المساعد الشخصي الرقمي

مشاهدة النسخة كاملة : كيف نتاجر علي Fake out

Mohamed_tarek
05-07-2014, 12:44 AM
السلام عليكم
طبعا كلنا عارفين ان Break out نوع مهم وقوي بصراحة من الاستراتجيات
ولكن المشكلة الكبيرة مع مثل هذا النوع هو ان في كثر من الاحيان ون الكسر وهمي وغير حقيقي
ويسبب بالتالي مشاكل كبيرة علي الحساب



هناك عناصر اساسية لابد من النظر اليها حتي نتاجر بشكل قوي بناء علي الاختراقات الكاذبة
طيب كما هو معلوم ان البريك اوت اصلا بيعتمد علي تحديد رينج معين وبالتالي يحدث كسر لهذا الرينج
وبناء علية نتوقع ان يسير السعر في اتجاة الكسر دة
يعني لو الكسر كا للاعلي يبقي الاتجاة متوقع ان يكون صاعد
ول السكر الي الاسفل يبقي المتوقع ان يكون الاتجاة هابط


حتي الان الكلام حلو وبسيط ولذيذ
لكن المشكلة الكبري هو في الكسر الوهمي او الكسر الكاذب
ازاي نقدر نتغلب علية بل ازاي نقدر نكسبة منة فلوس وارباح كمان
تابعوا معانا في المشاكات القادمة
walid roub
05-07-2014, 01:05 AM
متابع معك

أهم شيئ في موضوعك ( " المشكلة الكبري هو في الكسر الوهمي او الكسر الكاذب " )
Mohamed_tarek
05-07-2014, 11:40 AM
متابع معك

أهم شيئ في موضوعك ( " المشكلة الكبري هو في الكسر الوهمي او الكسر الكاذب " )
يا اهلا بيك اخي الكريم walid
شرفني مرورك العطر وباذن الله من خلال الموضوع والمشاركات القادمة
نقدر نفلتر قدر الامكان الكسر الوهمي بل نستطيع ان نربحة منة ايضا
تحياتي العطرة
Mohamed_tarek
05-07-2014, 09:44 PM
طيب زي ما كلنا عارفين
ان البريك اوت بمنتهي البساطة
بيعتمد علي تحديد ربنج معين وبعد كدة الدخول بيكون بناء علي الكسر اللي هيحصل لهذا الرينج
او بمعني ادق الدخول سيكون في اتجاة الكسر
يعني لو الكسر كان الي الاعلي يبقي الدخول شراء
والعكس في حال البيع طبعا دة كلام معروف
لكن المشكلة هو ان في كثير من الاحيان السعر لا يكمل في اتجاة الكسر
بل يكمل مسارةو في الاتجاة المعاكس
يعني نوضح بمثال
لو السعر مثالا كون رينج معين
محصور ما بين حد علوي اللي هو مقاومة اصلا
وحد سفلي اللي هو سيكون دعم
السعر كسر الحد العلوي او اختراقة علي اعتبار انها مقاومة
وعمل شمعة كبيرة طبعا في الحالة دي
الكل هيدخل شراء علي طول بسب الكسر الي حصل
http://www.fx-arabia.com/vb/uploaded/12036_11404585734.png
طيب اللي هيحصل حاجة من اتنين :
اولا السعر يكمل فعلا في الاتجاة الصعودي
او ان السعر يكون شمعة شمعة صاعدة بعد الكسر وبعد كدة يهبط مرة اخري

طيب هبط لية ؟ انا مش عندي اجابة قاطعة علي السؤال دة
ولكن الاغلب ان دي تدخلات من الماركت ميكر لانهم عارفين ان في متداولين كتير
هيدخلو شراء مع اختراق المقاومة او الحد العلوي
انا كنت سمعت في فيديو اجنبي عن ان بعض الاحيان البنوك المركزية او صناع السوق
ممكن انهم يتعمدوا يصنعوا مقاومة وهمية عشان لم يتم كسرها ولو بشمعة واحدة
الكل يدخل شراء علي طول ودي في الحقيقة ما هي الامصيدة
لذلك لدخول مع الاختراق في شروط مهمة لابد من توافرها
طبعا ابو بشار كان ذاكر الحاجات دي في ورشة الدعوم والمقاومات بالتفصيل الممل
لكن دة مش موضعنا الاساسي
Mohamed_tarek
05-07-2014, 09:53 PM
Fade the Breakout



المقصود بالجملة دي انك تتاجر عكس اتجاة Break out
طيب ناخد بالنا من نقطة مهمة جدا وهي ان التجارة عكس البريك اوت تجارة قصيرة المدي short term
بس في البدابة في حاجة مهمة وهي ان زي ما ذكرت

ان الماركت ميكر بيكون عارف كويس قوي ا التجار هيدخلوا في اتجاة الكسر يواء كان الهاي او اللو
http://www.fx-arabia.com/vb/uploaded/12036_11404586523.png
ويمكن دة اللي بيسب مشكلة الكسر الوهمي

لكن مش معني كدة اننا ندخل علي طول في الاتجاة المعاكس للكسر لا طبعا

لان لما بيحصل كسر لمستوي دعم فدة معني ان crowed بتكون بتميل الي الهبوط والي النزول بالاسعار فالترند الهابط يكون هو المسيطر
ولما يحصل كسر لمقاومة فدة معني ان الميل العام بيكون الي الصعود

لكن لابد من التاكيد علي قوة الكسر

طب ازاي نتاجر علي Fake out
Mohamed_tarek
05-07-2014, 09:57 PM
اولا في حال كسر الترند
لما يحصل كسر لترند معين صاعد كان او هابط
في حال كان السكر بعدد كبير من النقاط وبشمعة كبيرة
فيضل في الحالة دي اننا ندخل مع اعادة الاختبار دة لو عايزن ندخل مع اتجاة العام للكسر
او ممكن ندخل في اتجاة معاكسلاتجاة لكسر في حال كان الكسر بذيل شمعة
زي الشارت دة
http://www.fx-arabia.com/vb/uploaded/12036_11404586606.png

زي ما ماضخ ان السعر عمل كسر وهمي بذيل شمعة للترند وهبط مرة اخري
نلاحظ بردوة ان في جاب الي الاعلي فمتوقع ان يقوم السعر بسد الفجوة
Mohamed_tarek
05-07-2014, 10:10 PM
سرعة تحرك السعر او الزخم السعري

يعني لو لاحظنا الكسر تم بقوة وان الاتجاة الكسر كان قوي جدا
في الحالة دي لا نتاجر عكس الكسر لان وقتها ستكون السيولة في اتجاة الكسر بشكل اكبر
http://www.fx-arabia.com/vb/uploaded/12036_11404587020.png

طيب في حال كان لدينا الترند علي سبيل المثال هابط
والسعر اختراق الترند الهابط دة واغلق فعلا بشمعة صاعدة لكن بعد كدة عمل شمعة هابطة
والسعر هبط واغلق داخل الترند مرة اخري
لذلك في هذة الحالة الافضل اننا لو نتاجر مع اتجاة الكسر لان يكون الدخول بعد اغلاق الشمعة الاولي التي تغلق اعلي الترند او اسفل منة
لتاكيد الاختراق او الكسر لم السعر لم يحقق الشرط دة يبقي نتظر ان يعود السعر مرة اخري الي الترند ويغلق اسفل منة او داخلة
وندخل في اتجاة الترند الرئيسي

http://www.fx-arabia.com/vb/uploaded/12036_11404587281.png
Mohamed_tarek
05-07-2014, 10:18 PM
Chart Patterns



النماذج السعرية من اكثر الاشكال التي ينخدع فيها التجار وتحدث بسبها كسر وهمي وبالتالي دخول خطا كثر جدا

لان زي ما ذكرنا اغلب الماركت ميكر بيكون عارفين ان في نموذج فني في طور التكوين

وان التجار الان بيتظروا هذا النموذج من اجل الدخول في الماركت

طب ناخد علي سبل المثال نموذج
الراس والكتفين

نشوف الشارت دة كمثال
السعر عمل نموذج راس وكتفين في نهاية اتجاة هابط ومن المعروف ان النموذج دة عاكس لسعراتجاة فبتالي المتوقع انة بعد ظهورة هذا النموذج ان السعر سيصعد
ولكن اللي حصل ان السعر هبط

طيب لو شوفنا ان بعد الكسر السعر عمل شمعة صاعدة وبعد كدة عمل شمعة هابطى وكون نموذج شهير في البرايس اكشن

وهو Inside Bar فالمفروض اننا نتظر ان يتم اما ان يغلق السعر اعلي هذا النموذج او هاي الانسايد بار لتاكيد علي الصعود
او ندخل بمر معلق بيع اسفل لو النموذج

http://www.babypips.com/images/school/images/grade13/head-and-shoulders-fakeout.png

يتبع ....
ahmedphen0m
06-07-2014, 08:37 PM
روعة روعة روعة

ارفعك القبعة يااستاذي علي هذا الشرح الجميل
متابع بشغف
Mohamed_tarek
06-07-2014, 09:55 PM
روعة روعة روعة

ارفعك القبعة يااستاذي علي هذا الشرح الجميل
متابع بشغف
يا اهلا بيك
اخي الكريم شرفني مرورك العطر
واتمني يكون الموضوع افادك
خالص تحياتي :1 (110):