المشاركة الأصلية كتبت بواسطة femtogold4 (المشاركة 224748)

احب اهنى كل الموجودين بالنتايج الهايلة وان شاء الله فى دوام مش مهم المكسب كتير او قليل المهم ان الاكسبيرت يشتغل ويصمد اكتر وقت ممكن والجميل والاكثر منطقية ان الارباح والخساير متباينة يعنى احيانا ايام يكون فيها بعافية شوية لكن فى النهاية المجمل ربح ودة فى حد ذاتة ممتاز جدا جدا جدا يعنى يكون اكسبيرت تقدر تغتمد علية اكتر فترة ممكنة واكيد بيدى مصداقة اكتر للاداء الاكسبيرت .

من كل الدعاوى والشكر انا نفسى مش عارف اشكرك ازاى ...... شوف ا ابو يوسف ليك منى كل كلمة حلوة فى الموضوع واطراء جميل مش قليل عليك يا غالى .

طيب عايز كل واحد بلدياتى فى شركة اف اكس دى دى يظبطنى اعدادات و باك تيست وهل الاداء جيد على منصة مالطا ام لا ؟

يارب ديم المحبة بينا فى الورشة وحافظ على ارباحنا وارباح المسلمين يارب.

المشاركة الأصلية كتبت بواسطة marawanaskar (المشاركة 224778)

اهلا وسهلا بيك

انصحك بشركة غير مالطا علشان الاسبريد عالى فيها

عندك هوت فوركس و البارى

احنا جربناهم بنفسنا و صفقاتهم حلوة و مفيهاش تأخير فى فتح او غلق صفقات

و الاكسبيرت شغال عليهم كويس

و لك حرية الاختيار

المشاركة الأصلية كتبت بواسطة femtogold4 (المشاركة 224780)

مروان باشا شكرا على سرعة الاستجابة افهم من كلامك انة هيشتغل على المنصة لكن صفقاتة هتكون قليلة ؟

المشاركة الأصلية كتبت بواسطة marawanaskar (المشاركة 224783)

لا هيشتغل عادى جدا بس الاسبريد العالى هيعمله مشكلة

علشان اصلا الاكسبيرت شغال على الاسكالبينج و بيخطف نقاطة قليلة جدا بسرعة عالية و صفقات كتيرة

فا لما بيزيد الاسبريد علشان الاكسبيرت يعرف يحقق مكسب لازم يستنى نقط اعلى من اى شركة تانية

فهمت قصدى ؟

المشاركة الأصلية كتبت بواسطة femtogold4 (المشاركة 224785)

تمام زيى ما انا فهمت انة هيشتغل لكن معدل الربح هيقل ....... بس انا خايف انة ممكن يخسرنى فى النهاية لان عدد الصفقات اقل.

المشاركة الأصلية كتبت بواسطة marawanaskar (المشاركة 224792)

لا حبيبى انت كده مفهمتنيش

الصفقات هتتفتح عادى جدا من غير مشاكل بس اللى هيفرق ان يا اما المكسب هيقل يا اما الاكسبيرت هياخد وقت اكبر علشان يقفل الصفقة على نفس الربح

و برده اترك الرد لحبييبنا ابو يوسف يقولك تعمل ايه