انا كنت عايز اعرف هل في ناس فعلاً بتربح من الفوركس

[mikooo]

انا كنت عايز اعرف هل في ناس فعلاً بتربح من الفوركس
انا ملاحظ ان معظم الناس بتخسر او بتكسب فترة و بعد كده بترجع تخسر اللى كسبته و اكتر كمان يعنى كأنه مكسبش حاجه
يا ريت اى حد ليه تجربة فى الفوركس يقولنا عليها

[م.جمانه]

ارباح الفوركس الكبيرة حقيقة ام خيال ؟ (http://www.fx-arabia.com/vb/showthread.php?t=23111)

[mikooo]

أنا بسأل و عايز اعرف فعلا لانى احترت

[م.جمانه]

كثير منا سأل نفسه هذا السؤال قبل دخول هالمجال و كثير طرحوه وهذا موضوع فيه اراء ناس
ارباح الفوركس الكبيرة حقيقة ام خيال ؟ (http://www.fx-arabia.com/vb/showthread.php?t=23111)

[البدوي]

مفيش حد بيربح من الفوركس .. والدليل الدعايه الي تعملها شركات الفوركس والبونص وكل وسائل الجذب والترويج للربح من الفوركس .
في المقابل لو كان الربح حقيقي لوجدنا العكس .. انه الشخص هو الذي يجري وراء شركات الفوركس ومن شان الله سجلوني معكوا .. مش العكس كالذي يحصل الان .

الرابح من الفوركس .. الشركات .. المندوبين .. مزودي التوصيات ... المواقع الالكترونيه fx ..
المدربين ( المحاضرين ) .. المحللين الفنيين .. الخ..


خايف واحد ينقز الحين يقول لي غلطان ويقول انا بربح .. اقول له شوف نسبتك كام مقابل الي بتخسر
( المجمل = خساره ) والله اعلم

[mikooo]

شكرا على اجابتكم بس برده لسه معرفتش الاجابة انا عايز اشوف ناس فعلاً بتحقق ارباح معقولة فى الفوركس

[البدوي]

شكرا على اجابتكم بس برده لسه معرفتش الاجابة انا عايز اشوف ناس فعلاً بتحقق ارباح معقولة فى الفوركس

ولا حتشوف اجابه ..

الموجودين في المنتدى حاليا يفوقون 3000 عضو .. والمسجلين اعتقد تقريبا خلينا اقول رقم من عندي 10000 عضو .. بدي اشوف كم واحد يربح على فرض فقط 10% من 10000 عضو هم الي يتاجروا حقيقي وفاتحين حسابات وما بدي ازيدها لا اخفظها واقول اريد نسبه 1% من المتاجرين .. يعني 100 اسم فقط .. وكمان بدي اراعيك واقول خليها نسبة واحد بالالف حتى .. يعني لازم تشوف كشوفات حسابات 10 افراد اشوف نقدر نشوفها ..

قابلني اذا شفتها .. وتحدي

[khal1d]

انا ما رح اتفلسف واحكي عن غيري
عن نفسي انا دبلت عدة حسابات ثلاثة واربعة اضعاف ، وبعدها بخسر كل شي، والكثير زي حالتي بالمنتدى وغيره، لكن سؤال عند تدبيلي حساب بـ 100$ الى 300$ وكل التدبيلات تقريبا كانت في اقل من شهر، يعني مبلغ كهذا من المؤكد انه لايعني شيء لي او لغيري ، لكن على فرض ان هذا المبلغ 2000$ وتم تدبيله الى 4000$ او 6000$ ، هنا يختلف الموضوع تماما لانني سأسحب جزءا من المبلغ وليكن 1000$ واعتقد انه مبلغ ممتاز لتستمر بالتداول بجزء من الحساب والارباح وتسحب جزء من الارباح ايضا، لكن ارباح مثل 200 او 300 فهي لاتعني لي شيء وللكثير ايضا وهنا مربط الفرس انك ستستمر لتصل الى راس مال معين وليكن 1000$ وهذا سيحتاج لوقت وجهد والمتداول فينا ليس عنده استعداد للصبر ، فاللي حاب يتداول ويكسب اضافة الى مراعاة ادارة راس المال يجب عليه البدء بمبلغ لابأس به 2000$ مثلا وانت طالع لتستطيح سحب ارباح لابأس بها من فترة لفترة

تحياتي لك

[على يوسف]

سأقول لك نقاطا محددة ..واكتشف منها ياصديقى ماتريده ..

ولعلها كلمات قاسية ولكنها الحقيقة

* لا يوجد شئ اسمه سأتاجر فى الفوركس واريد ان اكسب وحسابى أقل

من 10 الآف دولار

- بداية المكسب فى الفوركس حساب ب 10 الآف دولار مادون ذلك انت

داخل تخاطر برأس مالك

وبالطبع معرضا للخسارة ..

* هناك ناس كتيرة اعرفها بتكسب كتير جدا ..ربنا يزيدهم ..

لكن مش هايقولك طريقته ايه ولا هايعرفك حاجة ..

اللى بيكسب فى المجال ده محدش بيكون عارف عنه حاجة وبيعمل فى صمت شديد

* الناس بتخسر لأنهم شغالين افتكاسات ..

ناس بتحلل على فريم الخمس دقايق وناس على فريم الربع ساعة

ياسادة ياكرام اللى بيكسبوا حول العالم ..بيشتغلوا ب 3 فريمات

..الشهرى ثم الأسبوعى ثم اليومى

اما فريم ال 4 ساعات انت بتاخده استئناسا فقط ...

لكن الأساس عندك الثلاث فريمات السابقة

* لكن فيه ناس اعرفها فاتحة بيوتها من الفوركس ..

ولا يعرف منتديات ولا يعرف حد ..شغال مع نفسه

* حاول ان تعمل طريقة واشتغل واحدة واحدة ..وستصل ان شاء الله

[MemO_KinG]

نصيحة أخوية ليك طالما سئلت السؤال ده يبقى ابعد عن السوق احسن
انا شخصيا ربحت من الفوركس بل انى كونت نفسى و حققت حاجات كتير من الفوركس و لازلت بس كل ده عشان انا شاغل نفسى بالفوركس من يوم ما عرفته و افكارى فيه مابتنتهيش
و مش مسئلة راس مال اد ايه عشان تكسب و لكن اهم شئ تفهم يعنى ايه فوركس و يكون مستوى تفكيرك يواكب حركة الشموع

[MemO_KinG]

عشان يكون كلامى عملى اكتر سواء ليك او لكل مبتدئ
بلاش تمشوا المشوار الفاشل اللى مشيناه كلنا
اهتموا كويس جداً بتعلم اهم شئ و الشئ الوحيد اللى هاتعرف تكسب بسببه فى الفوركس
"خطوط الاتجاه (الإرتداد منها و كسرها)"
الخلاصة ان اى شخص هايعرف يتعامل مع خطوط الاتجاه يبقى هو ده اللى هايكسب فى الفوركس بالاضافة لادارة راس المال اللى لا تتعدى 5 % من المجمل

[jamalscalper]

انا كنت عايز اعرف هل في ناس فعلاً بتربح من الفوركس
انا ملاحظ ان معظم الناس بتخسر او بتكسب فترة و بعد كده بترجع تخسر اللى كسبته و اكتر كمان يعنى كأنه مكسبش حاجه
يا ريت اى حد ليه تجربة فى الفوركس يقولنا عليها

المكسب والخساره يعتمدان بدرجه كبيره على العامل النفسي شيء داخل الواحد ممكن هو نفسه لن ينتبه له هناك ناس تربح نعم وكما تفضلت ممكن فتره تانيه تخرب كل شيء عليه ارى السبب السوق المتقلب والمرحله التجميعيه للسوق
لكن في الاخير ما يحول هته المرحله الحرجه من السوق لهالة من الخساير هو العامل النفسي دلك الاندفاع داخلنا للربح الهستيري في حال الخساره وخساره الارباح لطلب ارباح ....

[CARLOS]

نعم هناك رابحون من الفوركس واللي يكسب مايتكلم سواء في المواقع العربيه او الاجنبيه
علا فكره سوق الفوركس سوق خطير جدا جدا وممكن يكون غير مناسب لاي احد للاستثمار به ممكن يودي لخساره اموالك
كلنا بلشنا خساره انا عن نفسي خسرت حسابين قيمتهم 3500 دولار كنت مبتدا ثم توقفت و بدات التدريب والتعليم (24ساعه) لمده سنه لاني متفرغ تمام
لايجب الدخول الا بعد تعليم وتدريب لايقل عن سنه افضل
والان بعدت التجاره علا الحقيقي مره اخري بعد بناء نظام متاجره متاكد منه بنسبه لاتقل عن 90% وباداره راس مال وتكنيكات للاستراتيجيه

نصيحه لو الفوركس تراه مناسب لك ضع هدف لك مبلغ تريد الوصول له ثم اخرج من السوق واستثمره في بزنس (قهوه مثلا) ثم ارجع للسوق مره اخر
لان الفوركس مش مضمون ممكن تخسر اللي كسبته

[الحسين شعيب]

بصراحة كلام جميل كله

انا شايف ان اكيد في ناس بتكسب طبعا
ومكاسب كبيرة اكيد بالملايين

ولكن المشكلة في نسبة الربح الشهري
نفترض انك عايز تكسب 20% كل شهر وده مبلغ سهل جدا تحقيقه
وعملت استراتيجية لكدة وكانت ناجحة

اول شهر كسبت 20 % تاني شهر كسبت 20% تالت شهر انت نفسك مش هتقدر تدخل بنفس ادارة راس المال
وهتلاقي نفسك بتقول بدل ما احقق 20% خليها 50%

ومن هنا بتلاقي نفسك كل شهر عمال تزود في عدد العقود
اللي انت داخل بيها لحد مرة كدة تحصل حاجة في السوق تخلي السوق يعكس 200 نقطة مثلا ال 200 نقطة دول مع العقود الكبيرة هتلاقي حسابك يتمرجن تروح داخل بعدها عشان تعوض تخسر اكتر وهكذا

لكن لو انت كملت كل الشهور علي مكسب 20%
هتلاقي ان 200 نقطة دول لما عكسوا عليك انت مخسرتش ولا دولار من حسابك الاساسي وكل خسارتك من الارباح وقيتبقي شوية فلوس من الارباح كمان

معني كدة ان انا اشتغل علي 10% او 20% طول عمري ؟؟؟

اقولك لا خليك شغال علي ال 20% اللي انا عارف اجيبهم ازاي واختبرت ده لفترة طويلة
واثناء ذلك طور من اسلوبك ولكن كله علي التجريبي الي ان تصل لاستراتيجية مثلا تكسبك 40 % شهريا
وبعد كدة تجربها فترة كافية لا تقل عن شهرين لو نجحت نفذها علي الحقيقي ولكن بحذر لو فشلت تدور علي غيرها وهكذا

لكن تقولي انا دبلت حسابي في شهر مرتين ولا تلاتة هقولك عادي جدا وناس كتيير بتعملها بس الشهر اللي بعده او بعد شهرين هتلاقي الحساب اتصفر ده شئ اكيد طبعا

لان انت كدة بتدخل بعقود كبيرة لو السعر عكس عليك 50 نقطة بس تضيع الحساب كله ان السوق ملوش كبير زي ما بيقولوا

يعني لو انت مستر فوركس نفسه
مستحيل توقعاتك كلها تطلع صح
لازم السوق يجي ضدك في يوم من الايام

ولازم اكون انا مستعد للسوق كل يوم انه لو عكس عليا خسارتي متكنش كبيرة

وده معني كلمة ادارة راس المال اللي الواحد ياما قرأ عنهابدون ما يقوم بالتنفيذ

وانا شايف انه لو واحد التزم بادارة راس مال سليمة

وفي نفس الوقت كل صفقاته كانت خسرانة وده مستحيل طبعا
ده لو عايز يخسر نفسه كل الصفقات مش هيعرف
يبقي حسابه مش هيتصفر الابعد خمس شهور علي الاقل

ويارب اول ما ابدأ حقيقي التزم انا بالكلام ده اصل الالتزام بيه صعب جدا

تقبلوا تحياتي

[هيثم]

عشان يكون كلامى عملى اكتر سواء ليك او لكل مبتدئ
بلاش تمشوا المشوار الفاشل اللى مشيناه كلنا
اهتموا كويس جداً بتعلم اهم شئ و الشئ الوحيد اللى هاتعرف تكسب بسببه فى الفوركس
"خطوط الاتجاه (الإرتداد منها و كسرها)"
الخلاصة ان اى شخص هايعرف يتعامل مع خطوط الاتجاه يبقى هو ده اللى هايكسب فى الفوركس بالاضافة لادارة راس المال اللى لا تتعدى 5 % من المجمل
على فكره هذه حروف من ذهب وهو ده خلاصه خبره السنين بعد خسائر عديده ومحاولات مستميته اكتشفت ان هو ده الفوركس

[م.أحمد السليمان]

كلام جميل

[الحسين شعيب]

كلام جميل
شكرا لردك عليا في موضوع ابحث عن حقي مع اف اكس دي دي

وانا والله ما كان غرضي السخرية من رايك

وانا كان غرضي ان احنا نتكلم عن طبيعية تعامل الشركة مع مثل هذه المواقف
وليس في حل هذه المشكلة فقط ومعرفة مدي اليتها في العمل

وانا رديت عليك هنا عشان انا حلفت مش هكتب هناك تاني

وارجوا ان لا تغضب مني رغم ان اسلوبك انت اللي كان قاسي

تقبل تحياتي