|
رد: توصيات رقمية و10 الاف نقطة شهريا ان شاء الله
اقتباس:
اقتباس:
اقتباس:
اقتباس:
شكرا جزيلا للسؤال ...الحمد لله بخير وإن شاء الله نكتب المزيد من المشاركات الأيام المقبلة شكرا جزيلا وتقبلوا تحيات العطرة |
رد: توصيات رقمية و10 الاف نقطة شهريا ان شاء الله
اقتباس:
وحمدا لله على سلامتك ..والف الف مبروك على التخرج خيرا ان شاء الله ..تقبل تحياتى العطرة لك |
رد: توصيات رقمية و10 الاف نقطة شهريا ان شاء الله
هادردش معاكم شوية اصدقائى ...وركز فى كلامى كويس
الفترة الماضية كنت فى الحقيقة شبه معتكف لدراسة سوق الفوركس .. جلست كفلاسفة العصور الوسطى افكر ... والحقيقة ان ذلك أتى بعد تراجعات لى كبيرة لصفقاتى ..رغم انى عارف ومتأكد من اتجاهى بس فيه تراجعات ...قعدت أفكر وجدت اننى مهما فعلت لن استطع منع تلك التراجعات لأنك هتلاقى خبر ينزل من هنا وخبر من هناك فجأة فى خلال دقائق تجد نفسك فى دنيا تانية بصفقاتك ...وإن كنت غير واثقا من تحليلاتك هتلاقى نفسك بتغلق جميع الصفقات وتدخل وتقول يبقى أكيد عكس اتجاه وبعد ماكنت مشتريا تدخل بائعا فتجده يعكس عليك مرة أخرى ...ايه الحكاية هى البنوك المركزية ناوية تخسرنى ولا ايه ... لذا وضعت نقاط محددة وهى ... * سأدخل الصفقة مع الأتجاه العام لزوج العملة * ولأن الصفقات تعكس نقاطا عديدة لذا يكون الدخول على مراحل * ويكون مابين كل مرحلة ومرحلة فى الدخول معدل معقول من النقاط طيب أحدد نقاط دخولى ازاى ...بالنظرية الرقمية يعنى هاستخدم كل ادواتى ...القنوات والأرقام الأرتدادية وفيبوناتشى والبايفوت وغيرهما .. ولا اقوم بإغلاق الصفقة إلا اذا تم عكس الأتجاه العام لزوج العملة .. * ثم قعدت أفكر مرة أخرى هى ازواج العملات بتعكس اتجاهها العام كل كام اسبوع ؟؟؟ فوجدت ان هناك تفاوت بين زوج عملة وآخر لكن جميعهم اتفقوا ان المدة لن تقل بأى حال فى الغالب عن 4 أسابيع وتأتى تلك المدة القصيرة نادرا ..اذا كان اتجاها عاما كاذبا فقلت هو انا ليه مش آخد الأتجاه العام من اوله ؟؟؟ فوجدتنى اقول مش هاينفع لأنى هاقعد احلل وأضرب الودع هل غير اتجاهه ولا لسه وأشوف اشارات تأكيدية كثيرة يكون زوج العملة اتحرك المزيد من النقاط وأكون انا نفسى اتأكدت من وجود اتجاه جديد ...فالعملية مش سهلة ..حكاية تغير الإتجاه لا تأتى كل يوم ديه حدوتة كبيرة .. لذا قررت الدخول فور تأكدى من وجود اتجاها عاما جديدا ..وعلى مراحل نقطة ومن اول السطر . |
رد: توصيات رقمية و10 الاف نقطة شهريا ان شاء الله
لذلك ياصديقى اللورد ..الفترة الماضية وجدت مئات التحليلات على
زوج الباوند دولار ...تقول انه هابط لا محالة ..افتح الخريطة أجد مفيش الكلام ده الزوج بيتحرك فى النطاق اللى حددناه ومفيش أى مشكلة فيه .. لابد ان تثق فى تحليلاتك ..لأنك ان دخلت أكثر من منتدى وموقع ورأيت العديد من التحليلات هتجد نفسك أصابتك لوثة عقلية وعملت أى حاجة ..ليه الكلام ده ؟؟؟ لأن دخلت عند الحاج على يوسف قالك زوج العملة صعود ..ثم ذهبت فى منتدى آخر قالولك هبوط ...ثم ذهبت لمنتدى ثالث قالولك لا صعود ولا هبوط ده تعريض !!! طبعا سعادتك هايحصل لك تشتت ...وهتدخل تعمل أى صفقة .. والحكاية ديه بتحصل لأى شخص ... ان يأتى شخص آخر يشكك فى صفقتك هو الراجل لم يخطئ لأنه بيحلل بأسلوب آخر ..وله طريقته فى التداول لذا انت ياصديقى لن تستطيع ان تستعمل كل طرق التداول ..ده حتى هايتعبك ذهنيا اختار طريقة واتقنها جيدا ...عاوز تشتغل برايس أكشن اشتغل عاوز تشتغل رقمى اشتغل ...عاوز تشتغل تحليل كلاسيكى مفيش مشكلة مفيش أى مشكلة انك تشتغل بأى تحليل ...المهم انه يأتى معك بنتيجة جيدة وكل تحليل ستجد هناك مايسمى بالمطبات ...يعنى هتلاقى نقطة صغيرة فيه ممكن تلخبطه ..لذا كن حريصا على معرفة تلك المطبات جيدا يعنى مثلا فى التحليل الرقمى هناك مطبات الشموع ..إزاى ان يحدث الكسر بكامل جسم شمعة ..لكنها صغيرة ..لا نعتد بها فى التحليل الرقمى ولابد ان يأتى جسم شمعة تالية لها يكون أدنى منها .. ده مطب من مطبات التحليل الرقمى ... نقطة ومن اول السطر . |
رد: توصيات رقمية و10 الاف نقطة شهريا ان شاء الله
النقطة التالية التى نوهنا عنها ..ان لا تدخل فى التصحيح ..
مثال ذلك ...الأسترالى دولار كان بيصحح وصعد اليومين اللى فاتوا والعبد لله عمال يبيع على كل الأسعار وواضع اوردرات معلقة فوق بالبيع ياسيدى ده طالع ...ايوة وانا ببيعه ...طيب ليه ..لأنه تصحيح واتجاه الزوج هابط بل البنك المركزى الأسترالى حدد له قيمة عادلة 8500 اقوم انا اشتريه ب 9000 ليه !!! علشان 100 او 200 نقطة ...مش عاوزهم ...انا هاقعد كل لما يصعد ابيع واكسب منه هذا الأسلوب قد لا يتفق مع البعض ..لكنه أسلوب تداول أثبت نجاحه زوج العملة يحترم اتجاهه وكما صعد ليصحح سيهبط مرة أخرى .. لذا من المهم جدا تحديد اتجاه زوج العملة ...وعمل القنوات له ثم بعد ذلك اشتغل كما تريد واقعد حلل ياصديقى اللورد ... |
رد: توصيات رقمية و10 الاف نقطة شهريا ان شاء الله
طيب ناخد مثال عملى الآن ...سعادتك شايف الدولار فرنك متبهدل
مفيش أى مشكلة هاشترى عند 8930 مثلا وهاعمل اوردر شراء قرب ال 8800 هل تظن انك هاتكسب ولا هاتخسر ياصديقى اللورد ... هو زوج العملة شغال من 8790 ل 9265 ...وسعادتك بتشترى قرب ادنى ارقام القناة هايصعد بك وهاتكسب إن شاء الله ..وكسر ال 8790 بكامل جسم شمعة ايقاف خسارة ثق تماما طالما الصفقة واضحة امامك يبقى مفيش مشكلة .. انت ياصديقى عارف القناة التى يتحرك فيها زوج العملة ..وعارف امتى تغير الأتجاه لم يتبقى لك سوى ادارة رأس مالك والشراء على مراحل ... |
رد: توصيات رقمية و10 الاف نقطة شهريا ان شاء الله
اقتباس:
معلش يا باشا حقطع كلامك للتعقيب على الجملة اللى باللون الاحمر دى فعلا البنك كان قال ان العملة سعرها عالى و المفروض تكون فى حدود ال 8500 .... ولكن البنك وجد بعد ذلك تضخم فى الاسعار ومشاكل حتحصل فى الاقتصاد بتاعه بسبب ان العملة منخفضة لذلك المح انه من الممكن رفع سعر الفايدة فى النصف الثانى من العام لذلك ارتفع الاسترالى بقوة ومازال يرتفع ومن وجهة نظرى الشخصية انه سيكمل ارتفاعه رغم انى حتى الان متورط فى بيعه ولكنى قمت بقلب كل العمليات على امل الخروج منه بالسلامة حاجة زى كدا لازم تنحط فى الحسبان يا باشا |
رد: توصيات رقمية و10 الاف نقطة شهريا ان شاء الله
احلي لايك للبروفيسير علي يوسف والله الراجل ده نجم مية المية المية المية المية تقبلوا تحياتي |
رد: توصيات رقمية و10 الاف نقطة شهريا ان شاء الله
افتقدناك كثيرا الايام لي فاتت
اعظم لايك لاعظم استاذ |
رد: توصيات رقمية و10 الاف نقطة شهريا ان شاء الله
اقتباس:
يبقى ان صدق البنك المركزى فى هذا التلميح مفترض ان الزوج يتحرك قبل النصف الثانى بأسابيع قليلة ..لكن هل يتحرك الآن بقوة علشان خبر احتمالى بعد 5 شهور على الأقل ؟؟؟ وقد يتحقق او لا يتحقق ..هنا تترك التحليل الأساسى وتبحث فى أدوات تحليلك الرقمية طالما تحت مستوى ال 9200 بكامل جسم شمعة يبقى مازال فى نفس القنوات الهبوطية ابتدى اقلق لما يرتفع عن ال 9200 ويثبت فوقها بكامل جسم شمعة .. شكرا جزيلا على تلك المشاركة المهمة ..وتقبل تحياتى العطرة لك |
| الساعة الآن 11:55 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com