المشاركة الأصلية كتبت بواسطة المحروم (المشاركة 221326)

السلام عليكم والله يا دكتور أنك رجل عظيم لمقدرتك على توصيل الفكره وكمان لأنك فهمت جان كان بيعمل ايه تقريبا أنا عن نفسي شفت بعض الحاجات المتوفره عن جان وأستراتيجياته بس بصراحه كل مره أطلع مش فاهم.
الأخ جان ده كان غريب وبينطبق عليه المثل بتاع ومن الذكاء ماقتل حتى طريقة ترتيبه للأرقام غريبه مصفوفات وأفلام هندي وكل ده كوم وانه يربط الحركه مع الزمن وتقيمه للحاجه ديه كوم تاني وأنا لدلوقتي بحاول أفهمها بس لسه صعبه عليه شويه أما بالنسبه لمن يريد الربح السريع دون التعلم فأنا أبشره بل مارجن كول القريب جدا أنا عن نفسي أول مره كنت فرحان أني عرفت أستخدم الفيبوناتشي وقلت خلاص أنا مليونير وبعد أسبوعين أستلمت مارجن كول وقلت فوركس مين كلام فاضي بلا فوركس بلا فيبوناتشي وبعد فتره أتعلمت النماذج السعريه و قلت خلاص أنا مليونيير وقمت مجرب الديمو وبعد مربحت من 5 صفقات علطول أمت عامل واحد حقيقي ومديها شغل بس للأسف مارجن كول بعد شهر والحساب بي باي والسبب في الخساره كان أني مبعرفش أتعامل مع الأخبار وكل ده كوم ونفسيت التاجر كوم تاني وأدارة الحساب وما أدراك ما أدارة الحساب والطمع بتاع ادارة الحساب المهم شويه شويه تعلمت حجات كتيير مع العلم أنه دلوقتي كل حاجه تحت السيطره و الحمد لله في أرباح بعد عناء وخبره طويله وتعلم كتييير ولسه بنتعلم متزعلش نفسك يا دكتور وتقول الموضوع يموت لا لا لا لا أنا معاك ويا ريت تتكرم علينا وتشرح هو كان بيربط الزمن والحركه مع بعض الزاي ولك كل الأحترام والتقدير يا دكتور على مجهودك الجبار والى الأمام ألى الأمام الى الأمام ثورة ثورة ثورة .

المشاركة الأصلية كتبت بواسطة alshreef2011 (المشاركة 221342)

موضوع متالق ومتابعه ممتازة من صاحبه
جزاك الله خير استاذ محمد

المشاركة الأصلية كتبت بواسطة د/محمد حسام (المشاركة 221357)

نيجي ونقول حاجه علي السريع في حق مربع التسعه استخراج المستويات منه بنفس طريقة مربع ال144 ولكن خد بالك من حاجه مهمه اخر حاجه مستويات مربع التسعه هتلائيها بعيده شويه عن بعضها وده ليه يا تري

لسبب بسيط جدا ان كل مستوي بعد المستوي اللي قبليه بدوره سعريه كامله يعني 360 درجه ولا زم لما السعر يخترقه ياخد منه الاذن قبل ما يكمل طلوع او نزول يعني ايه ياخد منه الاذن يعني لازم يعيد اختبار

وفي عمله زي زوج اليورو دولار لو عدي مستوي وكمل بعد اعادة الاختبار لازم عند المستوي اللي بعده يرتد ارتداد محترم

واحد هيقولي ايه الكلام ده ياريس وانا ان شاء الله هعرف منين المحترم من غيره

اقولك المحترم يعني مش اقل من نص دوره سعريه من عند المستوي ده

هيرد عليا واحد تاني ويقولي ده علي اساس ان سعادتك فهمتنا ايه هيا الدورات السعريه هقوله تابع ان شاء الله وانت تعرف

المشاركة الأصلية كتبت بواسطة المحروم (المشاركة 221369)

طيب يا دكتور بنسبه للعملات التانيه زي USD/CHF ازاي نجيب الرقم نحذف حاجه ولا زي ما هوه علشان نعرف نجيبه من الجدول بتاع جان ونحدد له القمم والقيعان او الدعوم والمقاومات وجزاك الله خيرا

المشاركة الأصلية كتبت بواسطة علاء حمدان (المشاركة 221376)

الكلام دا كبير يا دكتور محمد
ياريت بقي الشرح على الصور علشان نركز ونطبق
ويبقي عندنا طريقتين لاخرج المستويات القويه بواسطة ادوات جان
منتظر ومتابع ومتلهف

المشاركة الأصلية كتبت بواسطة علاء حمدان (المشاركة 221263)

لم يريد القراءة اكثر عن جان يمكنه قراءة هذا الكتاب
كتاب مدخل الي نظرية جان .. Gann Concepts .. عملاق التحليل الفني
وهو موضوع كنت انزلته الاسبوع الماضي