من 500 دولار إلى 50 ألف دولار فى 50 يوم عمل

[Genie]

هاااااااااااااااااااااااااااااااااااااااااااح

بعد غياب شهر ونصف ها أنا أعود إليكم .. وحشتكم I know I know :1 (72)::1 (72):

مش هانطول عليكم (آل يعنى وراكوا حاجة :1 (83)::1 (83):)

دى مش ورشة تحليلات ولا شرح ولا حتى توصيات .. من الآخر كده .. هنا أنا هانزل الصفقات اللى هادخلها ومش برشح لحد الدخول فيها ولا هى توصية ولا اى حاجة

ده موضوع إختيارى بحت مش إجبار ولا غصب عليك تدخله ولا حتى تتابعه

لما هاكتب مشاركة مش هاقول توصية ولا غيره .. بس هاكتب "أنا دخلت ......." وحضرتك مش مطلوب منك تدخل معايا او حتى تصدقنى:1 (75)::1 (75):

أشمعنى 50 الف .. ؟؟

لإن البداية هاتبقى 500 دولار مع مضاعفة الرصيد كل أسبوع .. يعنى الخطة كالآتى

1- 1000 دولار
2- 2000 دولار
3- 4000 دولار
4- 8000 دولار
5- 16000 دولار (سحب 6000 دولار)
6- 20000 دولار
7- 40000 دولار (سحب 15000 دولار)
8- 50000 دولار

وطبعاً عشان العباقرة اللى فى المنتدى هنا كتير .. واحد هايسألنى بس دول 8 أسابيع يعنى 40 يوم :1 (3)::1 (3):

ممممم سؤال وجيه من إنسااان ..... بيفهم :1 (67)::1 (67):

فى أسبوعين زيادة محطوطين لسببين .. الأول لإعتبار الخسارة لا قدر الله ممكن تحصل فممكن يحصل تعطيل شوية لزوم العكننة والحسد والآر والكلام ده

والسبب التانى عشان يبقى الموضوع كده "500 دولار إلى 50 الف فى 50 يوم" خمسة وخميسة فى وش ولاد ال......................

الخطة أو اللى بيقولوا عليها إستراتيجية .. هى الدخول بعقد "حوالى" الرصيد مضروب فى خمسة وبقول حوالى لان ممكن يزيد حجم العقد شوية أو يقل حسب ظروف السوق وبعدها تكرار العملية مع كل إنعكاس قد يكون كل نقطتين او 3 او 5 برضه على حسب ظروف السوق وقوة الفرصة اللى هادخلها .. كل عقد هادخله أو هاخرج منه هاكتبه هنا

وف الآخر .... "كنت هاكتب حاجة بس هأجلها دلوقت لحد ما يجى وقتها عشان عارف ومتأكد إن وقتها هايجى وعن قريب جداً كمان"

[Genie]

البداية......

دخلت 5 عقود شراء يورو دولار من المناطق التالية

1.3536
1.3533
1.3532
1.3528
1.3522

قيمة العقد 1 دولار للنقطة (ريسك عالى شوية) .. مبدأياً الهدف 1.3565 ممكن يتغير حسب الظروف .. انا متوقع يوصل مبدأياً إلى 1.358 ثم 1.359

[Benisafcom]

بالتوفيق لك
بموت في الرحلات
لكن مفيش انفيستور باس او طريقة للمتابعه
متابع معك الى الامام و الهدف ان شاء الله

[unknown]

موفق ان شاء الله

[unknown]

البداية......

دخلت 5 عقود شراء يورو دولار من المناطق التالية

1.3536
1.3533
1.3532
1.3528
1.3522

قيمة العقد 1 دولار للنقطة (ريسك عالى شوية) .. مبدأياً الهدف 1.3565 ممكن يتغير حسب الظروف .. انا متوقع يوصل مبدأياً إلى 1.358 ثم 1.359

عل يوجد استوب او هيدج فى هذه الطريقة ؟ ام الخروج يكون بناء على اغلاقات الشموع ؟

[Rakan-SG]

أنا مغامر لك بحذر ^_* .... وأحب المغامرين إلا يسعون الى المستحيل :)

===============================

لكن نحنا نحب نستمتع بالرحلة معااك .. نبغى نشوف شارتات و بيانات الصفقات وطريقة العمل

وبالمناسبة اذا ما عندك طريقة عمل تؤمن فيها ... فالرحلة تنتهي قبل ما تبدأ

واتمنا لك التوفيق ومتاابع معااك ..

[t19226]

وقفت الرحله بسرعه :)

[ابو جراح]

بدايتها ب هاااااااااااااااااااااااااااح
شلون ما توقف !

[unknown]

وقفت الرحله بسرعه :)

الرحلة لم تتوقف ... الاخ داخل من مكان كويس جدا
بس اليورو دولار بيتحرك ببطى ... ده صعد 10 نقاط فى 4 ساعات ههههههه

[sheto]

:1 (27):
بالتوفيق يا اخى الكريم
طبعا المكان بتاع اليورو دلوقتى كويس للى بيحب صفقات طويلة
وهوا ممل فعلا فى حركة بس مفيش مشكلة قدام فى ربح :1 (35):

[Rakan-SG]

وقفت الرحله بسرعه :)

بدايتها ب هاااااااااااااااااااااااااااح
شلون ما توقف !


اعطو الرجال فرصة لسع صفقاته ما تنفست ..

المغامرات يبغالها نفس طووويل وقلب ميت ^_^

[Genie]

دخلت شراء جديد من 1.3517 .. تركت الهدف مفتوح

[Genie]

حطيت اوامر شراء معلقة عند 1.3513 و 1.3508

[Genie]

عنده نقطة قوية عند 1.354 لو اخترقها اعتقد هايوصل 1.3575 مبدئياً والله أعلم

[sheto]

عنده نقطة قوية عند 1.354 لو اخترقها اعتقد هايوصل 1.3575 مبدئياً والله أعلم
:1 (27):
ربك كريم وان شاء الله توصل لهدفك
بالتوفيق

[نور الله]

تمام ياجينى متابعة معاك بس لما تدخل صفقة أكتبها فى وقتها عشان اتابع معاك فى حسابي

[goggo]

بالتوفيق لك اخي و ان شاء الله تحقق ما تتمناه لكن عندي شوية استفسارات
انت شغال تبريد لكن الا تعتقد ان اللوت كبير و هل يمكن تقول كم من عقد ستدخله يعني مجموع العقود كم سيكون ?
الظاهر انك معتمد على قوة المستوى لهذا داخل بمخاطرة كبيرة ممكن نعرف كيف تحدد هذه المستويات للدخول ?
اخيرا انت قلت ممكن تحدث خسارة لا قدر الله يعني هل انت محدد كم ستخسر او ان الخسارة ستكون مارجن ابعده الله عنا و عنك

[Genie]

تم دخول عقد ثامن وأخير من عند 1.3498

الهدف مفتوح

الرصيد الآن 414 عند النقطة 1.3514

أول مضاعفة للرصيد ستكون عند النقطة 1.3588 بعد حساب مصاريف التبييت

[Genie]

تم إغلاق 4 عقود عند 1.3525 بربح 41 نقطة

الرصيد الآن 502 عند 1.3525 ومتبقى أربع عقود كل عقد النقطة بــ 1 دولار

مضاعفة الرصيد بعد 125 نقطة أى 1.3650

سيتم الدخول شراء مع بداية الأسبوع القادم

للعلم الأسبوع القادم هو الأسبوع الأول وهذا الأسبوع لا يتم إحتسابه حيث كانت البداية فى أواخر يوم الأربعاء وكنت أنوى الوصول إلى 700 او 800 دولار حتى تكون البداية الأسبوع القادم هادئة ويكون المطلوب تحقيقه لهدف الأسبوع الأول هو 200 او 300 دولار .. لكن مافيش مشكلة الرصيد الآن 502 دولار كأننا هانبدأ من الأول

أجازة سعيدة :)

[Mohamed_tarek]

بالتوفيق وربنا معاك

[ابو جراح]

الف مبروك
عذبك اليورو
كلنا معاك شراء إن شاء الله
بس مو مع بداية الاسبوع القادم
مع بداية الفترة الاوروبية للاسبوع القادم
احتمال تصحيح بسيط مع الافتتاح
بالنوفيق

[Genie]

مع بداية إفتتاح السوق هاضيف أوامر شراء معلقة عند 1.352 و 1.3515 و 1.351

لو تم تفعيل الثلاث عقود ستكون مضاعفة الحساب عند النقطة 1.359

أظن إنها نقطة وارد جداً إن يصلها اليورو ومعانا الأسبوع كله .. أتمنى أن يصلها خلال أول يومين عشان يبقى أمامنا باقى الأسبوع نشنتغل على هدف الأسبوع الثانى

لو فى اى جديد هاكتبه هنا

[Benisafcom]

ان شاء الله يكون اسبوع مبارك و اخضر

[bogy_king]

مع بداية إفتتاح السوق هاضيف أوامر شراء معلقة عند 1.352 و 1.3515 و 1.351

لو تم تفعيل الثلاث عقود ستكون مضاعفة الحساب عند النقطة 1.359

أظن إنها نقطة وارد جداً إن يصلها اليورو ومعانا الأسبوع كله .. أتمنى أن يصلها خلال أول يومين عشان يبقى أمامنا باقى الأسبوع نشنتغل على هدف الأسبوع الثانى

لو فى اى جديد هاكتبه هنا

يارب يبارك فيك ويباركلك

وان شاء الله يكون اسبوع السعد عليك ويكون كالمتوقع في التحليل وفي خطة العمل

تحياتي

[Mr major]

مع بداية إفتتاح السوق هاضيف أوامر شراء معلقة عند 1.352 و 1.3515 و 1.351

لو تم تفعيل الثلاث عقود ستكون مضاعفة الحساب عند النقطة 1.359

أظن إنها نقطة وارد جداً إن يصلها اليورو ومعانا الأسبوع كله .. أتمنى أن يصلها خلال أول يومين عشان يبقى أمامنا باقى الأسبوع نشنتغل على هدف الأسبوع الثانى

لو فى اى جديد هاكتبه هنا



ان شاء الله الايام تكون خضراء ومكسب محقق ان شاء الله


بالتوفيق دائما

[lmonadi]

ليكن في علمك ان الخبراء يتوقعون ان يصل اليورو دولار الى 1.4004 عند نهاية العام

[El Capitanoツ]

السلام عليكم ورحمة الله وبركاته
ارجو المساعدة ارجوكم من لديه الخبرة انا ليسه جديد هنا فى المنتدى وكنت عايز اعرف انا من مشاركتى ازاى استفيد منها يعنى هاخد دولارات ولا بونص وازاى احولها مثلا ولا بعد كده اعمل بيها ايه .. معلش انا اسف ليسه جديد بقى

[sheto]

السلام عليكم ورحمة الله وبركاته
ارجو المساعدة ارجوكم من لديه الخبرة انا ليسه جديد هنا فى المنتدى وكنت عايز اعرف انا من مشاركتى ازاى استفيد منها يعنى هاخد دولارات ولا بونص وازاى احولها مثلا ولا بعد كده اعمل بيها ايه .. معلش انا اسف ليسه جديد بقى
:1 (27):
مين الى قال ان فى دولارات او بونص
جديد الكلام دة اول مرة اسمعه ان المشاركات لية بونص او دولارات
لو حساب جديد فية بونص لاكن المشاركة :1 (86):
والله اعلم

[hassan ebaid]

اعلم بل انا على يقين انك ستفعلها يا جين
كما اكرمك الله من قبل بتحويل 300 دولار الى 28000 دولار
ستفعلها هذه المره ايضا باذن الرحمن

[goggo]

مع بداية إفتتاح السوق هاضيف أوامر شراء معلقة عند 1.352 و 1.3515 و 1.351

لو تم تفعيل الثلاث عقود ستكون مضاعفة الحساب عند النقطة 1.359

أظن إنها نقطة وارد جداً إن يصلها اليورو ومعانا الأسبوع كله .. أتمنى أن يصلها خلال أول يومين عشان يبقى أمامنا باقى الأسبوع نشنتغل على هدف الأسبوع الثانى

لو فى اى جديد هاكتبه هنا
في ناس متابعة و تسالك انت تكتب و تتحدث مع مين رد علينا يا عم
بالتوفيق لك اخي و ان شاء الله تحقق ما تتمناه لكن عندي شوية استفسارات
انت شغال تبريد لكن الا تعتقد ان اللوت كبير و هل يمكن تقول كم من عقد ستدخله يعني مجموع العقود كم سيكون ?
الظاهر انك معتمد على قوة المستوى لهذا داخل بمخاطرة كبيرة ممكن نعرف كيف تحدد هذه المستويات للدخول ?
اخيرا انت قلت ممكن تحدث خسارة لا قدر الله يعني هل انت محدد كم ستخسر او ان الخسارة ستكون مارجن ابعده الله عنا و عنك

[Genie]

خرجت من 4 عقود عند 1.3546

الرصيد الآن 585

أنتظره عند 1.353 للدخول مرة اخرى .. أو الدخول فى دولار ين من الأسعار الحالية بأهداف كبيرة

إذا فيه جديد هاكتبه هنا

[Genie]

دخلت شراء دولار ين من 101.23

هاكرر الدخول كل 2-3 نقاط والأهداف مبدئياً 101.9

الأسطورة تقول إن حظى كويس جداً مع أزواج الين .. ربنا يسهلها إن شاء الله

[Genie]

تركت 3 أوامر معلقة شراء يورو دولار من 1.353 و 1.3528 و 1.3525

العقود كلها 1 دولار للنقطة

الدولار ين سيتم الدخول فى 3 او 4 عقود اخرى فى حالة الانعكاس

[Genie]

تم الدخول شراء يورو دولار من 1.3533 وتم تفعيل الاوامر عند 1.353 و 1.3528 ليكون الإجمالى 3 عقود شراء يورو دولار وواحد شراء دولار ين

[Genie]

أنا عامل جدول أسبوعى ويومى للأهداف .. الجدول الأسبوعى أنا ذكرته فى أول مشاركة

الجدول اليومى للأسبوع الاول هو كالأتى


575 (تم) 661 759 873 1,003

[Genie]

تم تفعيل عقد شراء يورو دولار من 1.3525

الآن 4 يورو وواحد دولار ين

الرصيد الآن عند 1.3527 هو 570 يعنى باقى 22 نقطة تقريباً على تحقيق هدف اليوم التانى اللى هو بكره لو حصل ده إن شاء الله يبقى هانبدأ فى هدف اليوم التالت النهاردة وهو 759

[Genie]

تم تفعيل عقد شراء يورو من 1.352 وفتح عقد أخر بالخطأ شراء من نفس النقطة 1.352 وعقد أخير من 1.3518 .. الإجمالى 7 يورو وواحد ين

[Genie]

عذراً عدد العقود الآن 8 يورو وواحد ين

مضاعفة الحساب لأول مرة عند 1.358 لكن تحقيق هدف اليوم التالت عند 1.3549 إذا تحقق يبقى فى أقل من يوم حققنا أهداف 3 ايام لكن انا مش حاطط لسه اخذ ربح عند 1.3549 وسايب الهدف مفتوح

[goggo]

عذراً عدد العقود الآن 8 يورو وواحد ين

مضاعفة الحساب لأول مرة عند 1.358 لكن تحقيق هدف اليوم التالت عند 1.3549 إذا تحقق يبقى فى أقل من يوم حققنا أهداف 3 ايام لكن انا مش حاطط لسه اخذ ربح عند 1.3549 وسايب الهدف مفتوح
سيبو اليورو صاعدلك الان الى ما فوق 1.3550 انا اشتريت بلوت كبير من 1.3520
ياريت ترد علينا يا اخي بس

[Genie]

خرجت من الدولار ين للتركيز مع اليورو بس مش اكتر

معايا 8 عقود يورو .. مضاعفة الحساب عند 1.358 وتحقيق هدف اليوم التالت عند 1.3549

[sheto]

خرجت من الدولار ين للتركيز مع اليورو بس مش اكتر

معايا 8 عقود يورو .. مضاعفة الحساب عند 1.358 وتحقيق هدف اليوم التالت عند 1.3549
:1 (27):
ان شاء الله الاهداف قريبا
خليك على ثقة بالله

[Genie]

تم تفعيل العقد التاسع عند 1.3515

تحقيق هدف اليوم الثالث عند 1.3545 ومضاعفة الحساب عند 1.3572

الهدف حتى الآن مفتوح

[Genie]

تم إضافة عقد عاشر وأخير عند 1.3505

الرصيد الآن 401

إن شاء الله أخره يكون 1.349 أو 1.3485 وعندها هايكون رصيد الحساب 200 دولار ممكن أغلق على الخسارة أنبدأ من الأول ودى أسوأ الظروف إن شاء الله

[Genie]

حطيت ستوب لوز عند 1.3575 وضربه . قدر الله وما شاء فعل

الرصيد الآن 101 دولار

أنا مش هاكمل الرحلة هنا .. مش عشان الخسارة .. الحمد لله انا قدرت من 230 دولار اوصل 4700 ومن 3000 دولار وصلت 38 الف ولله الحمد

بس مش متفائل هنا وحاسس انى مش هاعمل حاجة هنا لو استمريت


إدراة المنتدى تقدر تقفل الموضوع خلاص ما بقاش له لازمة

بالتوفيق للجميع واللى كنت سبب فى خسارته يسامحنى

[omr]

لا حول ولا قوة الا بالله
اليورو الان 1.3464
خيرها فى غيرها

[bogy_king]

حطيت ستوب لوز عند 1.3575 وضربه . قدر الله وما شاء فعل

الرصيد الآن 101 دولار

أنا مش هاكمل الرحلة هنا .. مش عشان الخسارة .. الحمد لله انا قدرت من 230 دولار اوصل 4700 ومن 3000 دولار وصلت 38 الف ولله الحمد

بس مش متفائل هنا وحاسس انى مش هاعمل حاجة هنا لو استمريت


إدراة المنتدى تقدر تقفل الموضوع خلاص ما بقاش له لازمة

بالتوفيق للجميع واللى كنت سبب فى خسارته يسامحنى

طب انت مافشلتش كما للنهاية وماتيأسش دي حاجة مهمة جدا عمرك ماتيأس وتغلب علي يأسك
ولو في حاجة مش عارفها تقدرس تستفيد كتير من المنتدي من حاجات كتيير وانا اكتر
واهم شئ كتر وكبر العقود دي السبب الاول والرئيسي في دمير الحساب

تحياتي

[bogy_king]

وبعدين توصيات توصيات توصيات كده علي طول من دون تحليل ومن دون تشارت يشرح ويوضح الصفقة

انا عمري ما اعتمد عليه ابدا

لان دا اللي بيميز الاعضاء من بعضها

تحياتي مرة اخري

[amine31]

يا اخي عليك ان تثبت كلامك و ان تجرب مرة اخرى ليس فقط لمجرد خسارتك تنسحب لازم تتاجر و تثبت لنا انك فعلا ربحت من قبل و حولت 230 دولار الى 4700 و 3000 دولار الى 38 الف غير كذا انت مجرد خاسر في هذا السوق و تحب الكلام فقط و عايش في احلام اليقظة

[goggo]

اكبر خطا وقعت فيه هو حسابك فقط للربح و لم تحسب ابدا حساب الخسارة يعني في كل كلامك ستجد انك تقول كم سيكون الربح في نقطة ما و لم تقل ابدا انك عامل ستوب عند نقطة معينة او ستخرج بخسارة محددة و هذا برايي لا يوجد في الفوركس لانه لا مضمون في هذا السوق و حتى اذا ربحت مرة او اثنين سياتي وقت و تخسر فيه كل الربح و ربما راس المال ايضا

[unknown]

شهادة حق احيانا يكون التداول مع نفسك موفق ... وعند عرض التداول فى المنتديات تخسر
ده بيحصل فعلا ... انا لا ادافع عن صاحب الموضوع لان طريقتة لم تعجبنى الصراحة
وواثق من نفسه زيادة عن اللزوم ... بس انا بقول اللى بيحصل فعلا

ربنا يعوض عليك وعلينا جميعا

[ا.محمد خطاب]

طول ما فى خطة موجودة وفى ضبط للنفس والتزام يبقى ان شاء الله مفيش خسارة
بالتوفيق ان شاء الله للجميع

[saykooo]

انا بقا عكس الجميع اللى فهمته من جينى من الموضوع ده والمواضيع الاخرى انه بيتعامل بطريقه مختلفه مع السوق وكل شيخ وله طريقته اللى فهمته بقا ان جينى بدل ما يدخل كل يوم عقد انترداى ب 1 دولار عشان ادارة رأس المال مثلا ويغلق فى نفس اليوم ويكون من منطقه قويه بنسبة 70 % وده معظم المتاجريين بيعملو كده جينى بقا ما بيدخلشى من اماكن كتير بيختار منطقه قويه بنسبه تزيد عن 90 % ويشوف الناس الموثوق فيها بالمنتدى زى الاستاذ نادر والاستاذ معاذ وماريو وغيرهم من الناس الثقه وغيرهم ايضا بالمنتديات الاخرى اتفقو على ان نفس المنطقه هترد السعر او ان هناك خبر قوى جدا جدا والغالبيه متوقعينه بيدخل بلوت عالى جدا عشان يدبلر الحساب وبيبقا اختصر اللى ممكن الناس تعمله فى شهر او شهرين او تلاته وتعب الاعصاب فى صفقه واحده نسبة نجاحها عالى جدا وبالطريقه دى اعتقد انه ممكن يحول مبلغ صغير الى مبلغ ضخم زى ما قال و أكيد بيبقا حاطط فى الحسبان ولو بنسبه بسيطه انه ممكن يمرجن الحساب وبكده برده بيبقا اختصر برده بنفس منطق المكسب السريع ان الخساره بتبقا سريعه يعنى ممكن حد برده بنفس الحساب يستخدم ادارة رأس المال ومعظم الصفقات تبقا خسرانه يتمرجن بعد شهرين تلاته جينى بقا بيختصر فى صفقه واحده وان كان مقسم العقود

توضيح اكثر لنفترض ان معك حساب 500 دولار وهتدخل بادارة رأس مال صارمه وهتدبل الحساب مثلا فى 30 صفقه بشرط ان بشرط ان الصفقات نسبة نجاحها تعدى 90 % اما لو نسبة نجاحها وصلت تحت 50 % هيتمرجن الحساب تمام قصدى بقا ان جينى بيختصر عدد الصفقات اللى هو 30 صفقه فى صفقه واحده الجميع اتفق عليها وبنفس الشرط ان نسبة نجاحها تعدى 90 % اما لو جاءت صفقه ضعيفه غير المتوقع بيتمرجن برده وبكده بيبقا اختصر الوقت

وبيتهيألى يعنى ماحدش فينا كان يختلف ان اليورو بنسبة 90 % كان متوقع له الصعود انا عن نفسى كنت شارى من قبل ما اشوف الموضوع ده

همسه / انا اتكلم عن وجهة نظرى وان كنت لا استخدم نفس الطريقه كلامى ما هو الا وجهة نظر فى الموضوع

بالتوفيق للجميع ان شاء الله