اف اكس ارابيا..الموقع الرائد فى تعليم فوركس Forex - ورشة الفوركس forex الرسمية فى تحليل و توصيات اليورو دولار EURUSD

اقتباس:

المشاركة الأصلية كتبت بواسطة كيمو قشطة (المشاركة 513472)

يا جماعه هل التحليل الفني لازم يختلف مع الاخبار ؟؟؟؟؟؟؟
ولا ال2 بيكلموا بعض دايما ولو مش دايما بيكون بنسبة كام بيكملوا بعض بمعني الخبر بيكمل كسر حاجة في التحليل

ولو هما محتلفين ازاي اقدر اتجنب وقتها لاني فاكتوري كل يوم بينزل اخبار مهمة والواحد بيكون جوه الصفقة فلازم هييجي عليه وقت خبر
دي اكتر حاجة مقرفة فعلا انه الواحد مش عارف يتعلم بسببها
ارجو الحل

مستنيين الرد من الخبراء برضه

اقتباس:

المشاركة الأصلية كتبت بواسطة محمد الزيني (المشاركة 513645)

اسف يابرنس... كنت عاوز ارد عليك بس النت قطع والكهرا بقى مانت اكيد عارف ومش غريب على قطع الكهربا الموضة الجميلة السنة دي

المهم
انا هاجاوبك من واقع وجهة نظري ومن حصيلة خبرة 11 سنة فوركس... كل نوع من المتاجرين وله التحليل الي يناسبه.... بمعنى الاساسي يامان بيكون مفيد اكتر من الفني بالنسبة لبتوع السوينجات الطويلة والبنوك والمحافظ الاستثمارية واصحاب الدراسات الاقتصادية عموما... اما المتاجرين الغلابة الي زي حالنا الفني افيد لهم واضمن وهو المعلم الكبير الي المفروض كل المضاربين يكونو وراه
ليه بقى؟؟؟ هاجاوبك بالي انا مقتنع بيه
اولا احنا مش بتوع استثمار ولا اقتصاد.... يعني احنا عاوزين نشتغل سواء خربانة ولاعمرانة.... وبعدين اي خبر هايطلع احنا مش هانعرف نفسره لانه علم كبير ودراسات احصائية واستنتاجية ووجع دمااااااااااااغ كبيييييييير جدا... وبعدين الخبر بيوصل للزي حالنا ناقص والاهم انه بيوصل متاخر... يعني لحد ماتكون ربنا كرمك وعرفت الخبر وانه ممكن يعمل ايه تكون باظت في الشارت يامعلم

وفي معلومة مهمة جدا هاتختصرلك الحيرة الي انت فيها... من وجهة نظري بردك ان اي خبر في السوق بيترجمه السوق لحركة او شكل شمعة... وانا لو درست الحركة دي او السلوكك السعري الي ظهرلي انا كدا هاكون جبت من الاخر وعرف التفسير الصحيح للخبر في السوق كان ايه.. ودراسة الحركة والسلوك بين قوسين هي التحليل الفني والكلاسيكي ياباشا....

وعشان كل الرغي دا انا اشوف ان بالنسبة لي نجاح اي متاجر بيكون في انه يظبط ويعرف التحليل الفني ولو هايحلل الشارت بمتوسط واحد وخلاص... بس الفاصل المهم لنا من قناعتي هو التحليل الفني

ارجو اني اكون جاوبتك يابطل

طب انا دلوقتي بحاول اتعلم وكل ما ادخل صفقة يجيلي خبر يقرفني
طب انا اشتغل ازاي وكل يوم في اخبار بالعبيط كل ساعه
يعني مثلا ادخل علي يورو دولار اي وقت الاقي بعد كام ساعه في ام خبر رخم في فاكتوري
اقول استني بعد الخبر يحصل حاجة من اتنين يا اما الفرصة تضيع عليا يا اما لو لقيت نقطة دخول ادخلها عشان اتعلم علي الديمو واشوف وضعها يجيلي ساعتها خبر تاني يبقي رجعنا لنطقة البداية هي هي
ارجع اقول هدخل علي زوج ملوش اخبار النهارده في العملتين
يحصل اللي انيل انه لو مثلا انا داخل علي مثلا يعني نيوزلاندي دولار
وجه الخبر علي اليورو المفروض اني انا كبرت دماغي من اليورو
لا ده يحصل طلوع او نزول في اليورو دولار وطبعا عشان انا داخل علي نيوزلاندي دولار الاقي الشرت اتأثر طب نعمل ايه بس
ارجوكم مستني الحل

حاجة تلغبط لانها اغبي حاجة للمبتدا انه ميكونش عارف هل تحليله صح والخبر هو اللي عكس ولا هل هو كان بيتعلم غلط
لانها تفرق كتير بين الموقفين