المساعد الشخصي الرقمي

مشاهدة النسخة كاملة : اسهل طريقه للايداع فى مصر ...فيزا البنك العربى الافريقى 4u


sameh sef
31-12-2013, 08:43 PM
السلام عليكم ورحمه الله وبركاته
كنت بواجه مشكله فى السابق من حيث فتح حساب فوركس بسبب مشكله التحويل فى مصر الى شركات الفوركس خصوصا انه هناك قانون انه ممنوع التحويل لخارج مصر الا لمن هو لديه حساب بنكى فات عليه 6 شهور
بحثت كتير وتوصلت الحمد لله لفيزا انترنت البنك العربى الافريقى (card 4u)
http://im37.gulfup.com/ubYcG.jpg (http://www.gulfup.com/?PmUifq)

طبعا ذهبت للبنك القريب منى بالاسكندريه فرع سموحه
واتقابلت مع موظفه خدمه العملاء وطلبت منها فتح كارت انترنت
(للعلم كارت الانترنت مش لازم تفتحله حساب بنكى ده شئ منفصل )
طلبت منى البطاقه الشخصيه وقامت بتصويرها
واعطتنى استماره علشان اكتب بياناتى الشخصيه
وطلبت منى اختار رقم هايبقى عباره عن كود وقالت لازم تحفظ الكود ده جيد علشان لما تيجى تطلب خدمه العملاء بالتليفون وتستفسر عن حاجه داخل كارت الانترنت هايسالوك عن الكود ده (مهم جدا)
بعدين تطلب منك الموظفه انك تذهب للخزينه علشان تودع (20 جنيه) تكلفه البطاقه بالاضافه للمبلغ اللى حضرتك طالب ايداعه بالكارت
(اقل ايداع 100 جنيه)
(اكبر ايداع 15000 جنيه)
صلاحيه البطاقه 3 سنوات
تنزل تانى لموظفه خدمه العملاء وتوقع على الاستماره
فى خلال 5 دقائق هاتاخد كارت الانترنت وتطلب منك الموظفه الاتصال الساعه 8 مساء على خدمه العملاء (19555) لتفعيل الكارت
فى اتصالك بخدمه العملاء هايسالوك شويه اسئله مثل رقم الكارت و(الكود) المكون من 4 ارقام (هام جدا)
ده شكل الكارت
http://im32.gulfup.com/qW3bP.jpg (http://www.gulfup.com/?IoL4Gh)

http://im31.gulfup.com/DDaTU.jpg (http://www.gulfup.com/?RTVQn0)
ملحوظه مهمه جدا
الكارت اللى هاتستلمه مش هايكون مكتوب عليه اسمك ..هايكون مكتوب عليه كلمه (INTERNET)
يفضل تطلب من موظفه خدمه العملاء انك تكتب اسمك على الكارت بس ساعتها مش هاتستلمه فى نفس اليوم هاتنتظر 3 ايام وبعدين تيجى تستلمه
.............................................
بعد تفعيل الكارت تفتح حسابك فى الفوركس
شركه fxdd تقبل هذا النوع من البطاقات وقمت بفتح حساب بها
وهناك برضه شركه WorldWide Markets - WWM
بتقبل النوع ده من البطاقات
الله اعلم بالشركات الاخرى اللى بتقبل لكن فيكسول مش بتقبل الكارت ده
هاتدخل فى موقع الشركه خانه الايداع عن طريق الفيزا وتقوم مدخل البيانات الخاصه بالكارت
وفى خلال من ساعتين الى يوم هاتلاقى التحويل الى رصيدك فى الحساب ان شاء الله
العموله قليله بتكون تقريبا من 1 الى 2 فى الميه من الرصيد
.........................
بخصوص السحب الكارت غير قابل للسحب
بمعنى
ان الكارت مخصص للشراء من الانترنت فقط
وكمان فيه قانون فى الحاله ديه لشركات الفوركس المتعامله مع الكارت انك لو جيت تسحب يبقى هناك نقطه مهمه جدا لازم تعرفها
راس المال المودع من الكارت لا يجوز سحبه الا من خلال الكارت فقط
ام الارباح فممكن تسحبها عادى على حسابك البنكى
السؤال هنا طب ازاى انت بتقول الكارت ده ماينفعش نصرف الفلوس اللى موجوده فيه وازاى الشركه لو انا طلبت سحب راس المال مش ممكن الا من خلال الكارت
اقولك انا
تقدم طلب للبنك انك عاوز تغلق الكارت وتسحب الرصيد اللى فيه وفى خلال مده 30 يوم تقدر تسحب اموالك اللى فى الكارت ده فى حاله انك لطبت تسحب راس المال من حسابك فى الفوركس
وزى ماقولنا الارباح بتتسحب عادى على حسابك البنكى
اتمنى اكون قدرت اشرح ولو نبذه صغيره
واى استفسار هاحاول اجاوب عليه بقدر معلوماتى

ملحوظه اخيره ومهمه جدا
الايداع فى البطاقه ديه بيكون بالمصرى فى البنك وحضرتك بتودع بسعر الدولار فى البنوك عادى اللى هو 6.91 قرش
لما بتيجى تعمل ايداع العمله بتتحول تلقائى من جنيه مصرى الى دولار
وديه حاجه مميزه جدا.............. خصوصا لو انك هاتحول الاموال عبر حسابك البنك مش هاتلاقى دولارت فى البنوك وتضطر تشترى الدولار من السوق السوداء وسعره حاليا 7.35 قرش

قاسم أمين
01-01-2014, 08:44 AM
كارت ممتاز جدا وانا جربته كتير في الايداعات
مشكور اخي علي المعلومات الطيبة و
كل عام و انتم بخير
بالتوفيق للجميع

معاذ عودات
01-01-2014, 12:33 PM
مشكور يا غالي على الطريقة السهلة للايداع

ومن هنا للاخوة الي عاوزين يودعوا في دول اخرى وافضل البنوك الموجودة
كيفية الايداع في شركة FXDD للاشتراك في العروض (http://fx-arabia.com/vb/showthread.php?t=34721)

وهناك موضوع رائع لنقاش عن افضل البنوك التي تتعامل في الفوركس
البنوك التي تتعامل مع شركات الفوركس .. ايجابيات وسلبيات ( مطلوب المشاركه ) (http://www.fx-arabia.com/vb/showthread.php?t=30243)

واسمحلي بنقل الموضوع

محمد سلامة
01-01-2014, 05:05 PM
السلام عليكم ورحمة اللة وبركاتة
تحية كبيرة للاخ سامح سيف على هذا المعلومات القيمة والتى يحناجها الكثير

والى من يريد المزيد عن هذا الموضوع افضل البنوك من حيث الايداع والسحب

يوجد فى منتدانا الغالى فى صفحة الارشيف او البحث فى المنتدى عن موضوع
(الى كل من يواجة مشكلة فى التحويلات البنكية اليكم الايداع بالفيزا (http://fx-arabia.com/vb/showthread.php?t=15028) )

موضوع جميل جدا وبالخصوص مشاركات الاستاذ احمد احمد جزاة اللة خيرا

وارجو من ادارة المنتدى تثبيت الموضوع نظرا لاهميتة
تحياتى

sameh sef
01-01-2014, 11:01 PM
كارت ممتاز جدا وانا جربته كتير في الايداعات
مشكور اخي علي المعلومات الطيبة و
كل عام و انتم بخير
بالتوفيق للجميع
كل التحيه لمرورك العطر اخى الكريم
فعلا كارت بيغنى عن الحوالات وعمولتها وايضا لصعوبه الايداع عن طريق البنوك المصريه فى الفتره الحاليه
حل مؤقت ونحمد الله عليه

sameh sef
01-01-2014, 11:02 PM
مشكور يا غالي على الطريقة السهلة للايداع

ومن هنا للاخوة الي عاوزين يودعوا في دول اخرى وافضل البنوك الموجودة
كيفية الايداع في شركة FXDD للاشتراك في العروض (http://fx-arabia.com/vb/showthread.php?t=34721)

وهناك موضوع رائع لنقاش عن افضل البنوك التي تتعامل في الفوركس
البنوك التي تتعامل مع شركات الفوركس .. ايجابيات وسلبيات ( مطلوب المشاركه ) (http://www.fx-arabia.com/vb/showthread.php?t=30243)

واسمحلي بنقل الموضوع


تحياتى اخى الكريم
واتفضل طبعا

sameh sef
01-01-2014, 11:06 PM
السلام عليكم ورحمة اللة وبركاتة
تحية كبيرة للاخ سامح سيف على هذا المعلومات القيمة والتى يحناجها الكثير

والى من يريد المزيد عن هذا الموضوع افضل البنوك من حيث الايداع والسحب

يوجد فى منتدانا الغالى فى صفحة الارشيف او البحث فى المنتدى عن موضوع
(الى كل من يواجة مشكلة فى التحويلات البنكية اليكم الايداع بالفيزا (http://fx-arabia.com/vb/showthread.php?t=15028) )

موضوع جميل جدا وبالخصوص مشاركات الاستاذ احمد احمد جزاة اللة خيرا

وارجو من ادارة المنتدى تثبيت الموضوع نظرا لاهميتة
تحياتى



ااضافه جميله منك اخى الكريم لتعم الاستفاده الجميع بشكل ميسر وبسيط