المساعد الشخصي الرقمي

مشاهدة النسخة كاملة : سؤال دايما بيدور فى دماغى تقريبا كل يوم.....و لم اجد له اجابه

wahid nasr
06-04-2014, 02:52 AM
اذا افترضنا اننا فعلا فى سوق حقيقى يتم فيه بيع وشراء العملات - انا على فكرة لا اشكك وكذلك لا اجزم بمصداقيته وشفافيته - ولا يعنينى ان كان هذا او ذاك ما دام هناك ربح Money

واذا افترضنا ان هناك مكاسب وبالملايين .واعتقد ذلك وبقوة

يبقى ايه مصلحة البنوك المركزية وبنوك الغرب الكبرى عامة من انها تخسر علشانك؟؟؟؟؟


هتكلمنى عن المعادلة الصفرية وانه عشان يكون هناك رابح لابد من وجود خاسر
اقولك هل يربح من يجنى ملايين الدولارات ...ربما فى صفقة واحدة... من خسارتك لبضعة دولارات او حتى الاف الدولارات ؟!
من الاخر السوق ده مفيهوش واحد بيكسب نص نص
يا بتكسب علطول (والحسارة ضئيلة تكاد لا تذكر) يا بتخسر ومش هتكمل اكتر من شهر بعد ما تصفر


قولت بقى خلاص جايز عشان العملة اللى بيتم تداولها وبكثرة فى العالم بتقوى اقتصاد بلدها ففى سبيل ذلك بيستحملوا ويخسروا شويه ....بس برده مش منطقية

فأرجو من مشرفينا وأعضائنا الكرام المشاركة و التوضيح لحقيقة الفوركس حتى نكون على بينه مما نعمل به
mrgoba5
06-04-2014, 09:40 AM
في فرق يا باشا بين البنوك المركزيه و البنوك اللي بتتاجر في الفوركس .
البنوك المركزيه لما بتتدخل في السوق بيبقي تدخلها عنيف جدا و وطيفتها في مجالنا هي تحدد سعر العمله و في الدول المحترمه بيكون بناء علي العرض و الطلب لعملة بلدها .
البنوك اللي بتتاجر في الفوركس هي بقه اللي بتحرك السوق في اغلب الاوقات و دي بقه بنكسب منك و احياناا من البنوك كمان .
خد عندك مثال علي كده الين الياباني و خطة البنك الياباني في اضعافه .
اما بالنسبه نظرية حضرتك في ان اللي بيدخل يا بيكسب علي طول يا بيخسر مره و خلاص علي كده انا مختلف معاك فيها لان ما حدش بيكسب علي طول حتي البنوك نفسها و اللي بيدخل مره و بيخسر ففي نسبه كبيره منهم بيدخل تاني و تالت و رابع كمان علي امل التعويض
mohamed_eltaweil
06-04-2014, 01:46 PM
هشرحلك الموضوع بشكل اوضح بس ياريت يبقى عندك صبر للاخر وصدقنى مش هتندم انك قريت المشاركة للاخر
و هتفهم سوق الفوركس دة عامل ازاى
يارب ما اكونش نسيت حاجة بس وان شاء الله هتلاقى اجابة لكل سؤال يدور فى بالك جوه المشاركة دية
روح اعمل كوباية شاى كدة فى الخامسينة وتعالى مزج وانت بتقرا الكلام الجامد دة
ولا اسألك غير الدعاء
سوق تداول العملات مكون من الاتى:
1-البنوك المركزية
2-البنوك الاستثمارية
3-مؤسسات مالية
4-صغار المستثمرين
5-مزودى السيولة
6-شركات الوساطة المالية
هنفصل كل طرف لواحده
1-البنوك المركزية (النقطة دية تفصيلها كتير بس مهمه جدا)
كل دولة لازم يكون عندها بنك مركزى مسؤل عن صك النقود وطباعتها و تحديد السياسات النقدية زى رفع اسعار الفايدة او خفضها متابعه التضخم و اقرار التحفيز النقدر والتسهيلات الكمية مثلا لتنشيط الاقتصاد ومتابعه اسعار الصرف فى الدولة ...الخ
من ضمن مهام البنوك المركزية هو متابعه ميزان المدفوعات الخاص بالدولة بمعنى ان كل دولة تحب ان يحصل فائض فى ميزان المدفوعات يعنى صادرتها تزيد عن استيرادها و طبعا لما الصادارات تزيد عن الواردات دة معناه ان البلد فيها انتاج و نشاط و زيادة فى معدلات التوظيف و تقليل من البطالة
طبعا هتستغرب ان بقولك كل دة ليه
الاجابة : عاوز اوصلك الى ان اى دولة بتسعى الى تخفيض سعر عملتها علشان يبقى سهل الحصول عليها علشان لما تلاقى عمله الدولة رخيصة تقدر تصدر منتجات اكتر زى ما الاخ ذكر فى المشاركة السابقة وسياسة البنك المركزى اليابانى فى اضعاف الين مقابل كل العملات ،بالتالى البنك المركزى اليابانى هيضح ين كتير فى السوق عن طريق بيعه وشراء اى عمله مقابل الين ودة سر ضعف الين فى الفترة السابقة بعد وصوله لمرحلة من الارتفاع مهدده الاقتصاد
عاوز اقولك ان البنوك المركزية لما بتدخل على عملتها مش بترحم ومفيش توقف الا بعد مئات النقاط لعمل تصحيح بسيط ودة بيكون بسبب المؤسسات المالية او الهوامير بيبقوا حققوا هدفهم من صفقة معين فيبدأ التصحيح يظهر لنقاط بسيطة (روح شوف شارت المجنون "الباوند ين" مثلا ) صعود اكثر من 2700 فى اقل من اربع شهور من نصف اغسطس 2013 الى نهاية ديسمبر 2013
مثال تانى :بنك الاحتياطى الفدرالى الامريكى"بنك امريكا المركزى"
بعد الازمة العالمية فى 2008 وسقوط بنوك كثيرة زى ليمان برازاز وخسارات فادحة فى بنوك التمويل العقارى اضطر بنك الاحتياطى الفيدرالى لعمل خطه لدفع عجلة الاقتصاد و مساعده البنوك الخاسرة علشان الاقتصاد ميحصلوش انهيار تام ، فعمل حاجة اسمها التسهيل الكمى QE ودة بالبلدى كدة عبارة عن طباعه مليارات الدولارات شهريا وضخها للبنوك وعمل حاجة اسمها خطة شراء السندات من الحكومة ، يعنى الحكومة تصدر سندات بسعر فايدة معين و المركزة يطبع فلوس علشان الحكومة يبقى فى ايدها فلوس تصرف على الخدمات العامه زى التعليم و الصحة و انشاء الانفاق والكبارى و رصف الطرق ..الخ وكل ما بيحصل تقدم فى عجلة الاقتصاد البنك المركزى بيبدأ يعمل خفض لخطط التحفيز بشكل تدريجى و يقلل الفلوس اللى بيضخها فى السوق
طبعا هتقولى انت بتحكيلى كل الكلام دة لية ودة ماله بالفوركس
انا هقولك السبب
التسهيل الكمى مثلا معناه سيولة كتير فى السوق وعلى مثال الدولار فكل ما كان فى تسهيل كمى كل ما كان فى ضعف للدولار لان المعروض منه كتير بالتالى سعره امام باقى العملات بيقل فلما نسمع ان البنك الفيدرالى الامريكى هيزود التسهيل الكمى معناه انى اشترى اى عمله قدام الدولار وبالتالى هبيعه لانه ضعيف ولما اسمع من رئيسه الاحتياطى الفدرالى الحالية جانيت يلن بتقول اننا هنقلل التحفيز بكشل تدريجى فى اجتماع لجنه السوق المفتوح ويحدد مثلا 10 مليار نقص كل شهر او عشرين مليار دة مؤشر ان الاقتصاد اتحسن و بالتالى الدولار قوى فأبدأ افكر فى بيع اى عمله مقابلة للدولار لانه الاقوى فى الفترة الحالية
ودية بعض من مهام البنوك المركزية

2-البنوك الاستثمارية
ودية البنوك اللى بتتاجر فى العملة و بتحدد الاسعار فى نفس الوقت يعنى بتحدد سعر بيع وسعر شراء خاص بيها وفقا للعرض و الطلب قدامها


3-مؤسسات مالية
ودية عبارة عن مؤسسات ضخمة بتكون محافظها كبيرة جدا ودية بتأثر على حركة العملات فى السوق بشكل واضح لانها هى اللى بتعلم العرض و الطلب الاكبر فى السوق فى حالة عدم تدخل البنوك المركزية خاصة وقت الاخبار الهامة و بيدرها كبار المحللين الفنيين و الماليين و من امثلة المؤسسات المالية "صناديق الاستثمار المشتركة " "صناديق التحوط"

4-صغار المستثمرين
اللى هو زى حضرتك وزيى كدة اللى السوق هو اللى بيحركهم ولن يستطيعوا تحرك السوق حتى بيب واحد وحتى لو محفظتك فيها مليون دولار فلن تحرك السوق

5-مزودى السيولة
مزود السيولة دة بقى قصة لواحدة ولكن هختصرها فى كلمتين
دة عبارة شوية ناس كدة معاهم فلوس كتير قوى بيقوم يشتروا العملات و يبعوها من مراكز معينه و بعدين يرجعوا يضخوها لشركات الوساطة اللى حضرتك بتتعامل معاها وهما مش بيتعاموا فى ال retail يعنى ملهمش فى بيع التجزئة ولكن بيبعوا لوكشة واحدة على بعضها خاصة لما تكون شركة الوساطة Market maker مش ECN , وهنشرح معناهم فى النقطة اللى جايه
ودة ما يمنعش ان مزود السيولة انه يتعامل مع شركات ECN


6-شركات الوساطة المالية
ودول بقى حكايتهم حكاية
اولا كدة شركات الوساطة هى شركات وظيفتها ان تكون هى الوسيط بينك وبين الطرف التانى فى الصفقة اللى حضرتك بتفتحها سواء كانت بيع او شراء
و المفروض انها بتتقاضى عمولة او سبريد نظير اتمام الصفقة لحضرتك و انها جابتلك واحد من السوق ينفذ الصفقة ويكون الطرف التانى ليها فى شركات لا تتقاضى عمولات و تكتفى بالاسبريد وغالبا هى ماركت ميكر
وفى شركات بتاخد سبريد و عمولة الاتنين مع بعض طيب اية الفرق ومين احسن
لازم الاول نشرح الفرق بين انواع شركات الوساطة الموجودة بالسوق من ناحية اليه تنفيذ الصفقات
اللى جاى دة مشاركة ليا فى احد المنتديات شرحت بالتفصيل الملل
اسف جدا على التطويل دة ولكن علشان تفهم كل حاجة




هناك نوعان من الشركات اولها شركات او شبكات الاتصالات الالكترونية "ECN"
ثانيها الماركت ميكر او صانع السوق MMS
تنوية بسيط بخصوص تلك الشركات : شركات الماركت ميكر او صانع السوق هى الشركات التى تحوى على غرفة تداول Dealing Room او Dealing Desk

توضيح الفارق بين الاثنين:
بمنتهى البساطة حين تعمل مع شركة ECN
"electronic communications networks
فان الشركة او الوسيط يزودك بالاسعار بشكل مباشر من البنوك دون اى تدخل منها او دون عمل معالجات او اعادة تسعير و بالتالى فانك تسفيد من حركة اسعار حية ليست وهميه
خاصة اوقات الزخم الشديد و التداول عالى السيولة وقت الاخبار فان الاسعار تتحرك وقتها بقوة فاى سعر تدخل عليه فطمئن نفسك بأنك تتداول على سعر حقيقى و هذا النوع من الشبكات يتواجد عليه بنوك و شركات مالية ومتداولون اشخاص طبيعيين
اما شركات الماركت ميكر فأن السعر يمر اولا على غرفة التداول او بالاحرى نستطيع القول ان الشركات تحصل على مراكز بيع و وشراء بكميات كبيرة من السوق الحقيقى وبعدها تقوم الشركة بتزويدك بتلك الاسعار بيعا وشراءا بما يتوافق مع مصلحتها حيث انها تحرك الاسعار فى الاتجاة المعاكس الذى يدخل عليه اغلب متداولى تلك الشركة وذلك بما يتوافق مع مصلحتها
فانت لا تعلم هل دخلت على سعر السوق الحقيقى ام انها اسعار وهميه خصوصا وقت الاخبار فان الشركة قد تعيد تسعير نقطة دخولك على الصفقة لصالحها و ذلك لان شركة الماركت ميكر تكون طرف الصفة المقابل لك
بمعنى اذا كنت انت داخل شراء على زوج الكيبل مثلا فان طرف الصفقة الاخر هو الشركة وتقوم ببيع الزوج لك
فاى تحرك او نقاط اعلى سوف تأخر الشركة تنفيذ الصفقة ثوانى اذا كان فى صالحها حتى تصل لسعر اعلى تقوم الشركة ببيعه لك لان اى نقاط صعود تضيف الى ربحيه الشركة و بالتالى فربحك هو خسارة للشركة وخسارتك هى ربح للشركة و سوف تجد ان شركات الماركت ميكر تضع لك قيود وقت الاخبار فلن تستطيع فى بعض الشركات ان تضع ستوب لوز او تيك بروفت قريب من السعر السائد وقتها و فى بعض الشركات لن تسمح لك بالتداول بالاسكابيلنج .
والان نعود لاعادة التسعير
بالطبع سيقول لك البعض ان اعادة التسعير وقت الاخبار تكون خارجه عن ارده الشركة وان "الريكوت"
هو امر خارج عن سيطرتها و حدوث الجابات والانزلاقات السعرية امر طبيعى
ولكنى شخصيا لااثق فى ذلك الحديث حينما يكون الامر مع الماركت ميكر
دعنى اقول لك ان هذا خلط بالامور ، لن اختلف معك ان الانزلاقات السعرية موجودة فى الاسواق الحية ولكن لن تجد من يجمد لك المنصة حتى لا تستطيع التداول على الاعملات مثلما يفعلون فى الماركت ميكر فلن تطيع اغلاق صفقتك اثناء الجابات خاصة اذا سار السعر عكس اتجه صفقتك وحتى ولو وضعت ستوب لوز وحتى لو انتهى الهامش المتاح او الهامش الحر لدى حسابك فان الشركة سوف تقتتطع من الهامش المحجوز حتى وصول السعر الى الاستقرار

اما اذا كانت الشركة
ECN
فثق تماما انه يتم تزويدك باسعار حيه من البنوك
بخصوص الفوائد او المميزات من الماركت ميكر و كذلك الاى سى ان
اذا كنت مع شركة ماركت ميكر فانك تحصل على ميزة الاسبريد الثابت اما الاى سى ان فأنك لن تحصل على سبريد ثابت فأنه يرتفع و ينخفض وينعدم احيانا حيث ان السوق عندها اهو عرض وطلب وهى تزودك وقتها بافضل سعر معروض سواء كان سعر بيع او سعر شراء فمن المنطقى ان الفرق بين سعر الشراء و سعر البيع ان يكون متغير لان المتداوليين سواء بنوك او مؤسسات مالية لن يستطيعوا تزويد الاسعار بفرق هامش ثابت او سبريد ثابت لان الامر عرض و طلب و اسعار البيع مع الشراء لابد ان تتقارب فترة و تتباعد فترة و تتساوى فترة وهذا اجمل مع فى الاى سى ان
الامر الثانى
شركات الماركت ميكر غالبا ما تققل الحد الادنى لفتح الحساب لديها لانها تتصيد صغار المسثمرين الذين قد يكونوا مبتدئين فى السوق و بالتالى فأن اى مبلغ سوف يوضع فى حساب تلك الشركات فاعلم انك من ال 90% الخاسرين بالسوق لان الجديد بالسوق لن يكون على علم بادارة راس المال الجيده و بالتالى مرجنه الحسابات تكون اسهل بكثير خصوصا اذا كان ضرب الاستوب على نقطة او اثنين
بالطبع الماركت ميكر طرف صفقة اخر فهو يلعب على صغار المستثمرين لو المتداولين الذين لا يجدون التعامل مع مثل تلك الشركات
مما سبق نستنتج ونلخص الاتى:
مميزات شركات الماركت
سبريد ثابت
فتح حسابات مصغرة لمن لا يستطيعون الدخول بالسوق بمبالغ كبيرة
دوما الصفقات التى تقوم بفتحها سوف تنفذ على الفور لان الشركة هة الطرف الاخر
العيوب
الاسعار المزودة بالمنصات غير حقيقية
الشركة تسعى دوما لخسارتك لان خسارتها من ربحك وربحك من خسارتها
قد لا تسمح لك بعض الشركات بعمل صفقات سريعه "سكابلينج
قد لا تسمح لك بعض الشركات بالمتاجرة اثناء الاخبار
تتحكم الشركة بالاسعار بما يتناسب مع مصلحتها وعكس التوجه السائد لجموع المتداولين داخل الشركة
اما شركات
ECN
مميزات
اسعار حقيقية من مصادر عدة
لا مشكلة فى المتاجرة اوقات الاخبار
لا مشكلة فى المتاجرة السريعة
يمكنك وضع نطاق سعر لتنفيذ عملية بيع على زوج معين ان لم تجد احد ينفذ لك الصفقة عند النقطة المححدة من قبلك
قلما حين تجد صفقة غير منفذه عند سعر تحدده بسبب السيولة العالية بالسوق فان لم يتم تنفيذ الصفقة سوف يطلب منك تحديد نطاق لتنفيذ الصفقة
العيوب
قد تحتاج الى مبلغ كبير نسبيا حتى تبدأ مع بنك او شركة من هذا النوع
قد لا تزودك بعض الشركات بالاخبار او الادوات التحليلية
قد لا تزودك بعض الشركات بمنصات تداول ولكن الاغلب المعروف يزود بمنصات مجانية
فى بعض الحالات فان الشبكات التى يتم فيها تنفيذ صفقات ذات سبريد منخفض او منعدم فقد تفرض الشركة بعض العمولات اما الشبكات التى تحتوى على فارق سبريد مرتفع قليلا فلا تفرض عمولات







شركات السمسرة او البروكر (شركات الوساطة)
وهو سؤالك الذى تستفسر عنه
هناك نوعان رئيسيان من الشركات
النوع الاول Dealing Desk Broker
او اسمها ايضا Market maker Broker
شركات الماركت ميكر وهى ما تحدثنا عنها سلفا فى الاقتباس السابق
-------------------------------------
النوع الثانى No Dealing Desk I((NDD))I
وهى تنقسم الى نوعان
النوع الاول STP >>straight Through Processing
النوع الثانى STP & ECN
-----------------------
النوع الاول STP
وهى شركات تقوم بادخالك السوق الحى ولكن مع مزودى السيولة فقط
سوف نفترض ان شركة XYZ تتعامل مع اثنين او ثلاثة من مزودى السيولة من البنوك و احدى الشركات المتخصصة فى توفير السيولة للعملات مثلا ستاندرد شاردت بنك و جيه بى مورجان تشيس و بنك اوف اميركا وميرال لينش او مرجان ستانلى او شركة يو بى اس او شركة باركليز كابيتال وهى احدى الشركات الخاضعة لبنك باركليز الانجليزى
على سبيل المثال اذا اردت بيع زوج اليور دولار فان البروكر يبحث لك عن افضل سعر موجود مع مزودى السيولة الذين تتعامل معهم الشركة وبالتالى فانها سوف تبحث عن اعلى سعر فى الثلاث بنوك و الشركة و تقوم بتنفيذ الصفقة فى الحال و تتقاضى الشركة فى ذلك الوقت سبريد منخفض جدا او يكون الاسبريد صفر مقابل عمولة يكون الاتفاق عليها مسبقا مقابل تلك الخدمة
اما النوع الثانىECN &STP
وهو شركات STP وفى نفس الوقت ECN
وما يزيد فى هذا النوع من شركات الوساطة هو انها تسمح لك بالتعامل مع كافة الاطراف فى السوق
حيث انك تستطيع شراء او بيع الكيبل مثلا من البنوك او الشركات المزودة للسيولة او الماركت ميكر او شخص مثلك يتداول مع شركة ECN وليس مع Market maker لان المتداول الموهوم لا يدخل السوق الحى من الاساس وانما شركته(الماركت ميكر) تشترى منك او تبيع لك ثم تعيد التسعير و تشترى او تبيع لمتداولها الموهوم
يعنى هذا النوع من الشركات توسع لك المجال فى السوق لكى تحصل على افضل سعر من مصادر كثيرة بدلا من ان يكون لك تعامل مع اثنين او ثلاثة من مزودى السيولة و بالتالى الفرص التنافسية للاسعار تكون اقل و تزيد كلما زادت المصادر وبذلك ECN & STP افضل من STP فقط
اذا فى النهاية نلخص ان النو ديلج ديسك هو النوع الافضل فى اى حال من الاحوال
سواء كانت STP
اوECN&STP

و المقابل لهذا النوع من الشركات هو Market Makers MMS
فأى نوع تحب ان تتعامل معه؟!

اسف جدا جدا على الاطالة
ولكن اردت افادتك بالصورة كاملة
تقبل مرورى
ودى وتقديرى
http://www.borsaat.com/vb/images/smilies/rose.gif http://www.borsaat.com/vb/images/smilies/rose.gif http://www.borsaat.com/vb/images/smilies/rose.gif http://www.borsaat.com/vb/images/smilies/rose.gif
المعالي
06-04-2014, 01:47 PM
يا اخي انت بتشكك بالفوركس ؟؟؟؟؟
وانا اقول لك ......مصلحة البنوك من مكسبك او خسارتك مثل مصلحة محلات الصرافة التى موجودة في كل بلد
mohamed_eltaweil
06-04-2014, 02:11 PM
نقطتين تحتاج توضيح
مزود السيولة فى شركات ECN ممكن يتعامل فى الريتيل و الشركة توفرلك افضل سعر من افضل مزود سيولة اما فى الماركت ميكر بيبيع للشركة كمية كبيرة و شركة الوساطة تعمل سوق داخلى وهمى ليها لانها اصلا مش بدخلك على السوق الحقيقى
النقطة الثانية
يوجد مصطلح اسمه عمق السوق Market depth
ودة مش هتلاقية فى الماركت ميكر ولكن تلاقيه بس فى شركات الECN STP
دة جدول فيه افضل و اسوأ سعر بيع وشراء على كل زوج
wahid nasr
06-04-2014, 03:22 PM
أخى الكريم mohamed_eltaweil
جزاك الله خيرا و وسع رزقك كما تحب لغيرك الخير
هل تعتقد بالمعادلة الصفرية ..كما يسمونها..
هل لابد من وجود خاسر حتى يكون هناك رابح
ان لم يكن كذلك ...فستحجم البنوك الكبرى عن التعامل بالفوركس لتكبدها خسائر عظيمة ...ما رأيك؟
wahid nasr
06-04-2014, 03:29 PM
في فرق يا باشا بين البنوك المركزيه و البنوك اللي بتتاجر في الفوركس .
البنوك المركزيه لما بتتدخل في السوق بيبقي تدخلها عنيف جدا و وطيفتها في مجالنا هي تحدد سعر العمله و في الدول المحترمه بيكون بناء علي العرض و الطلب لعملة بلدها .
البنوك اللي بتتاجر في الفوركس هي بقه اللي بتحرك السوق في اغلب الاوقات و دي بقه بنكسب منك و احياناا من البنوك كمان .
خد عندك مثال علي كده الين الياباني و خطة البنك الياباني في اضعافه .
اما بالنسبه نظرية حضرتك في ان اللي بيدخل يا بيكسب علي طول يا بيخسر مره و خلاص علي كده انا مختلف معاك فيها لان ما حدش بيكسب علي طول حتي البنوك نفسها و اللي بيدخل مره و بيخسر ففي نسبه كبيره منهم بيدخل تاني و تالت و رابع كمان علي امل التعويض


شكرا لمرورك وردك أخى الكريم

لكن انا مختلف معك فى نقطة المكسب والخسارة
اخى فى ناس عملت ملايين الدولارات من الفوركس لا ابالغ ان قلت اكثر من ذلك
الخسارة خسارة ضئيلة لا تقارن بمكاسب حيتان السوق اقصد بالخسارة (خسارة المبتدئين اللى هى كلام فاضى ..وخسارة الكبار اللى دايما لا تقارن بمكاسبهم)
انا اقصد اخى ان المحصلة التراكمية لاغلب المتاجرين بالسوق هى ...مكسب
فمن اين جاءت؟
wahid nasr
06-04-2014, 03:33 PM
يا اخي انت بتشكك بالفوركس ؟؟؟؟؟
وانا اقول لك ......مصلحة البنوك من مكسبك او خسارتك مثل مصلحة محلات الصرافة التى موجودة في كل بلد


انا لا اشكك اخى ولا اثق فيه ثقه عمياء وهذا طبيعى فانا جديد فى هذا المجال

لم افهم وجهة نظرك بالتشبيه فارجو التوضيح
mohamed_eltaweil
06-04-2014, 04:05 PM
mohamed_eltaweil
الف شكر علي المعلومات القيمة اللي حضرتك سردتها
السؤال دلوقتي
بعد الحيتان المخيفة الكتيرة دي الموجودة في االتجارة.......
هل السوق بيحترم تحليل فني من دعوم ومقاومات ولا بيحترمها ايام وفي لحظة معينة تنهار ادوات التحليل الفني لما بيدخل الكبار السوق بملياراتهم

thanks


الشكر لله يا جميل
اتمنى اكون افدتك بشكل كافى
بخصوص اسفسارك
السوق فى اغلب الاوقات بيحترم التحليل الفنى
ولكن فى اوقات تانية ممكن تبص للشارت وتعمل كدة :1 (3)::1 (3)::1 (3):
النقطة الاولى
غالبا بيبقى الكلام دة فى شهر ديسمبر ويناير من كل سنة
طبعا السبب هو بدايه عام جديد و فى ناس بتحب تعمل جنى ارباح و اغلاق مراكز مفتوحة من مدة على نهج الاستثمار طويل الاجل
و بالتالى هتلاقى ناس بتفتح مراكز جديده او بتنتظر وصول الاسعار لنقطة معينه لاستثمار جديد طويل الاجل
هتلاقى الناس المخضرمين فى السوق يقولولك ابعد عن السوق خلال الفترة دية من كل سنة ولو حابب تتاجر يبقى بأدارة رأس مال صارمة لان السوق بيبقى متقلب جدا وبيتحرك بشكل غير نمطى
طبعا لانك ما تعرفش كبار المستثمرين لاى مدى هيغلقوا المراكز المفتوحة و هيجنوا قد اية ارباح وهيبقوا على قد اية من صفقات مفتوحة
نقطة تانية
السوق لم ولن يحترم التحليل الفنى وقت تدخل البنوك المركزية ووقت الكوارث مثل الزلازل و الاعاصير وسوء الطقس و الاحوال الجوية ودة زاد جدا فى الفترة الاخيرة خاصة فى امريكا
نقطة ثالثة مهمة جدا
فى السنتين اللى فاتوا تم اكتشاف تلاعب مسؤلون كبار بالبنوك الكبيرة فى مجال الفوركس و التلاعب كان باسعار الصرف فى السوق وتحريك السوق فى عكس صالح المتداولين وفى نفس الوقت لصالح مضاربين معينين
اية اللى كان بيحصل؟
فى نظام اسمه غرف المحادثة الفورية فى مؤسسة بلومبرج (بلومبرج دية مؤسسه كبيرة متخصصة اساسا فى الاخبار و عمل التقارير و المعلومات و الاحصائيات و لها خدمات مالية و تعتبر فى الفوركس مزود اسعار جيد ...الخ)
التحقيقات شغالة لغاية دلوقت على الموضوع دة ،اية بقى اللى كانوا بيعملوه الجماعه دول؟
اكتشوفوا ان مدراء الصرف الاجنبى فى 15 بنك حول العالم كانوا بيدخلوا غرف الدردشة دية ويتفقوا على تحريك السوق فى صالح مؤسسات مالية معينه و مضاربين معينين مقابل سبريد اعلى يحصل عليه البنك
ولكن هيئة السلوك المالى البريطانى فى لندن و هيئة الخدمات الماليه البريطانية واكتر من جهه رقابية و جهه تحقيق فى ثلاث قارات وصلها معلومات و اكتشفت اللعبه دية و تم ايقاف المتداولين اللى كان بيتلاعبوا وكذلك مدراء الصرف الاجنبى فى البنوك
والتحقيق شغال الى الان
طبعا حاجة زى كدة لا ينفع فيها تحليل فنى ولا مالى ولا غيرو
السوق بيتحرك وفقا و رغبه ومصلحة متداولين بعينهم ولكن فى المصلحة دية لقله قليله وبقوه بنوك كبيرة جدا زى (بنوك : دويتشه بنك، باركليز، سيتى جروب، جولدمان ساكس، اتش اس بى سى، جى بى مورجان تشيس، رويال بنك أوف سكوتلاند، ستاندرد تشارترد ويوبى اس و غيرهم) ودول كلهم متورطين فى الموضوع دة
تقدر تراجع تقرير من مصادر كتير عربية واجنبية وخد دة تقرير من مؤسسة الاهرام "بالعربى" بخصوص الموضوع دة من هنا (http://digital.ahram.org.eg/Community.aspx?Serial=1470711)
رابع نقطة
ممكن تلاقى اشاعه معينه ظهرت فى السوق وبناءا عليه المتداولين اتحركوا و اثروا على السوق فى كل انحاء العالم و فى الاخر السوق يرجع للنقطة اللى كان عندها قبل الاشاعه
ما انساش مرة مجموعه من الهاكرز اخترقوا حساب المؤسسة الاخبارية الامريكية اسوشيتد بريس على تويتر و قالوا ان فى قنبلة انفجرت فى البيت الابيض و اوباما اتصاب و بين الحياة والموت
عاوز اقولك ان اى زوج فيه عمله الدولار وقتها اتحرك ما لا يقل عن 100 نقطة فى شمعه "دقيقة واحدة" وبعدها بعشر دقايق السعر رجع تانى للنقطة اللى كان عندها قبل الاشاعه ما تحصل
عارف ان الموضوع دة مش متكرر ولكن دة شىء بيأثر على السوق ولا يحترم التحليل الفنى
تقدر تتأكد من صحة كلامى من وكالة BBC الاخبارية من هنا (http://www.bbc.co.uk/arabic/worldnews/2013/04/130424_ap_twitter_hacked.shtml)

خامس نقطة
من ضمن التلاعب فى السوق
لما يكون فى دولة او مجموعه دول عندها مناسبة او عيد بتلاقى البنوك مقفوله فيها وبالتالى فترة التداول الخاصة بيها بيكون حجم التداول ضعيف لان مفيش سيولة و بتلاقى تذبذب واضح وفى نطاق ضيق
اذكر مرة من فترة مش بعيده كان بنوك امريكا قافلة لوجود عيد مش فاكر كان بتاع كولومبس تقريبا او حاجة كدة مش متذكر قوى
دخل مجموعه من المتداولين الكبار فى فترة امريكا وحركوا السوق اكثر من 100 نقطة على معظم الازواج واغلق السعر على ارتفاع و معملش تصحيح وبدون اى سبب ومبرر منطقى للصعود الكبير دة
و كان الهدف تغير اتجاة الازواج و بالفعل السوق اتحرك فى اليوم التالى عكس التحليل اللى كان مقترح من اكبر المؤسسات المالية

دية اغلب الحاجات اللى متذكرها حاليا اللى ممكن تخلى التحليل الفنى ملهوش قيمة
فى حاجات واردة تحصل بشكل مستمر وفى حاجات بتحصل مرة او مرتين فى السنة

افضل شىء من وجهه نظرى المتواضعه انك ديما تخلى هدفك فى السوق من 50 الى 100 نقطة او انك تبقى سكابلير محترف تخطف نقط صغيرة من السوق وتخرج وتنام مستريح
ولا تفكر بكره هيحصل اية ولا الخبر اللى جاى هيأثر ازاى على الزوج ولا حاجة من دية
افضل شىء الهدف و الاستوب ولكن لازم يكون منطقى يعنى ما تفتحش صفقة هدفها 100 نقطة وستوبها 20 نقطة مثلا
ما هو اكيد هتضرب ستوب فى ظل التذبذب الواضح فى السوق فى الايام اللى السابقة دية
بالنسبالى بخلى الهدف قد الاستوب و اختار نقط قوية جدا للدخول وانتظر الفرص تجيلى مش انا اللى اجرى ورا السعر والاحقه
الحاجة الوحيده اللى الاحقها فى السوق هى الارباح
وادارة رأس مال جيده تخلي حسابى على قيد الحياة فى هذا السوق اكبر فترة ممكنه ولازم يكون عندى استراتجية معينه متقنها ومجربها و بستمر فى تطويرها مع تطور السلوك السعرى للازواج و لو فى خطأ متكرر اشوف سببه ايه واحاول اعالجه
اسف على الاطالة للمرة التانية
ولكن بحب اقول المعلومة كاملة علشان اريح ضميرى قدام ربنا ولا اخفى عنك معلومة او علم قد يفيدك
لا أسألك غير الدعاء
فى رعاية الله وحفظه
wahid nasr
06-04-2014, 04:39 PM
انت رائع فعلا يا استاذ mohamed _eltaweil

يا ريت دايما تشاركنا بموضوعاتك وآرائك
mohamed_eltaweil
06-04-2014, 05:00 PM
أخى الكريم mohamed_eltaweil
جزاك الله خيرا و وسع رزقك كما تحب لغيرك الخير
هل تعتقد بالمعادلة الصفرية ..كما يسمونها..
هل لابد من وجود خاسر حتى يكون هناك رابح
ان لم يكن كذلك ...فستحجم البنوك الكبرى عن التعامل بالفوركس لتكبدها خسائر عظيمة ...ما رأيك؟

جزانا الله واياك

نعم اخى اعتقد تماما بالمعادلة الصفرية
اريد ان انبهك لجزئية معينه هامة
اى مؤسسة مالية فى العالم تهدف الى الربح لابد وان يكون لديها المقومات الاساسية لذلك الربح
على سبيل المثال و ليس الحصر
لابد من وجود راس مال كافى لتحقيق ذلك الربح
لابد من وجود دراسات جدوى لاى مشروع يتم اتخاذ القرار بالدخول فيه
لابد من حساب درجة المخاطرة وعمل تحليل اسمه تحليل التكاليف و المنافع لتحديد مدى جدوى تلك المشاريع
لابد من وجود المقاومات البشرية و العقليات التى تدير تلك المشاريع و تحقق الهدف الاول للمؤسسة وهو الربح
.....................................
انا اعمل بأحد البنوك فى بلدى
لدينا ادارات كثيرة جدا ومنها ادارة خاصة بالتداول على العملات
هذه الادارة مطلوب منها كأى ادارة اخرى تحقيق هدف معين بدرجة مخاطرة معينه فى سنة مالية معينه ويتم تقييم الاداء بشكل ربع سنوى لتحديد مدى فاعليه دراسه الجدوى اللتى كانت محدده من قبل
هل نحتاج الى خبراء ماليين جدد هل نحتاج خبراء فنيين جدد هل نحتاج نظام تداول مختلف اوطرق تداول مختلفة
كل ذلك يتم تقييمه
اذا كانت تلك الادارة لا تحقق هدفها فاعلم ان الادارة العليا للبنك سوف تغلق قسم تداول العملات مع اول تقييم سىء اذا ما لم يحقق مستهدفه من الارباح التى كانت متوقعه قبل بداية العام المالى او اذا لاقدر الله حقق خسارة لانه من الاولى استثمار اموال المودعيين فى مشاريع اكثر ربحيه واكثر امانا وبالتالى استمرار قسم او ادارة تداول العملات يعنى الربح
وبالتالى انا اعترف ان الخسارة واردة لان عندنا مثال يقول (التجارة مكسب و خسارة)
ولكن لو تحدثنا عن نطاق اوسع و عن تخصص اكثر فى مجال العملات وفى محافظ اكبر فان البنوك الضخمه لديها رؤؤس اموال كبيرة جدا و فى نفس الوقت هى مدعومة من البنوك المركزية كما سبق وتحدثنا عن التسهيل الكمى وطبع النقود وذلك حال حدوث خسائر فجه
البنوك الضخمه لديها سيوله عالية جدا ولديها ادوات تحليليه و تقارير عن حال السوق لا توجد بين ايدينا كمستثمرين عاديين
يعنى حجم التداول بالسوق ليهم تقارير به بشكل ادق من اى شخص اخر
لديهم متخصصون فى اعداد التقارير ودراسة السوق وعمل الاحصائات الالية عن العروض و الطلبات لحظة بلحظة
بذلك السوق يكون واضح امامهم كرؤية الشمس فى وضح النهار
انت كاحد صغار المستثمرين لن يتوفر لك اى من تلك الادوات
واعلم جيدا ان كل شىء محسوب وهم من يستطيعون ان يزودوا العروض عن الطلبات و العكس فى اى وقت بحجم رؤس اموالهم
للعلم
صفقة قيمتها 150 مليون الى 200 مليون دولار تستطيع تحريك السوق بشكل ملحوظ فما بالك بمليارات الدولارات
اذا هم يتحركون وفقا لخطة معينه ودارسة معينه و اليات معينه و تحليل للسوق بشكل معين و توقع معين ومصادر اخبار لحظة بلحظة فهم من بيدهم تحريك كل شىء فهل تتخيل ان يحققوا خسائر بشكل دائم ام انهم يحققوا ارباح متراكمه !
لا تنسى ان اغلب المتداولين فى السوق و يقال انهم اكثر من 90% يحققون خسائر بالسوق
بالتالى اقل من 10% تحقق ربح والبديهى ان تكون تلك البنوك و المؤسسات المالية الضخمة لها نصيب الاسد من تلك الارباح و معها من خطى على خطاهم من تحليل او توقع جيد لحركة السوق
فالتحليل الفنى هو دارسة نفسيات المتداولين عن فترة سابقة و بالتالى انت تدرس نفسيات هؤلاء المديرين والهوامير و المؤسسات الصخمة التى تحرك السوق ولا تدرس نفسيات المتداولين العاديين لانهم باى حال من الاحوال لن يحركوا السوق باى شكل لان ببساطة كل منا له وجهه نظر مختلفه و مناطق دخول مختلفه قد تكون معكوسه فالشخص الذى يشترى منك وقت بيعك فانه يتوقع استمرار الصعود اما انت فقمت ببيعه لانك مؤمن بان الزوج سوف يتوقف عند تلك النقطة ثم يعاود الهبوط بالتالى وجهه نظرك تختلف عنده ب 180 درجة هذه هى الفكره
اتمنى ان اكون افدتك
تحياتى العطرة
wahid nasr
06-04-2014, 05:39 PM
اشكرك على مشاركاتك القيمة بالموضوع واعذرنى ان كثرت اسألتى فأنت كنز استاذ محمد

فدعنا ننهل من خبرتك

انا لم استوعب المعادلة الصفرية اللى تعتقد بها يقينا استاذ محمد

ما آلية عملها ؟ ده معناه ان الخسارة كبيرة جدا فى هذا السوق وان الرابحين هم فقط البنوك الكبرى وان صغار المضاربين امثالنا لا يربحون الا الفتات - ان ربحوا يعنى- وان كان هذا الربح بالملايين
ثانيا : ان الفوركس الى زوال اذا ما زادت ارباح المضاربين؟؟؟؟؟
mohamed_eltaweil
06-04-2014, 07:07 PM
اشكرك على مشاركاتك القيمة بالموضوع واعذرنى ان كثرت اسألتى فأنت كنز استاذ محمد

فدعنا ننهل من خبرتك

انا لم استوعب المعادلة الصفرية اللى تعتقد بها يقينا استاذ محمد

ما آلية عملها ؟ ده معناه ان الخسارة كبيرة جدا فى هذا السوق وان الرابحين هم فقط البنوك الكبرى وان صغار المضاربين امثالنا لا يربحون الا الفتات - ان ربحوا يعنى- وان كان هذا الربح بالملايين
ثانيا : ان الفوركس الى زوال اذا ما زادت ارباح المضاربين؟؟؟؟؟
الشكر لله اخى دة من زوقك

نظرية
zero-sum game Theory
يعنى لعبه المحصلة النهائية طرف كسبان و التانى خسران يعنى لا تقبل نص مكسب ولا نص خسارة
هنوضح الموضوع بمثال بسيط
هنفترض انك معاك عشرة الاف دولار وانا كمان معايا عشرة الاف دولار
و هنفترض اننا وحاشا لله اننا بنلعب قمار
فضلت الاعبك لغاية ما خسرت كل اموالى انت المفروض بقى معاك كام 20000$ وانا بقى معايا كام 0$
المحصلة النهاية بالنسبالى صفر هو دة ZERO SUM
طيب انا هعمل اية؟
المفروض انى هجيب فلوس تانى علشان اعوض خسارتى و الاعبك تانى هنفترض انى جبت 5000$كمان
فى احتمالين يا اما انا اخسر 5000$ كمان و يبقى انت معاك 25000$
الاحتمال التانى انك انت اللى تخسر كل فلوسك اللى هما ال 20000$ وانا يبقى معايا 25000$
المنطقى انت معاك كام دلوقت طبعا صفر كبير
اذا بالنسبالك الموضوع بقى ZERO SUM
تعالى بقى نطيق المثال دة على سوق الفوركس
هنقول انت طرف بال 10000$ بتوعك و البنوك و المؤسسات المالية بالمليارات بتوعهم
يا اما انت تتداول لغاية ما تخسر كل فلوسك -لا قدر الله يعنى- و تبقى انت ZERO SUM
او انك تفضل تستثمر و تكسب و الحساب يكبر و يجى السوق يعكس عليك و تعند و الحساب برضو يضيع وتبقى Zero sum
لانك مهما ربحت و حققت مكاسب مش هتقدر توصل البنوك لل ZERO SUM
انت اخرك تكسب شوية وتسحب و اللى يفضل تاجر بيه تانى وكل ما تكسب تسحب تانى وتالت ورابع و تحس بطعم المكسب لغاية ما هتجى مرة لازم تلاقى الحساب بيخسر لغاية ما يتصفر لاى سبب من الاسباب اللى قلناها قبل كدة
بس فى الوقت دة مش هتبقى zero sum لانك سحب مرات كتيرة قبل كدة لان الارباح دية كان ممكن تحتجزها فى حساب منفصل من غير ما تصرفها او تسحبها فعليا
العملية دية هتفضل نتيجتها صفرية من طرف واحد وهو المستثمر الصغير لان قوة البنوك و المؤسسات المالية كفيلة تطيح بيه وتخرج من السوق باقل مجهود
اعرف ناس خسروا ملايين بسبب الاصرار على نظام المضاعفات و التبريد
دخلوا على الباوند ين تبريد كل 100 نقطة و بالطبع فى فترة تدخل المركزى اليابانى 30 مضاعفة كفيلة بأنهاء اى حساب مهما كانت قوته
النتيجة مارجن كول =zero sum
السوق دة ما ينفعش حد يعند معاه لانه بيفتك بأى حد يقف قدامه
يارب يكون وصلك قصدى
فى رعايه الله وحفظه
wahid nasr
07-04-2014, 12:54 AM
اسف على التأخر فى الرد استاذ محمد نظرا لانقطاع النت

حضرتك وصلت الى ان الرابح من السوق لابد وان يخسر فى مرة من المرات لكن بعد ما يكون عمل ربح تراكمى كبير Cumulative profit

لازم علشان البنوك اللى هو كسب منها دى تستمر فى سوق العملات ....لازم تكون هى كمان بتكسب ومكاسب ضخمة جدا

ده معناه ان فى خسارة كبيرة فى السوق بتحصل عشان تحقق ربح للمؤسسات وفى نفس الوقت ربح المضاربين الناجحين

لو جينا نفكر ونخمن كده ....خسارة المضاربين الجدد دول اللى خسروا قد ايه

اكيد ولا حاجة بالنسبة لمكاسب الناجحين فى السوق

ايه رأى حضرتك استاذنا