اف اكس ارابيا..الموقع الرائد فى تعليم فوركس Forex - ورشة الفوركس forex الرسمية فى تحليل و توصيات اليورو دولار EURUSD

رد: ورشة الفوركس forex الرسمية فى تحليل و توصيات اليورو دولار EURUSD

ياجماعة بعد اذنكم لو فيه حد بيعرف يشتغل على الموقع autochartist ياريت لو شرح كده على السريع

رد: ورشة الفوركس forex الرسمية فى تحليل و توصيات اليورو دولار EURUSD

اقتباس:

المشاركة الأصلية كتبت بواسطة MoHaMeD EgY (المشاركة 513871)

لا داعى للأسف يا كيمو .. فأحنا هنا كلنا بنتعلم من بعض :1 (72):

انت كنت بتسأل ازاى اتعلمت التحليل الرقمى ع الخاص ؟
فاسمحلى اجاوبك هنا عشان فيه مشكله عندى فى ارسال الرسائل بالأضافه ان فى ناس كتير سألتنى نفس سؤالك
اولاً انا خبرتى فى التحليل الرقمى هى ايام تتعد ع الصوابع .. وع الرغم انى شغال بالكلاسيك ع حسابى الأساسى وبحقق نتائج ذى الفل .. ولكنى فضلت انى اقرأ و اتعلم شئ جديد
لأن فى حكمه بتقول ( اليوم الذى لم تتعلم فيه شئ جديد فأذن انت تجهل شئ جديد ) .. لذلك انا بحب اقرأ طرق وتجارب كتير حتى لو مكنتش هتفيدنى .. بس بقرأهم من باب المعرفه
عموماً انا خبرتى فى التحليل الرقمى هى ايام تتعد ع الصوابع كما ذكرت سابقاً .. لذلك لأ استطيع مساعدتك فى هذا التحليل .. ولكن انا كل اللى بعمله هو انى شغال ابحث فى مواضيع رواد التحليل الرقمى العرب مثل د-حمادة السلام (hamadasalam) و الأستاذ عمرو (Amro) .. و معظم مواضيعهم الشيقه هتلاقيها فى منتدى الجيران .. ومعظم المواضيع صفحاتها تخض .. يعنى عندى مواضيع د-حماده هتلاقيه عديت فوق الـ 1000 صفحه .. و اوعى تتخض من الرقم دا .. لأنك لو عايز تتعلم شئ جديد لازم تبدأ فيه من البدايه
واعتقد أن اكتر اتنين يقدروا يساعدوك هنا فى التحليل الرقمى هما أبرهيم (النسر الذهبى) و وائل (wael0102003)
وبالتوفيق لك أن شاء الله :)

الله يبارك لك يا أستاذ محمد
أنا بأشتغل بطريقة رقمية ومعادلات حسابية من عندى يعني إرتجالية
ساعات بتصيب وكتيير بتخيب
ومكنتش أعرف أن في هناك أحد بيشتغل بيها
أصل أخوك لسه مبتدأ و ما زال بيتعلم وفي أول الطريق
أنا آسف اللي هتعب حضرتك معايا
ممكن تعطينا روابط مواضيع
د-حمادة السلام (hamadasalam)
و الأستاذ عمرو (Amro)
والأستاذإبرهيم (النسر الذهبى)
والأستاذ وائل (wael0102003)
اللي بيتكلموا فيها عن الطريقة الرقمية
ومشكور جدا مقدما
وآسف اللي هتعب حضرتك معايا مرة تانية
وربنا يوفقك ويوفق الجميع للخير والربح الوفير

رد: ورشة الفوركس forex الرسمية فى تحليل و توصيات اليورو دولار EURUSD

اقتباس:

المشاركة الأصلية كتبت بواسطة oshee (المشاركة 513896)

رأي الاستاذ عمرو صاحب استراتيجيه المغناطيس في كاتم العلم في احد مواضيعه بارك الله له وجعله في ميزان حسناته وذلك موجه للجميع وليس لشخص ما

صديقى العزيز هذا والحديث عهد بالفوركس منذ حوالى شهرين طلب منى ان اقول له طريقة لا ترهقه فى متابعه الشارت والتخبط والوقوع تحت طائله من يحتكرون الطرق وكأنهم يمنون علينا بها او ببعض منها او بجزء بسيط منها ( وليسامحنى من على رأسه بطحه )
فحقاً فى الأونه الأخيره ظهرت مواضيع لبعض الطرق يمتنع اصحابها عن إفشاء سرها او جزء منها بدعوه الجاهليه - واعتذر عن اللفظ - انه سيتم ضربها من قبل الشركات
بالله عليكم ماذا نمثل نحن العرب حتى ينتبه لنا هؤلاء الذين يقومون بتحريك السوق ؟

والإجابه معروفه بكل تأكيد

لكن سبحان الله اخشى ان يكون هؤلاء هم من يحققوا المعنى القرآنى العظيم الذى يقول فيه المولى عز وجل
" وزين لهم الشيطان اعمالهم فصدهم عن السبيل "
ونسو المعنى القرآنى الأعظيم - والعظمة لله - الذى يقول فيه الحق جل وعلى
" لن تنالوا البر حتى تنفقوا مما تحبون وما تنفقوا من شيئ فإن الله به عليم "
والحديث فى هذا المجال - واقصد مجال محاوله ضرب الطرق - كبير ويطول , وبالطبع ليس هنا مجال الحديث عنه

طيب ممكن حضرتك تقول لنا هذه الطريقة
علشان انا حسابي اتمرجن كان 80 دولار أصبح 8 دولار
وده بسبب الطمع لأني فتحت صفقات كتيير في وقت واحد
وأنا إللي كنت فاكر إن وصلت لطريقة أضمن بيها الفوركس طلع الفوركس مينطمنشي أبدا
ولو ما فيهاش تعب لحضرتك ممكن رابط استراتيجية المغناطيس
وآسف اللي هتعب حضرتك معايا مرة تانية
وربنا يوفقك ويوفق الجميع للخير والربح الوفير

رد: ورشة الفوركس forex الرسمية فى تحليل و توصيات اليورو دولار EURUSD

اقتباس:

المشاركة الأصلية كتبت بواسطة zamalekmedo (المشاركة 513903)

اتفضل يا باشا ده موضوع للدكتور حماده اقراه الاول

تعلم التحليل الرقمي للفوركس والمتاجرة بالألة الحاسبة فقط

بعد كده دزر في جوجل باسم

المتاجره باستخدام الزوايا السعريه بمفهوم جديد

هتلاقيه في منتدي الجيران ونصيحه ابتدي بدول الاول وافهمه كويس عشان دول الاساس

رد: ورشة الفوركس forex الرسمية فى تحليل و توصيات اليورو دولار EURUSD

بكل تااكيد الدولاار ضعيف ولكن مناافسية في حاالة مرضية شديدة ولكني ارشح الاسترليني للصمودواعتقد ان اليورو سيقدم هدية للدولار قريباا السووق يحتااج الي ضخ سيولة وتكتلاات شرائية سيكون السوق الاسيوي مليء بالمفااجاءات ستقوم الاسواق الاوربية بدورهاا واعتقد ان اسوواق لندن ستعطي محفزات جيدة جداا للاسترليني سنري كل هذة الاحداث في بداية العد التناازلي لشهر 5

لفتة سريعة للاحدااث التي غير ظااهرة علي السااحة الاقتصادية z3em

رد: ورشة الفوركس forex الرسمية فى تحليل و توصيات اليورو دولار EURUSD

اقتباس:

المشاركة الأصلية كتبت بواسطة MoHaMeD EgY (المشاركة 513700)

وانت اكتر يا وائل باشا http://fx-arabia.com/vb/images/smilies/1%20%2872%29.gif
وبالتوفيق لك دائماً أن شاء الله :)

مهو ياباشا الرقمى هو كدا .. يعنى تدخل الصفقه بناءاً ع معادله حسابيه معينه وتحدد اهدافك ع الشارت .. ومن غير لا دعوم ولا مقومات ولا ترندات و لا اخبار ولا اى حاجه خاااالص .. وتلاقى اهدافك اتحققت رغم انف الكلاسيك و الأخبار :D

عموماً انا بتعلموا واحده واحده .. وسحبت 100$ من حسابى الأساسى وقولت اجرب فيهم وأتسلى
شوف دا كشف صفقات هذا الاسبوع بحساب 100$ وحققت 80% فى 3 ايام فقط

http://www.fx-arabia.com/vb/uploaded...1369275368.png

وحالياً سحبت رأس المال الـ 100$ وقولت اتاجر بالأرباح عشان نفسيتى تبقى هاديه :D
طبعاً انت هتلاحظ انى بتاجر بدون استوب لوز .. ودا بسبب أنى استعمل الهيدج والتبريد والتعزيز .. وبأستطيع أنى افك اى صفقه وأخرج منها بربح حتى لو كانت عاكسه عليا اكتر من 500 نقطه .. اهم حاجه هى أدارة رأس المال

استاذ محمد ياريت تدينا فكره على التحليل الرقمى دا
وياريت تعملنا موضوع وتشرحولنا فيه
او حتى تدينا روابط فيها مواضيع تشرحلنا من البدايه
منتظر الرد

رد: ورشة الفوركس forex الرسمية فى تحليل و توصيات اليورو دولار EURUSD

أحذروا دراجى بعد ربع ساعة من الآن .. ربنا يستر

رد: ورشة الفوركس forex الرسمية فى تحليل و توصيات اليورو دولار EURUSD

لحد الآن اضن أن التأثير ليس لحضي و الله أعلم

رد: ورشة الفوركس forex الرسمية فى تحليل و توصيات اليورو دولار EURUSD

اليورو الى 2850 ان شاء الله

رد: ورشة الفوركس forex الرسمية فى تحليل و توصيات اليورو دولار EURUSD

أخي هل أدخل بصفقة بيع من النقطة الحالية ؟