مشاهدة النسخة كاملة : Basket Trading System ALY YOUSEEF
على يوسف
30-09-2014, 08:36 AM
Basket Trading System ALY YOUSEEF
موضوع بحثى عن سلة العملات ...وماهى العلاقات بين تلك العملات
وكيفية صنع استراتيجية من خلال فهم حركة أزواج العملات مقارنة ببعضها
وبالتوفيق للجميع ان شاء الله
على يوسف
30-09-2014, 11:19 AM
نظام سلة العملات ...وهو نظام معقد للغاية ..ويتم استخدامه لدى البنوك
والصناديق الأستثمارية والمحافظ الكبرى ...
أخونا التاجر الفلبينى Julius figueroa كان بيكتب فى منتدى فوركس فاكتورى تحت اسم
التاجر 101 ...وعمل تلك الأستراتيجية فى عام 2008 ...
وأسماها Basket Trading System
وكان عمنا جوليوس يتداول بطريقة المتاجرة على 14 زوج من العملات المختلفة
المحروم
30-09-2014, 11:56 AM
أخي علي يوسف مواضيعك كلها مميزه ورائعه لأيك لحضرتك وتسجيل متابعه
michael thabet
30-09-2014, 12:06 PM
من يتعلم الربط بين الازواج
يكسب دهب
موضوع جميل
على يوسف
30-09-2014, 12:13 PM
طيب ماهم ال 14 زوج اللى اختارهم عمنا جوليوس فى نظام سلة عملاته
تعالوا نشوف ال 14 زوج ...
1/ الباوند دولار
2/ الباوند ين
3/ الباوند فرنك
4/ يورو دولار
5/ يورو ين
6/ يورو فرنك
7/ يورو باوند
8/ نيوزلندى دولار
9/ نيوزلندى ين
10/ فرنك ين
11 / استرالى ين
12/ دولار ين
13/ دولار فرنك
14/ استرالى دولار
على يوسف
30-09-2014, 12:15 PM
أخي علي يوسف مواضيعك كلها مميزه ورائعه لأيك لحضرتك وتسجيل متابعه
من يتعلم الربط بين الازواج
يكسب دهب
موضوع جميل
شكرا جزيلا ..ربنا يكرم الجميع من فضله ان شاء الله
تقبلوا تحياتى العطرة اصدقائى
على يوسف
30-09-2014, 12:21 PM
طبعا عمنا جوليوس اختار هذه الأزواج بعناية شديدة ..وذلك بعد دراسة حركة كل زوج
ومدى تفاعله مع الأزواج الأخرى ....
وطبعا هذا النظام لا يوجد فيه مايسمى ايقاف الخسارة وانما يكون اعتمادك فى الحقيقة
على أن يكون إجمالى النقاط بالموجب عن طريق العلاقات مابين العملات المختلفة
ثم يتم إغلاق المراكز الخاسرة والرابحة بمعدل نقاط موجب كبير للغاية
لذا هذه الطريقة لا تحتملها المحافظ الصغيرة ..بل هى مخصصة للمحافظ الكبيرة
وللصناديق الاستثمارية والبنوك
م.محمد عبد القوى
30-09-2014, 12:51 PM
متابع معك ياباشا
بالتوفيق ان شاء الله
amroalmoghane
30-09-2014, 01:10 PM
متابع معك
sharkas14
30-09-2014, 01:12 PM
تسجيل متابعة بالتوفيق ان شاء الله
على يوسف
30-09-2014, 02:24 PM
متابع معك ياباشا
بالتوفيق ان شاء الله
متابع معك
تسجيل متابعة بالتوفيق ان شاء الله
شكرا جزيلا ..وأهلا بكم أصدقائى واساتذتى ...فى هذا الموضوع المتواضع
تقبلوا جميعا تحياتى العطرة لكم
على يوسف
30-09-2014, 02:27 PM
فى الحقيقة اننا عندما أخترنا سلة العملات الخاصة بنا وجدنا انها مكونة من 12 زوج
1/ باوند فرنك
2/ دولار فرنك
3/ فرنك ين
4/ يورو ين
5/ يورو نيوزلندى
6/ استرالى نيوزلندى
7/ نيوزلندى ين
8/ استرالى ين
9/ نيوزلندى دولار
10/ استرالى دولار
11/ باوند نيوزلندى
12/ باوند استرالى
على يوسف
30-09-2014, 02:32 PM
وال 12 زوج تم اختيارهم على أساس ان بعض الازواج تسير مع بعضها
والبعض الآخر يسير عكس بعضه ...وإن دققت النظر ياصديقى اللورد ستجد
بالفعل تلك العلاقات المتشابكة مابين تلك العملات ..
فإذا مااخطأت واشتريت النيوزلندى دولار وعكس السعر عليك
فيمكنك تصحيح ذلك بشراء الباوند نيوزلندى
وإذا مااشتريت الدولار فرنك ووجدت انك ستربح فلماذا لا تفتح عقدا
آخر شراءا على الباوند فرنك
وهكذا هذه هى الفكرة الأساسية لموضوع سلة العملات ياصديقى اللورد
prince borsa
30-09-2014, 03:41 PM
متابع معاك يا استاذ علي
كان نفسي اتعلم الطريقه دي من زمان وها هي الفرصه
:)
forexone
30-09-2014, 03:55 PM
متابع معك ياباشا
حسام العقيدي
30-09-2014, 04:14 PM
متابع معاك يا لورد
بالتوفيق
shady hamza
30-09-2014, 06:38 PM
متابع معاك
انا احب الطرق دى
وعملت بو مارك للموضوع
متابعة
على يوسف
30-09-2014, 07:24 PM
متابع معاك يا استاذ علي
كان نفسي اتعلم الطريقه دي من زمان وها هي الفرصه
:)
متابع معاك يا لورد
بالتوفيق
متابع معك ياباشا
متابع معاك
انا احب الطرق دى
وعملت بو مارك للموضوع
متابعة
شكرا جزيلا ...ربنا يكرم الجميع من فضله ان شاء الله
تقبلوا جميعا تحياتى العطرة
على يوسف
30-09-2014, 07:25 PM
نبتدى على بركة الله ...وعاوزك تركز معايا ياصديقى اللورد
لأن هذا الكلام فى منتهى الخطورة ....
moussa4ex
30-09-2014, 07:34 PM
شكرا مقدما على الموضوع ومشاركة العلم
***متابع معاك***
على يوسف
30-09-2014, 07:34 PM
كلنا عارفين ال باوند دولار GBP / USD
ناس تقول عليه الكيبل ..ناس تقول عليه الأسترلينى دولار ...سميه كما تشاء
طيب ايه حكايته ...
الحكاية ببساطة شديدة ان هذا الزوج هو حاصل تلك المعادلات ..
كل معادلة من تلك المعادلات تحصل فيها على الباوند دولار
إذا قمت بقسمة الباوند ين / الدولار ين = الباوند دولار
يعنى مثلا لو كان الباوند ين 177.00 / الدولار ين 109.00 = 1.6238
أى ان قيمة الباوند دولار هى 1.6238 عندما تكون المعطيات
باوند ين ب 177.00 والدولار ين ب 109.00
على يوسف
30-09-2014, 07:41 PM
طبعا المعادلة السابقة كان هناك ثلاثة أطراف
طرف الناتج ....اللى هو هنا الباوند دولار
طرف قاسم ...اللى هو الباوند ين ...بيكون هنا فى البسط
طرف مقسوم عليه ...اللى هو هنا الدولار ين ...بيكون فى المقام
تمام كدة ...
اتفضل القاعدة الاولى
المقسوم عليه * الناتج = القاسم
بمعنى ايه سعادتك إن ضربت الدولار ين * الباوند دولار ..هايطلع لسعادتك سعر الباوند ين
تطبيق عملى 109.00 * 1.6238 = 177.00
هتقولى هى مطلعتش 177.00 بالضبط ليه
..اقول لسعادتك علشان لم نأخذ كل الكسور
التى كانت فى الباوند دولار لذا فرقت نصف نقطة تقريبا ...
على يوسف
30-09-2014, 07:49 PM
القاعدة الثانية ..القاسم / الناتج = المقسوم عليه
فى المثال الأول مين اللى كان القاسم ...الباوند ين
والناتج كان الباوند دولار
يبقى الباوند ين / الباوند دولار = الدولار ين
يعنى لما تقسم ال 177.00 / 1.6238 = 109.00 وهو سعر الدولار ين
على يوسف
30-09-2014, 08:06 PM
نعود للمعادلة الأولى ..
إذا قمت بقسمة الباوند ين / الدولار ين = الباوند دولار
يعنى مثلا لو كان الباوند ين 177.00 / الدولار ين 109.00 = 1.6238
أى ان قيمة الباوند دولار هى 1.6238 عندما تكون المعطيات
باوند ين ب 177.00 والدولار ين ب 109.00
============================
ديه كانت المعادلة الرئيسية ياصديقى اللورد
ومن خلال تلك المعادلة لديك ثلاثة أزوج
الباوند ين الدولار ين الباوند دولار
من خلال نظرة سعادتك على زوجين هاتعرف الزوج الثالث
بمعنى ايه الكلام ده ..
سعادتك لديك 9 احتمالات للزوجين الباوند ين والدولار ين
الأحتمال الأول - ثبات الباوند ين وثبات الدولار ين
الأحتمال الثانى - ثبات الباوند ين وصعود الدولار ين
الأحتمال الثالث - ثبات الباوند ين وهبوط الدولار ين
============================
الأحتمال الرابع - هبوط الباوند ين وثبات الدولار ين
الأحتمال الخامس - هبوط الباوند ين وهبوط الدولار ين
الاحتمال السادس - هبوط الباوند ين و صعود الدولار ين
===============================
الأحتمال السابع - صعود الباوند ين وثبات الدولار ين
الأحتمال الثامن - صعود الباوند ين وهبوط الدولار ين
الاحتمال التاسع - صعود الباوند ين وصعود الدولار ين
على يوسف
30-09-2014, 08:16 PM
طبعا ستكون مهمتك فى التحليل منقسمة الى جزأين
الجزء الأول - معرفة الإحتمال الأرجح
الجزء الثانى - معرفة مدى قوة زوج العملة
يعنى ايه الكلام ده
سعادتك قمت بالتحليل فوجدت أن زوجى الباوند ين والدولار ين صاعدين
الباوند ين صاعد .....................والدولار ين صاعد
ماينفعش تعرف انهم صاعدين فقط وتتاجر على الباوند دولار ...ليه هذا الكلام
لأن قوة الصعود هتفرق مع سعادتك فى معادلة الباوند دولار
نشوف أمثلة لذلك ...سعادتك قمت بالتحليل
ووجدت ان الباوند ين سيذهب الى ال 182.00
بينما الدولار ين سيكون حينئذ ب 110.00
يبقى كدة سعادتك وكأنك بتتوقع ان يصل الباوند دولار لمستوى ال 1.6545
لأن حاصل قسمة 182.00 / 110.00 = 1.6545
نستنتج من هذا ايه ....انه فى حالة الصعود القوى للباوند دولار
مع الصعود البسيط او الثبات للدولار ين
يكون هذا لصالح الباوند دولار وصعوده
على يوسف
30-09-2014, 08:23 PM
طيب سعادتك تتوقع تصحيح قوى للباوند ين ..انه مثلا سيذهب ل 173.00
مع تصحيح بسيط للدولار ين عند ال 108.00
ده معناه ان الباوند دولار هايهبط ل 1.6018
لأن 173.00 / 108.00 = 1.6018
وهذا يعرفنا ان فى حالة توقع التصحيح القوى للباوند ين
وثبات او ضعف الهبوط فى الدولار ين
هذا يؤدى الى هبوط للباوند دولار
طبعا هناك ناس فى شركات لا يوجد فيها خاصية الهيدج
..انك تعمل صفقة معاكسة لصفقتك
فى الحالة ديه هايدخل صاحبنا ده يبيع وفقا لتلك المعادلات للباوند دولار
المحروم
30-09-2014, 08:23 PM
علي أنا دخت المهم انا لسه متابع معاك لأشوف حنستفيد من الموضوع ده أزاي متابع للاخر متابع للأخر :confused:
على يوسف
30-09-2014, 08:31 PM
وهانبقى نشرح ال 9 حالات بالتفصيل الممل ...ان شاء الله
طيب قمت سعادتك بوضع احتمالاتك عن سعر الباوند دولار ووجدت انه من المفترض
ان يذهب ال 1.6238 حيث سيكون الباوند ين ب 177.00 و الدولار ين ب 109.00
هنا هاقول لك ياصديقى اللورد أن هناك معادلات أخرى للحصول على الباوند دولار
وتلك المعادلات هى ..
الباوند فرنك / الدولار فرنك = الباوند دولار
الباوند كندى / الدولار كندى = الباوند دولار
فماهى توقعاتك لأسعار تلك الأزواج وهل تأتى نتيجة التوقعات ب 1.6238
على يوسف
30-09-2014, 08:35 PM
وهكذا ياصديقى ستجد نفسك فى شبكة عملات تحلل العديد منها لتحصل
على نتيجة تكون على قدر من اليقين ...
فاصل ونكمل ان شاء الله ...
على يوسف
30-09-2014, 08:38 PM
علي أنا دخت المهم انا لسه متابع معاك لأشوف حنستفيد من الموضوع ده أزاي متابع للاخر متابع للأخر :confused:
الموضوع ده لازم تتابعه ياصديقى الغالى ..مش علشان العبد لله اللى كاتبه
ولكن لأنه من أهم موضوعات الفوركس على الإطلاق
وأعتذر لك ان كان هناك صعوبة فى العرض
تقبل تحياتى العطرة صديقى اللورد
على يوسف
30-09-2014, 09:29 PM
خلينا نكمل الحدوتة ...تعالوا نشوف
على يوسف
30-09-2014, 09:41 PM
طبعا من ضمن المعادلات التى تحصل من خلالها على الباوند دولار
هى معادلة توأم الفرنك ...الدولار فرنك والباوند فرنك
وقد قلنا ان سعر الباوند فرنك / سعر الدولار فرنك = الباوند دولار
كلام جميل
ركز معايا شوية ياصديقى اللورد
اذا قلت لك ان الدولار فرنك والباوند فرنك يسيران عكس اليورو دولار
وأن اليورو دولار ترند هابط ...ماذا ستستفاد
اقول لسعادتك ...كدة ياصديقى اللورد انت عرفت بطريقة غير مباشرة
أن الدولار فرنك والباوند فرنك صاعدين ...تمام
السؤال الذى يطرح نفسه لديك ...هو مدى قوة كل منهما
يعنى لو قلت لسعادتك ان الباوند فرنك يذهب ل 155.50
والدولار فرنك الى 96.00 يبقى ستعرف من خلال ذلك على سعر الباوند دولار
155.50 / 96.00 = 1.6197
لأن المعادلة هى الباوند فرنك / الدولار فرنك = الباوند دولار
وكأننى من خلال معرفتى باتجاه اليورو دولار استطعت أن اعمل على الدولار فرنك
والباوند فرنك والباوند دولار ...
وهكذا من خلال علاقات ازواج العملات المختلفة بعضها ببعض
تستطيع ان تقوم بعمل استراتيجية خاصة بك وأن تقلل خسائرك
على يوسف
30-09-2014, 09:52 PM
هتستفاد من معادلات ازواج العملات شيئا آخر وهو توقع الإنهيار
بمعنى ايه الكلام ده ...الإنهيار كيف سيحدث
يحدث عندما تصعد بقوة أزواج المقام ( المقسوم عليها )
وتهبط بقوة أزواج البسط ( القاسمة )
يعنى ازواج الدولار ين والدولار كندى والدولار فرنك تصعد بقوة مع
هبوط ازواج الباوند ين والباوند كندى والباوند فرنك
المهم ان تكون قوة ازواج المقام أقوى من ازواج البسط لكى ينهار الباوند دولار
على يوسف
30-09-2014, 10:06 PM
تمام ..يبقى لابد ايضا لى كى أعمل بهذه الطريقة أن أقوم بقياس قوة الترند لزوج العملة
يعنى مثلا فى تلك الحالة لابد ان اعرف مدى قوة الترند الهابط لزوج اليورو دولار
وهل اقترب من التصحيح أم لا ...
لأنه اذا أقترب من التصحيح فلابد من اغلاق المراكز الخاصة
بالشراء على الدولار فرنك لأنه أكثر حساسية لصعود وهبوط اليورو دولار ...
ثم يأتى بعد ذلك الباوند فرنك استجابة لحركة أخوه الدولار فرنك
كل هذا سيؤثر بطبيعة الحال على الباوند دولار لأنك فى هذه الحالة يجب ان تعرف
من سيكون الأقوى فى الهبوط هل الباوند فرنك أم الدولار فرنك
لأنه اذا كانت نسبة الهبوط واحدة او شبه واحدة فإن تأثير ذلك على الباوند دولار لا يوجد
او تأثير ضعيف للغاية ..
أما اذا كانت زوج العملة القاسم ( الباوند فرنك ) أشد هبوطا من زوج الدولار فرنك
تكون النتيجة الهبوط للباوند دولار
كأن يكون الباوند فرنك ب 153.00 والدولار فرنك ب 95.00
فيهبط الباوند دولار ل 1.6105
وذلك لأن 153.00 / 95.00 = 1.6105
Akrameladl
01-10-2014, 12:59 AM
متابع معاك ياباشا
بالتوفيق دائما ان شاء الله
kabaka2006
01-10-2014, 05:47 AM
رغم انى بدأت اتلخبط شوية بس اقسم بالله والله العظيم والله كمان مرة انت برنس ولو مش مصدق احلفلك
انا هكتب الكلام دة علشان متلخبطش وياريت الناس تكتبه لان الكلام دة مهم جدا
معلش ممكن طلب ؟ ممكن بعد اذنك بعد ما تخلص الموضوع كله تعمله فى ملف pdf زى كتاب كدة وتديى امثله بالصور
ربنا يكرمك ويكرمنا جميعا
غريب محمد
01-10-2014, 11:45 AM
بسم الله ماشاء الله عليك
طيب بعد اذنكك كنت عاوز اعرف اليورو استرالي المعادلة بتاعته ايه او الازواج المشتركة معاه
ا.محمد خطاب
01-10-2014, 12:46 PM
موضوع متميز من عضو متميز
بارك الله فيك ونفع بك
م.محمد عبد القوى
01-10-2014, 01:15 PM
متابعين معاك ياصديقى اللورد هذا الموضوع الرائع
على يوسف
02-10-2014, 10:07 AM
متابع معاك ياباشا
بالتوفيق دائما ان شاء الله
رغم انى بدأت اتلخبط شوية بس اقسم بالله والله العظيم والله كمان مرة انت برنس ولو مش مصدق احلفلك
انا هكتب الكلام دة علشان متلخبطش وياريت الناس تكتبه لان الكلام دة مهم جدا
معلش ممكن طلب ؟ ممكن بعد اذنك بعد ما تخلص الموضوع كله تعمله فى ملف pdf زى كتاب كدة وتديى امثله بالصور
ربنا يكرمك ويكرمنا جميعا
بسم الله ماشاء الله عليك
طيب بعد اذنكك كنت عاوز اعرف اليورو استرالي المعادلة بتاعته ايه او الازواج المشتركة معاه
موضوع متميز من عضو متميز
بارك الله فيك ونفع بك
تسجيل متابعة بالتوفيق
متابعين معاك ياصديقى اللورد هذا الموضوع الرائع
شكرا جزيلا اصدقائى واساتذتى ....وان شاء الله سيكون هناك ملف
او كتاب بى دى اف عن الموضوع ...عندما نكمل جزءا كبيرا فيه
ربنا يكرم الجميع من فضله ان شاء الله ..تقبلوا جميعا تحياتى العطرة لكم
على يوسف
02-10-2014, 10:08 AM
تعالوا نكمل الحديث عن سلة العملات
على يوسف
02-10-2014, 10:14 AM
إذا لعلنا اتفقنا ياصديقى اللورد ان الطرق الثلاث للحصول على سعر الباوند دولار هى
الباوند ين / الدولار ين = الباوند دولار
الباوند فرنك / الدولار فرنك = الباوند دولار
الباوند كندى / الدولار كندى = الباوند دولار
ومن هنا يتضح لنا ياصديقى اللورد شيئا فى غاية الاهمية
أن أزواج العملات التى تشترك فى معادلات الباوند دولار هى 6 أزواج
1/ الدولار ين 2/ الباوند ين 3/ الدولار فرنك
4/ الباوند فرنك 5/ الدولار كندى 6/ الباوند كندى
حلو الكلام ....نركز شوية
على يوسف
02-10-2014, 10:20 AM
ملحوظة مهمة
فى البداية يجب أن تعرف ياصديقى اللورد النبيل أن علاقات أزواج العملات هى علاقات
ليست دائمة كما انها لا تكون بذات النسب على مدى الفترات الزمنية المختلفة
بمعنى اذا كانت علاقة زوج عملة بآخر كانت بنسبة 92 % خلال 100 يوما فقد تجدها
فى آخر 10 أيام نسبتها لا تتجاوز ال 85 %
* كما انه يفضل ان تكون العلاقة بين أزواج العملات
سواء كانت علاقة عكسية او علاقة طردية
يعنى ماشية معاها ...ان تكون تلك النسبة فوق ال 80 % حتى تهتم بها
طبعا بتكون النسبة بالسالب فى العلاقة العكسية أى -80 %
نقطة ومن أول السطر
على يوسف
02-10-2014, 10:46 AM
طيب هنحتاج رموز العملات المختلفة علشان الناس تعرفها جيدا
الدولار الأمريكى USD
اليورو الأوربى EUR
الين اليابانى JPY
الجنيه الأسترلينى GBP
الفرنك السويسرى CHF
الدولار كندى CAD
الدولار نيوزلندى NZD
الدولار السنغافورى SGD
دولار هونج كونج HKD
الكرونا الدنماركية DKK
الكرونا النرويجية NOK
الكرونا السويدية SEK
الكرونا التشيكى CZK
الروبل الروسى RUB
الليرة التركية TRY
بيزو مكسيكى MXN
بيزو كولومبى COM
بيزو شيلى CLP
الرينجيت الماليزى MYR
راند جنوب افريقيا ZAR
الروبية الهندية INR
بات تايلاندى THB
على يوسف
02-10-2014, 10:51 AM
قلنا مسبقا ياصديقى اللورد ..
أن أزواج العملات التى تشترك فى معادلات الباوند دولار هى 6 أزواج
1/ الدولار ين 2/ الباوند ين 3/ الدولار فرنك
4/ الباوند فرنك 5/ الدولار كندى 6/ الباوند كندى
تمام ...تعالوا نتناول واحد واحد منهم ونشوف ماهى علاقاته
مع أزواج العملات الأخرى ...لأن دون شك ان هذا سيصب
لمصلحة التحليل ..وسيعطينا رؤية أفضل
نبتدى ب الدولار/ ين
على يوسف
02-10-2014, 11:02 AM
الدولار ين يسير مع الدولار سنغافورى USD/SGD فى علاقة طردية رائعة وقوية
يصعدان معا ويهبطان معا ....
ثم ستجد علاقة طردية أخرى للدولار ين ولكنها أقل قوة مع الدولار فرنك USD/CHF
=========================
ثم ستجد الدولار ين فى علاقات عكسية مع أزواج الأسترالى خصوصا
الأسترالى كندى AUD/CAD و الأسترالى دولار AUD/USD
وهى علاقات نسبة قوتها مرتفعة فى كثير من الأحيان تكون فوق ال 90 %
يعنى اذا ماصعد الدولار ين ...
وجدت الأسترالى كندى والأسترالى دولار يهبطان والعكس صحيح
على يوسف
02-10-2014, 11:09 AM
وهكذا ياسادة ياكرام ..جئت لأحلل الباوند دولار فوجدتنى من خلال معادلات الحصول عليه
أذهب لتحليل العديد من العملات ..الدولار ين ...الباوند ين
الدولار كندى ...الباوند كندى ...الدولار فرنك ...الباوند فرنك
وعندما قلت أنظر على الدولار ين لأحلله وأرى تأثيره على الباوند دولار
وجدتنى أحلل الأسترالى كندى والأسترالى دولار
بل وذهبت لسنغافورة أحلل عملتها هى الأخرى !!!!
ماهذه الشبكة المعقدة من العملات ..وكيف استفاد منها ؟؟
فى الحلقة القادمة نغوص أكثر وأكثر فى تلك المنظومة
وأعتذر ان كان المحتوى يزداد صعوبة وتشابكا
yasqus
02-10-2014, 12:04 PM
وهكذا ياسادة ياكرام ..جئت لأحلل الباوند دولار فوجدتنى من خلال معادلات الحصول عليه
أذهب لتحليل العديد من العملات ..الدولار ين ...الباوند ين
الدولار كندى ...الباوند كندى ...الدولار فرنك ...الباوند فرنك
وعندما قلت أنظر على الدولار ين لأحلله وأرى تأثيره على الباوند دولار
وجدتنى أحلل الأسترالى كندى والأسترالى دولار
بل وذهبت لسنغافورة أحلل عملتها هى الأخرى !!!!
ماهذه الشبكة المعقدة من العملات ..وكيف استفاد منها ؟؟
فى الحلقة القادمة نغوص أكثر وأكثر فى تلك المنظومة
وأعتذر ان كان المحتوى يزداد صعوبة وتشابكا
كلام اكثر من رائع والمحتوى لا يزداد صعوبه بشرط امساك قلم وورقه ستجد الامور فى منهى الروعه
Mohamed_Amr
02-10-2014, 01:17 PM
موضوع رائع اخى على
بارك الله فيك
على يوسف
02-10-2014, 04:46 PM
كلام اكثر من رائع والمحتوى لا يزداد صعوبه بشرط امساك قلم وورقه ستجد الامور فى منهى الروعه
موضوع رائع اخى على
بارك الله فيك
شكرا جزيلا ..خيرا ان شاء الله ..تقبلوا تحياتى العطرة اصدقائى
على يوسف
02-10-2014, 04:52 PM
مازلنا فى المعادلة الأولى للحصول على سعر الباوند دولار
وكنا قد تناولنا أحد أطراف المعادلة وهو زوج الدولار ين
والآن نتناول الطرف الأخر فى المعادلة وهو الباوند دولار
نذكر بالمعادلة
الباوند ين / الدولار ين = الباوند دولار
فماهى علاقات زوج الباوند دولار القوية مع الأزواج
ستجد ياصديقى اللورد ان فى الغالب العلاقات الطردية لزوج الباوند ين
تكون مع الفرنك ين CHF/JPY و الكندى ين CAD/JPY
أما العلاقات العكسية فستجدها مع
الأسترالى كندى AUD/CAD و الأسترالى فرنك AUD/CHF
على يوسف
02-10-2014, 04:59 PM
وهكذا نجد ياسادة ياكرام عندما نقوم بتحليل المعادلة الأولى للحصول على الباوند دولار
نجد اننا فى حقيقة الأمر نبحث ونحلل 12 زوج من ازواج العملات المختلفة
الباوند ين والباوند فرنك والباوند كندى
الدولار ين والدولار فرنك والدولار كندى
الدولار السنغافورى
الأسترالى كندى والأسترالى فرنك
الكندى ين والفرنك ين
المحروم
03-10-2014, 01:34 AM
أنا عندي سؤال أخي علي وهو ان السوق دائما يتجاوب بسرعه مع تقلبات السعر وبتالي السستم يعيد الحسابات لكل العملات وبوقت سريع جدا لجميع العملات فهل هذا الأمر صحيح بمعنى هل يمكن فعلا ان نلحق نفسنا ونربح لما نربط العملات ببعض ؟
وغير كل هذا هناك الكورليشن وعلى ما اعتقد هو نفس ما تفصلت به في شرحك وهل هناك خلاف ما بين نظرية الكورليشن ونظرية ربط العملات تقبل مروري ولك مني كل الاحترام والتقدير
prince borsa
03-10-2014, 05:57 AM
أنا عندي سؤال أخي علي وهو ان السوق دائما يتجاوب بسرعه مع تقلبات السعر وبتالي السستم يعيد الحسابات لكل العملات وبوقت سريع جدا لجميع العملات فهل هذا الأمر صحيح بمعنى هل يمكن فعلا ان نلحق نفسنا ونربح لما نربط العملات ببعض ؟
وغير كل هذا هناك الكورليشن وعلى ما اعتقد هو نفس ما تفصلت به في شرحك وهل هناك خلاف ما بين نظرية الكورليشن ونظرية ربط العملات تقبل مروري ولك مني كل الاحترام والتقدير
نفس السؤال .. :1 (31)::1 (31):
على يوسف
03-10-2014, 09:39 AM
أنا عندي سؤال أخي علي وهو ان السوق دائما يتجاوب بسرعه مع تقلبات السعر وبتالي السستم يعيد الحسابات لكل العملات وبوقت سريع جدا لجميع العملات فهل هذا الأمر صحيح بمعنى هل يمكن فعلا ان نلحق نفسنا ونربح لما نربط العملات ببعض ؟
وغير كل هذا هناك الكورليشن وعلى ما اعتقد هو نفس ما تفصلت به في شرحك وهل هناك خلاف ما بين نظرية الكورليشن ونظرية ربط العملات تقبل مروري ولك مني كل الاحترام والتقدير
نفس السؤال .. :1 (31)::1 (31):
مبدئيا ..الكورليشن هو نفس ما أكتب ...وان كنا هنا بتفاصيل أكثر
لكنها نفس الفكرة ...نقطة الخلاف اننا نتناول سلة العملات
مدمجة مع التحليل الرقمى ...يعنى حاجة ولا فى الأحلام :1 (31):
طيب كيف نستفاد حينما تتقلب الأسعار بسرعة ..ديه سلة العملات معمولة لهذا الغرض
لأنه بالربط بين ازواج العملات المختلفة ستعرف كيف تربح ...
لأنه يوجد ازواج هادئة الحركة وأزواج عنيفة الحركة أى من خلال قياس قوة العملة
ستدخل صفقاتك وسنشرح هذا بالتفصيل الممل ان شاء الله
مازال هناك الكثير والكثير من الشرح ..ربنا يكرم الجميع من فضله ان شاء الله
على يوسف
03-10-2014, 09:50 AM
نعاود الحديث مرة أخرى ....
على يوسف
03-10-2014, 09:57 AM
قلنا مسبقا ياصديقى اللورد ان الطريقة الأولى للحصول على سعر الباوند دولار
هى معادلة الباوند ين / الدولار ين
ثم تناولنا الدولار ين وعلاقاته القوية مع ازواج العملات
وفى الحقيقة اننا وجدنا ان تلك العلاقات تكون مع الباوند ين
أى انك ستحذف الدولار ين وتضع مكانه الباوند ين ويكون ذات الكلام
وعندما نسخنا الكلام وجدنا ان الخطأ الإملائى فى اننا كنا نتناول الدولار ين
عموما يمكنك كتابتها بتلك الصيغة .
.العلاقات القوية لزوجى العملة الباوند ين .. و الدولار ين مع العملات
ستجد ياصديقى اللورد ان فى الغالب العلاقات الطردية لزوج الباوند ين
تكون مع الفرنك ين CHF/JPY و الكندى ين CAD/JPY
أما العلاقات العكسية فستجدها مع
الأسترالى كندى AUD/CAD و الأسترالى فرنك AUD/CHF
أنا قربت أفهم بس مش قادر أفهم وادينى بحاول :1 (71)::1 (71)::1 (23)::1 (23):
mns1973
23-10-2014, 08:49 PM
بارك الله فيك استاذ علي وفي أهلك ومالك
vBulletin® v3.8.8