![]() |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
بسم الله الرحمن الرحيم مرة اخر اهلا ومرحبا بكم في لقائنا المتجدد حول احتراف التحليل الاساسي لازلنا ضمن حلقة التضخم وكيفية قياس نسبة التضخم وكيف تقاس وموعدنا اليوم مع ثاني مؤشر لقياس نسبة التضخم وهو مؤشر اسعار المنتجين PPI (Producer price index بروداسر برايذ إندكس وهو مؤشر من اسمه باين انه بيقيس تغيرات اسعار المنتجين والمصنعين يتكون المؤشر من القيمة النقدية للسلع المنتجه ( السلع التي تم الانهاء من تصنيعها جاهزة للتوزيع ) اسعارها ايه وكمان السلع التي لم تنتج ( اللي لسة شغالين فيها وبينتجوها ولسة ما تفنشتش )( ما اخدتش الفينش النهائي ) والمواد الخام ( لان هي دي المواد التي يعتمد عليها المصنعين في الانتاج ) ( بدون مواد خام لا يوجد انتاج ) المؤشر ده مهم جدا وكمان ليه الاسبقية لقياس نسبة التضخم لان بناء عليه يتم تحديد اسعار المستهلك في المستقبل بمعني ان احنا لو بنركز في الكلام شوية هنلاقي انه مؤشر اسعار المنتجين مرتبط بمؤشر اسعار المستهلكين لان المنتج هو اللي بيحدد سعر الاستهلاك بالتالي هذا المؤشر يعتبر اهم من مؤشر اسعار المستهلكين وله قيمة اهمية اكبر وطبعا كما ذكرنا سابقا احيانا يتم ازالة اسعار الغذاء والبترول منه عشان هما بيتقلبو بشكل سريع جدا وهايبقي اسمه Core PPI ونكتفي بهذا القدر اليوم وفي انتظار الدرس القادم واللي من رآي انه اشق و اشوق الدروس وهو الناتج المحلي الاجمالي GDP |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
التحليل الاساسي من المواضيع الشيقه جدا لفهم طبيعه السوق ... موضوع شيق وبالتوفيق واحلي لايك |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
تسلم ايدك يا باشا واتمني تكون الشروحات مبسطة وسهله |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
تحياتي اليك مشرفنا الغالي واجمل باقة زهور الي اسرة المنتدي ووجشنا يا مستر اسامة وارجوك ماتغبش عالينا |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
موضوع قديم ان شاء الله متابعين
|
رد: معاً--خطوة بخطوة حتي احتراف التحليل الاساسي -- كل يوم معلومة جديدة
متابع معك أخى الغالى من جديد ,
بالتوفيق لك تقبل تحياتى |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
يا حلاوووة الشرح الي زي العسل كل درس احلى من الي قبله لااااااايك كبير |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
دائما بالانتظار ومتابعين بشغف |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
تلسم ايدك يا ريسنا ومتابعة جيدة ان شاء الله اقتباس:
نعم بالفعل وانا من عشاق التحليل الاساسي اقتباس:
ومني ليك احلي والف لايك يا باشا علي التفاعل والتواصل المستمر اقتباس:
|
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
بسم الله الرحمن الرحيم اصدقائي اهلا مرحبا بكم مرة اخري في لقائنا المتجدد دائما ان شاء الله حول احتراف علم التحليل الاساسي موعدنا اليوم مع الدرس الشيق جدا والمهم جدا جدا وهو الناتج المحلي الاجمالي الناتج المحلي الاجمالي Gross Domestic product )GDP ( جروس دوميستيك بروداقط ) هو مؤشر بالغ الاهمية ( مؤشر مهم جدا ) لانه يعبر عن قوة الاقتصاد في اي بلد وعندما يكون الناتج المحلي الاجمالي هو الاكبر في الدولة تكون هي اكبر دولة بمعني اخر كلما كان الناتج المحلي الاجمالي لائ دولة هو الاكبر تكون هي الدولة اللي اقتصادها اكبر وعملتها اقوي ( بالعربي كل ما الدولة تنتج كل ما تكون اقوي ) دي حلقة في الودن مثلا الولايات المتحدة الامريكية الناتج المحلي الاجمالي ليها 14.500 مليار دولار اي مايعادل 14.5 ترليون دولار ودائما يقاس الناتج المحلي الاجمالي بالترليونات اي مئات المليارات (لان الدولة لما بتنتج بتصرف علي المنتج وبعدين تبيع وبعدين تجني ارباح المنتج والارباح دي بتعم علي الكل لان في انتاج ) يعني الدول وسط الدول كأنها فرد يعمل ويقاضي راتب الراتب ده هو الناتج المحلي الاجمالي يعني يستعمل الناتج المحلي الاجمالي لقياس حجم اقتصاد الدولة . هل اقتصاد قوي ام ضعيف هل في نمو ام في ركود سنعرف علي ذلك في كيفية قياس الناتج المحلي ببساطة جدا نقارن بين الناتج المحلي الاجمالي الحالي بالناتج المحلي الاجمالي السابق وطبعا قلنا بالترليونات او المليارات ونشوف هل الناتج بيزيد ام بيقل طبعا مع مراعاة نسبة التضخم عالية ولا لاء عشان الدنيا ما تتلخبطش معاك عشان لو في نسبة تضخم عاليا مع انتاج بنسبة عالية ايضا هاتكون هناك مشكلة عشان ساعتها هاتكون اسعار السلع والخدمات بتكلفة كبيرة وبنفس الدرجة والجودة وهي رخصية . نرجع تاني لموضوعنا لما الناتج المحلي يزيد معناها انه في نمو وانتعاش في الاقتصاد والعكس صحيح لما يقل يعني انه هناك فترة انكماش وركود او تباطؤ وهكذا الناتج المحلي الاجمالي هو يجمع كل الشركات التي تعمل في الدولة سواء كانت شركات تخص الدولة او من خارجها لا فرق طالما داخل حدود الدولة يعني اي صغيرة وكبيرة يتم انتاجها داخل الدولة واللي ينتجها شركات اجنبية شركات محلية تكون تضمن الناتج المحلي الاجمالي للدولة لانه يوجد ناتج قومي الاجمالي (Gross National Product ) جروس ناشيونال برداقط ) وهو يقيس قيمة اي شئ يصنع ويحمل فقط اسم الدولة يعني هنا يتم جمع جميع الشركات المنتجة لدي دولة معينة ويكون المتج يحمل اسم دولة يكون ده ضمن الناتج القومي يعني الدولة تجمع كل الشركات بتاعتها من جميع انحاء العالم وتشوف انتاجها يزداد ام لاء (او ممكن بطريقة تانية نجيب الناتج المحلي الاجمالي ونطرح منه جميع الشركات الاجنبية ونكتفي بحساب الشركات اللي تخص الدولة بس ) ونرجع تاني ونقول الناتج المحلي الاجمالي يراقب بقوة كبيرة وهو محرك اساسي للاسوق ونتوقف عند هذا الجزء ونكتفي بالشرح ولا ننسي الدرس القادم وهو كيف يتم حساب الناتج المحلي الاجمالي احنا عرفنة قياسة فاضل حسابة اتمني ان تنال الشروح اعجابك وتكون مبسطة بصورة كبيرة كي يستفيد ويحترف الجميع وتحياتي لاسرة المنتدي وللجميع وبالتوفيق ان شاء الله |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
بجد ربنا يجلعه فى ميزان حسناتك معظمنا عاوز يفهم التحليل الاساسى
|
رد: معاً--خطوة بخطوة حتي احتراف التحليل الاساسي -- كل يوم معلومة جديدة
بارك الله فيك
|
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
آمين ياباشا ويارب يكون فعلا الدروس سهلة وسلسه اقتباس:
الله يباركلنا ويباركلك ولكل الاعضاء |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
|
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
هو مش بس اعجبني يا باشا ده انا ادمنت على متابعة هذا الموضوع النوعي .. تريليون لااااايك |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
اشكرك مشرفنا العزيز دي حاجة تزيدني شرف وان شاء الله مستمرين حتي نهاية مشورا الاحتراف تحياتي لاسرة المنتدي |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
معلومات قيمه .. وبالتوفيق يا غااالي |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
بسم الله الرحمن الرحيم مرة اخري يتجدد لقائنا الشيق حول احتراف علم التحليل الاساسي اهلا بكم اصدقائي ومرحبا بكم جميعا في هذه الحلقة القصيرة والمفيدة ان شاء الله كنا قي توقفنا في الحبقة الماضية حول كيفية يتم حساب الناتج المحلي الاجمالي وفي الواقع هو يحصل ذلك عن طريق عملية حسابية معقدة قليلا ولاكن سنشرحها بسهولة ويسر ان شاء الله نرجع ونقول بيتم الحساب عن طريقة حساب الانفاقات ( اللي هي الاموال) علي كل من استهلاك الافراد من السلع والخدمات والانفاق علي الاستثمار والفلوس اللي بتصرفها الحكومات واللي بتصدره وتستورده تعالو نسهل الامور اكثر قليلا ونمسك جزء جزء اول شئ الانفاق او الصرف علي الاستهلاكات الشخصي من سلع وخدمات consumer spending ورمزها حرف ال C زي السلع المعمرة مثل السيارة الاجهزة الالكترونية من الاخر الحاجة اللي تقعد في البيت اكثر من سنتين او تلاتة والسلع الغير معمرة مثل ملابس والذي منه اللي عمرة اقل من سنتين والخدمات مثل السفر والطيران والفنادق والحفلات والسيما كل الخدمات من الاخر وثاني شئ هو الانفاق علي الاستثمار Investment spending ورمزها حرف ال I وهنا الاستثمار مش البورصة والاسهم لا لا لا هنا الانفاق علي الاستثمارات يعني شراء الات ومعدات للمصانع عشان تشتخل وتنتج وشراء المساكن الجديدة هكذا وثالث انفاق الحكومي Goverment spending ورمزها حرف ال G يعني المستشفيات الصحة التعليم وكدا ورابعا الصادرات ودي طبعا مش عايزة شرح الحاجات اللي بتصدها الدولة Export ورمزها حرف ال E واخر شئ هو الواردات اللي بتستوردها Import ورمزها حرف اال I كل ذلك ينتج لنا معادلة كالاتي GDP= C+ I + G+ (X - M ) طبعا الكلام ده للي عايز يحسب الناتج بنفسة دي الطريقة ولاكن نحن نأخذ النتائج علي الجاهز لاداعي للقلق فعلم التحليل الاساسي كمان والله علي رأي الاستاذ اسامة عادل علم كبير وعميق جدا نجي بقي لاخر جزء واهم جزء وهو تأثير الناتج المحلي علي الاسواق اولا تأثير علي سوق العملات فوركس لو ارتفع الناتج المحلي دا معناها ان الاقتصاد قوي معناها ان عملة البلد هايزداد الطلب عليها يؤدي الي ارتفعا قيمة العملة بقوي ( وطبعا الدولة مايكونش فيها تضخم يذيد عن 1 او 1.5 بالكتير 2 %) ولو انخفض الناتج المحلي الاجمالي معناها ان الاقتصاد ضعيف وهش وستفقد العملة قيمتها بالتدريج تلقائيا ( لابد من انتاج لكي تعلو شأن الدولة من اصغرها الي اكبرها ) اما عن تأثيرة علي اسواق السندات والاسهم فا اذا ارتفع الناتج المحلي بيكون الاسهم افضل من السندات ويكون في اقبال عليها ( عشان الشركات بتنتج وسمعتها بتعلي وسهمها كمان بيرتفع لابد من ارتفاع الاسهم وهبوط السندات ) ولو انخفض الناتج المحلي بيكون هنا بقي الاسندات افضل بكثير من الاسهم دا من اقوي المؤشرات هو الناتج المحلي الاجمالي وجميع اسواق العملات والسندات تترقبه وتراقبه وهو محرك جيد للاسواق مثل سعر الفائدة والبطالة الخبر بيجي كل ثلاث شهور وبيتم عمل مسح واصدار نتائج مبدئية كل شهر وبالتوفيق ياشباب ان شاء الله ويارب الشرح يكون نال رضاكم ويكون مبسط لكي يفيد الجميع دعواتكم |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
موضوع مميز لايك
|
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
|
رد: معاً--خطوة بخطوة حتي احتراف التحليل الاساسي -- كل يوم معلومة جديدة
انا كل يوم ادخل اقرا موضوعك بجد ربنا يبارك فيك
|
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
جزاك الله خيرا على المجهود وزادك الله علما على علم قال رسولنا الكريم ( صلى الله عليه وسلم ) :- " خيركم من تعلم العلم وعلمه " |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
بالتوفيق باذن الله
|
رد: تعلم التحليل الاساسى خطوة بخطوة -- كل يوم معلومة جديدة
بأمانة لو قلت شكرا ابقى بظلمك.............. علشان كدة اقولك.................................. ألف ألف مليون ........... شــــــــــــــــــــــــــــــــكرا |
رد: تعلم التحليل الاساسى خطوة بخطوة -- كل يوم معلومة جديدة
و انا بدور فى الموقع fx arabia لقيت واحد كاتب رابط لموقع تعليم للفوركس و كان بيقول انة موقع رائع انا جربت الموقع و رايت ان الموقع اكثر من رائع انة مصيبة ها يفهم السوق كلة مش بس التحليل الاساسى الرابط اهو http://www.forexpeacearmy.com/forex-...on-pro-banker/ و اتمنى انة يفيدكو زى اما فادنى و ادعوا معايا للشخص اللى كتب الرابط لاول مرة على الموقع |
رد: تعلم التحليل الاساسى خطوة بخطوة -- كل يوم معلومة جديدة
اقتباس:
اقتباس:
تحياتي اخي كيفين وتسلم ايدك علي الردود والمشاركات الفعالة وان شاء الله انتظر المزيد والجديد في هذا العالم العملاق والفريد واما بالنسبة للموقع فهو جيد ولاكن غير مترجم حتي يسهل علي جميع الاعضاء ونتمني من سيادتك عدم وضع اي روابط لمواقع اخري لكي لا يقوم المنتدي بحظر عضويتك وان كنت اعلم انك تريد العلم والخير للجميع ولاكن هذه قوانين المنتديات |
رد: تعلم التحليل الاساسى خطوة بخطوة -- كل يوم معلومة جديدة
شكرا اخى على اخبارى بهذة المعلومة لانى كنت لا اعلم انة محظور فعل هذا ....اسف |
رد: تعلم التحليل الاساسى خطوة بخطوة -- كل يوم معلومة جديدة
موضوع أكثر من رائع |
رد: تعلم التحليل الاساسى خطوة بخطوة -- كل يوم معلومة جديدة
بأمانة لو قلت شكرا ابقى بظلمك..............
علشان كدة اقولك.................................. ألف ألف مليون ........... شــــــــــــــــــــــــــــــــكرا |
رد: تعلم التحليل الاساسى خطوة بخطوة -- كل يوم معلومة جديدة
السلام عليكم كل عام وانتم بخير استعدو يا شباب للهمه مرة اخري لنعمق في بحر التحليل الاساسي جاري تحضير الدرس |
رد: تعلم التحليل الاساسى خطوة بخطوة -- كل يوم معلومة جديدة
جاهزين
|
رد: تعلم التحليل الاساسى خطوة بخطوة -- كل يوم معلومة جديدة
فى انتظارك اخى العزيز
|
رد: تعلم التحليل الاساسى خطوة بخطوة -- كل يوم معلومة جديدة
بسم الله الرحمن الرحيم مرة اخري يتجدد لقائنا الشيق حول احتراف علم التحليل الاساسي اهلا بكم اصدقائي ومرحبا بكم جميعا في هذه الحلقة القصيرة والمفيدة ان شاء الله واعزروني لو كنت بتأخر عليكم كتير لعدم تفرغي وكثرة العمل بفضل الله و الحمد لله اما الان بعد ان تعرفنا علي الناتج المحلي وميزاته بقي علينا الان جزء صغير جداا ضمن الناتج المحلي وهو الناتج المحلي بالقيمة الحقيقية Real GDP نشرح واحدة واحدة ماشــــــي يا شباب كل اللي قمنا بشرحة عن الناتج المحلي الاجمالي بنسمية الناتج المحلي الاجمالي الاسمي Nominal GDP وده اللي بيقيس القيمة النقدية اللي حصلت عليها الدولة من خلال الخدمات والسلع ( من الاخر الفلوس اللي الدولة باعت بيها ولمتها ) كويس كدا طيب الناتج الحقيقي ده بقي Real GDP وده اللي بيقيس كمية انتاج الدولة .......... نوضح اكتر عشان اللي مش واصله له العملية لو ارتفعت الاسعار وذاد الطلب علي السلع والخدمات في الدولة معني كدا ان الناتج المحلي هايجي مرتفع وهايكون كويس للدولة والعملة وبالتالي يزداد الطلب علي العملة طيب لو الارتفاع ده عمال بيزيد والاسعاربتزيد بس الكمية اللي بتنتجها الدولة عمالة بتقل ومش في زيادة بل في نقصان ( هنا هايكون في تضخم في الدولة ) وده غير جيد بالمرة خد بالك انت في الناتج المحلي الاجمالي بتقيس الكمية اللي بتنتجها الدولة مش اللي بتتباع بس يعني علي قد الانتاج يكون في طلب وفي نفس الوقت يكون في زيادة في الكمية المنتجة او يحافظو علي الكمية اللي بينتجوها علي الاقل عشان مايحصلش عجز ومشكلة بالتالي لما يحصل عجز في الكمية اللي بينتجوها من السلع الخدمات الاسعار هاتزيد وده هايكون زيادة وهمية مثال بسيط جدا لتسهيل الامور :- شركات السجاير او بيبسي او كوكاكولا لما بتزود الاسعار علي العميل و بتحافظ علي نفس الكمية في السوق او بتزودها كمان صح ( بنلاحظ كدا ) الكمية مش بتقل كدا بيكون القراءة للناتج جيدة سواء البيع او الانتاج لاكن لو قل الانتاج في يوم لشركة ما السجائر مثلا هايظل يزيد السعر والكمية ويزيد السعر والكمية تقل بكدا هايكون في فجوة كبيرة بين السعر والناتج الاصلي ( كدا السعر بيزيد عشان مافيش انتاج ) نفس المثل بقي علي الدولة وشوف هايعمل ايه وزي مصر مثلا الاسعار كل يوم عمالة ترتفع عن اليوم الاخر ولاكن الانتاج قليل كدا كدا هايكون الناتج المحلي لمصر قوي جدا في الشراء للسلع والخدمات لاكن كا انتاج وقيمة منتجة ضعيف جدا وده اللي عامل التضخم في البلد ( ايوة مافيش انتاج عندك بالتالي الاسعار ستظل في ارتفاع شديد ويظل التضخم يزيد ) لازم انتاج وعجلة عمل عشان تكون دولة ويتم الطلب علي عملتك وبكدا اقدر اقولك ان الناتج المحلي الاجمالي الحقيقي Real GDP بيقاس او بيقيس الزيادة والنقصان في الكمية اللي انتجتها الدولة من سلع وخدمات وليس التغير في الاسعار فقط اتمني ان يكون نال الاعجاب للجميع |
رد: تعلم التحليل الاساسى خطوة بخطوة -- كل يوم معلومة جديدة
فى انتظار الدرس القادم ان شاء الله
|
رد: تعلم التحليل الاساسى خطوة بخطوة -- كل يوم معلومة جديدة
بسم الله الرحمن الرحيم السلام عليكم ورحمه الله وربركاته اصدقائي واخواتي اعضاء منتدي اف اكس ارابيا اهلا بكم جميعا . واستكمالا لموضوعنا الشيق حول التحليل الاساسي مرة اخري يتجدد اللقاء بنا ونقووولل الكل يركز شوية ويصحصح في الاخبار اللي جاية دي وهانشرحها عشان دي اخبار مهمة جدا واي تاثيرات فيها او تغيرات بتتعكس او بتأثر علي السوق فورا وعلي الاقتصاد طيب يا سيدي ادينا مركزين بعد ما اتلمنا عن الناتج المحلي نجد او نستنتج ان انفاق الاشخاص هو يكاد يكون هو السر ينبع من مؤشر الناتج المحلي الاجمالي لان الذي يشغل اكثر 70% من قيمة الاقتصاد هو الانفاق الذي يريده ( والمقصود بالانفاق = هو الاموال التي يشتري بها الناس الملابس - والاكل - والشرب - وزي ماتكلمنا في قبل كدا وعربيا وبيوت وي وي الخ كلها امور تخص الانفاق من الاشخاص قبل السلع والخدمات واول المؤشرات الهامة جدا التي سنعرضها هي :- مؤشر مبيعات التجزئة Retail Price Index اولا بيصدر كل شهر ( بعد نهاية الشهر ب 10 ايام ) يعني الشهر يخلص بعدها ب 10 ايام يجي قراءة المؤشر وهكذا وال 10 ايام دي ايام عمل والمؤشر ده كل وظيفتة انه بيقيس القيمة النقدية لكل مبيعات تجار التجزئة للمستهلكين ( بمعني انه بيشوف حجم او مقدار الفلوس اللي باع بيها تجار الجملة البضاعة للناس ) اظن مافيش ابسط من كدا المؤشر ده من اهم المؤشرات لانه بيعبر عن حالة المستهلك وحالة الانفاق من الاشخاص لانه كدا يعتبر المؤشر بيتعامل مع المستهلكين واجها لوجه واي تغيرات او تأثيرات علي المؤشر هاتورينا طريقة المستهلك وبالتالي اي نتائج ايجابية او ارتفاعات في المؤشر تدل علي نمو الاقتصاد واي نتائج سلبية ايضا تدل علي انخفاض وتراجع في نمو الاقتصاد ــــــــــــــــــــــــــــــــــــــــــــــــــ ـــــــــــــــــــــ معلومات زياده :- بيتم تقسيم المبيعات اي الفلوس اللي اتلمت من البيع تبعا لانواع التجار وليس انواع السلع او المنتجات يعني بيجمعوا اخر كل شهر التاجر كذا بتاع الاثاثات ويلم معاه كل تجار الاثاثات ويجمع كل الفلوس اللي اتباع بيها مش بيجمع انواع البضاعة اللي اتباعت وكذلك في الالكترونيات والاطعمة يعني مش بيحسب كل محل باع صنف ايه وصنف ايه قاعد لا بيجمع كل المحلات ويشوف باعو بيكام ويتم علي اساسة الحساب كمان بيتم ازالة مبيعات السيارات من هذا المؤشر عشان يكون اكتر تعبيرا عن حالة الاقتصاد لان لو تم اضافة سعر السيارات له لكان شديد التقلب ودمتم في رعاية الله |
رد: تعلم التحليل الاساسى خطوة بخطوة -- كل يوم معلومة جديدة
شكرا اخى العزيز كنت اتمنى انك تكمل نهايه هذا الموضوع لانه كان مفيد جدا ليا
ولكن تم حظرك لعل تكون مشكله بسيطه |
رد: تعلم التحليل الاساسى خطوة بخطوة -- كل يوم معلومة جديدة
اقتباس:
عذرا اخي العزيز علي الخطاء المرتكب وا ابن البيت اذا اخطاء فهو يعاقب ولا يطرد من البيت لانه بيته فكيف اطرد من بيتي :1 (26): |
رد: تعلم التحليل الاساسى خطوة بخطوة -- كل يوم معلومة جديدة
بسم الله الرحمن الرحيم السلام عليكم ورحمه الله وربركاته كما اتفقنا ان الانفاق علي الاستهلاك يمثل اكثر من 70 % من قيمة الناتج المحلي ولاكه يأتي كل ربع سنة اي كل 3 شهور فالمستثمرون يردون مؤشرات اكثر تعبيرا عن الاستهلاك وعن اداء الاقتصاد لحين صدور هذا المؤشر وبالتالي يظهر لنا مؤشر مؤشر الاستهلاك الشخصي ( Personal Consumption Expenditures (P C E واللي بيجي كل شهر ومن ثم تجمع نتائجة وتوضع في الناتج المحلي الاجمالي لان هذا المؤشر عندما تأتي نتائجة تؤثر بشكل عام علي الناتج المحلي الاجمالي فا عندما تكون نتائجة جيدة تكون نسبة ان يأتي مؤشر الناتج المحلي الاجمالي 70 الي 80 % جيد اذا فهذا المؤشر يرينا صورة لتقوقعات الناتج المحلي الاجمالي واللي بناء عليه بنقيم الاقتصاد بس رغم كل ذلك وقيمة هذا المؤشر الا انه يعتمد المستثمرون والتجار مبدئيا علي مؤشر مبيعات التجزئة بشكل اساسي واكثر لانه يصدر قبل مؤشر الاستهلاك الشخصي ( Personal Consumption Expenditures (P C E طيب فاكرين لما قلنا مؤشر مبيعات التجزئة بيجي كل شهر وبعدين بيصدر نتائجة بعد 9 ايام عمل وهكذا مؤشر الاستهلاك الشخصي بقي بيحي كل شهر وبيصدر نتائجة بعد 4 اسابيع عمل وهكذا يعني يمسكو شهر ويشتغله عليه لمدة 4 اسابيع ويفصصوه وبعدين ينزله نتائجة وبعدين يمسكوا الشهر اللي بعده هكذا شغل بضمير يعني كفاية كدا النهارة احلي منتدي واحلي بلد واحلي شعب في الدنيا مصر |
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
|
رد: معاً--خطوة بخطوة حتي احتراف التحليل الاساسي -- كل يوم معلومة جديدة
اقتباس:
بسم الله الرحمن الرحيم تحياتي اليك اخي ميدو علي المتابعة وخالص شكري وتقديري وتحياتي للفاضل الدكتور اسامة عادل وياعم الراجل مغلطش والله مانتوقعناش في غلط يا ميدو ____hhhhhhhh_____ وكان استفسارك بخصوص معدلات الفائدة ياصديقي معدلات الفائدة ليسة هي فقط من تتحكم في تحديد قيمة العملة كاكل من دون باقي المؤشرات الاقتصادية ولاكن هي جزء من ضمن المؤشرات التي تدلنا علي الخطة المتبعة للبنك المركزي من سياسة نقدية اما توسعية او اتكماشية ومثال بسيط لو العملة محققة اعلي اسعار لها تاريخيا ولو وصلت لمناطق لم تصلها سوف يخضع البك المركزي لخفض قيمة العملة لتجنب حدوث تضخم ابسطهالك اكتر كل ما هرتفع العملة كل ما هيكون في اقبال عليه من المستثمرين نحو الشراء وبكميات كبيرة لجني الارباح طيب والناس اللي بتسدر وتستورد هاتختلف معاها الاسعار وفي حاجات كتير هاتزيد قيمتها بسبب العملة اللي ارتفهت مع العلم ان القيمة هي هي لنفس السلعة وكمان انت لو من سكان الدولة هتلاقي العملة ليها قيمة بين العملات ولاكن بتشتري نفس الشئ لا اكتر ولا اقل فلاتالي هي عملية موازنة من البنوك لعجم تعرض الدولة لمخاطر اقتصادية طيب اقولك تاني اي دولة مش بتخفض ولا بتزود سعر الفائدة كدا علي الفاض والمليان لاء دا تبعا للسياسة النقدية اللي بيتتبعا البنك المركزي لكل دولة ولو السياسة النقدية للبنك المركزي توسعية يبقي هايكون هدفهم الخروج من حالات الركود والانكماش الاقتصادي فيبداء البنك بخفض معدلات الفائدة لغرض النمو وانعاش الاقتصاد ( في الحالة دي هاتقل قيمة العملة وبزيادة لحين تحسن نتائج المؤشرات وتحسن صورة الاقتصاد ومن ثم يفكر البنك في رفع معدلات الفائدة لجلب المزيد من المستثمرين ورؤس الاموال اما لو السياسة النقدية للبنك المركزي هي سياسة انكماشية هنا بيكون الهدف هو من خفض معدلات الفائدة هو عدم الوقوع في فخ التضخم وانه يحافظ علي الاقتصاد معتدل ( وده صعب علي اي دولة ) مثال حي شوف عملة النيوزيلاندي دولار ومعظم المؤشرات تأتي جيدة ومن المتوقع رفع قيمة الفائدة من المركزي النيوزيلاندي يوم الاربعاء 12/05/2014 الساعة 10:00 مساء بتوقيت القاهرة تحياتي |
الساعة الآن 09:05 PM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com