اف اكس ارابيا..الموقع الرائد فى تعليم فوركس Forex - ورشة الفوركس forex الرسمية فى تحليل و توصيات اليورو دولار EURUSD

رد: الورشة الرسمية فى تحليل و توصيات اليورو دولار EURUSD

اقتباس:

المشاركة الأصلية كتبت بواسطة Elmasry (المشاركة 253657)

اليورو كسر الترند اليومي وهو ترند مهم جدا ومرتكز 5 ارتكازات

والان يعمل علي اعاده اختبار

http://www.fx-arabia.com/vb/uploaded...1325696679.png

يا مصرى لو سمحت حيعمل اعادة اختبار على اى نقطة بالضبط لو سمحت
يعنى حيصعد ولا حيهبط

رد: الورشة الرسمية فى تحليل و توصيات اليورو دولار EURUSD

اقتباس:

المشاركة الأصلية كتبت بواسطة iam2serve (المشاركة 253662)

السلام عليكم يا شباب ... أنا بصراحه حزين جداً من اللي بيحصل في الورشه!؟ مش عارف السبب ايه .. هل هو الضغط النفسي اللي موجود عندنا كلنا بيخلينا مش مستحملين بعض ولا ايه؟ ولو حد قال تحليل خلال لحظات تدخل علشان تشوف التحليل تفوجء انك لازم ترجع 4 صفحات ورا علشان تشوف التحليل!!!
يا محبوبين .. احنا لازم ناخد بالنا ان الورشة مش شات روم .. يعني صعب قوي نكتب فيها كلام مقطع .... يعني اللي يكتب تحليل ... يفضل انه يرفقه بصورة من الشارت تتدعم التحليل ونظريته ولو ليه توصيه يبقى مشكور بجد ... والكل لازم يحترم وجهة النظر والتحليل ... وطبعاً في الاخر لازم الكل يتحمل مسؤلية دخوله الصفقات ... ولو كنا مركزين مع ويبينار دكتور اسامة .. اكتر حاجة اكد عليها انه قال ... يفضل اننا ندرس الشارت ونقعد قدامة وقت طويل علشان نعرف نحلله ونطلع من عليه توصيتنا بنفسنا .. ومناخدتش توصيات حد من بره وخلاص.
طبعاً في اساتذه في التوصيات وطبعاً ليهم جزيل الشكر حقا
لكن اللي انا عايز اقوله , ان اللي يدخل الورشه محتاج يشوف كلام بناء وكلام يساعده في فهم الوضع الحالي لليورو .. لكن للاسف احنا أسلوبنا مع بعض حاد جداً وفي ناس كتير بتشد على بعضها وفي الاخر يعتذروا لبعضهم .. طيب هو اللي هيدخل الورشة لو شاف تعليق عباره عن اعتذار هيتابع تحليل اليورو ولا هيتابع اصل المشكلة كان فين ويشوف مين اللي غلططان ومين اللي بيعتذر؟؟؟
يا شباب احنا عارفين كويس قوي ان الفوركس ليه تأثير نفسي سلبي قوي جداً .. لو مستحملناش بعض .. الورشه هتفقد قيمتها
وبعدين انا متمرمط في الفوركس ... انا كنت شغال على حساب ديموا زي الصاروخ .. فتحت حساب حقيقي بـ 100 دولار اخدت بونص 30 دولار ... الحمدلله ضاع منهم 96 دولار مش باقي غير 4 دولار والبونص ... وكل التحليل والتوصيات بحاول افهمها من الورشة ومن نفسي .... وبالرغم من كده ... بحاول احافظ على هدوئي في الحوار .. وفي تعاملي مع الناس اللي في البيت عندي .. بالرغم من اني هطق .. بس بحاول بقدر الامكان اكون هادي ... وبعدين الحمدلله ان انا بتاجر بفلوسي .. يعني مافيش حد حاطت فلوس معايا علشان اقلق عليها لو ضاعت ..
خلاصة الكلام
احنا لازم نبقى مدركين ومايكونش فيه اي شك اننا فعلاً بنحترم بعض جداً جداً جداً وبنحب بعض جداً جداً جداً ... وان هدفنا الاول والاخير هنا اننا نساعد بعض على تحقيق الربح او مساعدة الخسران انه يهون من خسارته .. وياريت نساعد بعض على كده .. ونقلل من حساسيتنا شوية تجاه الأمور .. ونوسع صدرنا شوية للأسئلة البسيطة ...
يعني ابسط حاجة .. انا كنت بسأل ازاي اعمل صفقة مؤجلة ... سؤال اهبل بس مكنتش عارف ازاي ... بس في ناس محبوبين وشكرا ليهم بجد فتحوا صدورهم لأنهم يردوا على سؤالي ... وفعلاً استفدت كتير منه وعملت صفقة مؤجلية ونجحت وحققت ارباح ... وكنت فرحان .. لأن من سؤال اهبل عوضت وهونت شوية من الخسارة .. ايه يعني عوضت سنتات بس سنت على سنت هيعمل الدولار

انا بحترم كل اللي المنتدي بجد ... وفعلاً جهودكم جباره ... وعقلياتكم فعلاً ممتازة ... وانا انسان بسيط جداً ولسه بادئ في الفوركس .. ياريت تستحملوني شوية وتستحملوا قله فهمي .. وتعاملوني كأني طفل صغير .. ونفسي اتعلم منكم التحليل.

يارب يكون كلامي مش مزعل حد ... لكن انا حبيت اطلع اللي في قلبي

:1 (58):تحياتي :1 (58):

مساء الخير عليك ويارب تكون كسبت النهاردة ولو مكسبتش غير الصورة دى لحسن والله كل ما اشوفها قلبى ينقبض ويارب التوفيق ليك دايما

رد: الورشة الرسمية فى تحليل و توصيات اليورو دولار EURUSD

انت فين ياجالو والله افتكرت اغنية جالو الهوا جالو...

والله ياجالو اليوم رزقني الله رزقا وفيرا والله سبحانه سخرك لهذا الرزق الوفير .. انا كان حسابي حوالى 19000الف دولار وعملت حركه وسخه بنت وسخه وتسببت بخسارة هالمبلغ وما بقي معى سوا 3700 دولار وكان امس يوم مطين بطين ... والسبب انا ..... المهم دخلت امبارح بعشر لوتات من 3064 .. وصحيت الصبح ولقيتهم زى ما قال الاخ فالكون وصل سعرالورور لغاية 3020 وارتد وبعدين تضايقت جدا جدا وبعديها تذكرت وشفت تعليقاتك على الورور ومشاالله كانك لطيف في زمانه.. وقلت حصبر حصبر وفعلا نزل لغاية ما كسر ال 3018 وزودت خمس لوتات وصارو 15 لوت واعتقد بعت بربح حوالى 14 الف دولار ... ولو ما البروكر قالي صكر كنت حصبر لغاية 29 والله لاكن الحمدلله ...

واشكر كل الاخوه المحللين

رد: الورشة الرسمية فى تحليل و توصيات اليورو دولار EURUSD

اقتباس:

المشاركة الأصلية كتبت بواسطة احمد اسامه (المشاركة 253682)

يا مصرى لو سمحت حيعمل اعادة اختبار على اى نقطة بالضبط لو سمحت
يعنى حيصعد ولا حيهبط

فعلا يعنى يامصرى متوقع هبوطه ثانى ولمستوى كام ولاتقصد صعوده

رد: الورشة الرسمية فى تحليل و توصيات اليورو دولار EURUSD

ياجماعة انا لا حظت ان التعليقات كثرت وكثر الهزار فى الورشة

نرجو من الجميع الالتزام وكل من عنده تحليل او رؤية يضعها ليستفيد الجميع

ومعلش لو كلامى هيزعل ناس منى

المهم

رؤيتى لليور و دولار

ان شاء الله اليورو صاعد مبدئيا الى 1.2980

وعند هذه النقطة سنرى هل سيهبط مرة اخرى ام يكمل صعودا لانها ترند صاعد مكسور واكيد لازم يعيد الاختبار

على العمو م بالتوفيق للجميع

رد: الورشة الرسمية فى تحليل و توصيات اليورو دولار EURUSD

اقتباس:

المشاركة الأصلية كتبت بواسطة احمد اسامه (المشاركة 253682)

يا مصرى لو سمحت حيعمل اعادة اختبار على اى نقطة بالضبط لو سمحت
يعنى حيصعد ولا حيهبط

صعود حبيبي

زي مانا موضح في الصوره اليورو يعمل علي اعاده اختبار واغلاق شمعه الاربع ساعات يمكن الدخول بهدف 1.2975

وتنتظر اغلاق شمعه اربع ساعات اعلي مستوي 1.2979
وبهدف : 1.3070

وتنتظر اغلاق شمعه اخري فوق مستوي 1.3075 وتتدخل شراء بهدف 1.3140

يلا كفايه كده لما يوصل للنقط دي اكملك

اقتباس:

المشاركة الأصلية كتبت بواسطة ghlhv (المشاركة 253707)

فعلا يعنى يامصرى متوقع هبوطه ثانى ولمستوى كام ولاتقصد صعوده

صعود حبيبي انا بقول كسر ترند هابط ويعمل علي اعاده الاختبار

رد: الورشة الرسمية فى تحليل و توصيات اليورو دولار EURUSD

السلام عليكم ورحمة الله بركاتة ،،،،،،

أري أنة كثرت المشدات و المشاحنات بين الاعضاء و أري بسم الله ما شاء الله وجود نخبة من الاساتذه بيننا هنا كل يدلو بدلوة في التحليلات و في إعطاء التوصيات و لكن للأسف نحن العرب نتميز بالعصبية فلا يقبل أحد منا رأي الاخر و دائماً بطبيعة الظروف و أختلاف القبائل و العادات و التقاليد ما نفهم بعض خطأ و يترجم منا البعض أسلوب ما في الكتابة علي أنة أستهزاء .

يا أصدقاء أستحلفكم بكل ما هو غالي لديكم لا تشوهوا بأيديكم هذا الموضوع و تجعلوة للسخرية و الاستهزاء يقول المولي عز و جل
ما يلفظ من قول إلا لديه رقيب عتيد .
أرجوكم أن تتوقفوا عن الردود الاستفزازية و أجعلوا الموضوع للتعليم و المشاركات البنائة لا تجعلوا الموضوع للسخرية و الاستهزاء
دعونا نثبت لأنفسنا يا عرب و لو لمره واحدة أننا ممكن أن نتفق و أقصد نتفق علي أن نحترم بعض و أراء بعضنا و لا تشمتوا بنا الاعداء

أخواني و أحبائي أدعوا كل من يجد في نفسة مهارات خاصة و أمكانية وضع توصيات و تحليلات
أن يشاهد هذا الموضوع ليثبت فية فعلاً كفائتة اعلان:افتتاح قسم و خدمة الورش المختارة

رد: الورشة الرسمية فى تحليل و توصيات اليورو دولار EURUSD

اقتباس:

المشاركة الأصلية كتبت بواسطة iam2serve (المشاركة 253662)

كلام جميل بس بجد ساعات بحس ان الباب ده مفتوح على اخرة بلا رقيب او حسيب

رد: الورشة الرسمية فى تحليل و توصيات اليورو دولار EURUSD

السلام عليكم ورحمة الله وبركاتة ،،،،،،،،

اليورو دولار كسر مثلث أستمراري علي فريم الاربع ساعات و هو نموذج فني أستمراري يدل كسر الضلع السفلي للمثلث عند مستوي 1.2970 علي أستمرار الهبوط
الاستوكاستيك متشبع في البيع أعتقد قد يكون هناك الأن محاولات لأعادة الأختبار مره لمستويات المقاومة 1.2970 ومن ثم الهبوط مره أخري
يا شباب الزوج طالما يتداول أسفل 1.3000 فهو هابط و لا شئ غير بيعة

يا شباب الزوج كسر مستوي 1.2930 إذن لا رجعة له لأعلي قبل أختراق 1.2897 و تحقيق للو جديد

هذه هي رؤيتي المتواضعة للزوج و الله أعلي و أعلم
اللهم ما بلغت اللهم ما فشهد

http://www.fx-arabia.com/vb/uploaded...1325700393.png[/URL]

رد: الورشة الرسمية فى تحليل و توصيات اليورو دولار EURUSD

السلام عليكم
ان شاء الله سارفق لحضراتكم بعد اغلاق اول شمعه اربع الساعه الثالثه مصر
تحليل شامل لليورو دولار مرفق معه 8 شارت توضح رؤيتى للزوج برؤيه شامله ليكون اول تحليل شامل اقدمه لحضراتكم
وساقدم معه توصيه بيع وشراء الغد وتوصيات للشهر كامل وتوصيه سوينج العام بيع وشراء ومن المحتمل ان اقدم توصيات على عملات اخرى ومن يدخل يدخل على مسؤليته
والتحليل دا اهداءا منى للحبيب الغالى ايمى والاخ ابو اسكندر والاخ الفهد ولكل الاخوه الافاضل هنا وهو اول واخر تحليل شامل ساضعه هنا
وتقبلوا ودى
ودمتم حضراتكم بكل خير