اف اكس ارابيا..الموقع الرائد فى تعليم فوركس Forex

- - توصيات اليورو دولار (https://fx-arabia.com/vb/showthread.php?t=8487)

رد: توصيات لليورو دولار

العفو يا استاذ احمد يمكن انا كمان فهمتك غلط شكرا على ذوقك

رد: توصيات لليورو دولار

دلوقتى بيان اللى كنا مستنيناه طلع فلة شمعة منورة 103K لا صفر ولا 55 مال اليورو دولار محلك سر كدة ليه

رد: توصيات لليورو دولار

ميدو رايك اية نخرج دلوقتى من الشراء عند 3490 ولا نصبر شوية

رد: توصيات لليورو دولار

اقتباس:

المشاركة الأصلية كتبت بواسطة Sherif2009 (المشاركة 211658)

مش فاهم ازاي زيادة الوظائف الأمريكية تؤدي الى ارتفاع شهية المخاطرة على اليورو

هو مش المفروض لما الوظائف الامريكية تزيد يرتفع الدولار

فهمني الحوار ده

ارسيك علي الحوار يا بشاا و تشهيصني :)

بص يا شريف دلوقتي علاقة الاسهم الامريكية بالدولار علاقة عكسية أوك

يبقي لما يجي الخبر قوي مثل التوظيف جيد علي الاقتصاد الامريكي و الاخبار دي بتبقي علي الاقتصاد الامريكي و ليس العملة فقط يبقي الاسهم اية الي حيحصل في الاسهم حترتفع لان الاقتصاد بقي مستقر و في تفائل و اية الي يحصل في الدولار ينزل لية لان العملة الاساسية في العالم هي الدولار و المستثمرين بيعتبره ملاذ أمن يعني لما الاسهم الامريكية تقع الناس تستعوض عنة بالدولار

و لكن لما الاسهم الامريكية و الاقتصاد الامريكي يكون منتعش و مستقر الناس تتجة إلي المخاطره بشراء اليورو و الذهب فينخفض قيمة الدولار

علي عكس اليورو علاقتة طردية مع الاسهم الاوربية يعني أمبارح مثلاً أعلن ترشية عن رسمالة في البنوك الاوربية و شراء سندات خبر جيد مثل دة أدي في تداولات السوق الاوربي علي أرتفاع الاسهم الاوربية مما أدي علي صعود في اليورو

تعالي دلوقتي و شوف معايا نتيجة و تأثير الخبر علي السوق بالظبط زي مقولنا في المشاركة الي فاتت قبل الخبر أن مع المتوقع زيادة في التوظيف عن الشهر الماضي حيث الشهر الماضي زي محضرتك عارف كانت صفر و المتوقع 55 ألف فرصة عمل أية الي حصل جية الفعلي إيجابي جداً 103 ألف فرصة عمل أفضل كمان من كلام برنانكي قبل لما قال أن الاقتصاد الامريكي لابد لة من توفير 95 ألف فرصة للوصول إلي الحد الامن للأقتصاد الامريكي

أية الي حصل للسوق أرتفعت شهية المخاطره عند المستثمرين و أرتفع اليورو و أنخفض الدولار

بسبب أنتعاش السوق الامريكي مره أخري و أتجاه المستثمرين مره أخري لشراء الاسهم الامريكية

يا رب أكون وصلت المعلومة بشكل صحيح و لو في حاجة مش واضحة يسعدني أسألتك يا ريس

رد: توصيات لليورو دولار

اخ ميدو ايه رأيك فى روبوفوركس .. انا عايز اتعامل معاها عشان بتقبل البنوك الالكترونيه .. لما تفضى رد عليا انا مش مستعجل :)

شكرا مقدما ..

رد: توصيات لليورو دولار

اقتباس:

المشاركة الأصلية كتبت بواسطة karim marzouk (المشاركة 211693)

انا اتعاملت معاها شركه كويسه ومفيهاش ريكوت وبتديك بونص 15 دولار اول لما تفعل حسابك بس للأسف مبيبقاش الحساب اسلامى لو عايز حساب اسلامى يبقى متاخدش البونص وتعمل ايداع عادى

رد: توصيات لليورو دولار

اقتباس:

المشاركة الأصلية كتبت بواسطة Maysta (المشاركة 211699)

الف شكر ياباشا ..انا فعلا منتظر التفعيل للحساب .. لا تقلق انا مببيتش صفقات لتانى يوم :)

هو التفعيل ده بيقعد قد ايه ؟؟

رد: توصيات لليورو دولار

اقتباس:

المشاركة الأصلية كتبت بواسطة mohamedibrahim1 (المشاركة 211663)

استاذ احمد حضرتك فى وسط مشاركة فاتت قولت عن موقع اسمه فوركس فاكتورى انا فتحته لقيت انه حاطط مفكرة للاخبار بس السؤال التوقيت اللى جنب الخبر بتاع اى بلد بلد الخبر ولا مصر ولا ايه بالضبط

لا التوقيت الي جنب الخبر بيبقي توقيت جرنتش و تقدر تعدل التوقيت إلي توقيت بلدك أنت من الاعدادات الخاصة في حسابك
بعد متفتح حساب في فوركس فاكتوري حتلاقي فية ساعة فوق جنب كلمة login أضغط عليها و أظبط أعدادتها بتوقيت بلدك

رد: توصيات لليورو دولار

اقتباس:

المشاركة الأصلية كتبت بواسطة karim marzouk (المشاركة 211700)

هو التفعيل بياخد يومين بس انا كنت طلبت التفعيل يوم الخميس واتفعل يوم الاثنين عشان السبت والاحد اجازه

رد: توصيات لليورو دولار

اقتباس:

المشاركة الأصلية كتبت بواسطة Maysta (المشاركة 211708)

هو التفعيل بياخد يومين بس انا كنت طلبت التفعيل يوم الخميس واتفعل يوم الاثنين عشان السبت والاحد اجازه

تمام ياباشا .. شكرا جزيلا :)