سلسة شروحات بالفيديو لكيفية برمجة و عمل اكسبرتات و مؤشرات بنفسك لتجربة استراتيجياتك

[bebo2014]

سلام عليكم

في البداية انا بعتذر للادارة اذا كان الموضوع ده في القسم الخاطئ لكني زي ما انت شايف عضو جديد و لسة مسجل في المنتدي.

انا سبق ليا و قدمت شروحات و عملت كورسات عن البرمجة لكن الكلام ده كان من حوالي سنة و نص او اتنين و بعد كده سافرت و انشغلت عن الفوركس كله بما فيه البرمجة ولكني رجعت دلوقت الحمد لله.

للاسف لقيت ان تقريبا كل شروحاتي الي اتعملت قبل كده مش نفس الموجود حاليا في لغة البرمجة و لما قريت عن الموضوع عرفت ان mql4 نزلت اكتر من update و ان في حاجات تانية كتير زيادة عن الي كنت منولها في الشروحات تستحق الذكر.

------------------------------

انا دلوقت سؤالي للادارة و للاعضاء الكرام. انا علي استعداد اقدم سلسة شروحات و كلها بالفيديو كالتالي :

1) كيفية عمل اكسبرت او مؤشر بنفسك من الالف للياء لتجربة استراتيجياتك
2) عمل كورس للمبتدئين في الفوركس و كله بالفيديو هو كمان
3) مناقشة بعض الاستراتيجيات و المؤشرات و الاكسبرتات الي تم تجربتها من الاعضاء و لاقت نجاح و ايضا شاملة شرح بالفيديو

كمان علي استعداد اني اعمل كورسات بشكل مباشر و حي مع الاعضاء عن البرمجة او للمبتدئين في الفوركس و كله مجانا

لكن قبل ما ابدا في عمل كل ده يا تري هل الاعضاء مهتمين بشئ زي كده ولا ده هيكون مجرد مضيعة لوقتي ووقتهم ؟

--------------------------

يرجي العلم اني لا انوي الاعلان عن اي شئ نهائيا او بيع اي شئ للاعضاء بفلوس لاني هعمل الشروحات بالفيديو او الكورسات او الاتنين مع بعض مجانا بدون مقابل فلو فيه اي مشكلة في كلامي ده او اي نوع من انواع المخالفات لقوانين المنتدي يا ريت اعرف.

------------------------

منتظر رد الاعضاء و الادارة الكرام للبدأ في الموضوع او لصرف النظر عنه

[Ehab1511]

اشكرك على تقديم الخير - جعله الله فى ميزان حسناتك

[bebo2014]

اشكرك على تقديم الخير - جعله الله فى ميزان حسناتك

شكرا ليك اخي الكريم لكن هل ده معناه ان حضرتك هتكون مهتم بحاجة زي كده لو تم تقديمها ؟

[Mohamed_Amr]

ياريت اخى تعمل كورس كامل لكيفيه صنع المؤشرات
وكل عام وحضرتك بخير
خالص تحياتى

[Ehab1511]

شكرا ليك اخي الكريم لكن هل ده معناه ان حضرتك هتكون مهتم بحاجة زي كده لو تم تقديمها ؟

أكيد هكون اول المتابعين

[bebo2014]

تسلمو للردود

خلاص انا باذن الله هبدا في تسجيل السلسلة من النهارده الفجر

اعتقد اني هبدا بتسجيل ملفين فيديو

واحد بيتكلم عن الفوركس بشكل عام و تعريف عنه و عن كيفية العمل اونلاين بشكل عام

وفيديو اخر نبدا بيه سلسلة شروحات البرمجة باذن الله و يكون شامل لبعض المفاهيم الاساسية

[simo198900]

شكراً لك أخي .من زمان وأنا مستني هده لفرصة

[Qadri]

فى انتظارك اخى الكريم ومتابع بشغف ان شاء الله

[bebo2014]

في البداية متاسف علي التاخير. حاولت اني اسجل الفيديو اكتر من مرة اثناء اليوم لكن دايما بيكون في دوشة حوليا و كلاكسات و حوادث ملهاش حصر هههههه

ده اول فيديو في سلسلة شرح البرمجة ان شاء الله و هو معمول كنوع من انواع التجربة بس لجودة الصوت و الصورة لاني هكون منتظر الردود من حضراتكم لاي مقترحات او شكاوي.

انا ما رضتي ادخل في اي تفاصيل مهمة عن البرمجة الا لما اشوف الردود بالنسبة للجودة و عشان كده يا دوب بس حاولت اوصح شوية فروقات بسيطة بين النسخة القديمة و الجديدة لل Mql4 و بعض ال Key Board Shprtcuts و خلافه

يمكن الحاجة الوحيدة الي شرحتها و تعتبر من اساسيات البرمجة هو ازاي نفتح ملف جديد و ايه هو ال property و ازاي نغيره و يظهر فين. كمان اتكلمنا عن بداية و نهاية ال function بشكل مختصر جدا.

انا الصراحة مش عارف ازاي الفيديو طلع 40 دقيقة وانا بتكلم عن مجرد اساسيات بس و برضح الفروقات بين النسخ. انا بعتذر عن التطويل الغير مقصود و ان شاء الله اخد بالي في القادم.

ان شاء الله طبعا الفيديوهات القادمة نبدا بقي ندخل في التقيل شوية و نتكلم عن تفاصيل اكتر في البرمجة لكن انا المهم عندي بعد اذنكم هو التعليق علي الجودة و لو في اي مقترحات او شكاوي بالنسبة لطريقة التقيدم عشان نطبها في ما هو قادم.

انا ناوي اسيب بين يومين و تلاتة بين كل فيديو و التاني عشان ندي فرصة للاعضاء الكرام يشوفوا الفيديو و يفهموا و يجربوا بنفسهم و يكتبوا اي استفسارات او مقترحات.



- YouTube (https://www.youtube.com/watch?v=_ZKT3zAvHiY)




سؤال اخير بس للادارة و هو : هل اعمل موضوع جديد و نبدا نحط فيه الفيديوهات ولا اعمل ايه ؟

[bebo2014]

انا بعتذر لاني عارف ان الفيديو الاولاني اكن مش علي اد التوقعات و لم يشمل الكثير من المعلومات عن البرمجة نفسها لكن كما سبق و ذكرت كان الهدف منه اني اختبر جودة الصوت و الصورة و اساعد البعض كمان طلبوا في فهم بعض الفورقات السهلة و البسيطة بين النسخ القديمة و الجديدة من الميتاتريدر و ازاي يشغلوا القدم علي الجديد.

باذن الله هبدا دلوقت لتجهيز البداية الحقيقة لشرح البرمجة و هنعمل فيديو عن البدايات و هيشمل :

1) شرح مرة تانية لل Property

2) لما بتكتب اي كود مهما كان ازاي بيتم قرائته ازاي بيتم التسلسل بين الخظوات

3) هنعمل مع بعض كود بسيط جدا مسئول عن عمل حسابات بسيطة و عرضها علي الشارت في صورة Comment

4) ازاي تعمل Function ازاي تستدعي ال Function ده في الكود بتاعك.

5) ازاي تخلي Function تستعدي Funtion تانية و ترسل معاها معطيات محتاجينها

6) الاداة الجميلة جدا و الي هتسهل علينا كتير في فهم الكود و معرفة الخطأ فيه Debugger

------------------------

بعد اذن الادارة الكريمة انا هعتبر ان ده البداية الحقيقية و كمان انا ناوي نقسم الكورسات لفصول علي حسب المستويات عشان كده انا باذن الله هعمل موضوع جديد و نسميه الفصل الاول و لما نخلص اعمل واحد تاني و نسميه الفصل التاني و هكذا و باذن الله لما نخلص كل حاجة نبقي نلمهم في موضوع واحد.

الموضوع الرئيسي الي انا عملته و الي الرد ده فيه دلوقت كان كل الغرض منه هو معرفة ما اذا كان الاعضاء الكرام مهتمين اصلا يعرفوا برمجة ال MQL4 ولا لأ مش اكتر.

[simo198900]

إيه الروعة ده يا عم برافو على الشرح الرائع و كل سنة وأنت طيب

[Mohamed_Amr]

انا بعتذر لاني عارف ان الفيديو الاولاني اكن مش علي اد التوقعات و لم يشمل الكثير من المعلومات عن البرمجة نفسها لكن كما سبق و ذكرت كان الهدف منه اني اختبر جودة الصوت و الصورة و اساعد البعض كمان طلبوا في فهم بعض الفورقات السهلة و البسيطة بين النسخ القديمة و الجديدة من الميتاتريدر و ازاي يشغلوا القدم علي الجديد.

باذن الله هبدا دلوقت لتجهيز البداية الحقيقة لشرح البرمجة و هنعمل فيديو عن البدايات و هيشمل :

1) شرح مرة تانية لل Property

2) لما بتكتب اي كود مهما كان ازاي بيتم قرائته ازاي بيتم التسلسل بين الخظوات

3) هنعمل مع بعض كود بسيط جدا مسئول عن عمل حسابات بسيطة و عرضها علي الشارت في صورة Comment

4) ازاي تعمل Function ازاي تستدعي ال Function ده في الكود بتاعك.

5) ازاي تخلي Function تستعدي Funtion تانية و ترسل معاها معطيات محتاجينها

6) الاداة الجميلة جدا و الي هتسهل علينا كتير في فهم الكود و معرفة الخطأ فيه Debugger

------------------------

بعد اذن الادارة الكريمة انا هعتبر ان ده البداية الحقيقية و كمان انا ناوي نقسم الكورسات لفصول علي حسب المستويات عشان كده انا باذن الله هعمل موضوع جديد و نسميه الفصل الاول و لما نخلص اعمل واحد تاني و نسميه الفصل التاني و هكذا و باذن الله لما نخلص كل حاجة نبقي نلمهم في موضوع واحد.

الموضوع الرئيسي الي انا عملته و الي الرد ده فيه دلوقت كان كل الغرض منه هو معرفة ما اذا كان الاعضاء الكرام مهتمين اصلا يعرفوا برمجة ال MQL4 ولا لأ مش اكتر.


فى الانتظار اخى الفاضل
وكل عام وانت بخير

[Qadri]

جارى التحميل وفى انتظار المزيد
بالتوفيق ان شاء الله

[bebo2014]

فى الانتظار اخى الفاضل
وكل عام وانت بخير

جارى التحميل وفى انتظار المزيد
بالتوفيق ان شاء الله

تم الانتهاء من الفيديو التاني يا غالي و الي يعتبر البداية الحقيقة للكورس بتاعنا و عشان كده انا عملت بيه موضوع جديد. تفضل اخي الكريم

كورس تعليمي بالفيديو للغة البرمجة MQL4. الفصل الاول : مبادي و مفاهيم و اساسيات (http://www.fx-arabia.com/vb/showthread.php?t=40825)