|
رد: ® فن المحاربين القدماء ® •●§( Harmonic Art )§●• ®
اقتباس:
علي العموم ممكن احاول اعمل حاجة زي كدة علي حساب ديمو وبعد شهر مثلا نشوف النتايج واوريهالك, وانت اكيد عارف ان الناس المبتدئة بيجلها افكار ممكن متكنش واقعية خالص بما انهم مبتدئين, زي ما انت قولت قبل كدة انك وانت مبتديء كنت بتفكر لو تمشي مع الزجزاج مثلا طالع واكل نازل واكل, ممكن حاجة زي دي, علي العموم هجرب, ولو لاقيت حاجة مفيدة اكيد هعرضها, ولو مالقتش حاجة مفيدة يبقي كأنها لم تكن :D اقتباس:
كدة أعتقد هننتقل لمستوي أعلي ان شاء الله, بس اعتقد الزوايا ممكن تخدمنا في الهارمونيك علي حد علمي لانها اعتقد هتبين الانعكاس أكتر, واعتقد الرينكو مش هيبقي له علاقة بالهارمونيك المهم هتطرح الموضوع الجديد هنا ولا هتطرحه في موضوع جديد؟ وكلنا في انتظارك, وبالمناسبة خلصت امتحانات ولا لا؟ وعملت ايه؟ |
رد: ® فن المحاربين القدماء ® •●§( Harmonic Art )§●• ®
اقتباس:
السلام عليكم ورحمة الله وبركاته - أولاً أنا أشكرك يا أستاذ/ خالد على ماتقدمه لإخوانك هذا الجهد وهذا الشرح الرهيب والمبسط والجميل والقوي-وكل الإخوة الأعضاء الذين أبدعوا في هذا الفن- وقد شدني موضوعك فن المحاربين القدماء - ولقد قرأت جميع الصفحاااات والمشاركات ووجدت شرحك وافي ومنتظم ومتدرج وكيفية توصيل المعلومه للغير بشكل مبسط وغير معقد وأُهنيك على هذا الأمتياز والتفوق والعقليه الفذه وهذا الأسلوب والمعامله والتعليم أنت بأمتياز وننتظر جديدك وجزاك الله خيراً على ماتبذله لإخوانك - وإسمحلي سأكون متابع معكم بصمت وتقبل مروري أخوكم عصام 7 . |
رد: ® فن المحاربين القدماء ® •●§( Harmonic Art )§●• ®
ارجو قبولي متابع جديدا معكم ايها المحاربون القدامى
بالتوفيق ان شاء الله |
رد: ® فن المحاربين القدماء ® •§( Harmonic Art )§• ®
السلام عليكم ورحمة الله وبركاته
انا قرات ملف البى دى اف واتعلمت الهارمونيك ما شاء الله شرحك بسيط وسهل و فهمت كل حاجه على طول اخ كاو بوى :1 (21): و عايز انضم للمحاربين مع العلم انى نجحت فى الكشف الطبى :D وكله تمام |
رد: ® فن المحاربين القدماء ® •●§( Harmonic Art )§●• ®
2 مرفق
اقتباس:
الدولار فرنك فريم ساعة و اربع ساعات |
رد: ® فن المحاربين القدماء ® •●§( Harmonic Art )§●• ®
بسم الله الرحمن الرحيم
أسبوع جديد أدعو الله عز وجل أن يكون اسبوع خير وصفقات خضراء على كل المحاربين ومتابعي الورشة وكل اللي حاسين انهم اتورطوا في الفوركس وخلاص وربنا يسترها علينا جميعا :1 (5)::1 (5)::1 (5): في البداية وقبل كل شيء أحب أأكد وأقول ... وربنا انتوا بتخموا ... ما أا قاعد بقالي كام شهر في الورشة ، اليومين اللي أأجزهم تطلعوا كل ده من ورايا :mad::mad::mad: هوه أنا كنت مضايقكوا ولا ايه ... ههههههههههههه بجد بقالي كتير مستمتعتش بقراءة كل المشاركات كده ، واليكم تقريري بعد الغياب : 1- الريس (اللي كنا بنقوله كاوبوي وأحيانا خالد) : طبعا كفاية بقى عليه اللي أنا قلته كتير قبل كده ، انما عمري ما هقول كفاية دعاء ليه بأن ربنا يباركله ويوفقه ويرزقه بكل خير ان شاء الله ، مسؤولياتك بتكبر يا رياسة والمحاربين بيزيدوا ، اشحن طاقتك وعايزين هجوم على الشارتات بكل أنواعها الاسبوع ده ، بس خلص امتحانات الأول عشان برضه مش هنفوتلك العزومة بتاعت النجاح ... طمع بقى تقول ايه :1 (21)::1 (21): 2- الرااااااااااائع (عمنا أمجد) : بصراحة وتقريبا من ساعة ما دخلت الورشة وتقريبا كان عمنا أمجد دخلها في نفس التوقيت ، انما تحليله ورسمه وأخيرا فقرته الثابتة ، كانوا دايما بيقولوا ان معانا عضو ورشة مش زي أي عضو تاني ، انما يا عمنا تطلع نايم على مواضيع تقيلة كده ؟!!! بجد موضوع أكتر من تحفة ومتسق تماما مع أفكارك الرئيسية نحو دراسة سلوك ونفسية المتاجرة والمتاجرين ... وبرضه لسة منتظر أكمل الباقي عشان فكرة تقييم الفرص تقييم زمني للتنفيذ فكرة عبقرية ، ولو فاكر في كام فرصة كنت برفعهم وأقول (ياريت حد يستفيد بيهم ، عشان حسابي دلوقتي تقيل ومش عايز أخاطر) فالموضوع ده عبقري جدا ويحل الموضوع ده من أساسه ، استمر ربنا يوفقك وتنورلنا طريقنا بايضاحاتك. 3- النشيط دوما canister (ما تكتبلنا اسمك بقى يا عم) : يا باشا مفيش مبتدئ وخبير ، فيه فكرة يتبعها تجربة تنجح أو تفشل ليس هو المهم ، الأهم ان التفكير المتجدد والقدرة على الابتكار واختبار ما هو ليس تقليدي من صفات العظماء ، ربنا يوفقك ومنتظرين النتائج مع عرض يمكن تقييمه فعليا. 4- المحاربين الجدد : طبعا بتقولوا من الرغااآآآآآآآآي ده وايه الكلام الكتير ده كله ، معلش اعذروني ، بس الناس اللي فوق دي ضحكت عليا وأنا في الأجازة وقعدوا من غيري يفكروا فكان لازم أعمل فيهم كده (قال يعني بهدلتهم). وبكده أكون خلصت اللي فات وانتظروني مع فرص هذا الاسبوع ... ربنا يوفقنا ويكرمنا جميعا الاسبوع ده ان شاء الله |
رد: ® فن المحاربين القدماء ® •●§( Harmonic Art )§●• ®
اقتباس:
والله انك تذكر اسمي مع واحد زي خالد وواحد زي الأستاذ أمجد, ده فخر ليا :D وعلي فكرة انا برتاح جدا لما بحس انك متابع في الموضوع, مش عارف ليه وبخصوص الفكرة, فانا هعمل حساب ديمو النهاردة واجربها شهر كدة, ولو نتايجها كويسة هعرضها عليكم ولو فاشلة, يبقي بلاش احراج :D بخصوص اسمي, فهو اتقال مرة قبل كدة في مشاركة, واعتقد خالد عارفه, وبالمناسبة ياريت تعملوا حسابي في العزومة, اهو الواحد يضمن غدوة ببلاش في الايام القحط دي |
رد: ® فن المحاربين القدماء ® •●§( Harmonic Art )§●• ®
اهلا نجمنا العزيز ابو ياسر ، والله انت عمود فقري بالورشة ، انا الحقيقة متردد باستكمال الموضوع لانه مش حاسس انه في تواصل بالافكار بيني وبين المحاربين باستثناء الملاحظات الهامة التي جاءت من امير الورشة خالد بانه الشا و canister العزيز ، انا بشوف السلوك النفسي للمتاجر هو مفتاح الربح ، نحن نربح داخليا ونفسيا قبل كل شيء ، اخطر شيء لدى المتاجر هو تحول الهدف من تحقيق الربح الى هدف تقليل الخسائر وخلي كل واحد منا يقيم تجربته ، اللحظات اللي خسرنا بها كانت فقط عندما حولنا اهدافنا ثم لنعد مرة اخرى الى الخسرات التي تحققت لنا " نحمد الله على كل حال " الا نجد اننا تعجلنا في تقبل الخساره وان قليلا من الصبر كان يمكن ان يجنبنا ذلك واننا لو ادركنا العامل الزمني وتقبلناه قبل الصفقات لكنا في حال نفسية افضل ، الا نجد اننا في كثير من الاحيان اغلقنا صفقات متراجعة عن اهدافها بالربح لاننا شعرنا بثقل الزمن ، الا نجد ايضا ان الصفقات التي حققت اهدافها سريعا ارتبطت باحداث غير مألوفة او اخبار سرعت تحقيق الاهداف ، الا نجد اننا في معظم تحليلاتنا نضع الهدف ولكن لا نضع وقتا متوقعا لتحقيق تلك الاهداف ثم يبدأ مخطط قلوبنا يرسم شارت من الاضطراب كردة فعل على شارت الازواج التي تاجرنا عليها ، انا اعلم ان الموضوع يبدو غريبا ، وقد تكون تجربتي في التدريب على التطوير الذاتي تجعلني اعطي هذا الموضوع قدرا قد يبدو مبالغا فيه للبعض ، ساكرر جملة ارجو ان تعتبروها قيد الاختبار وان تعودوا لي باية ملاحظات او نتائج الجملة هي "
" نحن نبدأ بالخسارة فقط عندما نبدأ بالقلق زيتعزز لدينا شعور الخسارة ، وكل الصفقات التي نربح بها نربحها نفسياً اولا " |
رد: ® فن المحاربين القدماء ® •●§( Harmonic Art )§●• ®
بمناسبة الفرص, في فرصة علي الباوند فرانك, علي الفريم اليومي والفريم الأربع ساعات, الاتنين نفس الفرصة والفرصة كانت وصلت للأستوب وكسرته ب 3 نقاط, وبعدين ارتدت وصعدت 36 نقطة تاني (هو انا مكنتش دخلتها المرة الأولي), بس هل ممكن ندخل عليها دلوقتي ونبعد الاستوب شوية, بحيث ممكن يكون الاستوب 50 نقطة مثلا, وهدف أولي حوالي 200 نقطة, وهدف ثاني فوق ال 300 نقطة الفرصة للنقاش وخصوصا ان تصحيح النقطة C كسر الفايبو 100 ولكن بمقدار قليل جدا http://www.fx-arabia.com/vb/uploaded...1358088629.png |
رد: ® فن المحاربين القدماء ® •●§( Harmonic Art )§●• ®
اقتباس:
علي فكرة حتة العامل الزمني دي عجبتني جداااااااااااااااا, لاني لما ادخل صفقة معينة ابقي عامل حسابي هتخلص في اد ايه دي حاجة مهمة, مش كل ساعتين افتح الشارت اشوف الهدف اتحقق ولا لا, لكن لما يكون في رينج معين عارفه لتحقيق الصفقة او حتي لا قدر الله لضرب الاستوب ده هيريح كتير غير انه في نفس الوقت لو عايز ادخل صفقة تانية مثلا, هبقي عارف الصفقة اللي انا داخل فيها دي ممكن تخلص امتي وهل الحساب هيستحمل ولا لا وهكذا, فالنقطة دي مهمة جدا وبالنسبة للتأثير النفسي للمتاجر فانا جربتها كتير اوي, علي الرغم من صعوبتها لانها ساعات بتيجي عكسية, بمعني اني ممكن انهي صفقة سريعا علي خسارة مثلا مع اني لو كنت صبرتي شوية كانت ممكن تطلع علي ربح, وفي نفس الوقت ممكن اصبر علي صفقة وتخليني اخسر اكتر واكتر, الحتة دي بقي مش عارف احلها :D |
| الساعة الآن 09:41 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com