المساعد الشخصي الرقمي

مشاهدة النسخة كاملة : طلب اكسبيرت من مهندس الاكسبيرتات نادر باشا

haithem_hhsh
09-06-2010, 07:45 PM
السلام عليكم يا احلي منتدي واحسن ناس
نادر باشا انا كنت قريت عن اكسبيرت يستخدم لاقفال الصفقات المفتوحة مرة واحدة
ارجو منك رفعه علي المنتدي
وجزاك الله كل خير
م.نادر فريد
10-06-2010, 02:28 AM
السلام عليكم يا احلي منتدي واحسن ناس

نادر باشا انا كنت قريت عن اكسبيرت يستخدم لاقفال الصفقات المفتوحة مرة واحدة
ارجو منك رفعه علي المنتدي
وجزاك الله كل خير


هيثم باشا ...مراحب ... أحييك عل الموضوع القوى والأفكار التى تنفعنا جميعا .
فية يا هيثم سكربت وفيه اكسبرت .... تمام ..
بالنسبة للسكربتات الموجودة فى كل المنتديات فيها غلطات ومش شغالة للأسف
بالنسبة للأكسبرتات موجود منها كتير وبطرق مختلفة ولأهداف مختلفة ... تعال بقى احنا نظبط واحد لأف اكس أرابيا ...جاوب لى على الكلام ده وننفذه وأى واحد له رأى ياريت كمان يفيدنا .

1- نعمل سكربت وللا اكسبرت ... السكربت يشتغل مرة واحدة بدبل كليك كل ماتحب تشغله تعمل علية دبل كليك وكدا اسرع طبعا لأن مش هتحتاج تظبط خصائص أكسبرت وتفعله وأعدادات عامة وكدا ...لكن الأكسبرت بيفضل شغال علطول وممكن يشتغل مثلا على ادارة رأس مال معينة وبذكاء ...مثلا لو زادت البيبات الخاسرة عن كذا أغلق جميع الصفقات او أذا كسبت كذا بيب اغلق جميع الصفقات وهكذا .

2- طرق أختيار الصفقات المطلوب أغلاقها :

- أغلاق كل شئ التريدات الفعالة والمعلقة .
- أغلاق الفعالة فقط.
- كل العملات أم العملة على الشارت الحالى فقط .
- الخاسرة ام الرابحة ام كلاهما
- الخاصة بأكسبرت معين ام كل الصفقات .
- ممكن كمان وقت فتح الصفقة نحدد ان كان السكربت أو الكسبرت مسموح له يغلقها ام لا .

المطلوب منك تجيب على كل ذلك ... أو تتخيل ماتراه او تريده ولكن بالتفصيل كما ذكرت لك وان شاء الله أجهزه لنا كلنا ...وياريت الجميع يشارك كمان لأنه موضوع مهم .
محمد نوارج
10-06-2010, 11:22 AM
الله على الأفكار الجاااااااااااامدة

بجد فكرة ممتازة

وهتفيد الكل

ابدأوا على بركة الله ..،
haithem_hhsh
10-06-2010, 12:06 PM
هيثم باشا ...مراحب ... أحييك عل الموضوع القوى والأفكار التى تنفعنا جميعا .
فية يا هيثم سكربت وفيه اكسبرت .... تمام ..
بالنسبة للسكربتات الموجودة فى كل المنتديات فيها غلطات ومش شغالة للأسف
بالنسبة للأكسبرتات موجود منها كتير وبطرق مختلفة ولأهداف مختلفة ... تعال بقى احنا نظبط واحد لأف اكس أرابيا ...جاوب لى على الكلام ده وننفذه وأى واحد له رأى ياريت كمان يفيدنا .

1- نعمل سكربت وللا اكسبرت ... السكربت يشتغل مرة واحدة بدبل كليك كل ماتحب تشغله تعمل علية دبل كليك وكدا اسرع طبعا لأن مش هتحتاج تظبط خصائص أكسبرت وتفعله وأعدادات عامة وكدا ...لكن الأكسبرت بيفضل شغال علطول وممكن يشتغل مثلا على ادارة رأس مال معينة وبذكاء ...مثلا لو زادت البيبات الخاسرة عن كذا أغلق جميع الصفقات او أذا كسبت كذا بيب اغلق جميع الصفقات وهكذا .

طبعا احنا عايزين الاسرع نادر باشا
بمعني مثلا عندي اكتر من صفقة في الحساب عشان اقفلهم وانقل لحساب تاني واقفل الصفقات المفتوحة فيه بياخد وقت والوقت دا بيخسرني شوية بيبات لا بأس بها
بالنسبة لاسكربت ولا اكسبرت وايهم اسرع دي انت اللي تقدر تحددها يا برنس ، انا اولا مرة اسمع عن الاسكربت :)


2- طرق أختيار الصفقات المطلوب أغلاقها :

- أغلاق كل شئ التريدات الفعالة والمعلقة .
لا ،، المعلقة مفيش منها مشكلة عندي


- أغلاق الفعالة فقط.
بالظبط ،، اغلاق الفعالة


- كل العملات أم العملة على الشارت الحالى فقط .
- الخاسرة ام الرابحة ام كلاهما
كل الموجودة والفعالة مش الشارت الحالي فقط


- الخاصة بأكسبرت معين ام كل الصفقات .

كل الصفقات الموجودة يا غالي

- ممكن كمان وقت فتح الصفقة نحدد ان كان السكربت أو الكسبرت مسموح له يغلقها ام لا .

يا سلام دا دلع علي الآخر كده


المطلوب منك تجيب على كل ذلك ... أو تتخيل ماتراه او تريده ولكن بالتفصيل كما ذكرت لك وان شاء الله أجهزه لنا كلنا ...وياريت الجميع يشارك كمان لأنه موضوع مهم .


وياريت يكون بشكل عام يسمح بالتغيير فيه
يعني وقت اكون عايز يقفل كل الموجود الرابح والخاسر معا ،، او احدهما ، بحيث اكون قادر اني اعدل فيه
ويكون لكل الصقفات المفتوحة مش الشارت الحالي فقط

ردي في الاقتباس وكمان شوية ملحوظات في الاخر يا غالي ومنتظر معاك راي باقي الشباب اكيد عندهم افكار احسن مني
م.نادر فريد
11-06-2010, 02:26 AM
وياريت يكون بشكل عام يسمح بالتغيير فيه

يعني وقت اكون عايز يقفل كل الموجود الرابح والخاسر معا ،، او احدهما ، بحيث اكون قادر اني اعدل فيه
ويكون لكل الصقفات المفتوحة مش الشارت الحالي فقط

ردي في الاقتباس وكمان شوية ملحوظات في الاخر يا غالي ومنتظر معاك راي باقي الشباب اكيد عندهم افكار احسن مني


ماشى يا بوب هنعمل 3 أسكربتات علشان أسرع ونسهر عليهم يكونوا موجودين الصبح ...
close all
close winner
close loser
وكلهم فيهم خاصية الدلع :"- ممكن كمان وقت فتح الصفقة نحدد ان كان السكربت مسموح له يغلقها ام لا"
haithem_hhsh
11-06-2010, 05:24 PM
ماشى يا بوب هنعمل 3 أسكربتات علشان أسرع ونسهر عليهم يكونوا موجودين الصبح ...
close all
close winner
close loser
وكلهم فيهم خاصية الدلع :"- ممكن كمان وقت فتح الصفقة نحدد ان كان السكربت مسموح له يغلقها ام لا"


يا سلام يا برنس
مفيش احسن من كده والله
منتظرين ابداعك يا باشمهندس ارابيا :1 (105):
Samy
11-06-2010, 08:05 PM
الله ينور
هيثم باشا
و شد حيلك يا هندسه
اسكربت
او
اكسبيرت

كله من ايدك زى الفل
مدير الموقع
11-06-2010, 08:56 PM
يا ترى الاكسبيرتات خلصت ولا لسة يا بشمهندس عشان هيثم ده حبيبنا و منقدرش ناخره طلب..,
تحياتى يا نادر..,
فى الانتظار
الله كريم.,
haithem_hhsh
14-06-2010, 10:06 AM
الله ينور
هيثم باشا
و شد حيلك يا هندسه
اسكربت
او
اكسبيرت

كله من ايدك زى الفل


يا ترى الاكسبيرتات خلصت ولا لسة يا بشمهندس عشان هيثم ده حبيبنا و منقدرش ناخره طلب..,
تحياتى يا نادر..,
فى الانتظار
الله كريم.,


نسيب الباشمهندس يشتغل براحته عشان يطلع لنا حاجة زي الفل كده ان شاء الله
شكرا علي تأييدكم للفكرة يا غاليين :1 (77):
م.نادر فريد
23-06-2010, 06:41 AM
يا ترى الاكسبيرتات خلصت ولا لسة يا بشمهندس عشان هيثم ده حبيبنا و منقدرش ناخره طلب..,
تحياتى يا نادر..,
فى الانتظار
الله كريم.,


يا الله ...المدير العام للموقع .... وقعة بيضاء



نسيب الباشمهندس يشتغل براحته عشان يطلع لنا حاجة زي الفل كده ان شاء الله



شكرا علي تأييدكم للفكرة يا غاليين :1 (77):


أيوة يا عمنا الحقنى احسن هيقطعونى .... طبعا قولت لك مش هأتأخر واتأخرت ...معلش عديها المرة دى .
أتفضل أكسبرتين ... الأول : لأغلاق الصفقات الخاصة بعملة الشارت الحالى .
الثانى: لأغلاق جميع الصفقات المفتوحة لأى عملة .

مع ملاحظة : 1- اوردرات البندنج لن تلغى .
2- يفضل وضع أكسبرت اغلاق أى عملة على اسرع عملة تغييرا (سواء لها صفقة مفتوحة ام لا ).
3- متقلقش مش ناسى طلبات الأكسبرت المدلع ...حنسمية كلوس فل أوبشن احسن close full option ... لكن هنحطه فى موضوع لوحده.

الأكسبرتات فى المرفقات
م.نادر فريد
23-06-2010, 07:07 AM
شرح تركيب الأكسبرت للعمل ...

اولا : نضعه فى الفولدر الخاص بالأكسبرتات فى الميتاتريدر الخاص بنا ثم نغلق الميتاتريدر ونفتحه مرة اخرى ( من لا يعرف هذة الخطوة يرجع الى قسم الفيديو ...أول محاضرة برمجة اكسبرتات)


ثانيا : كما بالصورة سنجد الأكسبرتين فى نافذة النافيجاتور navigator فى فرع الأكسبرتات ...نضغط علية ضغطتان بزر الماوس اليسار double click


http://fx-arabia.com/vb/uploaded/6_01277265885.png
ثالثا : تبعا للصورة التالية ....
1- يكون زر تفعيل الأكسبرتات مغلق وله لون أحمر رقم 1.
2- مايهمنا هو الأختيار ...أسمح بالتداول رقم 3 "allow live trading " بالنسبة لباقى الأختيارات لاتهمنا ولا نريدها أصلا ان تكون مفعلة . ثم نضغط ok

http://fx-arabia.com/vb/uploaded/6_01277265953.png
م.نادر فريد
23-06-2010, 07:14 AM
بعد ذلك سيكون الوضع كما فى الصورة التالية ولاحظ علامة x بجوار اسم الأكسبرت للدلالة على انه ليس فعال.

http://fx-arabia.com/vb/uploaded/6_01277266126.png

الأن تم تجهيز كل شئ يمكنك المتاجرة كما يحلو لك .... ثم وقت الأحتياج لأغلاق الصفقات تبعا لنوع الأكسبرت الذى أخترته تضغط على زر رقم 1 فى الصورة ليتحول للون الأخضر ويظهر فى رقم 2 الوجة الباسم ....الأن يمكنك ترك هذا الحساب للأكسبرت والألتفات لحساباتك الأخرى أن كانت على منصة اخرى .أو انتظار ان ينتهى الأكسبرت بسرعة من اغلاق الصفقات ثم تحول بين حساباتك كما تود.

http://fx-arabia.com/vb/uploaded/6_11277266126.png
م.نادر فريد
23-06-2010, 07:16 AM
يمكنك أن تضغط على زر أيقاف الأكسبرتات ليتحول للون الأحمر والمتاجرة مرة اخرى وفى اى وقت تفعله بضغطة الزر مرة اخرى وهكذا .
haithem_hhsh
23-06-2010, 11:11 AM
يا الله ...المدير العام للموقع .... وقعة بيضاء





أيوة يا عمنا الحقنى احسن هيقطعونى .... طبعا قولت لك مش هأتأخر واتأخرت ...معلش عديها المرة دى .
أتفضل أكسبرتين ... الأول : لأغلاق الصفقات الخاصة بعملة الشارت الحالى .
الثانى: لأغلاق جميع الصفقات المفتوحة لأى عملة .

مع ملاحظة : 1- اوردرات البندنج لن تلغى .
2- يفضل وضع أكسبرت اغلاق أى عملة على اسرع عملة تغييرا (سواء لها صفقة مفتوحة ام لا ).
3- متقلقش مش ناسى طلبات الأكسبرت المدلع ...حنسمية كلوس فل أوبشن احسن close full option ... لكن هنحطه فى موضوع لوحده.

الأكسبرتات فى المرفقات


ولا يهمك يا غالي علي التأخير
انا عارف المهندسين تطلب منهم الحاجة
وتتأكد انهم هيعملوها مهما اتاخروا :1 (54):
حبايبي كلهم مهندسين :1 (76):

تسلم ايدك وجزاك الله كل خير


يمكنك أن تضغط على زر أيقاف الأكسبرتات ليتحول للون الأحمر والمتاجرة مرة اخرى وفى اى وقت تفعله بضغطة الزر مرة اخرى وهكذا .


وكمان شرح تفصيلي
جزاك الله كل خير كمان مرة :)
haithem_hhsh
23-06-2010, 09:04 PM
تمت التجربة



والنتيجة ؟؟؟؟؟ :1 (46):






ممتاااااااااااااااااااااااااااازة :1 (105):

الله يكرمك يا باشمهندس :1 (77):
م.نادر فريد
23-06-2010, 10:05 PM
تمت التجربة




والنتيجة ؟؟؟؟؟ :1 (46):






ممتاااااااااااااااااااااااااااازة :1 (105):

الله يكرمك يا باشمهندس :1 (77):


تمام ... الحمد لله ... هأخلص اكسبرت عم ممدوح ونعمل بقى واحد هيعجبك اكتر كمان ... متنساش تخللى الأكسبرت علشان يشتغل معاك أسرع يكون على شارت أسرع عملة بتتغير انت فاتح لها صفقات لو هتستخدم التانى الخاص بأغلاق كل العملات ...يعنى مش تحطه على المكسيكى مثلا .
haithem_hhsh
23-06-2010, 11:00 PM
تمام ... الحمد لله ... هأخلص اكسبرت عم ممدوح ونعمل بقى واحد هيعجبك اكتر كمان ... متنساش تخللى الأكسبرت علشان يشتغل معاك أسرع يكون على شارت أسرع عملة بتتغير انت فاتح لها صفقات لو هتستخدم التانى الخاص بأغلاق كل العملات ...يعنى مش تحطه على المكسيكى مثلا .


انا جربته علي المكسيكي :1 (31): فتحت عليه صفقات كتييييير وشغلت الاكسبيرت وقفلها كلها في ثواني
بس علي فكرة المكسيكي كمان سريع
هجرب علي كروس من الكروسات الغريبة في الشارت واقول لك النتيجة :)
monester
24-06-2010, 07:24 PM
بالتوفيق فى طلبك يا برنس
ولو كنت اقدر ما كنتش اتاخرت على حضرتك
اتمنى انك تتمكن من الطلب ده
م.نادر فريد
24-06-2010, 09:42 PM
بالتوفيق فى طلبك يا برنس
ولو كنت اقدر ما كنتش اتاخرت على حضرتك
اتمنى انك تتمكن من الطلب ده

مش فاهم بعد اذنك :) .
haithem_hhsh
27-06-2010, 08:06 PM
بالتوفيق فى طلبك يا برنس
ولو كنت اقدر ما كنتش اتاخرت على حضرتك
اتمنى انك تتمكن من الطلب ده

حبيبنا نادر باشا قام بالواجب وزيادة كمان :1 (72):
م.نادر فريد
27-06-2010, 11:32 PM
انا جربته علي المكسيكي :1 (31): فتحت عليه صفقات كتييييير وشغلت الاكسبيرت وقفلها كلها في ثواني

بس علي فكرة المكسيكي كمان سريع
هجرب علي كروس من الكروسات الغريبة في الشارت واقول لك النتيجة :)



حبيبنا نادر باشا قام بالواجب وزيادة كمان :1 (72):



الله يكرمك يا زعيم ...بس بردو خللى بالك من المكسيكى ...مش عاوز ارفق لك شارتات انا عارف انك عارف انه عنيف فى نيويورك غالبا لكنه زى القط المستانس فى باقى الأسواق يعنى اوقات تحصل له 5 - 6 دقائق وسعره مايتغيرش ولا ييجى له نيو تيك .... بالتوفيق يا زعيم وشكرا لذوقك .
Samy
09-09-2010, 12:32 PM
يا الله ...المدير العام للموقع .... وقعة بيضاء






أيوة يا عمنا الحقنى احسن هيقطعونى .... طبعا قولت لك مش هأتأخر واتأخرت ...معلش عديها المرة دى .
أتفضل أكسبرتين ... الأول : لأغلاق الصفقات الخاصة بعملة الشارت الحالى .
الثانى: لأغلاق جميع الصفقات المفتوحة لأى عملة .

مع ملاحظة : 1- اوردرات البندنج لن تلغى .
2- يفضل وضع أكسبرت اغلاق أى عملة على اسرع عملة تغييرا (سواء لها صفقة مفتوحة ام لا ).
3- متقلقش مش ناسى طلبات الأكسبرت المدلع ...حنسمية كلوس فل أوبشن احسن close full option ... لكن هنحطه فى موضوع لوحده.


الأكسبرتات فى المرفقات


الله يكرمك يا معلم
clever hunter
23-08-2011, 10:19 PM
يا الله ...المدير العام للموقع .... وقعة بيضاء






أيوة يا عمنا الحقنى احسن هيقطعونى .... طبعا قولت لك مش هأتأخر واتأخرت ...معلش عديها المرة دى .
أتفضل أكسبرتين ... الأول : لأغلاق الصفقات الخاصة بعملة الشارت الحالى .
الثانى: لأغلاق جميع الصفقات المفتوحة لأى عملة .

مع ملاحظة : 1- اوردرات البندنج لن تلغى .
2- يفضل وضع أكسبرت اغلاق أى عملة على اسرع عملة تغييرا (سواء لها صفقة مفتوحة ام لا ).
3- متقلقش مش ناسى طلبات الأكسبرت المدلع ...حنسمية كلوس فل أوبشن احسن close full option ... لكن هنحطه فى موضوع لوحده.


الأكسبرتات فى المرفقات


الحقيقة الاكسبرتات ممتازة ولكن تعمل معى على منصات ( اربعة ارقام ) فقط , هل يوجد حل لتعمل على منصات ( خمسة ارقام ) ؟؟
BRUFEN
20-03-2013, 01:38 PM
أشكرك جزيل الشكر مهندس نادر على هذا الإكسبرت وبارك الله فيك