مشاهدة النسخة كاملة : الى خبراء الاساسى (حد يفهمنى) - اسباب هبوط قوة الين
unknown
16-03-2011, 03:46 PM
السلام عليكم ورحمه الله وبركاته
انا عندى سؤال
بعد الى حصل فى اليابان ده المفروض الين ينهار ولا يرتفع؟:1 (13):
ياريت حد يجاوبنى ويكون فاهم لانى مش فاهم الى بيحصل فى السوق
وبلاش حد يقولى ده بياثر على بورصه الاسهم والسندات اليابانيه
انا عايز اعرف تاثير الى بيحصل على الين
المفروض المجنون يطير لفوق ولا ينهار زى الى بيحصل دلوقتى
ولو المفروض انه يطير ايه الى منعو كل ده :1 (54):
على فكره انا مش فاتح صفقات بس شايف فرص بيع كتير للمجنون
وخايف ادخل بيع يحصل حركه كبيره
الله المستعان
م.أحمد مقدادي
16-03-2011, 04:08 PM
مايحصل عزيزي وقت الازمات والكوارث هو الابتعاد عن المخاطرة
والاقدام على شراء عملات الملاذ الامن وهي الدولار والين والفرنك
وهبوط المجنون طبيعي في ظل هذه الاحداث التي يشهدها اليابان
من زلازل وانفجارات للمفاعلات النووية واخطار الكوارث الانسانية
حيث ان الازمة تستدعي الاقبال على شراء الين الياباني
وبالتالي يهبط الباوند ين وبقيه ازواج الين ايضا
وستعود هذه الازواج للارتفاع بعد انتهاء مرحلة الخطر
وبعد غياب عنصر المفاجأة للاخبار السلبية بالاخبار العاجلة
فبعد اسابيع ستبدأ بيانات اليابان الظهور معلنه عن تراجع كبير
بسبب مايحدث حاليا وهذا بالتالي سيعكس ضعف الاقتصاد الياباني
في الوقت القادم بعد انتهاء صدمة الازمة
وحينها ترتفع العملات امام الين الياباني
تحياتي
:)
Wigan
16-03-2011, 04:13 PM
السلام عليكم
بجانب كلام الاخ مافيا ،
البنوك بتتجه لشراء الين لدفع تعويضات الكوارث وطبيعى ان العملات ذات العائد والتكلفة الاعلى تنخفض زى اليورو والكيبل ، وصعودهم امام الدولار فقط بسبب ضعف الدولار من جانب وتصريحات رفع فائدة اليورو والكيبل من ناحية تانيه بالاضافة لارتفاع اسعار السلع والبترول الشديد اللى بيضغط بشدة على الدولار وبيرفع من قيمة الاسترالى والكندى والنيوزلاندى
الافضل البيع من هايات برغم ان دا برضه مخاطرة لان البنك المركزى اليابانى ضخ كميات ين كبيرة ف السوق لوقف ارتفاع قيمة الين اللى هيسبب ازمة جديدة لليابان بجانب الكوارث الحالية أجارنا الله منها
m.youssif
16-03-2011, 04:17 PM
الحكومات أثناء الازمات والكوارث في الغالب بتنعش اقتصادها وترفع قيمةعملتها خوفا من انهيارها
مدير الموقع
16-03-2011, 04:20 PM
تحويلات ضخمة من احتياطى اليابان النقدى من الدولار الى الين لدفع عجلة الاقتصاد و البناء بعد الخراب اللى حصل,
اذن فوركسيا على المدى القريب هبوط للدولار ين بسبب بيع دولار شراء ين و بكميات بالمليارات,
على المدى المتوسط يصبح الميدان هو الفيصل و القرار فى يد الحكومة اليابانية و قدرتها فى كبح جماح تضخم متوقع او انهيار فى عملتها و اقتصادها الذى صار مشعا الان :)
تفسيرى البسيط و الله اعلم,
unknown
16-03-2011, 11:46 PM
تسلمو يارجاله شكرا على المعلومات
انا هفضل بعيد عن الين اساسا
مدير الموقع
17-03-2011, 12:32 AM
كويس انك بعيد.
الين بقى 76 فى ساعتين
و علشان كده يا ريس
الدولار فرنك انهار هو الاخر
و هل هذا يعنى ان اليورو دولار
سيواصل الارتفاع من جديد
؟؟؟؟؟؟؟؟؟؟
Rivnile
17-03-2011, 12:56 AM
ربنا يستر
unknown
18-03-2011, 03:49 PM
عارفين ايه المشكله اننا مش عايزين نصدق ان فيه تلاعب كبير فى السوق
الين رفع من يومين بصوره لا يتصورها احد
وموت حسابات كتير جدا بدون وجه حق على الرغم من تهاوى اليابان بسبب الاحداث
وبعدين انهارده الين وقع بصوره كبيره وده الطبيعى بسبب مايحدث
طيب ليه مانهارش على طول؟طبعا لازم الناس الى كانت بايعه الين تموت الاول
وبعدين السوق يمشى فى الاتجاه الصحيح
اقسم بالله الذى لا اله الا هو انا لم اتضرر بهذه الحركه
ولكن صعبان عليه الحسابات الى طارت دى
حسبنا الله ونعم الوكيل
مدير الموقع
18-03-2011, 04:54 PM
نفس التذمر :(
فى ناس كتير اتدبحت فى الطلعة اللى فاتت و غالبا اللى معندهومش ستوب :(
unknown
18-03-2011, 05:39 PM
نفس التذمر :(
فى ناس كتير اتدبحت فى الطلعة اللى فاتت و غالبا اللى معندهومش ستوب :(
يادكتور اسامه الناس اتدبحت فى الهبوط والصعود
اذا كان الين رفع من يومين بسبب شراءه لتغطيه الاحداث فى اليابان
ليه دلوقتى انهار على الرغم من بقاء الوضع كما هو عليه
الناس دى بتلعب بينا بجد...كله باع الين بعد مصيبه اليابان
عشان كده رفعو الين وبعد ماناس خسرت الين رجع لوضعه الطبيعى نتيجه الاحداث الراهنه
والله اعلم ايه تانى هيحصل ياما بكره هنشوف
vBulletin® v3.8.8