده الحل بسيط مصر وااااااسعه انت ترجع وتعد فى المحافظه اللى تعجبك ..روح مطروح على البحر فى اخر مصر والجو رائع ورخيصه .او تعالى وانا (اتاويك) فى المحافظه اللى تعجبك وبقيت ال 15000 الف اتبرع بيهم او هاتهم يا سيدى بدل ما انت بتتبرع بيهم بره!!!!!!

متزعلش منى انت اللى قولت بكل صدق وامانه ... حاجه تغيظ بصراحه ان واحد مشكلته انه دخله 2000 د فى الشهر بس:1 (26):

الرجال راس ماله 2000 دولار و دخله الشهري 20% من هذا المبلغ

[ahmed_hassan]

اسف جدا اخى قرأت من الموبيل ولم ارى كلمت من ... فهمت ان ال20% هى 2000$ او 3000$

اسف على التسرع

[مهند عامر]

الحل بسيط شغل الاكسبيرت على حسابي الخاص وخد ارباح 50 % دون اي تعب او جهد وهيك بيكون دخلك اكبر وانا ما عندي مانع اني ارفع راس المال للرقم الذي تريده ان كان الاكسبيرت يحقق النتائج التي تقول عنها عموما من الاخر انا بعرض عليك تشغل الاكسبيرت على حساب تحت رعاية اف اكس ارابيا حساب جديد انا رح اقوم بعملية فتح الحساب ورح اضع فيه مبلغ بسيط ولك ارباح 50% كل اخر شهر وبهذه الطريق الفائدة تكون للجميع انت تستفيد وانا استفيد والمنتدى بتعنا اف اكس اربيا يستفيد لانو الحساب تحت وكالتو ده اروع حل ممكن يتقدملك وانا مستعد للتواصل معك في حال موافقتك ورح نطلب من ادارة المنتدى فتح الحساب فورا اذا اتفقنا

[Hosni Elshobaki]

الحل بسيط شغل الاكسبيرت على حسابي الخاص وخد ارباح 50 % دون اي تعب او جهد وهيك بيكون دخلك اكبر وانا ما عندي مانع اني ارفع راس المال للرقم الذي تريده ان كان الاكسبيرت يحقق النتائج التي تقول عنها عموما من الاخر انا بعرض عليك تشغل الاكسبيرت على حساب تحت رعاية اف اكس ارابيا حساب جديد انا رح اقوم بعملية فتح الحساب ورح اضع فيه مبلغ بسيط ولك ارباح 50% كل اخر شهر وبهذه الطريق الفائدة تكون للجميع انت تستفيد وانا استفيد والمنتدى بتعنا اف اكس اربيا يستفيد لانو الحساب تحت وكالتو ده اروع حل ممكن يتقدملك وانا مستعد للتواصل معك في حال موافقتك ورح نطلب من ادارة المنتدى فتح الحساب فورا اذا اتفقنا

حل الأستاذ مهند جميل بصراحه..هيعتبر شريكك فى الاكسبيرت بنسبه 50%..وبالتالى هتريح دماغك خالص + انك تشوفلك شغل كمان لأن كده انت ريحت دماغك بنسبه كبيره من الفوركس وتقدر تركز فى شغلك..وتاخد أرباحك 50% بإذن الله كل أول شهر مع مرتبك من شغلك التانى..بيتهيألى ده أسلم حل..

[hemaya]

ان شاء الله ترجع صر وتنور بلدك
حضرتك بتقول 20% من مبلغ (2000/3000) دولار
نسبة الربح دى تعيشك فى مصر مستريح

ومافيش حاجة اسمها خايف ارجع مصر فاشل
طيب هتفضل بره تعمل ايه ؟ انت مش شغال وايجارات الخارج كبيره
بجانب الاكل والشرب والمستلزمات برده غاليه

طيب اقولك حاجة ارجع مصر من غير ماتقول لحد
والعيشه هنا ارخص من بره

اهلا وسهلا بحضرتك
اكيد العيشة ارخص لكن بيني وبينك هناك فيه مشاكل وانا واخد 6 اشهر فترة هدوء نسبي وهدف اني انزل وانا عندي دخل لأني بصراحة مش مستعد ارجع اشتغل موظف تاني عند حد .. والعيشة في مصر مش رخيصة قوي بردو هي ارخص من عندي لكن غالية بردو وبصراحة نفسي انزل ومعايا تابلت محترم هههههههههههههههههه :1 (63):كل ما انزل الاقي اصحابي كلهم معاهم اخر موديلات وانا معايا موبايل من ايام الملك مينا ..

[hemaya]

الشي اللي ماتعرفه ان الفيزا فوائدها تراكمية يعني مش حتقدر تسدد حاجة بقى تصرف على البنك بدل ماتصرف على نفسك يعني بتدور حول نفسك مش زي القرض وكل امرك لله وصلي ركعتين استخارة الله يرزقك من حيث لاتحتسب

عزيزي مارجن كول -ربنا يجعل كلامنا خفيف عليك ويبعدك عنا يا رب - بالفعل الفوائد تراكمية لكنها بسيطة وهذا ان تأخرت اكثر من شهر يعني ممكن بعد 3 شهور ترجع ال 5000 هيكونوا 5300 تقريبا

[hemaya]

اسف جدا اخى قرأت من الموبيل ولم ارى كلمت من ... فهمت ان ال20% هى 2000$ او 3000$

اسف على التسرع

انت خلتني اشك في رأس مالي ههههههههههه
يا اخي انا بعرض الموضوع لأني محتاجكم جنبي .. محتاج رايكم .. والله اني جالس من 4 اشهر لا بتكلم مع حد ولا اي شيء عايش غربتين ربنا يهون علينا .. ولا يهمك المهم هتتاويني فين لما انزل ههههه انت متخيل يعني ايه واحد بيسافر بقاله 9 سنين يعني في نظر الناس في مصر مليونييييييييير ان مكنش ملياردير .. انا من قرية من دمياط .. وانت عارف القرى .. انا نفسي ارجع بس خايف من الزمن .. انا هنا محدش يعرف انا مديون ولا ايه انما في مصر كل حاجة قدام الناس .. اتمني احساسي يكون واصلك لأني مش قادر اعبر عنه بالكلمات
:1 (34):

[hemaya]

الحل بسيط شغل الاكسبيرت على حسابي الخاص وخد ارباح 50 % دون اي تعب او جهد وهيك بيكون دخلك اكبر وانا ما عندي مانع اني ارفع راس المال للرقم الذي تريده ان كان الاكسبيرت يحقق النتائج التي تقول عنها عموما من الاخر انا بعرض عليك تشغل الاكسبيرت على حساب تحت رعاية اف اكس ارابيا حساب جديد انا رح اقوم بعملية فتح الحساب ورح اضع فيه مبلغ بسيط ولك ارباح 50% كل اخر شهر وبهذه الطريق الفائدة تكون للجميع انت تستفيد وانا استفيد والمنتدى بتعنا اف اكس اربيا يستفيد لانو الحساب تحت وكالتو ده اروع حل ممكن يتقدملك وانا مستعد للتواصل معك في حال موافقتك ورح نطلب من ادارة المنتدى فتح الحساب فورا اذا اتفقنا

طبعا شكرا لثقتك الغالية ..
بصراحة انت وضعتني في موقف حرج .. لأن الناس ممكن تفهم اني عامل الموضوع عشان كده .. والله يا اخوان انا واضع الموضوع للمشورة والله العظيم لأني قدمت امس علي الفيزا والماستركارد ولكني غير مرتاح نفسيا لذلك اول ما صحيت من النوم ربنا هداني اكتب الموضوع هنا وبردو للامانة كتبته في منتدي مجاور عشان اعرف لو انتم مكاني ممكن تعملوا ايه ولا خاب من استشار ..
بالنسبة لعرضك الكريم انا علي اتم الاستعداد ..

[MARGIN CALL]

طبعا شكرا لثقتك الغالية ..
بصراحة انت وضعتني في موقف حرج .. لأن الناس ممكن تفهم اني عامل الموضوع عشان كده .. والله يا اخوان انا واضع الموضوع للمشورة والله العظيم لأني قدمت امس علي الفيزا والماستركارد ولكني غير مرتاح نفسيا لذلك اول ما صحيت من النوم ربنا هداني اكتب الموضوع هنا وبردو للامانة كتبته في منتدي مجاور عشان اعرف لو انتم مكاني ممكن تعملوا ايه ولا خاب من استشار ..
بالنسبة لعرضك الكريم انا علي اتم الاستعداد ..

الله يجعلها بداية خير لك ومن فرج عنك

[kingofnights]

شوف ياغالى
طالما انك تطلب النصيحة لوجه الله أنا هقولك على افكار تساعدك بأمر الله تعالى
أولا ممكن انك تطلع كريديت كارد من بنك يريحك فى السداد زى المصرف المتحد ده فيه ميزة انه بيديك بطاقة اسمها رخاء تقدر تستخدم كامل الكريديت وتسدد كل شهر 5% والباقى بيتقسم على 20 شهر اقساط متساوية بربح بسيط 9% سنووى وليس مركب
ممكن تطلع بطاقة ائتمانية فيها نظام 5% كاش باك ودى هتساعدك انك هتقدر تحول الفلوس وال 5% هتغطى ال 2.5% اللى ماستر وفيزا بتاخدها رسوم تحويل العملة وعندك ابو ظبى الاسلامى وbnp paripas
ثانيا ممكن تدور على بنك يكون بيوفر لك انك بعد ال 55 يوم السماح تقدر تحول كامل المديونية على بطاقة تانية وتاخد 3 شهور سماح زيادة وده هيساعدك انك تقدر تسدد كل 5 شهور فهتكون واخد فرصة تعمل تشتغل على الحساب وانت مش مرتبك
ثالثا تقدر و يفضل انك بدل ماتطلع كريديت كارد واحد تطلع اتنين ليه علشان تقدر تاخد 50% من كل كارد وتسيب ال 50% الباقى تحول بيها المديونية كل 3 شهور وتخلى الحساب براحته
او تشحن حساب الفوركس بالبطاقتين وتقدر كل 50 يوم تطلب ريفند و فى نفس الوقت تعمل ايداع جديد بال 50% الباقية وده هيخليك شغال بالبطاقة و مش شايل هم التسديد وعندك بنوك زى المشرق وكريدى اجريكول بيوفروا لك تحويل المديونيىة بسماح 3 شهور اضافى على ال 55 يوم
طبعا يفضل انك تبحث عن بنكين يكونوا متماشيين مع ظروفك وافكارك وفى نفس الوقت اصلا حضرتك كل اللى محتاجه من البطاقات فقط 2000 -3000 دولار هتشحن من كل بطاقة 1000 -1500دولار يعنى مبلغ مش كبير هتقولى طب انا محتاج 5 الاف اجيب الباقى منين هقولك
حضرتك لو معاك حاليا مبلغ فى حدود 4 الاف وزودت عليهم 2000 - 3000 دولار من البطاقات هتقدر توفر مبلغ 6-7 الاف دولار طيب وبعدين
بعد كدة تنقل حسابك لشركة محترمة وترشق فى عرض بونص من 50% -100% وطبعا حظك اننا داخلين على الكريسماس والشهرين الجايين هتلاقى عروض كتير علشان اول السنة عندك حاليا ironfx بتوفر 50% واتوقع على الشهر القادم هتنزل ال 100% تانى جهز المبلغ و انتظر الفرصة المناسبة و اشحن المبلغ المتوفر وخد بالك انى شركات زى ironfx . xm . mayzus
بونصاتهم حقيقية وتقدر تخسرها لقدر الله لكنى لا اعتقد حسابك الجديد لو بدأت برصيد 10-15 ألف دولار حرام الدرو داون يوصل للبونص أصلا
بالتوفيق واتمنى لك بداية موفقة فى 2014

[FXDD30]

السلام عليكم
غلطة عمرك انك تترك شغلك مهما كان حتي لو عشان الفوركس ..الوظيفة الايام دي تثبت فيها بايدك وسنانك لانه ايجاد عمل ليس بالسهولة هذه الايام حتي لو كانت وظيفة تافهة وعند واحد مايسوي يتأمر عليك ويتشغل فيك
كمان شغله اذا الاكسبيرت ترميه علي السيرفر ويجيبلك اخر الشهر 20 او 30 % ليه ماتشغله وبنفس الوقت كان فضلت في شغلك او تنزل تدور علي شغل عشان تكسب وقت علي بال ماالمبلغ يكبر وتقدر بنفس الوقت تدفع الفواتير وتدبر امور حياتك وبعد ما ربنا يفتحها عليك تقدر تسيب الوظيفه وتتفرغ للفوركس .. ..

[kingofnights]

السلام عليكم
غلطة عمرك انك تترك شغلك مهما كان حتي لو عشان الفوركس ..الوظيفة الايام دي تثبت فيها بايدك وسنانك لانه ايجاد عمل ليس بالسهولة هذه الايام
كمان شغله اذا الاكسبيرت ترميه علي السيرفر ويجيبلك اخر الشهر 20 او 30 % ليه ماتشغله وبنفس الوقت كان فضلت في شغلك او تنزل تدور علي شغل عشان تكسب وقت علي بال ماالمبلغ يكبر وتقدر بنفس الوقت تدفع الفواتير وتدبر امور حياتك .. الفوركس شغل اضافي استثمار بجانب عملك الاساسي ..

لأ ياغالى الفوركس مش حد ممكن حد يمارسه وهو بيعمل اى حاجة تانى
الفوركس عاوز اهتمام وتركيز وتفرغ وجدية لو عاوز منه عوايد مجزية
اما اللى اعتقد حضرتك تقصده هو الكاجوال تريد ودول الناس بتوع السوينجات اللى بيفتح فى الشهر عقد وده بيستثمر ومش فارق معاه مكسب زى الخسارة

[FXDD30]

لأ ياغالى الفوركس مش حد ممكن حد يمارسه وهو بيعمل اى حاجة تانى
الفوركس عاوز اهتمام وتركيز وتفرغ وجدية لو عاوز منه عوايد مجزية
اما اللى اعتقد حضرتك تقصده هو الكاجوال تريد ودول الناس بتوع السوينجات اللى بيفتح فى الشهر عقد وده بيستثمر ومش فارق معاه مكسب زى الخسارة
ياباشا هو يقلك الاكسبيرت لو رماه علي السيرفر من غير متابعه يجيبله هذه النسبة يتفرغ في الفوركس ليه بقي يقعد جنب الاكسبيرت يعمله شاي ويطبطب عليه قبل ماينام :p .. يعني لا تحليل فني ولا شغل خرابيط مؤشرات ومن الكلام ده حتي يقدر يتابع الاكسبيرت من الشغل مش قصه كبيرة يعني.. لكن انا معاك في انه الفوركس يدويا متعب وعايز تفرغ ومتابعه وتحليل فني واخبار وووو

[hemaya]

ياباشا هو يقلك الاكسبيرت لو رماه علي السيرفر من غير متابعه يجيبله هذه النسبة يتفرغ في الفوركس ليه بقي يقعد جنب الاكسبيرت يعمله شاي ويطبطب عليه قبل ماينام :p .. يعني لا تحليل فني ولا شغل خرابيط مؤشرات ومن الكلام ده حتي يقدر يتابع الاكسبيرت من الشغل مش قصه كبيرة يعني.. لكن انا معاك في انه الفوركس يدويا متعب وعايز تفرغ ومتابعه وتحليل فني واخبار وووو

ههههههههههه فعلا انا بطبطب عليه بدلع واطبطب كمان .......
شوف عزيزي .. رحم الله امرئ عرف قدر نفسه اذا انت تقدر تعمل كده انا مقدرش .. قدرات بقي .. ثانيا انا مش عاطل قوي يعني بعمل حاجات بالنت كده بتجيب الايجار واديني قاعد جنب الاكسبرت لحد ربنا ما ينتعه بالسلامة .. علي رأي زوجتي انا لو كنت بعمل دكتوراة في ال4 سنين كنت خدتها .. :1 (26):

[hemaya]

شوف ياغالى
طالما انك تطلب النصيحة لوجه الله أنا هقولك على افكار تساعدك بأمر الله تعالى
أولا ممكن انك تطلع كريديت كارد من بنك يريحك فى السداد زى المصرف المتحد ده فيه ميزة انه بيديك بطاقة اسمها رخاء تقدر تستخدم كامل الكريديت وتسدد كل شهر 5% والباقى بيتقسم على 20 شهر اقساط متساوية بربح بسيط 9% سنووى وليس مركب
ممكن تطلع بطاقة ائتمانية فيها نظام 5% كاش باك ودى هتساعدك انك هتقدر تحول الفلوس وال 5% هتغطى ال 2.5% اللى ماستر وفيزا بتاخدها رسوم تحويل العملة وعندك ابو ظبى الاسلامى وbnp paripas
ثانيا ممكن تدور على بنك يكون بيوفر لك انك بعد ال 55 يوم السماح تقدر تحول كامل المديونية على بطاقة تانية وتاخد 3 شهور سماح زيادة وده هيساعدك انك تقدر تسدد كل 5 شهور فهتكون واخد فرصة تعمل تشتغل على الحساب وانت مش مرتبك
ثالثا تقدر و يفضل انك بدل ماتطلع كريديت كارد واحد تطلع اتنين ليه علشان تقدر تاخد 50% من كل كارد وتسيب ال 50% الباقى تحول بيها المديونية كل 3 شهور وتخلى الحساب براحته
او تشحن حساب الفوركس بالبطاقتين وتقدر كل 50 يوم تطلب ريفند و فى نفس الوقت تعمل ايداع جديد بال 50% الباقية وده هيخليك شغال بالبطاقة و مش شايل هم التسديد وعندك بنوك زى المشرق وكريدى اجريكول بيوفروا لك تحويل المديونيىة بسماح 3 شهور اضافى على ال 55 يوم
طبعا يفضل انك تبحث عن بنكين يكونوا متماشيين مع ظروفك وافكارك وفى نفس الوقت اصلا حضرتك كل اللى محتاجه من البطاقات فقط 2000 -3000 دولار هتشحن من كل بطاقة 1000 -1500دولار يعنى مبلغ مش كبير هتقولى طب انا محتاج 5 الاف اجيب الباقى منين هقولك
حضرتك لو معاك حاليا مبلغ فى حدود 4 الاف وزودت عليهم 2000 - 3000 دولار من البطاقات هتقدر توفر مبلغ 6-7 الاف دولار طيب وبعدين
بعد كدة تنقل حسابك لشركة محترمة وترشق فى عرض بونص من 50% -100% وطبعا حظك اننا داخلين على الكريسماس والشهرين الجايين هتلاقى عروض كتير علشان اول السنة عندك حاليا ironfx بتوفر 50% واتوقع على الشهر القادم هتنزل ال 100% تانى جهز المبلغ و انتظر الفرصة المناسبة و اشحن المبلغ المتوفر وخد بالك انى شركات زى ironfx . xm . mayzus
بونصاتهم حقيقية وتقدر تخسرها لقدر الله لكنى لا اعتقد حسابك الجديد لو بدأت برصيد 10-15 ألف دولار حرام الدرو داون يوصل للبونص أصلا
بالتوفيق واتمنى لك بداية موفقة فى 2014



نصائح غالية جداا وبالفعل انا مقدم علي طلب فيزا وماستر كارد من اجل النقطة اللي ذكرتها
بس بالنسبة للشركات اللي بتدي بونص كبير كده تعتقد انها مضمونة لأني لا اتعامل الا مع بنوك مثل ميج او دوكاسكوبي وطبعا لا بونص ولا يحزنون..

[goggo]

دعاية دعاية شكرا على الدعاية لا اكسبيرت و لا يحزنون لو عندك هكذا اكسبيرت ما كنت لتسجل في المنتديات و تضيع الوقت الاحرى ان تتابع ارباحك في حسابك

[محمد عواد]

دعاية دعاية شكرا على الدعاية لا اكسبيرت و لا يحزنون لو عندك هكذا اكسبيرت ما كنت لتسجل في المنتديات و تضيع الوقت الاحرى ان تتابع ارباحك في حسابك


عفوا أخي كثير ناس بالمنتدى بتربح وبالعكس المنتدى سبب من اسباب الربح وانا شخص من الاشخاص الي تعلمت بالمنتدى انتا بتقصد كل الاعضاء بالمنتدى بخسرو . مستحيل ولعلمك سهل جدا انك تدبل حسابك

والأخ بعرض بمشكله لاتزيد عليه ...

ولو انتا بالاردن اخي صاحب المشكله انا جاهز لأي خدمه بقدر عليها ...