المساعد الشخصي الرقمي

مشاهدة النسخة كاملة : مناطق العرض والطلب

forexology
23-06-2017, 06:33 PM
مناطق العرض والطلب :هى المناطق التى يكون عندها اوامر البيع او الشراء
لصناع السوق والتى منها يشهد السوق تحركات قوية فى اتجاه محدد
نظرا لوجود صانع سوق دخل بعدد عقود كبير فى اتجاه معين .

مثال : لو فيه سلعة معينة فجاة الناس كلها بقت محتاجاها وبقت كل الناس بتشتريها اكيد ساعتها سعر السلعة دى هيزيد جدا لان عليها طلب جامد .
مثال تانى : لو فيه سلعة معينة ( سيارة مثلا ) ظهر فيها عيوب والناس مبقتش تشتريها خالص اكيد ساعتها سعرها هينزل جامد لانه معروضة كتير فى السوق ومفيش مشتريين ليها فاكيد ساعتها سعرها هينزل عشان الناس يشتروها .

يعنى باستخدامك مناطق العرض والطلب
هتبقى بتتاجر مع القوة الكبرى فى السوق ده
وتدخل معاهم فى العقود اللى بيدخلوها .
forexology
23-06-2017, 06:34 PM
مناطق العرض والطلب نقدر تقول عليها مرحلة متقدمة من الدعوم والمقاومات
لكن عبارة عن مستويات
وليست نقطة ثابتة كالدعوم والمقاومات .

وليس اى منطقة دعم او مقاومة تعتبر منطقة عرض او منطقة طلب .
forexology
23-06-2017, 06:34 PM
منطقة العرض هيا المنطقة اللى بيدخل من عندها صناع السوق صفقات البيع
اى ان الاتجاه يتحول الى هابط عندها او هيا المناطق التى يكون فيها المعروض اكثر من المطلوب وبالتالى تقل قيمة الشئ

منطقة الطلب هيا المنطقة اللى بيدخل من عدها صناع السوق صفقات الشراء
اى ان الاتجاه يتحول الى صاعد بعدها او هيا المناطق التى يكون فيها المطلوب اكثر من المعروض وبالتالى تزيد قيمة الشئ عندها
forexology
23-06-2017, 06:37 PM
نبتدى بقى ندى امثلة للمناطق دى وازاى نعرفها على الشارت
ونتعامل معاها
ونعرف المناطق القوية والمناطق الضعيفة .

عاوز اوضح فى الاول ان احنا مبندخلش مع المستويات دى من اول مرة لكن صناع السوق
بيكونوها واحنا بندخل منها
لما الاسعار توصلها تانى مرة .

https://www.fx-arabia.com/vb/uploaded/21396_01498232237.png


فى الصورة السابقة شايفين السعر اتحرك ازاى من عند المنطقة المظللة !!!

دى بقى اللى بنسميها منطقة طلب .
forexology
23-06-2017, 06:38 PM
طيب نركز بقى فى الصورة اللى جاية
https://www.fx-arabia.com/vb/uploaded/21396_01498232180.png


شايفين السعر ازاى اتجرك هبوطا من عند المنطقة المظللة وبعدين صعد تانى واول ما لمسها هبط تانى بسرعة قوية .

احنا بقى دخولنا دايما بيكون مع اللمسة التانية دى
والستوب بتاعنا فوق المنطقة
والهدف بيبقى اضعاف الستوب .
forexology
23-06-2017, 06:39 PM
ندخل بقى على نقطة جديدة :
عشان تتاجر بالعرض والطلب لازم اول حاجة تعملها انك تحدد الترند الحالى للزوج اللى هتتاجر عليه
اى زوج فى الدنيا بيمر ب 3 مراحل هما ( مرحلة صعود - مرحلة تذبذب - مرحلة هبوط )
يبقى اول حاجة بتعملها انك تشوف الزوج فى انهى مرحلة فيهم
طبعا مرحلة التذبذب دى كلنا عارفنها كويس ومبنبقاش محتارين فيها

انما الحيرة كلها بتظهر بقى لما تقول لحد انت شايف الزوج ده فى ترند صااعد ولا هابط ؟؟!!!

هقولكوا طريقتى اللى بحدد بيها الترند وهيا عن طريق مناطق العرض والطلب برضه

ببساطة جدا بشوف الزوج ده فى الفترة الحالية بيحترم مناطق العرض ولا الطلب اكتر
يعنى لو لقيت الزوج كل ما يوصل لمنطقة طلب ويصعد منها كويس ولما يوصل لمنطقة العرض يكسرها بسهولة من غير مشاكل ويكمل صعود عادى وبعدين يهبط يحترم منطقة الطلب الجديدة وميحترمش مناطق العرض ساعتها بقرر ان ده ترند صاعد الى ان يثبت العكس

اما بقى لو السعر بيحترم مناطق العرض ويهبط منها وييجى عند مناطق الطلب وميحترمهاش ويكسرها بسهولة ويستمر فى احترام مناطق العرض وكسر مناطق الطلب ساعتها بقرر ان الترند ده ترند هابط الى ان يثبت العكس .
forexology
23-06-2017, 06:39 PM
يبقى طريقة متاجرتنا بالعرض والطلب بتكون كالتالى : اول حاجة بنعملها اننا بنحدد الزوج ف ترند صاعد او هابط

لقينا الزوج فى ترند صاعد يبقى نركز على مناطق الطلب ونشترى الزوج كل ما يبقى عند منطقة طلب ممهمة .
انما لو الزوج فى ترند هابط ساعتها بقى بنركز على مناطق العرض ونبيع الزوج دايما من عند مناطق العرض .

وصلنا بقى دلوقتى لازاى نستخرج مناطق العرض والطلب :

مبدايا كده هقولك طريقة تحدد بيها المناطق بسهولة وبعد كده نقول المعايير اللى بنحدد عليها عشان بعدها تقدر تقيم اذا كانت دى منطقة قوية ولا ضعيفة .

بتفتح الشارت عادى جدا وتبتدى تدور على المناطق اللى الزوج اتحرك منها حركة قوية جدا وبعدين بتحدد المناطقة دى بمستطيل

يعنى بتشوف المناطق اللى على الشارت اللى ادت الى هبوط قوى للسعر وتحددها وتسميها بمناطق العرض

وتشوف المناطق اللى على الشارت اللى ادت الى صعود قوى للسعر وتحددها وتسميها مناطق العرض .
forexology
23-06-2017, 06:41 PM
طيب ازاى بقى تحدد بداية المنطقة ونهايتها ؟؟!!

باختصار هتشوف المنطقة اللى قررت انت انها منطقة عرض او طلب وتشوف اخر شمعة حصلت قبل بداية تككون المنطقة وترسم المستطيل اللى محدد بيه المنطقة دى على الشمعة دى من الراس بتاعها لحد نهاية الديل

نوضحها بمثال عشان تبان اكتر :

https://www.fx-arabia.com/vb/uploaded/21396_01498232485.png
forexology
23-06-2017, 06:42 PM
فى الشارت السابقة انا حددت المنطقة وكان بدايتها عند الشمعة اللى عامل عليها سهم احمر دى وبعد كده رسمت خطين على بداية ونهاية الشمعة دى وبكده حددنا منطقة العرض وحددنا بدايتها ونهايتها يعنى هيا دى المنطقة اللى هنبيع منها اول ما السعر يوصلها .

يبقى احنا كده لحد دلوقتى شرحنا :
*معنى العرض والطلب
*طريقة المتاجرة بالعرض والطلب ( لسه لينا كلام فيها تانى )
*ازاى نحدد اتجاه الترند
*ازاى نرسم منطقة العرض والطلب
forexology
23-06-2017, 06:45 PM
ندخل بقى على نقطة جديدة وهيا النماذج اللى موجودة فى العرض والطلب :



اول نموذج معانا هو

rally - base - rally

معنى النموذج هو ان بيتم صعود قوى ثم مرحلة ذبذبة ثم يتم استكمال الصعود
والنموذج موضح بمثال فى الشارت القادم

https://www.fx-arabia.com/vb/uploaded/21396_01498232713.png
forexology
23-06-2017, 08:56 PM
تانى نموذج معانا هو rally - base - drop

ومعناه هو صعود قوى ثم ذبذبة ثم هبوط قوى والعودة الى منطقة الطلب .
وموضح النموذج فى الشارت القادم .

https://www.fx-arabia.com/vb/uploaded/21396_01498240532.png
forexology
23-06-2017, 09:00 PM
النموذج الثالت هو drop - base - drop
وهو نموذج خاص بمناطق العرض وليس الطلب ومعناه هو هبوط قوى ثم ذبذبة ثم استمرار الهبوط
وموضخ فى الشارت القادم .

https://www.fx-arabia.com/vb/uploaded/21396_01498240791.png
forexology
23-06-2017, 09:10 PM
النموذج الرابع والاخير هو : drop - base - rally

وهو يكون هبوط ثم ذبذبة ثم الصعود مرة اخرى الى منطقة العرض .

https://www.fx-arabia.com/vb/uploaded/21396_01498241349.png
root-47
24-06-2017, 12:36 AM
بارك الله فيك اخي متابع للورشة ان شاء الله لو تعمل لنا فيديوهات يكون اقوى ياغالي
forexology
24-06-2017, 04:03 AM
بارك الله فيك اخي متابع للورشة ان شاء الله لو تعمل لنا فيديوهات يكون اقوى ياغالي

ان شاء الله يكون الاسبوع الجاى على هيئة فيديوهات
yassine konvict
11-04-2018, 07:45 PM
جميل اخي الكريم وشكرا على مجوهدك القيم