المساعد الشخصي الرقمي

مشاهدة النسخة كاملة : اعاده اختبار الترند ......والاحتمالات ( حصري للمنتدى ) (ملخص)

heem550
27-04-2010, 06:29 PM
السلام عليكم ورحمة الله



في حد سمع عن شرح اعاده اختبار الترند

انا الصراحه ماسمعتش ولا قرئت كتب عنها:1 (36)::1 (36)::1 (69)::1 (69):

انا اخر حاجه اعرفها

المحلل الكبير بيقلك خش الصفقه مع اعاده الاختبار

صح تمام

طيب ايه معني اعاده الاختبار للترند:1 (59)::1 (59):


كمان ايه احتملات الفشل والنجاح



بما اني ماشتفتش في اي منتدى موضوع عن اعاده الاختبار

فانا بهدي الموضوع لهذا المنتدى :1 (64)::1 (64)::1 (64):


ملحوظه

علشان الموضوع مش متحضرلو فاصبرو عليه شويه ازبط الشرح بالامثله البايته والطازه كمان

وطلب اخير لو حد عندو كتاب فيه الشرح ده ياريت يرفقو علشان يوفر عليه الشرح


كل ما سوف يكتب هو عباره عن خبره شخصيه فان اصبت فمن عند الله وان اخطئت فمن نفسي ومن الشيطا ن

وعذرا على الاطاله

وتحياتي :1 (72)::1 (72)::1 (72)::1 (72)::1 (72):
محمد نوارج
27-04-2010, 11:45 PM
أثناء بحثي

قرأت المشاركة دي لعضو في المتداول العربي


" يرجع اعاده اختبار الترند او الدعم او المقاومه الي ظاهره تسمي ( ندم المستثمرين ) وهي تحدث كالاتي
عند كسر ترند هابط مثلا لاعلي يدخل معظم المستثمرين مع موجه الصعود شراء مما يزيد السعر ارتفاعا وعندما يرتفع السعر ويبعد عن نقطه الكسر يندم من لم يدخل من المستثمرين ويقول لو يعود السعر الي نقطه الكسر مره اخري ادخل شراء
وبعد ان يكون ارتفع السعر لمسافه معينه يلجا من دخل في المره الاولي الي جني ارباحه (يعني بيع ما سبق شرائه ) مما يؤدي الي انخفاض السعر مره اخري حتي يصل الي نقطه الكسر السابقه او بالقرب منها وهنا يدخل المستثمرين اللذين فاتتهم الفرصه اول مره شراء فيؤدي ذلك الي معاوده الارتفاع مره اخري "


أرجو تكون مفيدة ..،
heem550
28-04-2010, 07:07 AM
بسم الله

نخش في الموضوع

اول حاجه هنتكلم عنها الاحتمالات


في البدايه هنعرف الاحتمالات بالنسبه لئعاده اختبار الترند

هي احتمال اعاده اختبار الترند على المدى القصير او البعيد او لمس الترند من عدمه اواحتمال فشل اعاده الاختبار او نجاحها


ده تعريف بصيط للاحتمالات علشان يسهل عمليه الشرح


# اول قاعده لازم نعرفها هي ( انت ماتعرفش)

طيب يعني ايه انت ماتعرفش يعني انت مش عارف اذا كان السعر هيعمل اعاده اختبار ولا لاء ولا هيعمل اعاده اختبار على المدي القصير او البعيد او هيلمس الترند او دي اعاده اختبار فاشله ام ناجحه


# شرح التعريف

اول ماتتم عمليه كسر او اختراق الترند قدامك اربع احتمالات



1- احتمال اعاده الاختبار على المدي القصير

2- احتمال اعاده اختبار الترند على المدي البعيد

3- احتمال اعاده اختبار الترند بلمس السعر لخط الترند

4- احتمال عدم اعاده اختبار الترند


# اما بالنسبه لفشل او نجاح اعاده الاختبار فهنخليها 50% بمعنى ان اي احتمال من الاحتمالات السابقه نسبه نجاحه او فشله هيه 50% وهنتفق على هذه النسبه حاليا لحين استكمال باقي الشرح


# ملحوظه اخيره

احتمال نسبه صحه هذا الكلام هيه 50% :1 (31)::1 (31):






لو في اي اسئله قبل ما نبدئ في شرح اعاده الاختبار انا موجود



تحياتي:1 (72)::1 (72)::1 (72):
heem550
28-04-2010, 07:17 AM
بالنسبه لاعاده اختبار الترند هيتم تقسيمها الى خمس اقسام


وهي

1- اعاده الاختبار على المدي القصير

2- اعاده اختبار الترند على المدي البعيد (منطقه اعاده الاختبار)

3- اعاده اختبار الترند بلمس السعر لخط الترند

4- عدم اعاده اختبار الترند


5- فشل ونجاح اعاده الاختبار




وان شاء الله هيتم شرح كل قسم من هذه الاقسام في مشاركه منفرده مع الامثله البايته والطازه كمان


تحياتي:1 (72)::1 (72)::1 (72):
heem550
28-04-2010, 10:02 PM
بسم الله


اعاده اختبار الترند

تعريف بسيط علشان تسهيل الشرح


هي عباره عن عوده السعر الى منطقه كسر او اختراق الترند او لمس الترند وبعد ذلك العوده الى طريق الكسر او الاختراق مره اخرى



اول قسم

اعاده اختبار الترند على المدى القصير

وهي

عباره عن اغلاق شمعه كاسره اومخترقه للترند ثم افتتاح شمعه تاليه لها وفي هذه الشمعه يقوم السعر بالعوده مره اخرى للمس الترند مكونا ذيلا لهذه الشمعه




وتكون في هذه الحاله فرصه جيده للدخول في الصفقه مع اتجاه الكسر او الاختراق





واحتمالات فشل او نجاح هذا النموذج هيه 50%





وهنضرب مثل بسيط على ذلك


في الشارت المرفق

هتلاقي شمعه رقم 1 وهي شمعه كاسره لترند صاعد

وفي الشمعه رقم 2 قام السعر بالعوده مره اخري للمس الترند ثم بعد ذلك اكمل في اتجاه الكسر


http://fx-arabia.com/vb/attachment.php?attachmentid=8&d=1272480644

وده مثل بايت

ان شاء الله المثل القادم يكون طاز ه

لو في اي سؤال انا موجود

تحياتي:1 (72)::1 (72)::1 (72):
heem550
29-04-2010, 12:52 AM
بسم الله


مثل طازه على اعاده اختبار الترند قصير المدى


العمله الكيبل

فريم الساعه

http://fx-arabia.com/vb/attachment.php?attachmentid=9&d=1272491363

يوجد ترند هابط تم اختراقه بالشمعه رقم 1

وفي الشمعه التاليه رقم 2 تم اعاده اختبار الترند بلمس خط الترند

واول هدف 5241


تحياتي:1 (72)::1 (72):
heem550
29-04-2010, 04:06 PM
بسم الله


القسم الثاني


اعاده اختبار الترند على المدي البعيد (منطقه اعاده الاختبار)



يعني ايه اختبار الترند على المدى البعيد


يعني ان السعر اخترق او كسر الترند وكمل في اتجاه الكسر او الاختراق بدون العوده مره اخرى الى الترند

وهنا سوف توجد منطقه اعاده الاختبار

طيب ايه منطقه اعاده الاختبار

وهي عباره عن المنطقه السابقه لكسر او اختراق الترند والتى يعود اليها السعر بعد فتره من الزمن وغالبا تكون موازيه لنقطه الاختراق او الكسر



ولماذا اطلقنا عليها منطقه اعاده الاختبار

لانها عباره منطقه سعريه مكونه من 20الى30 نقطه اكثر اواقل



وتكون في هذه الحاله فرصه جيده للدخول في الصفقه مع اتجاه الكسر او الاختراق



ونسبه نجاح او فشل هذه النموذج 50%



مثال


في الشارت المرفق

رقم 1

هنا نجد ان السعر اخترق الترند الهابط وهتلاقي ان السعر عمل اعاده اختبار قصير المدي

رقم 2

هتجد منطقه اعاده الاختبار موازيه لنقطه اختراق الترند ومكونه من حوالى 30 بيب وتكون هذه المنطقه نقطه جيده للدخول في الصفقه

http://fx-arabia.com/vb/attachment.php?attachmentid=12&d=1272546124


وفي مثل تاني في المشاركه القادمه
heem550
29-04-2010, 04:17 PM
وده مثال على الزعيم

http://fx-arabia.com/vb/attachment.php?attachmentid=13&d=1272546762



رقم 1

ترند هابط مخترق ولم يتم عاده اختباره على المدى القصير والسعر كمل في اتجاه الاختراق


رقم 2

هتجد منطقه اعاده الاختبار موازيه لنقطه الاختراق مكونه من حوال 10 نقاط

وهذه المنطقه تكون فرصه جيده للدخول شراء في اتجاه الاختراق


وطبعا دول مثلين بايتين


انتظرونا مع المثال الطازه

لو في اي سؤال انا موجود

تحياتي :1 (72)::1 (72)::1 (72):
heem550
30-04-2010, 12:39 AM
اعاده اختبار بعيد المدي

http://fx-arabia.com/vb/attachment.php?attachmentid=16&d=1272576657


ده مثل طازه

على الكيبل فريم الاربع ساعات


رقم 1

نجد ترند صاعد مخترق وحصلو اعاده اختبار قصير المدى


رقم 2

هتلاقي ان السعر قعد فتره زمنيه حوالى 14 شمعه كل شمعه عباره عن اربع ساعات ورجع تاني عند منطقه الكسر

وهي منطقه اعاده الاختبار وهي في حدود 20 نقطه

وتكون فرصه جيده للدخول بيع مع اتجاه الكسر

انظر الى الشارت المرفق

وهنتابع الصفقه مع بعض

تحياتي:1 (72)::1 (72):
heem550
01-05-2010, 08:09 AM
بسم الله وبه نستعين

القسم الثالث

اعاده اختبار الترند بلمس السعر لخط الترند



والصراحه الموضوع ده هيتفرع الى ثلاث فروع


1 - اعاده اختبار الترند بلمس السعر لخط الترند على المدى القصير


2- اعاده اختبار الترند بلمس السعر لخط الترند على المدى البعيد


3 - اعاده اختبار الترند بلمس السعر لخط الترند في الشمعه التاليه لشمعه الكسر او الاختراق





في المشاركات القادمه سيتم شرح كل فرع مع المثال
heem550
01-05-2010, 09:01 AM
الفرع الاول


اعاده اختبار الترند بلمس السعر لخط الترند على المدى القصير

وهي نفس حاله اعاده الاختبار على المدي القصير ونفس الامثله

ونسبه نجاح او فشل هذا النموذج 50%



الفرع الثاني

اعاده اختبار الترند بلمس السعر لخط الترند على المدى البعيد

وهي عباره عن عوده السعر مره اخرى الى نفس الترند المخترق او المكسور بعد فتره زمنيه طويله ولمس السعر لخط الترند ثم العوده مره اخرى الى نفس طريق الاختراق او الكسر

والفرق بينها وبين اعاده الاختبار بعيد المدى

انه في هذه الحاله السعر يتخطى منطقه اعاده الاختبار ويذهب الى الترند ويتم لمس الترند ثم العوده مره اخرى الى طريق الكسر او الاختراق


وتكون في هذه الحاله فرصه جيده للدخول في الصفقه مع اتجاه الكسر او الاختراق


ونسبه نجاح او فشل هذا النموذج 50%



ومثال على ذلك

في الشارت المرفق

http://fx-arabia.com/vb/attachment.php?attachmentid=31&d=1272693431

رقم 1

تم كسر الترند واكمل السعر في طريق الكسر



رقم 2

هنجد منطقه اعاده الاختبار السعر اخترقها

رقم 3

هنجد ان السعر لمس الترند ثم اكمل مره اخرى في اتجاه الكسر

وتكون في هذه الحاله فرصه جيده للدخول في الصفقه مع اتجاه الكسر
heem550
01-05-2010, 09:22 AM
الفرع الثالث


اعاده اختبار الترند بلمس السعر لخط الترند في الشمعه التاليه لشمعه الكسر او الاختراق


وهي عباره عن كسر او اختراق الترند بشمعه محترمه ( يعني كبيره شويه ) ثم بعد ذلك يعود السعر في الشمعه التاليه للكسر او الاختراق الى الترند او بعدها بشمعتين على الاكثر



وتكون في هذه الحاله فرصه جيده للدخول في الصفقه مع اتجاه الكسر او الاختراق


ونسبه نجاح او فشل النموذج 50%




مثال

http://fx-arabia.com/vb/attachment.php?attachmentid=32&d=1272694516


رقم1

عباره عن شمعه كاسره للترند ولكن طويله شويه


رقم2

شمعه تاليه لشمعه الكسر قام السعر بلمس الترند فيها ثم اغلق تحت الترند

وفي هذه الحاله تكون فرصه جيده للدخول في الصفقه مع اتجاه الكسر



وكده نكون انتهينا من شرح القسم الثالث اعاده الاختبار بلمس الترند

وانتظرو مثل طازه على الفرع الثالث من القسم الثالث

اي سؤال انا موجود

تحياتي :1 (72)::1 (72)::1 (72):
heem550
02-05-2010, 06:35 AM
بسم الله وبه نستعين


القسم الرابع والاخير


عدم اعاده اختبار الترند

بالنسبه لهذا القسم فهو بسيط جدا



لان السعر لما بيكسر ترند او بيخترقو بيكمل في طريق الكسر او الاختراق ولا يعود مره اخرى الى هذا الترند



المثال انظر الشارت المرفق



وبكده نكون انتهينا

من

شرح

اعاده الاختبار والاحتمالات



فان اصبت فمن الله وان اخطئت فمن نفسي ومن الشيطان



اقدم هذا العمل اهداء الى اخي واستاذي العزيز الدكتور اسامه عادل



تحياتي وقبلاتي للجميع
heem550
03-07-2010, 09:34 PM
السلام عليكم ورحمه الله


القسم الخامس

5- احتمالات فشل ونجاح اعاده الاختبار


اتفقنا في اول الشرح ان احتمالات نجاح او فشل اي نموذج هي 50 %

طيب

السؤال الى بيطرح نفسو

هل من الممكن زياده هذه الاحتمالات ؟؟؟


الجواب

طبعا ممكن نزود هذه الاحتمالات وممكن تصل الى 90 %

والطريقه سهله وبسيطه جدا


وهي عباره عن ربط الاتجاه العام و الشموع واشكالها باعاده اختبار الترند









ملحوظه

كل ما يكتب في هذا الموضوع هو عباره عن خبره شخصيه تحتمل الصواب وتحتمل الخطأ فان اصبت فمن عند الله وان اخطئت فمن نفسي ومن الشيطان


اي سؤال على الاجزاء الى فاتت انا موجود

علشان الجزء القادم دسم شويه


تحياتي:1 (72)::1 (72):
heem550
03-07-2010, 09:48 PM
السلام عليكم ورحمة الله



الاتجاه العام للعمله


ادخل على هذا الرابط

الاتجاه العام ........... ؟؟؟ - اف اكس ارابيا .. تحليلات .. توصيات .. مؤشرات .. اكسبيرتات (http://www.fx-arabia.com/vb/t1154.html)





طبعا احنا اتفقنا ان نسبه نجاح اي نموذج هي 50%

لو ربطنها بالتجاه العام للعمله هنزود هذه النسبه 20%

يبقه اعاده الاختبار واتجاه العمله لو ربطنا الاتنين ببعض هتكون نسبه نجاح الصفقه 70%


هذا والله اعلى واعلم

وللموضع بقيه

تحياتيhttp://www.alamelmal.com/vb/images/smilies/fpartn001.gifhttp://www.alamelmal.com/vb/images/smilies/fpartn001.gif
heem550
26-07-2010, 04:29 AM
السلام عليكم ورحمة الله


بسم الله وبه نستعين


علشان نزود نسبه نجاح الصفقه

قلنا اعاده اختبار الترند 50%

والتجاه العام 20 %


اما الشموع هنخليها 10 %


ده رابط

http://fx-arabia.com/vb/uploaded/23_01280108078.rar

كتاب جيد عن الشموع

بس احنا مش هنستخدم غير اربع انواع

والباقي طبعا مهم

بس علشان الموضوع مايبقاش صعب على القارء
heem550
26-07-2010, 04:42 AM
انواع الشموع المطلوب معرفتها

وهي اربع انواع


1- الشمعه الدوجي

2- الشمعه القصيره

3- شمعه النجم الساقط او الشاهب shooting star

4 - شمعه المطرقه المقلوبه inverted hammer


شرح للشموع


1- الشمعه الدوجي

ويكون جسم هذه الشمعه صغير جدا لان سعر الافتتاح يكون هو سعر الاغلاق او يكون سعر الاغلاق اعلى او اقل من سعر الافتتاح

مثال

كل شمعه عليها خط شمعه دوجي

http://fx-arabia.com/vb/uploaded/23_01280108223.jpg (http://fx-arabia.com/vb)



2- الشمعه القصيره

يكون جسمها قصير والرئس والديل متساويان وقصيران


مثال كل شمعه عليها خط شمعه قصيره


http://fx-arabia.com/vb/uploaded/23_01280108290.jpg (http://fx-arabia.com/vb)



3- شمعه النجم الساقط او الشهاب shooting star

ويكون جسمها صغير والرئس طويل وتكون هابطه ويكون سعر الاغلاق اقل من سعر الافتتاح بنقاط بسيطه


مثال

http://fx-arabia.com/vb/uploaded/23_01280108356.jpg (http://fx-arabia.com/vb)


4 - شمعه المطرقه المقلوبه inverted hammer


وتكون شمعه صاعده ورئسها طويل ويكون سعر الاغلاق اعلى من سعر الافتتاح بنقاط بسيطه



مثال


http://fx-arabia.com/vb/uploaded/23_01280108415.jpg (http://fx-arabia.com/vb)


وطبعا كل الشموع مهمه

بس الاربع انواع دول الاكثر استعمالا والاوضح في الدلاله على الاتجاه



هذا والله اعلى واعلم

تحياتي
heem550
26-07-2010, 04:46 AM
السلام عليكم ورحمة الله

الشموع وكيفيه ربطها باعاده اختبار الترند



دلوقتي الشموع لها معاني

طيب السؤال الوجيه امته بيكون للشمعه معنى وامته تكون بلا معني

هنضرب مثل

الشمعه الدوجي لها معني

وهو ان السعر حائر او ان المشترين والبائعين غير مسيطرين وحائرين

تمام

طيب لو شمعه الدوجي كانت في وسط الشموع وكان السعر متخذ اتجاه صاعد او اتجاه هابط هل هيكون لها نفس المعني

اكيد لاء

مثلا

لو قفلت شمعه دوجي في وسط اتجاه صاعد هنقول السعر حائر يلا نبيع
وبعد ماتبيع تلاقي السعر صعد تاني

صح كده


ولا انا غلطان لو حد عندو اعتراض يتكلم ؟؟؟؟؟؟؟


طيب

نشوف لو الشمعه الدوجي جت بعد اختراق او كسر للترند

هل هيكون لها معني مختلف

شخصيا اعتقد ان هيكون لها معني مختلف

هنضرب مثل

لو حصل ان السعر كسر ترند وبعد اغلاق الشمعه الكاسره اغلق شمعه اخري دوجي

هيكون معني الشمعه ايه ؟؟؟

هيكون معنى الشمعه ان المشترين عايزين يسيطرو على السعر ولكن البائعين مسيطرين من الاساس لذلك كسرو الترند

وهنا تكون الفرصه مناسبه للدخول في الصفقه مع البائعين


هناخد مثال بالشارت

على اعاده اختبار الترند قصير المدي


http://fx-arabia.com/vb/uploaded/23_01280108717.jpg (http://fx-arabia.com/vb)

في الشارت

ترند مخترق اختراق صريح بشمعه صاعده

وبعدها شمعه دوجي

وهنا بتكون فرصه مناسبه للدخول شراء

وبيكون استوبك تحت اخر قاع او اغلاق شمعه اخرى داخل الترند

وبيكون هدفك ضعف الاستوب




وكذلك بقيه انواع الشموع

لما تربطها مع بقيه انواع اعاده الاختبار

هتجد ان احتمال نجاح الصفقه وصل معاك 80 %


هذا والله اعلى واعلم

ان اصبت فمن الله وان اخطئت فمن نفسي والشيطان

اي استفسار عن اي نوع او اي سؤال انا موجود
فلا تتردد في السؤال

تحياتيhttp://www.alamelmal.com/vb/images/smilies/fpartn001.gifhttp://www.alamelmal.com/vb/images/smilies/fpartn001.gif
heem550
26-07-2010, 04:52 AM
توضيح لمعلومه

لو نسبه نجاح الصفقه وصل معاك 80%

ده معناه ان نسبه نجاح صفقاتك وصل 80%


طيب انا قلت قبل كده ممكن نوصل نسبه نجاح الصفقه الى 90%

ودول 80% يبقه ناقص 10%

ال 10% دي تعتمد على الخبره


يبقه نسبه نجاح الصفقه

اعاده الاختبار 50 %

الاتجاه العام 20 %

الشموع 10 %

الخبره 10%


يبقه المجموع 90 %

لما بتفقد واحد من هذه الانواع بتقل معاك نسبه نجاح الصفقه

مثلا لو مش عارف الاتجاه العام هتقل نسبه نجاح الصفقه بنسبه 20 %



وطبعا كلنا بنعرف نرسم ترندات وفايبو ونماذج وغيره

بس بنخسر رغم ذلك ده بسبب حاجه بسيطه

مش بنعرف نزبط الشغل

في مثل بيقول

اهم من الشغل زبط الشغل

يعني ممكن تعرف تشتغل بس مش بتعرف تزبط الشغل


الموضوع ده ان شاء الله يزبط معاك الشغل

وبكده نكون انتهينا من موضوع اعاده اختبار الترند ولاحتمالات


والحمدلله من قبل ومن بعد


وما توفيقي الا بالله

ونسئلكم الدعاء

تحياتيhttp://www.alamelmal.com/vb/images/smilies/fpartn001.gifhttp://www.alamelmal.com/vb/images/smilies/fpartn001.gifhttp://www.alamelmal.com/vb/images/smilies/fpartn001.gif