|
رد: نظرية التحليل الرقمى للفوركس وتطبيقاتها
اعتذار واجب
اعتذر لجميع المتابعين من الأساتذة والأخوة والأصدقاء عن عدم تكملة هذا الموضوع وغيره من الموضوعات المرتبطة وذلك نظرا لعدم التفرغ التام لمدة طويلة قادمة .. خالص اعتذارى ...وتقبلوا جميعا تحياتى العطرة لكم |
رد: نظرية التحليل الرقمى للفوركس وتطبيقاتها
اقتباس:
بألفة غريبة ...عارف لما تشعر انك بين اخوانك ... وان الكل عاوز يساعد الكل بما لديه من معلومة او رأى كما لمست لمدى حب الناس للتحليل الرقمى والرغبة فى تعلمه .. وان شاء الله عندما يكون هناك وقتا كافيا سأقوم بذلك .. لكن حكاية اكتب ثم انقطع وهكذا طبعا كلما رجعت قرأت ماكتبت ثم اقوم بالأضافة .. الى جانب الأعضاء اللى بيكون هاجر .. واللى بيكون ترك الفوركس أساسا !!! لذا سيوقف الموضوع حتى نتفرغ له شهرا على الأقل نواظب فيه مع الناس بأستمرار .. وفقنا الله واياكم لما يحبه ويرضاه |
رد: نظرية التحليل الرقمى للفوركس وتطبيقاتها
بعد قليل ...سأكتب خلاصة الفوركس ..
مشاركة قد تكون مهمة ..عليك ان تقرأها بعناية شديدة صديقى العزيز واستاذى الفاضل |
رد: نظرية التحليل الرقمى للفوركس وتطبيقاتها
خلاصة الفوركس
قد اكون مثلك تماما ياصديقى العزيز ..عندما دخلت سوق الفوركس ظننت من شدة جهلى اننى سأصبح مليارديرا !!! فى غضون شهور قليلة ولما لا ؟؟ فقد حققت اليوم 50 % فى حسابى وغدا سأحقق 50 % أخرى !!! ثم وفجأة يطير الحساب واسمع نداء الهامش .. ولعلنى قد استمعت له كثيرا حتى ان لم يأتى استغربت وبشدة من منعه من المجئ .. ثم جلست وحيدا حزينا فى غرفتى محملقا فى السقف !!!! ماذا افعل ؟؟؟ ثم فجأة قفزت من مقعدى وقلت هو مش كل زوج عملة بيتحرك فى نطاق معين هايكون كام يعنى طول الشهر .. وروحت ماسك زوج عملة زى الدولار / ين بصيت عليه لقيته بيتحرك طول شهر يناير 2013 من 8675 ل 9183 ....يعنى 503 نقطة قلت بس انا عرفت يوم ماهاخسر لو انا فقرى خالص وداخل عميانى يبقى 500 نقطة ..بصيت كدة لقيته فى 1/ اكتوبر / 2008 نفس الزوج نازل من 10653 ل 9092 يعنى حوالى 1000 نقطة تقريبا .. قلت بسيطة ...يبقى معايا اقصى رينج شهرى لزوج العملة ومعايا المتوسط اللى هو من 500 ل 700 نقطة والأهم من كدة ؟؟ يكون معايا الأتجاه العام للزوج واشترى وابيع على مراحل ... طيب الدولار / ين ب 9800 يعنى فوق ال 9650 تمام هاشترى صفقة قيمة النقطة 10 سنت ... ايه اللى هايحصل يعنى ..وهاعمل له ايقاف خسارة ان هبط بشمعة ديلى تحت مستوى ال 9650 ..لا ياعم ده علشان استنى شمعة ديلى تحت السعر ممكن ينزل جامد انا هاعمل 20 نقطة تحت ال 9650 ان كسرهم اقفل الصفقة طيب ايه اللى ممكن يساعدنى فى معرفة اتجاه زوج العملة اسهل حاجة المتوسطات المتحركة يبقى هارسم قنوات سعرية ..ومعايا متوسطات متحركة ارسمها تحليل فنى او رقمى مش مهم ...المهم عندك قنوات بيحترمها زوج العملة ..يصعد فوق المتوسطات والقناة يبقى صاعد يهبط دون المتوسطات والقناة يبقى نازل طيب انت شوفت زوج العملة صعد بقوة يعنى مثلا الأسترالى / دولار صعد من 9480 ل 9680 هل تدخل تبيع ؟؟؟ شوف ياسيدى الفاضل ..وركز جدا ...طالمازوج العملة اعطى اشارة صعود يبقى بلاش تشتغل فيه فى التصحيحات بل تشترى كلما هبط ..وليس العكس ..لأن مهما فعلت لن تتوقع نهاية التصحيح ..هو ممكن يصحح بك 20 او 50 نقطة ثم يرتد ويصعد 200 نقطة !!! يبقى انت بتشتغل عكس الإتجاه !!! اياك ان تشتغل عكس الإتجاه حتى لو كنت واثق من الصفقة بنسبة كبيرة ..انك عندئذ تعاند السوق ياصديقى !!! والسوق دوما هو المنتصر فى النهاية .. طيب عرفت ان الدولار / استرالى صاعد ...اشترى على مراحل وشوف الرينج الشهرى الأكبر لزوج العملة وتوقع الأسوأ .. قول لو الزوج ده عكس عليا 250 نقطة هل الحساب هايتمرجن خلى بالك انا قلت 250 نقطة لانك بتشترى على مراحل فى صفقة الأسترالى / دولار ..هاقول انه طالما فوق 9400 مثلا انا هادخل اشترى ...يبقى كلما هبط من 9650 اشتريت واقسم الفرق مابين ال 9650 ل 9400 ..يعنى 250 نقطة وممكن السعر لا يصل لبعض النقاط ..طيب تمام يبقى انا مثلا كل 25 نقطة هاشترى ب 10 سنت قيمة النقطة بحيث انى اكون فتحت مجموع صفقات بقيمة دولار تمام كدة ...حسابك هافترض انه ب 1000 دولار وسعادتك فاتح صفقات على مراحل بقيمة دولار للنقطة الواحدة وتغلقهم اذا ماهبطت دون القناة 9400 وكسرت المتوسطات الحسابية غير كدة انت مع الإتجاه ...ومش متابع تحليلات كافة محللين السند والهند اشتغل فى هدوء ..وتابع فقط الأخبار على زوج العملة .. وستكسب ان شاء الله وبعدما يزيد حسابك ستستطيع ان تفعل ذلك فى اكثر من زوج عملة بس المهم معرفة اتجاه واضح لزوج العملة واشتغل عليه اضافة لإدارة رأس المال .... الكلام النظرى حلو جدا ..واغلبنا فلاسفة وفاهمين بس التطبيق حاجة تانية خالص ..ليه ؟؟؟ علشان بتقعد قصاد الشاشة ياسيدى اكتب صفقاتك واتركها ...وهاتكسب ان شاء الله انت مشترى طالما زوج العملة فوق المتوسطات والقنوات وابتعد عن تحليل الفريمات الصغيرة الربع ساعة والنصف وكل هذه الأفتكاسات اللى بتخسرك .. ليس من المهم ان تكسب بل الأهم ان تعرف طريقة للمكسب !!! |
رد: نظرية التحليل الرقمى للفوركس وتطبيقاتها
البداية ...
النقطة الأولى لك فى التحليل الرقمى ستقف امام كلمة هى لغز الفوركس المدى Range ..عندما تفتح الشارت تنظر لمدى تحرك زوج العملة .. والمدى ياصديقى العزيز ببساطة شديدة الهاى - اللو = المدى يعنى الفارق مابين الهاى واللو هو الذى يحدد لك مدى زوج العملة . نقطة ومن اول السطر |
رد: نظرية التحليل الرقمى للفوركس وتطبيقاتها
ويقوم المتداولون بحساب الرينج اليومى والأسبوعى والشهرى
والسنوى ..بل هناك من تجاوز ذلك وأخذ يحسب الرينج على مستوى زمنى قصير للغاية ..الساعة والنصف والربع والخمسة دقائق !!! وقد تناولنا الرينج من زاوية ..لكننا الآن نبحث أمرا آخر تعالوا نشوف .. |
رد: نظرية التحليل الرقمى للفوركس وتطبيقاتها
فى الحقيقة ياسادة ياكرام ان القيم الشاذة هى ماتفسد تحليلات
المحللين الفنيين هتلاقى المحلل الفنى ماسك الشارت وعمال يضع مؤشراته ..ثم يقولك ايه ده معقولة الكلام ده ..ده زوج العملة لم يحترم المؤشرات وفى الحقيقة ان القيم الشاذة الموجودة هى التى جعلت من حساباته خاطئة ماهى تلك القيم الشاذة ..هى تلك الأرقام البعيدة تماما عن متوسط تلك الأرقام وذات معدل تكرار أقل وحجم تداول أقل .. فى الحقيقة علماء التحليل الفنى عالجوا ذلك بالماركت بروفايل ... ونحن هنا فى التحليل الرقمى عالجناه أيضا ولكن بشكل مختلف .. |
رد: نظرية التحليل الرقمى للفوركس وتطبيقاتها
نخلص من هذا ان المدى انواع
المدى المطلق وهو عبارة عن الفرق مابين الهاى واللو المدى الحقيقى فى العلوم التربوية والنفسية وهو اعلى رقم - اقل رقم + 1 والمدى الحقيقى فى اسواق المال اعلى رقم ( دون القيم الشاذة ) - ادنى رقم ( دون القيم الشاذة ) |
رد: نظرية التحليل الرقمى للفوركس وتطبيقاتها
طيب هناخد مثال توضيحى لحين تنزيل البيانات التاريخية
هانقول مثلا ان زوج عملة تحرك فى اليوم الأول مابين 5000 ل 5200 اليوم الثانى تحرك 5200 ل 5400 اليوم الثالث تحرك من 5400 ل 5100 اليوم الرابع تحرك من 5100 ل 4900 اليوم الخامس تحرك من 5000 ل 5150 اليوم السادس تحرك من 5150 ل 5300 اليوم السابع تحرك من 5300 ل 5200 اليوم الثامن تحرك من 5200 ل 5050 اليوم التاسع تخرك من 5050 ل 5160 اليوم العاشر تحرك من 5160 ل 5250 تعالوا نشوف ... |
رد: نظرية التحليل الرقمى للفوركس وتطبيقاتها
لو نظرت ياصديقى الى الأرقام بعمق ..
ستجد ان اليوم الرابع جاء بأرقام شاذة عن باقى الأيام وهذه الأرقام هى من 4900 ل 4999 99 رقم لم يأتوا الا مرة واحدة خلال 10 ايام * اذا 4900 هو قيمة شاذة لن احسبها كأدنى ارقام المدى وستكون حساباتى بداية من القيم ذات التكرار الأكثر وهى بداية من 5000 ..لتكون هى بداية المدى عندى |
| الساعة الآن 02:17 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com