|
رد: الى من يحب ... مصر
اقتباس:
ربنا يعلم انا بعزك قد ايه بالرغم من الاختلاف التام فى وجهات النظر بس تقريبا هوه ده اللى صنع المحبة بينى وبينك او المحبة اللى بكنها لك لانى مش عارف ايه ظروفك علشان متقلش انى بتكلم على لسانك |
رد: الى من يحب ... مصر
اقتباس:
هل عندك شك واحد ان هناك مصرى عاقل يريد اسقاط الجيش المصرى او يستطيع ان يشتم او يخون اى جندى مصرى !!!!!! انت تكلمت كلام غاية الروعة ولكن عن جنود مصر ونحن نتكلم عن الكام واحد اللى اسمهم المجلس العسكرى اصحاب كل المصائب والبلاوى لنكون صرحاء : الجيش لم يحمى الثورة ولم يكن ضد الثورة بل كان على الحياد الجيش كان يحمى المنشأت الحيوية والشعب المصرى هو من حمى نفسه وحمى بيته ومنطقته وشارعه باللجان الشعبية من قبض على بلطجية موقعة الجميل وغيرها هم الشعب المصرى وليس الجيش !!! بل لو كان الجيش يريد وقف البلطجية يوم موقعة الجميل لكان اوقفهم ومنعهم من الدخول اصلا الى الميدان ولكنه ترك يده وعندما شعر بانتصار الثوار كل مافعله انه وضع حاجز بينهم الشعب هو من قام بثورته وهو من حماها والحمد لله اثبت الشعب المصرى انه قادر على حماية نفسه وعرضه فى غياب الشرطة والامن !!! ولو انت واخد المبدأ اللى بيقول ان كتر خير الجيش انه مضربش الثوار ولم يجعل مصر ليبيا او سوريا فهذا منطق غريب وعجيب وتفتكر ان لو المجلس العسكرى اعطى اوامره للجنود والظباط بفتح النار على الثوار !!! هل كان سيوافق الجنود ؟!!! طبعا لا والف لا لانهم جند مصر خير جند الله فى الارض فأرجوا ان نتركنا من هذه النغمة وهى اننا نخون جنود مصر ونريد اسقاط جيش مصر وحتى فى الحروب فالظباط والجنود هم من يحاربوا والمجلس يجلس فى المكاتب !!! وهذا لايمنع بالطبع ان هذا دورهم وبعدين تعال هنا : هو الجيش المصرى بيعمل ايه بقاله 40 سنة !!!! المجلس العسكرى وكبار الظباط يعيشون كالملوك ولديهم دولة خاصة بهم لديهم مستشفيات بالمجان على احدث مستوى وشقق ونوادى و ووووو ...الخ اما الظباط الصغار والجنود فما هم الا عبيد بالسخرة للمجلس العسكرى او عمال لمشاريعهم من غير اجر الصول الجاهل يقدر يدى الدكتور والمهندس على افاه حسنى مبارك كان يضمن ولاء الجيش بانه اعطاه اكثر من نصف ايراد مصر مع ان الجيش بمشاريعه فقط يمكنه او يسدد ديون مصر !!!! نرجع للثورة تانى ونقول ان المجلس العسكرى اثبت انه لن يترك الحكم الا لمن يريد المجلس سبب جميع الازمات التى حدثت فى العام ونصف وهو المسؤل عنها واعتقد ان الموضوع اصبح واضحا للأعمى خصوصا فى الشهرين الماضيين والان يدخل علينا بدستور مكمل أبهر العالم واضحكه علينا لايوجد فى دولة واحدة ماوضعه المجلس من مواد دستورية هل من حقة ان يحل مجلس انتخبه 30 مليون مواطن واهدار 2 مليار جنيه هل من حقة ان يعطى البراءات لجميع قتلة المتاظهرين اين الامن والامان خلال العام ونصف الماضيين !!!!!! اين الاصلاح والبنزين خلال العام والنصف الماضيين !!!! كل مانريده هو ان تكون وظيفة المجلس العسكرى ان يأخذ باله من الجيش وملهوش دعوة بالحياة السياسية فى مصر كأى دولة فى العالم فهل هذا كثير ؟ !!!!! وهل هذا معناه اننا نريد هدم مصر ؟!!!!! يعنى هوه الشعب المصرى لازم يطاطى رأسه للعسكر ويخليهم يعملوا اللى همه عايزينه فى البلد علشان ميبقاش اسمنا بنتحدى جيش مصر وياعزيزيى لو فرضنا ان المجلس العسكرى معه الشرعية من الشعب لمصرى فالشعب اعطى الشرعية للمجلس العسكرى لحماية مصر خلال الفترة الانتقالية ولمساعدة مصر على السير نحو البناء وتنفيذ العملية الديمقراطية ولكنه لم يعطيها علشان المجلس يغرق مصر خلال سنة ونص فى مذابح وازمات لم يعطيها لكى يحكم هو مصر بالتزوير والغصب ويحل مجلس منتخب من 30 مليون ويسحب سلطات رئيس منتخب |
رد: الى من يحب ... مصر
اقتباس:
لماذا تعتقد ان الجهل و التخلف والفقر اهانة و تجريح ووصف شخصى لكل من صوتوا لمرسى , هذه ليست مجرد اوصاف او تجريح بشخص ما , هذه حقائق مؤكدة وارقام واحصائيات يعلمها الجميع , الصغير قبل الكبير , الشباب قبل الشيوخ , البنات قبل النساء , بل ان العالم كلة يعرف هذا , اما اذا كنت حضرتك تنكر هذا ولا تريد الاعتراف به فهذه مشكلتك وانت حر بها . اذا افترضنا بحسبة بسيطة ان عدد سكان مصر 80 مليون وان الاحصائيات تقول ان حوالى 40 % تحت خط الفقر ( المطلب الرئيسى لتوافر الجهل والتخلف ) يصبح عندنا 32 مليون تحت خط الفقر , واذا ايضا افترضنا بحسبة بسيطة ان مرسى حصل على 13 مليون صوت ( على الرغم من عدم ظهور النتيجة رسميا حتى كتابة هذه المشاركة ) , فان مرسى يمتلك قاعدة عريضة من 32 مليون نسمة تحت خط الفقر يمكنة ( اى مرسى ) ان يختار 9 او 10 او 11 او 12 مليون منهم للتصويت له مقابل رشوة انتخابية ( وكلة متصور وجاهز وموثق ومش هانغلب ) وايضا يعلمة الصغير قبل الكبير بل ايضا يعرفة العالم كلة , اما ايضا اذا كنت حضرتك تنكر هذا ولا تريد الاعتراف به او تعتقد انه موجه لشخص كل من صوتوا لمرسى فهذه مشكلتك انت وانت حر بها للعلم انا لست ضد من صوت لمرسى بصفة عامة طالما انه مقتنع بفكر الاخوان و المرشد و طالما ان قرار التصويت نابع من تفكير عميق وفهم لحقيقة الامور بالعكس هذا شىء مشرف , اما ما يحزننى هو شراء الاصوات والضمير بشوية زيت وسكر , انا مش زعلان من الناس اللى اخدت رشوة وقبلتها , انا زعلان على حالهم وعلى الحال اللى وصلنا ليه عموما , للاسف فعلا عندنا فقر وجهل وتخلف ويجب ان نعترف انه موجود فعلا ونحاول نغيرة ونقضى علية ونجد حلول لية , ونقضى على نظام الرشاوى كلة سواء فى الانتخابات او فى غير الانتخابات , مش ندفن روؤسنا فى الرمال ونقول الحياة وردى ودة افتراء وتجريح و اهانة وتشوية واشاعات , دة اذا كنا فعلا عايزين تغيير للاحسن وعايزين نصلح , لان اكيد اللى عايز يصلح ويقضى على الرشوة والتزوير مش هايروح هو نفسة يعطى رشاوى , مش كدة ولا اية اعتقد ان اسلوب المناقشة عند حضرتك ( احيانا ) محتاج لشوية هدوء بدون عصبية ودة طبعا واضح لما حضرتك وصفتنى انا او المهندس نادر فيليب رسميا باننا (دول ياعم بتوع شفيق – وكأننا قاعدين فى حارة ولا من رجالة شفيق مثلا ) , ( وديكتاتوريين ونفس طريقة تفكير مبارك – وكانك دخلت جوة عقولنا وعرفت احنا بنفكر ازاى ولا مش بنفكر من الاصل ! ) , هل كان المفروض ادخل ارد على حضرتك وقتها واقولك يا بتوع مرسى يابتوع السمع والطاعة مثلا , هل كان لازم ارد عليك بنفس اسلوبك ؟ ولا اتجاهل المشاركات اللى ملهاش لازمة زى ماعملت مع مشاركة الاخ ابو بشار المشرف ( واكرر المشرف اللى المفروض اسلوب الحوار عندة يكون اعلى من كدة بكتير ويحترم من هم اكبر منه سنا على الاقل ) , ولا كنت عايزنى ارد عليك واقولك انتوا الاتنين بتطبلوا لمرسى زى ما الاخ ابو بشار عمل ؟ سؤال اخير بعد اذن حضرتك جاوب علية مع نفسك ( مابينك ومابين نفسك يعنى لكن فى هدوء تام ) , حضرتك قولت لولا ان رد الاخ ابو بشار عنكم لكان من الممكن ان تتكلم انت كلاما لا يرضى احدا , ما هو المقصود بالظبط وما هو نوع الكلام وموجهة لمن ؟ الموضوع انتهى والحوار والنقاش مفيش امل منة واعتذر عن الرد او المناقشة مستقبلا سواء مع حضرتك ( اقصد الاستاذ فاروق ) او الاخ ابو بشار |
رد: الى من يحب ... مصر
اقتباس:
ومش هنضطر نستحمل الكلام الغير محترم ده اكتر من كده ,جايز يكون للادارة موقف واضح من السخافات دى |
رد: الى من يحب ... مصر
تم اغلاق الموضوع لتحوله الى مناكفات حادة .. وتم اتخاذ اللازم بحق المخالفين .. شكراً لتفهمكم |
| الساعة الآن 11:12 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com