على بركة الله ورشة عمل Wigan الخاصة بالمسابقه [الأرشيف] - اف اكس ارابيا..الموقع الرائد فى تعليم فوركس Forex

Wigan

13-02-2011, 08:29 PM

السلام عليكم

باذن المولى تعالى هخصص الموضوع دا لشرح بعض الصفقات اللى هتتم بالمسابقة والله المستعان

واسلوبى ف المتاجرة بفضل الله يعتمد اولا على حالة السوق والاقبال على المخاطرة من عدمه اللى بيحدد قوة الدولار بجانب الاندكس بالاضافة طبعا للكلاسيكى واحيانا الهارمونيك

والمؤشرات المستخدمة هى الموفنج والماكدى خطين و القوة النسبية والعزم والاستوكستك+ الاستعانة بالبولنجر + شيموكو احيانا

- بامر الله مفيش افضل من البساطة فالمتاجرة والاقتصاد هو الاساس ف نظرتى للعملة يليه التحليل الفنى

م.أحمد مقدادي

13-02-2011, 08:53 PM

بالتوفيق ان شاء الله

معاذ عودات

13-02-2011, 09:09 PM

اتمنى لك التوفيق في ورشتك الجديده
متابعين

emad1171

13-02-2011, 09:19 PM

بالتوفيق اخيي الكريم

seragsamy

13-02-2011, 09:32 PM

متابعين معك بالتوفيق لك يارب

Wigan

13-02-2011, 10:05 PM

الله يعزكم وشرفنى مروركم الكريم

mohd_atef86

13-02-2011, 10:40 PM

بانتظر بشدة لاني اريد تعلم هذه الطريقة بشكل عملي وليس نظري
واقصد هنا فكرة اقبال المستثمرين على المخاطرة او العملات الامنة

ابراهيم امين

13-02-2011, 11:22 PM

بالتوفيق يا درش انت استاذى الكبير و ربنا يوفقك و نشوفك من الفائزين فى المسابقة

Wigan

14-02-2011, 01:00 PM

بالتوفيق يا درش انت استاذى الكبير و ربنا يوفقك و نشوفك من الفائزين فى المسابقة
الله يعزك يا هيما انته استاذ من يومك وربنا يعينك وتخش المربع الدهبى باذن الله للمرة التانيه عى التوالى

Wigan

14-02-2011, 01:42 PM

بانتظر بشدة لاني اريد تعلم هذه الطريقة بشكل عملي وليس نظري
واقصد هنا فكرة اقبال المستثمرين على المخاطرة او العملات الامنة
من خلال الاطلاع والممارسة وفهمك لمبادىء الاقتصاد تقدر تجس نبض السوق بجانب حفظك لمفاهيم انجليزية

المهم الاطلاع اليومى وقراءة المقالات وفهم كل جزء فيها خصوصا موقع اف اكس استريت مقالات رويترز وخلافه بجانب طبعا خلفية جيدة عن الاقتصاد

والله المستعان

المسلم أمره لله

14-02-2011, 01:56 PM

ورشة كلها أرباح
بالتوفيق أخي

Wigan

14-02-2011, 01:57 PM

خبر زى دا

Compared to +0.3% in Q3. Up 1.2% y/y in Q4 compared to +1.4% in Q3. 2010 GDP +1.4%, down from +2.5% in 2009.

انخفاض الناتج المحلى للبرتغال ف الربع الرابع وبالتالى ارتفاع عائد السندات وتوسعه بينه وبين السندات الالمانيه وبالتالى ضغط سلبى على اليورو ، لان مالكى السندات هيبيعوها بعد النظرة السلبية للبرتغال ف الربع الرابع

ودا هيرجع تانى المخاوف الائتمانية للمستثمرين اتجاه دول اوربا اسبانيا والبرتغال وايرلندا ومن قبلها اليونان

هتزيد تبعا لكل دا قوة الدولار اللى يعتبر عملة امان بجانب التحسن ف اقتصاد امريكا

Wigan

14-02-2011, 01:59 PM

ورشة كلها أرباح
بالتوفيق أخي
جزاك الله خيرا واياك باذن الله

Wigan

14-02-2011, 02:02 PM

Reports Asian sovereign has been selling both EUR/USD and cable in recent trade. EUR/USD back down at 1.3535, cable at 1.6060. Is it me, or does it feel like Monday morning?

خبر زى دا ممكن يفيد ف بيع اليورو والكيبل من الهايات ونته مطمن الى حد ما بامر الله طبعا ، الخ

][A.FaYeZ][

14-02-2011, 05:47 PM

ايه الكلام دا
دا فوركس برضو ؟
يعنى هو هو نفس اللى انا بعمله ؟
امال فين بقي الحاجات اللى بنعملها كلنا ؟
فين ها فين فين ؟!!
انا كدا ابتديت اخاف :(

بالتوفيق يا ويجان باشا
منافسي الشريف فى الاسبوع المقبل
شد حيلك عايزين منافسه قويه
ربنا يكرم

Wigan

14-02-2011, 06:34 PM

[A.FaYeZ][;110639']ايه الكلام دا
دا فوركس برضو ؟
يعنى هو هو نفس اللى انا بعمله ؟
امال فين بقي الحاجات اللى بنعملها كلنا ؟
فين ها فين فين ؟!!
انا كدا ابتديت اخاف :(

بالتوفيق يا ويجان باشا
منافسي الشريف فى الاسبوع المقبل
شد حيلك عايزين منافسه قويه
ربنا يكرم
اهلا بيك ياا خ احمد
يا راجل تخاف ايه بس انته شكلك خصم عنيد ما شاء الله واخوك كان على وشك الانسحاب بسبب ظروف بمر بيها والله المستعان

الاسلوب اللى شرحته فوق خاص بالتحليل الاقتصادى بيديك نظرة عامه عن العملة وقوتها وانك تقدر بامر الله تعمل عليها صفقات ونته مطمئن بامر الله تعالى الى حد ما

][A.FaYeZ][

14-02-2011, 06:50 PM

اهلا بيك ياا خ احمد
يا راجل تخاف ايه بس انته شكلك خصم عنيد ما شاء الله واخوك كان على وشك الانسحاب بسبب ظروف بمر بيها والله المستعان

الاسلوب اللى شرحته فوق خاص بالتحليل الاقتصادى بيديك نظرة عامه عن العملة وقوتها وانك تقدر بامر الله تعمل عليها صفقات ونته مطمئن بامر الله تعالى الى حد ما

اهلا ويجان
لا عنيد ولا حاجه داانت بمجرد انك تحقق ربح فى اول صفقه متضاربش تانى بقي
سيبنى انا اخسر وانا بحاول اوصلك ههههههههههههههه

بالنسبه للتحليل
فانا عارف انه تحليل اقتصادي
ودا اللى خلانى اقولك انا كدا ابتدي اخاف
لانه طالما بدئت بالاقتصاد ثم المؤشرات الاخري بعد ذلك
فيبقى انت راجل فاهم صح وشغال ميه ميه
حتى لو مش على المستوي اليومي
فهو على المستوي الاستثماري
دا الشغل السليم

متابعك ان شاء الله على امل اتعلم جزء من علمك
ربنا يوفقك وكله اخضر ان شاء الله

Wigan

14-02-2011, 07:10 PM

[A.FaYeZ][;110673']

اهلا ويجان
لا عنيد ولا حاجه داانت بمجرد انك تحقق ربح فى اول صفقه متضاربش تانى بقي
سيبنى انا اخسر وانا بحاول اوصلك ههههههههههههههه

بالنسبه للتحليل
فانا عارف انه تحليل اقتصادي
ودا اللى خلانى اقولك انا كدا ابتدي اخاف
لانه طالما بدئت بالاقتصاد ثم المؤشرات الاخري بعد ذلك
فيبقى انت راجل فاهم صح وشغال ميه ميه
حتى لو مش على المستوي اليومي
فهو على المستوي الاستثماري
دا الشغل السليم

متابعك ان شاء الله على امل اتعلم جزء من علمك
ربنا يوفقك وكله اخضر ان شاء الله
الله يكرمك انا اقل من انك تتعلم منى كللنا بنتعلم من بعض وبنضيف لمعلوماتنا من الاخوان المحترمين زيك كده
وموفق باذن الله تعالى

Wigan

14-02-2011, 07:27 PM

من خلال فريم 15 دقيقه وتظبيط مناطق الارتداد للاستفادة منها اسكالب

http://i55.tinypic.com/2u5f8s7.gif

موفنج 200+20+100+50 مع رسم القنوات والدعم والمقاومة +البولنجر

الاسلوب دا بامر الله مفيد جدا ف عمليات الصفقات السريعه وباذن الله هشرح بعض العمليات بعد تصطيب برنامج snag لان نسخة الويندوز جديده وبعتذر عن قلة جودة الصورة

Wigan

14-02-2011, 10:04 PM

الكيبل ضرب الاستوب ونزل تانى ، خير باذن الله ربنا كريم

باذن الله قبل الفجر اخبار مهمه من الصين واستراليا للى يعيش باذن المولى تعالى

نلقاكم على خير

Wigan

14-02-2011, 11:09 PM

البساطة اهم شىء ف التحليل بعيدا عن التعقيدات

http://i55.tinypic.com/22i5id.gif

Wigan

16-02-2011, 06:43 PM

بعتذر عن قلة نشاطى سواء ف الورشة او المضاربة بسبب ظروف الشغل والمظاهرات لتصحيح الاوضاع ف العمل
باذن الله احاول بقدر الامكان اواصل واعاود النشاط احتراما للاخوة اللى شرفونى بضمى للمسابقة الرائعة اللى تشرف اى مضارب بالانضمام ليها

Wigan

16-02-2011, 06:47 PM

كما توقعت بالامس خيبة امل كبيرة للباوند سواء اعانات البطالة او معدل البطالة بجانب تقرير التضخم اللى برغم اعلانه ان التضخم هيظل مرتفع الا انه هيبدا الهبوط ف نهاية 2012 وان رفع الفائدة حاليا غير وارد

Wigan

16-02-2011, 11:04 PM

بعد حديث برنانكى

التخفيف الكمى لسه ف الصورة
رؤية جيدة للنمو وتوقع انخفاض البطالة بجانب ارتفاع التضخم

][A.FaYeZ][

16-02-2011, 11:58 PM

افضل مافى اسلوبك انك بتحلل اقتصادي اولا ثم كلاسيكي
شد حيلك وربنا يوفقك
قدامك فرصه لسا الماتش دا

Wigan

17-02-2011, 12:16 AM

[A.FaYeZ][;111610']افضل مافى اسلوبك انك بتحلل اقتصادي اولا ثم كلاسيكي
شد حيلك وربنا يوفقك
قدامك فرصه لسا الماتش دا
الله يكرمك يا ابو احمد
التحليل الاقتصادى هو الاساس لانه بيديك تحليل اعمق للسوق واتجاه العملة ورغبة الشراء من البيع للمستثمرين

Wigan

17-02-2011, 12:25 AM

اغلاقات اليورو والكيبل قدام الدولار شبه ايجابيه واعتقد اختراق اليورو لموفنج 100 واغلاقه فوق الموفنج مع تقاطع ايجابى على الستوكاستك هيديله عزم صاعد ربما يختبر 3630 مبدئيا وان كان سيناريو الصعود على المستوى الاقتصادى غير واضح وباذن الله ارفق شارت

Wigan

17-02-2011, 12:39 AM

الله تعالى اعلم مفيش اى عزم لاختراق الترند الهابط والهدف القادم ربما 3440 خصوصا مع ايجابية اخبار غدا المتعلقة بالتضخم الامريكى والضغوط لرفع الفائدة على الدولار

http://piczasso.com/i/tlb6e.gif

][A.FaYeZ][

21-02-2011, 02:22 AM

ويجان باشا
مستعد الاسبوع دا ان شاء الله ؟
خلي بالك لانه اسبوع صعب
انا هكون المنافس بتاعك
وانا مش هستسلم تحت اى ظرف من الظروف هههههههههههههههه
<<< بكاش كبير انا هستسلم يوم الثلاثاء الصبح ههههههههههههه

بالتوفيق ان شاء الله الاسبوع دا
خلى بالك الرابح مننا فى الاسبوع دا يضمن التأهل ان شاء الله
شد حيلك عايزين نشوفك فى النهائيات

Wigan

21-02-2011, 06:20 PM

[A.FaYeZ][;112854']ويجان باشا
مستعد الاسبوع دا ان شاء الله ؟
خلي بالك لانه اسبوع صعب
انا هكون المنافس بتاعك
وانا مش هستسلم تحت اى ظرف من الظروف هههههههههههههههه
<<< بكاش كبير انا هستسلم يوم الثلاثاء الصبح ههههههههههههه

بالتوفيق ان شاء الله الاسبوع دا
خلى بالك الرابح مننا فى الاسبوع دا يضمن التأهل ان شاء الله
شد حيلك عايزين نشوفك فى النهائيات
اهلا بيك يا احمد منور الورشة كللها
ربنا يستر الاسبوع دا وفعلا اللى هيفوز هيتاهل وبنسبة كبيرة هيكون اول المجموعة بامر الله تعالى

الواحد بيحاول على اد ما يقدر يتجاوب مع المسابقة ويدى الورشة والناس اللى عايزه تستفاد حقها ربنا يعينا

][A.FaYeZ][

21-02-2011, 06:37 PM

اهلا بيك يا احمد منور الورشة كللها
ربنا يستر الاسبوع دا وفعلا اللى هيفوز هيتاهل وبنسبة كبيرة هيكون اول المجموعة بامر الله تعالى

الواحد بيحاول على اد ما يقدر يتجاوب مع المسابقة ويدى الورشة والناس اللى عايزه تستفاد حقها ربنا يعينا

فعلا الاسبوع دا محدش عارف يحدد اتجاه العملات
بسبب اغلاقات الاسبوع اللى فات
والهبل والعبط اللى عمله الباوند وسحب معاه اليورو (120 نقطه ارتفاع فى ساعه واحده) :1 (64):

يلا شد حيلك انا مستنيك اهو
مش هضارب تانى غير لما تلحقنى عشان احس بالخوف والقلق كدا :1 (13):

ربنا معاك ويوفقك
وان شاء الله تكون من الرابحين :1 (105):

بس قولى انت عرفت احمد منين
اكيد هيما فتن :1 (46):

Wigan

21-02-2011, 06:39 PM

السلام عليكم

كما كان متوقع يوم هادىء وتصحيحات لاسفل على الكيبل واليورو

تصريحات من سميجى عضو المركزى الاوربى "مرشح لخلافة تريشيه الفنرسى " بخصوص رفع الفائدة ويبدو ان تحسن الاقتصاد الاوروربى خاصة الالمانى هيكون دافع وحافز بخصوص ال hawkish او رفع الفائدة

على عكس ما هو معروف وقت الازمات اصبح المستثمرين يتجهوا لليورو كعملة امان بديلا عن الدولار ودا كان واضح ف الازمات اللى مرت بيها منطقتنا العربية والسفينتين الايرانيتين

اليابان رفعت تقديراتها للاقتصاد ف فبراير ويوم الجمعة السابق قللت من تعافى الاقتصاد الامريكى

مازالت مشاكل المنطقة الاوربية ف الحسبان رغم ازدياد الاخبار عن رفع الفائدة لليورو / كينج رئيس المركزى الانجليزى اتكلم عن التضخم لكن البعض حذر من مشاكل رفع الفائدة خصوصا ان الاقتصاد ما زال يتعافى

قريت مقال ف رويترز تقريبا عن خضطورة رفع الفائدة خصوص مع ضعف قطاع العقارات والاعباء اللى ممكن يسببها رفع الفائدة على القطاع الضعيف اساسا

Wigan

21-02-2011, 06:45 PM

[A.FaYeZ][;113108']

فعلا الاسبوع دا محدش عارف يحدد اتجاه العملات
بسبب اغلاقات الاسبوع اللى فات
والهبل والعبط اللى عمله الباوند وسحب معاه اليورو (120 نقطه ارتفاع فى ساعه واحده) :1 (64):

يلا شد حيلك انا مستنيك اهو
مش هضارب تانى غير لما تلحقنى عشان احس بالخوف والقلق كدا :1 (13):

ربنا معاك ويوفقك
وان شاء الله تكون من الرابحين :1 (105):

بس قولى انت عرفت احمد منين
اكيد هيما فتن :1 (46):
السوق جميل وهياخد ترند قوى بس اخوك مشغول الفترة دى جدا وبنفس الوقت مقدرش اتاخر عن المسابقة خصوصا بعد قرار الدكتور بخصوص مشكلتى اخر الاسبوع اللى فات جزاه الله خيرا

ابشر باذن الله :)

واطمن هيما مقليش حاجه هههههههههه غير انك منافس قوى وما شاء الله واضح

Wigan

21-02-2011, 06:52 PM

BUBA: Using EFSF to buy govt bonds would only reduce responsibility of bondholders, govts

الخلاصة ان مؤسسة التمويل الاوربى بدات من فترة ف شراء سندات دول الازمة زى البرتغال واسبانيا ، والمانيا كان ليها تحفظات على القرار دا خصوصا ان المؤسسة هتوسع من حجم صندوقها المالى

ف رؤيى الشخصى ان اليورو هيتاثر بشكل بسيط جدا سلبيا على المدى القريب لكن النتيجة النهائية هى دعم دول المنطقة ، لكن بوجه عام ما زالت مشاكل دول اليورو ف ازدياد ومستوى اعلى من 1.4000 / 14100 اصبح شبه مستحيل قبل نص السنه على الاقل والله تعالى له الامر

Wigan

21-02-2011, 06:56 PM

واخيرا باذن الله تعالى

EU’s Barnier: EU bank stress test methodology to be presented on March 2

دا التاريخ اللى هتعرض فيه نتيجة اختبار البنوك ونا قرات مقال من فترة ان الاختبار الماضى "لو تتذكروه " كان بسيط ومش بيعكس قدرة البنوك الحقيقية ، يعنى الاختبار محتاج ان يكون اقوى واشمل والسلبيات دى هيتم تلافيها ف الاختبار الحالى

Wigan

21-02-2011, 07:26 PM

ECB’s Bini-Smaghi says inflation a concern

سميجى "ايطالى" اتكلم عن التضخم خصوصا ارتفاع الغذاء وانخفاض البطالة الخ وان كل دا بيزيد من ضغوط رفع الفائدة

][A.FaYeZ][

21-02-2011, 07:43 PM

السوق جميل وهياخد ترند قوى بس اخوك مشغول الفترة دى جدا وبنفس الوقت مقدرش اتاخر عن المسابقة خصوصا بعد قرار الدكتور بخصوص مشكلتى اخر الاسبوع اللى فات جزاه الله خيرا

ابشر باذن الله :)

واطمن هيما مقليش حاجه هههههههههه غير انك منافس قوى وما شاء الله واضح

هههههههههههههه ال منافس قوي ال
داانا بنافس هيما مين يمرجن اسرع هههههههههههههه

ماشاء الله متابع اقتصاد ومقالات وتحليلات
وانا طبعا متابعك عشان اتعلم

عايز منك بس طلب صغير
افتح الاكونت بتاعك على الميتا تريد
وهات الهيستوري
واعمل عليه كليك يمين
واضغط على كلمه all history
عشان يقدر يعمل بابليش لكل صفقاتك وعشان اقدر اتابعك

بالتوفيق ياغالي

Wigan

21-02-2011, 07:52 PM

[A.FaYeZ][;113139']

هههههههههههههه ال منافس قوي ال
داانا بنافس هيما مين يمرجن اسرع هههههههههههههه

ماشاء الله متابع اقتصاد ومقالات وتحليلات
وانا طبعا متابعك عشان اتعلم

عايز منك بس طلب صغير
افتح الاكونت بتاعك على الميتا تريد
وهات الهيستوري
واعمل عليه كليك يمين
واضغط على كلمه all history
عشان يقدر يعمل بابليش لكل صفقاتك وعشان اقدر اتابعك

بالتوفيق ياغالي

الله يكرمك بس الاقتصاد مش كل حاجه يا ابو احمد

المفروض انى عامل كده فعلا والناشر بيظهر كل الصفقات و انا اظهرتها تانى دلوئتى، تابع كده وقللى

][A.FaYeZ][

21-02-2011, 08:21 PM

الله يكرمك بس الاقتصاد مش كل حاجه يا ابو احمد

المفروض انى عامل كده فعلا والناشر بيظهر كل الصفقات و انا اظهرتها تانى دلوئتى، تابع كده وقللى

تمام يا كبير ظهر كله وزي الفل

بخصوص الاقتصاد
فهو اول الطريق الصحيح للمضاربه السليمه
وتقدر منه تحدد اتجاه العمله على المدي الطويل هيكون ايه
على الاقل عشان تتخلص من اى عقود ممكن تتدبس فيها

هو غير مجدي فى المضاربات اللحظيه اللى احنا بنشتغل عليها
لكن الاستثماريه والطويله مجدي جدااا طبعا

ربنا يوفقك

Wigan

23-02-2011, 01:51 PM

بعتذر عن اهمال الحساب الحمد لله على كل حال

باذن الله نتابع

Wigan

23-02-2011, 01:53 PM

البنوك بتبيع اليورو من مستويات 3720 ربنا يسهل والسعر يعاود مستويات 3650

Wigan

25-02-2011, 12:49 AM

صفقة بيع اليورو م زالت شغالة برغم الانعكاس الكبير دائما عندى حسن الظن بالله عز وجل

والله المستعان / جمعة مباركة للجميع

][A.FaYeZ][

26-02-2011, 03:21 PM

البنوك بتبيع اليورو من مستويات 3720 ربنا يسهل والسعر يعاود مستويات 3650

وانت عرفت الكلام دا منين ؟

ان شاء الله يهبط
لانى فاتح بيع من تحت على الحقيقي
ومحتاجه فعلا يهبط

Wigan

26-02-2011, 06:38 PM

[A.FaYeZ][;114890']

وانت عرفت الكلام دا منين ؟

ان شاء الله يهبط
لانى فاتح بيع من تحت على الحقيقي
ومحتاجه فعلا يهبط
الكلام دا مسالة وقت يا احمد يعنى الخبر مفعولة بينتهى بعد اقل من نص ساعه

يعنى بنك ACB اللى كان بيبع الصبح اصبح مشترى بعد العصر وهكذا

][A.FaYeZ][

26-02-2011, 08:38 PM

الكلام دا مسالة وقت يا احمد يعنى الخبر مفعولة بينتهى بعد اقل من نص ساعه

يعنى بنك ACB اللى كان بيبع الصبح اصبح مشترى بعد العصر وهكذا

ياعم مش بقولك انك ليك طريقه مختلفه
هتابعك هتابعك متخافش
هأكد على صفقاتى منك ان شاء الله

بس افضي هكلم هيما يجمعنا

Wigan

27-02-2011, 01:31 AM

تحت امرك يا غالى لكن الاسبوع دا هريح شوية ، انا كنت بايع اليورو من 3730 وبلوت عالى وربك سترنى وكرمنى وله الحمد

باذن الله تعالى اليورو 3680 / 3550 ، بيع من 3780 /3800 وسيب الصفقة ومتدخلش بقيت الاسبوع بامر الله / اللهم ان لم يجد جديد ويخترق 3820 / 40 ويغلق يومى

ربنا يوفقك وابشر باذن الله تعالى

Wigan

27-02-2011, 10:37 PM

السلام عليكم

الحمد لله على كل حال ولله الامر من قبل ومن بعد

اسلوب الاسبوع دا هو محاولة استغلال حالة ال choopy لليورو والكيبل

بيع من مستويات 3800 / 3780 باهداف 3680 بامر الله تعالى

Wigan

27-02-2011, 10:39 PM

تقرير اليورو بامر الله

اليورو دولار باذن الله تعالى (http://fx-arabia.com/vb/showthread.php?t=7097)

Wigan

27-02-2011, 11:00 PM

السلام عليكم

الترند العام بامر الله صاعد بالتزامن مع تصريحات البنك المركزى برفع الفائدة / السيناريو هيفشل تماما ف حالة تباطىء رفع الفائدة

الترند تم احتوائه بعد رالى كبير من مستويات 3550 / 3520 حتى 3840 - اليورو صعد الف بوينت تقريبا بعد الالى الكبير من مستويت 2870

على اليومى شمعة هابطة اتكونت اسفل الترند وكسرت 3800 لاسفل / مؤشر العزم لاسفل على 4 ساعات / القوة النسبية فقد العزم الصاعد لاعلى وبيشير لاسفل بعد ملامسة مستوى 70 / ستوكاستك بيشير لقوة الهبوط

بامر الله غير متوقع استعادة 3820 / 3800 خصوصا بعد الهبوط الكبير للدولار اما كل العملات والتوقع بتصحيح بسيط امام اليورو الكيبل الفرنك الين / لكن بيانات النمو الامريكية مكنتش كللها متوافقة مع توقعات السوق وان كانت جيدة

http://i56.tinypic.com/2q18nx0.gif

Wigan

28-02-2011, 03:30 PM

السلام عليكم

- دريجى عضو البنك الايطالى / لابد من العودة للسياسات النقدية المعتادة لمنطقة اروبا مع وجود الضغوط التضخمية
لابد من اختيار التوقيت المناسب لذلك

- اسعار البترول ربما تقود المضاربات الاسبوع الحالى

Wigan

28-02-2011, 03:31 PM

اشاعة قوية عن استعداد بنكين من اكبر بنوك امريكا لتنفيذ اوامر بيع ضخمه للدولار

- مستر بولارد عضو الاحتياطى الفيدرالى / الاقتصاد الامريكى ف افضل حالاته / مخاوف من الشرق الاوسط

-رئيس وزراء البرتغال / العجز بالظبط كما توفع المركزى الاوربى وفى الحدود تقريبا

-بنك BIS دخل عمليات بيع على اليورو قبل الضهر بساعتين

Wigan

28-02-2011, 03:33 PM

كالعادة : الالمان بيصرحوا باهمية عدم زيادة حجم صندوق التمويل الاوربى

-مسئول صينى / خطط السيرطة على التضخم بدات تانى بنتائج " يقصد رفع الفائدة المتتابع ورفع احتياطيات البنوك لدى المركزى"

-ارتفاع اسعار النحاس "مرتبط بشهية المخاطرة والطلب على السلع وبالتالى ارتفاع الاسترالى والكندى"

Wigan

28-02-2011, 03:51 PM

http://mediaserver.fxstreet.com/Reports/f9cfda27-aa93-4e4b-93f1-4157874a5b8b/FXMarket_20110228120409.jpg

الكيبل باللون الازرق والاسترلينى بالاخضر

الرسم بيوضح ما يسمى الكوريليشن او العلاقات والارتباطات

Wigan

28-02-2011, 04:14 PM

http://i52.tinypic.com/x10fbd.gif

مقاومة البولنجر / انبعاج ف دعم البولنجر السفلى مع قمة متكونة على الشموع "اشارة هبوط" لاختبار دعم البولنجر الاوسط ثم السفلى

Wigan

28-02-2011, 06:54 PM

وصل للهدف بامر الله

][A.FaYeZ][

28-02-2011, 07:22 PM

وصل للهدف بامر الله

الف مبروك ياغالي
وان شاء الله كل صفقاتك اهداف

Wigan

28-02-2011, 07:31 PM

الله يعزك يا احمد دى حته سكالب كده بكام نقطة نروق على الحساب اللى اتبهدل جامد

ربنا يستر الجولة دى من نار

][A.FaYeZ][

28-02-2011, 08:18 PM

الله يعزك يا احمد دى حته سكالب كده بكام نقطة نروق على الحساب اللى اتبهدل جامد

ربنا يستر الجولة دى من نار
حاول انت بس تطلع برصيد اجابي الجوله دي
انت مفيش قدامك منافس
شد حيلك وبالتوفيق ان شاء الله

Wigan

28-02-2011, 10:19 PM

باذن الله تعالى

Wigan

01-03-2011, 02:46 PM

تم وضع اندكس الدولار ف القسم العام

المسلم أمره لله

03-03-2011, 09:27 PM

يا رب المانع خير أخي
ترجع بالسلامة

Wigan

04-03-2011, 03:47 PM

يا رب المانع خير أخي
ترجع بالسلامة
الله يعزك ويزيدك يا غالى

للاسف كابلات التليفونات بتتسرق عندنا ف المحافظة ولا حول ولا قوة الا بالله ، وبعد ما الكابلات الجديدة ركبت اتسرقت تانى

حسبى الله ونعم الوكيل

انا دلوئتى داخل باليو اس بى نت عشان اعتذر للناس على عدم دخولى وللاخوة ف الادارة

دعواتكم الكريمة

المسلم أمره لله

04-03-2011, 08:07 PM

المهم أنك بخير
ألف سلامة
نسأل الله الهداية للجميع
ناس مالهاش ضمير

Wigan

06-03-2011, 06:09 PM

عدنا بامر الله بعد عودة النت ، ف انتظار سرقة الكابلات مرة تالته

Wigan

08-03-2011, 02:52 PM

للاسف مشاكل النت مستمرة

باذن الله يتم رفع اندكس الدولار

اما بخصوص الصفقات بامر الله تم الاتسفادة من هايات اليورو بالبيع من مستويات 4000 وكذلك بيع الكيبل من 6280 والصفقات كانت اسكالبنج والحمد لله

Wigan

08-03-2011, 03:23 PM

http://i56.tinypic.com/5ffyvd.jpg

كما توقعت الاسبوع اللى فات بتوفيق الله عز وجل ، موجة تصحيحية قوية للدولار برغم ضغوط الدهب والبترول واشارات مبكرة لرفع فائدة اليورو

الدولار الان عند مقاومة مهمة جدا وفى حالة اختراقها والثبات اعلى المقاومة هتكون موجة قوية للدولار لاستعادة منطقة 77 الهامة جدا فى اتجاه الدولار

اليورو فقد مناطق هامة جدا 3940 / 20 - وفى ظل قوة الدولار صعب جدا استعادتها خصوصا اذا استمر الهبوط الى 3880

الاجتماع القادم للمركزى الاوربى هيكون اول اسبوع ف ابريل وبنسبة كبيرة هنشاهد رفع الفائدة على اليورو 25 بوينت اساس

Wigan

08-03-2011, 07:38 PM

الدولار يتراجع بسبب انخفاض مؤشر حالة لاقتصاد الى 43

Wigan

09-03-2011, 01:14 PM

بعد تراجع مخاطر ارتفاع البترول و رجوع مشاكل الديون ف الواجهة مرة تانيه اصبح الدولار اقوى
تصحيح الدولار الحالى ربما يستمر لنهاية الاسبوع بعد اكثر من اسبوعين من الانخفاض الشديد

بجانب تصريح لمحته عن اهمية رفع الفائدة على الدولار اعتقد الفترة الحالية هى فترة الدولار الى اشعار اخر
البيع حاليا لليورو والكيبل من الهايات هو الافضل من شراء الكيبل واليورو من الدعوم والقيعان

محمد نوارج

09-03-2011, 02:31 PM

بالتوفيق يا باشا وبالتعويض على سرقة الكابلات ..،

Wigan

09-03-2011, 08:45 PM

بالتوفيق يا باشا وبالتعويض على سرقة الكابلات ..،

الله يعزك يا محمد ونورت الورشة بمرورك :)
النت رجع بفضل الله من ساعتين بعد معاناة من الديل اب واليو اس بى نت

Wigan

10-03-2011, 01:59 PM

الدولار يتلقى الدعم القوى كما نبهت من اسبوعين واليوم كانت الدفعة الكبيرة نتيجة العديد من الاسباب

- تخفيض تقييم ديون اسبانيا من AA الى Aa1
بجانب ارتفاع اسبريد الديون الالمانية / البرتغالية والالمانية / اليونانية
ارتفع بطالة اليونان
بيانات سلبية استرالية صينية

بصراحة مؤسسة موديز جزاااااااار دولى معندهاش رحمة ف تخفيض الديون مهما كانت قيمة الدولة او اهميتها
اعتقد والله تعالى اعلم ان الين اليابانى هينهار السنة دى خصوصا ان الدين العام اصبح مرعب جدااااا بجانب تخفيض موديز لتقييم الديون ، فبرغم ان الين عملة الامان رقم واحد لكن المستثمر هيوجه نظره للفرنك ثم الدولار كامان واقل تكلفة ويتجاهل الين

الله المستعان

المسلم أمره لله

10-03-2011, 02:12 PM

بالتوفيق أخي

Wigan

10-03-2011, 03:06 PM

الله يعزك يا مسلم
شد حيلك يا بطل وربنا يعينك عايز اشوفك من الفائزين بامر الله

Wigan

11-03-2011, 10:36 PM

اليورو تست ل 3880 كما ذكرت امبارح
الين ارتفع جدا بسبب زلزال اليابان ودا طبيعى لانه عملة امان وعملة تستخدم ف اغلاق مراكز العمليات المالية
لكن الضغط الكبير على الدولار بسبب ارتفاع السلع والبترول بشكل كبير بجانب انخفاض مؤشر ميتشجان

Wigan

14-03-2011, 05:37 PM

الحمد لله رب العالمين له الفضل والامر ، والصلاة والسلام على خاتم الانبياء سيدنا محمد عليه افضل الصلاة والسلام

Wigan

14-03-2011, 05:38 PM

تم بامر الله بيع اليورو من الهايات 3960 كما شرحت ف المنتدى الرئيسى

الكيبل اخد العزم بعد تصريح مؤسة فيتش ان انجلترا مازالت AAA والاقتصاد ثابت

Wigan

14-03-2011, 05:40 PM

فرص بيع اليورو ين ما زالت قائمة بفضل الله بسبب عمليات الشراء الواسعه للين من قبل البنوك المركزية لتغطية تامين كارثة اليابان وعملياتا غلاق المراكز والتسييل

Wigan

14-03-2011, 05:42 PM

بخصوص الين

In an effort to stave off detrimental speculation in the financial markets and support the economy following the devastating earthquake which rocked Japan on Friday, the Bank of Japan announced an easing of monetary policy by expanding its current asset purchasing program, including government and corporate bonds, by 5 trillion yen to a grand total of about 40 trillion yen.

اعتقد بعد الخبر دا ورفع برنامج شراء الاصول من قبل المركزى اليابانى قيمة الين هتنخفض والافضل انتظار الهايات للبيع