مشكلة التحويلات البنكية لشركات الفوركس فى مصر ؟

[HMZ]

السلام عليكم اخوانى الاعزاء..
انا بدأت فى تعلم الفوركس بقالى كام شهر.. وحبيت الموضوع جدا.. ونويت انى اكمل فيه واستزيد منه.. وخايف يكون كل اللى اتعلمته بدون لازمة.. بسبب انى موجود فى بلدنا الحبيبة مصر...

فى البداية عرفت ان الفوركس غير مرخصة فى مصر.. من ناحية شركات الوساطة ، وسألت خدمة عملاء FXDD عن قانونية التداول الفردى وقالو ان مفهاش مشكلة.. وان ده مصرح بيه قانوناً وكده..

قولت خلاص على بركة الله نبدأ التجربة اللى كلو بيقول انها لازم تفشل فى البداية عشان تتعلم.. بس مفيش مشكلة التعليم مش ببلاش... بحثت فى المنتدى هنا ومنتديات تانية على افضل البنوك فى التعامل مع الفوركس وكتير اجمعو على ال CIB و QNB ...

روحت للبنكين CIB و QNB وسالتهم على التعاملات بالفوركس قالو لأ معندناش التعامل ده ومش هينفع تتعامل مع شركات الفوركس من خلالنا وان فى تعليمات من البنك المركزى بكده (مش عارف ديه تعليمات جديدة مثلا)...

جيت هنا سألت خدمة العملاء FXDD وقالولى ده عادى البنوك لازم تقول كده عشان يقللو التحويلات للخارج... الخ... فى الموضوع ده اف اكس ارابيا..الموقع الرائد فى تعليم فوركس Forex (http://www.fx-arabia.com/vb/showthread.php?t=39168)

قولت الكلام ده اكيد مظبوط وان فيه عشرات الاف فى مصر بيتعاملو بالفوركس.. انا مش اول واحد !! وروحت فتحت حساب فى بنك QNB وعملت فيزا الكترون وانترنت كارد.. ولما جيت انقل المبلغ باستخدام انترنت كارد عن طريق موقع FXDD للحساب الحقيقى الخاص بى.. لقيته كتبلى البطاقة مرفوضة.. اتصلت بخدمة العملاء قالولى ان المشكلة من البنك.. البنك هو اللى بيرفض التحويل ، وحاول التواصل مع البنك وافهم منه المشكلة.. قولت اجرب الفيزا الكترون لقيت نفس المشكلة.. كلمت البنك بعدها وسالته انه عندى مشكلة فى استخدام انترنت كارد.. وطبعا انا بتكلم كاستخدامها فى المشريات مش فوركس... لكن اتفاجئت لما قالى انه حضرتك بتستخدما فى تحويلات فوركس.. وده مرفوض بتعليمات من البنك المركزى.. سالتهم هو الموضوع بقالو اد ايه ممنوع قالى من فترة كبيرة تعدى السنة...
سألتهم هى ديه مشكلة قانونية.. ولا سياسة البنك المركزى.. قالى انه ما عندو علم بده ؟؟

انا الحقيقة تعبت.. انا بقالى اكتر من شهر فى الاجراءات ديه.. وبقيت حاسس انى ماشى فى سكة غلط... ولقيت بالنسبة لى الطريق الوحيد انى اتعامل مع البنوك الاكترونية وديه مش مضمونه وبتاخد ووقت فى التحويل وليها شروط محددة.. وكنت من الناس اتعاملت مع ليبرتى قبل كده.. وخسرت دولارات مش كتير "الحمد لله"

وخايف فى يوم من الايام ادخل قضايا قانونية بسبب الفوركس..
يا ريت الناس اللى عندها خبرة فى الموضوع ده.. تقولى ازاى بتعاملو مع البنوك بدون مشاكل ؟؟!

[خدمة العملاء]

وعليكم السلام اهلا اخونا الفاضل

حضرتك سالت اسوأ بنكين في التعامل مع الفوركس :) خصوصا QNB لانهم وقفوا التعامل من شهر 3 السنة الماضية

وطبعا مش الموضوع بنك مركزي لان البنك المركزي علي الكل بس البنك بيرح دماغه

افضل البنوك هي الاتي

البنك الاهلي اليوناني

العربي الافريقي
بلوم
عودة
بريوس
الاهلي المتحد

وايضا البنك الاهلي المصري وبنك مصر بيتعاملوا بس زحمة جدا والافضل عدم ذكر السبب الفوركس لانهم عندهم حساسية منه


كيفية الايداع في شركة FXDD للاشتراك في العروض (http://www.fx-arabia.com/vb/showthread.php?t=34721)

[HMZ]

شكرا ليك على الرد السريع..
انا حاسس فعلا ان حظى وحش مع الفوركس.. وموضوع البنك المركزى هو اللى شككنى جامد..
ربنا يسهل افتح الحساب والامور تمشى كويس :D..
بس حضرتك شايف الاحسن انى افتح حساب بالدولار ولا افتح حساب بالجنيه ويتم التحويل عن طريق البنك.. يعنى عشان مثيرش حساسية تحويل الاموال والفوركس وكده ؟

[معاذ عودات]

شكرا ليك على الرد السريع..
انا حاسس فعلا ان حظى وحش مع الفوركس.. وموضوع البنك المركزى هو اللى شككنى جامد..
ربنا يسهل افتح الحساب والامور تمشى كويس :D..
بس حضرتك شايف الاحسن انى افتح حساب بالدولار ولا افتح حساب بالجنيه ويتم التحويل عن طريق البنك.. يعنى عشان مثيرش حساسية تحويل الاموال والفوركس وكده ؟

اهلا وسهلا فيك اخي الكريم ،،
مش فرق انو يكون الحساب بالدولار او الجنيه ،،
فالاموال ستصل لو كانت بأي عمله

ولكن لو تمكنت من فتح الحساب بالدولار يكون افضل لك

[HMZ]

تمام.. هاشوف نظام البنوك المذكورين.. وباذن الله اكون بدأت فى التداول على بداية الشهر الجديد :1 (21):
شكرا على المرور اخى معاذ !

[خدمة العملاء]

لو عايز تفتح حساب بالدولار وتحول منه يبقي البنك الاهلي اليوناني افضل واحد لك

http://www.nbg.com.eg/en/
(http://www.nbg.com.eg/en/)

بالتوفيق

[mostafa anis]

نفس المشكله اللى كنت انا فيها و ناس كتير نصحتنى بالبنك العربى الافريقى

[alfredkamal]

هل تم حل المشكلة أم لا ؟؟

[فراس الشيخ]

هل تم حل المشكلة أم لا ؟؟
السلام عليكم .... لقد كنت اطلع ورأيت ان استفسارك لم يتم الرد عليه فقلت أشرح لك قصة احد اصدقائي في مصر بخصوص الحوالات البنكية
في الإيداع لم يستطع ارسال الأموال فقام بالإيداع عن طريق كاشيو وقالت له الشركة التي يتعامل معها (لا اذاكر ما كان اسمها) انه بإمكانه أن يسحب عن طريق البنك ... راح سأل البنك قالولو لا الكلام مش صحيح .... تواصل مع الشركة قالوا انه ان لم يتم التحويل ممكن يسحبوه على اي نظام دفع الكتروني ولكن عندما قام بالسحب على البنك وصلت الحوالة بعد اسبوع... وايضا حسب ما فهمت منه أن الشركة زودته بيان دفع او شيء من هذا القبيل ... بالتوفيق للجميع

[kabaka2006]

انا ليا سؤال وياريت حد يفيدنى لانى قربت اكره الفوركس بسبب الايداع

انا فتحت حساب فى بنك نتللر الالكترونى

عايز اعرف لو انا عملت فيزا انترنت من كريدى اجريكول ينفع اربط حسابى بيها الى بنك نتللر واعمل بيها ايداع ؟

عايز اعرف رسوم التحويل من الفيزا الى البنك الالكترونى وسوم التحويل من نتللر الى اف اكس دى دى ؟ علشان سمعت انهم بياخدوا كتير

ولو انا هعمل سحب من اف اكس دى دى لازم اسحب على البنك الالكترونى وبعد كدة على الفيزا ؟

واية هى المشاكل اللى ممكن تواجهنى فى عملية السحب والايداع ؟

اسف للاطالة ولكم جزيل الشكر

[Aly hussein]

هل المشكلة دى اتحلت

[Aly hussein]

لاتنسى ان تسال عن السحب هل ستقابلك نفس مشكلات الايداع

[FXCommission.com]

هل المشكلة دى اتحلت

لاتنسى ان تسال عن السحب هل ستقابلك نفس مشكلات الايداع

معظم المشاكل يمكن حلها وتجنب التعرض لها اصلا
اذا تم التعامل من خلال البنزك الاليكترونية

[حسن احمد]

وعليكم السلام اهلا اخونا الفاضل

حضرتك سالت اسوأ بنكين في التعامل مع الفوركس :) خصوصا QNB لانهم وقفوا التعامل من شهر 3 السنة الماضية

وطبعا مش الموضوع بنك مركزي لان البنك المركزي علي الكل بس البنك بيرح دماغه

افضل البنوك هي الاتي

البنك الاهلي اليوناني

العربي الافريقي
بلوم
عودة
بريوس
الاهلي المتحد

وايضا البنك الاهلي المصري وبنك مصر بيتعاملوا بس زحمة جدا والافضل عدم ذكر السبب الفوركس لانهم عندهم حساسية منه


كيفية الايداع في شركة FXDD للاشتراك في العروض (http://www.fx-arabia.com/vb/showthread.php?t=34721)
اريد ان اتاجر فى شركة اف اكس دى دى براس مال 1000دولار وانا مصرى مقيم بالسعودية فهل هناك مشاكل مع البنوك الارضية السعودية مع شركات الفوركس مثل مصر يعنى هل استطيع ان اودع 1000دولار فى اف اكس دى عن طريق بنك الراجحى او العربى الافريقى المتواجد بالسعودية وفى حالة حققت ربح هل استطيع ان اسحب ربحى على نفس البنك الارضى بالسعودية ام ان هناك مشا كل مع البنوك الارضيةفى السعودية مثل البنوك الارضية بمصر