اف اكس ارابيا..الموقع الرائد فى تعليم فوركس Forex - 223 صفقة رابحة خلال شهر أبريل - مافيش صفقة واحدة خسرانة

- الارشيف (https://fx-arabia.com/vb/forumdisplay.php?f=8)

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى

اقتباس:

المشاركة الأصلية كتبت بواسطة Genie (المشاركة 702282)

بفتح صفقات بعد ما أشوف كل التحليلات الموجودة ومنها التحليلات والتوصيات الموجودة بالمنتدى .. انا بدخل على حوالى 5 مصادر للتحليلات والتوصيات كل مصدر منهم ممكن تلاقى جواه اكتر من موضوع يعنى مثلاً فى المنتدى هنا بتابع أكتر من موضوع ومشترك فيهم .. وفى الأخر بكون فى فكرة عامة عن الزوج اللى هاتعامل بيه .. للعمل بس أنا مش بتداول على أكتر من زوج فى نفس الوقت وده لو حصل بيبقى نادر جدا وبيكون على زوجين فقط

لما بختار زوج معين بيكون بعد متابعته قبلها باسبوع ع الاقل ومتابعة اخباره ولما بقرر ادخله ممكن اقعد يوم بحاله اشوف كل التحليلات والتوصيات الموجودة وبعدها بتوكل على الله

وبعدين مين قال بدخل على السيت بتاع الشركة وبعمل صفقات بالحظ..؟؟ وللعلم انا قليل لما بفتح صفقات وانا فى الشغل اساسا عشان بكون مش مركز واحيانا بكون مشدود من مشاكل الشغل .. بس احيانا بفتح صفقات برضه بس مش كتير بتكون متابعة للاسعار فقط او لاغلاق الصفقات المفتوحة

المثال بتاع المهندس مش دقيق لانه لا ينطبق على التجارة .. أى تجارة .. دى شغلتى واقدر أفتيلك فيها :)

مش شرط التاجر يكون خبير فى الحاجة اللى بيتاجر فيها .. بس يعرف معلومات كويسة عنها

مثلاً فى مجال الإستيراد .. هل شرط اللى بيستورد ادوات منزلية وفى نفس الوقت بيستورد سيور للمواتير وقطع غيار انه يبقى خبير فى كل اللى بيستورده .. لكن الخبير لازم يكون فى اللى بيصنع أو اللى بيعمل creation للمنتج من اساسه زى المهندس فى المثال اللى ذكرته .. اللى بيشتغل sales فى شركة عقارات مش لازم يكون بيعرف يبنى العمارة .. ولا اللى بيشتغل سمسار شرط يكون مهندس عشان يعرف يشتغل ويكسب

هى دى النظرية :)

طريقة المتاجرة زى ما قلت هاكتب عنها موضوع لانه هايكون اكبر من فكرة المتاجرة وهو عن الفوركس بشكل عام والاخطاء اللى بنقع فيها كلنا سواء فى الفهم او التنفيذ

والله كلامك مقنع يااستاذ Genie
بس برده علشان نستوعب الموضوع .. ياريت تفتح موضوع وتوضح اكتر زى ما حضرتك قولت
واشكرك على توضيح وجهة النظر وتقبل كلامى على صدر رحب ..
اتمنى لك التوفيق استاذ Genie

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى

بصراحه شديده
انا مصدقك
ربنا يوسع رزقك كمان و كمان
و يرزقك من حيث لا تحتسب
ولا تنسى اخى الكريم حق الله فى مالك
اخرج زكاه مالك
بارك الله لك

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى

صديقنا الغالى ...من غير ماأشوف أى صفقات العبد لله مصدقك ...

والف مليار مبروك صديقنا اللورد ...

طبعا ماحققته يعد إنجازا جميلا للغاية ..كما يرفع الروح المعنوية لأعضاء المنتدى

يعنى بسببك هتلاقى أغلب الناس مش عارفة تنام ....ههههههههههههه

والجميع يقول فى سره ...هو ممكن ....ويقعد يحسبها ويجيبها يمين وشمال علشان تبقى ممكن ..

طبعا العبد لله إتصدم لما قلت انك لا تعرف شيئا عن التحليل الفنى وأمسكت بالكتب

وهممت أن أمزقها ..

لكن الحمد لله وجدتك تقول انك بتشوف التحليلات وبتذاكرها جيدا

...وبتدرس الصفقة جيدا ...

* موضوع عدم ذكر أسم البروكر لا اؤيدك فيه ...

لأن الناس ياصديقى تريد ان تطمئن ان هناك بروكر يسمح بذلك ..

ربنا يوفقك يارب وتصل للمليون دولار قريبا ..تقبل تحياتى العطرة لك

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى

اقتباس:

المشاركة الأصلية كتبت بواسطة Genie (المشاركة 702289)

والله أنت سبقتنى .. أنا فعلاً كنت هاحط الموضوع ده عشان أكمل كلامى عليه .. هى دى فعلاً الإستراتيجية اللى ماشى عليها بس مع تعديلات فيها

بالنسبة لاسم الشركة أعذرنى مش هاقوله حتى لو وافقت الإدارة على ذلك

بالنسبة للصفقات .. أقسم بالله العظيم أنا دخلت تانى عديتهم دلوقت 223 صفقة بالظبط ولا صفقة فيها خسارة وحوالى 5-8 صفقات على سعر الدخول

بالنسبة للصور انا صغرت الصفحة عشان تاخد اكبر عدد واقل صفحات .. بالمقياس العادى هاتيجى فى حوالى 12 صفحة .. بس هاحاول اكبر الصفحة واخد صورة او اتنين بالكتير

شكرا لسعه صدرك اخي الحبيب
في انتظار شرحك للطريقه ياريت بيكون بموضوع منفصل او تكمله للموضوع السابق حتى نقوم بتجربه فكرتك
مبروك عليك الارباح
اذا سمحت ترسل لي اسم الشركة بالخاص لاتقول حتى بالخاص مابتقدر ترسل اسم الشركة ههههههههههههههه
بالنسبه للصور ضعهم بحجمهم الطبيعي وتستطيع وضعهم بملف مضغوط

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى

أخى انا مصدقك ... والف مبروك الارباح
الغريب عدم ذكر اسم الشركة (حتى لو وفقت الادارة)
انت مش شايف ان ده غريب ؟

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى

بالتوفيق اخي الكريم انت عملت ريكورد عالمي, وانتبه من موضوع الحسد لانه حق, تعرف انا لو حدّثتني عن قناعتي بنزلاء المنتديات, سوف اوجهك الى هذه الصورة المعبّرة لمسابقه يخوضونها حاليّاً, امضوا فيها حوالي الشّهر ونيّف, او مشهد لمفصوم مدوّناتي فلكي آخر صار يتحدّث عن معامل تذبذب!! بعد يومين من مشاركتي السابقه( تلاقيه من الجماعة اللي بيدخلوا خمس منتديات في نفس الوقت!! وهاتك يا تلبيس طواقي وسرقه )

http://im48.gulfup.com/jtpHsQ.png

http://im48.gulfup.com/rEmcf2.png

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى

مبروك يا genie وعقبال المليون ان شاء الله:1 (62):....وانا عندي سؤال بس هسأله علي الخاص ولو انت عايز تنقله للناس علي العام يبقي تمام
و متنساش صدقة الفقراء و المساكين....بالتوفيق

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى

اقتباس:

المشاركة الأصلية كتبت بواسطة kareem19 (المشاركة 702318)

فعلا يا جماعة اغلب الناس اللي شغالة توصيات هي اللي بتكسب لكن لازم يكون عنده صفقات خسرانة ومش اي توصيات برده بس الراجل قال ان هو متابع من فترة فتمام

معلش يا genie هو في كام سؤال كده ع الطاير عشان افهم:

1-الموقع اللي انت شغال عليه ده حاجة كده زي المنصات الشبكية اللي تابعه للبروكر او البنك ولا هو موقع ربحي للتداول اللحظي؟
2-عايز اعرف انت شغال بلوت كام والرافعة كام وياريت لو بالدليل تبقي برنس؟
3-انت ليه مش عايز تقول اسم الموقع وايه دخل الادارة في السماح من عدمه ده موقع تداول عادي زي اي بروكر يعني انا لازم اخد اذن من الادارة عشان اقول اني شغال مع ويندسور؟
انت ممكن ترفع الصور من مركز رفع الملفات في المنتدي عشان تكون اوضح وكلنا نشوفها

كل اللي طلبته منك فضلا وليس امرا لكن للاستبيان فقط يا عزيزي و يعلم الله ان انا مش مكدبك
تحياتي

رد: 223 صفقة رابحة خلال شهر أبريل - مافيش صفقة واحدة خسرانة - هو ده التحدى

ماشاءالله تبارك الله

بارك الله لك فيما رزقك يارب

ومصدق اخوي الدنيا أرزاق بيد رب العباد

تحياتي ليك وواصل على كدا موفق يارب