|
رد: الافطار الرمضانى لاف اكس ارابيا..اللهم بلغنا رمضان
يا جماعة انا شايف ان التصويت غير عادل
المرة اللي فاتت كان الافطار في الاسكندرية فتصوتوا نقوم يتعمل الافطار تاني في الاسكندرية !!!!!!!!!!!!!!!!!!!!!!!!!!!!! المفروض يتعمل سياسة الدور يعني من العدل ان يتم التصويت ما بين القاهرة وطنطا ، عشان مقولش القاهرة بس لايك لوسمحتم لهذا الاقتراح |
رد: الافطار الرمضانى لاف اكس ارابيا..اللهم بلغنا رمضان
كل سنة و إنتم طيبين إن شاء الله نقدر نشوف كل الناس مجتمعين . |
رد: الافطار الرمضانى لاف اكس ارابيا..اللهم بلغنا رمضان
كل سنة و أنتم طيبين جميعا و بعدين يا أستاذ شريف مفيش حاجة أسمها تصويت غير عادل التصويت جاءت النسبة الأكبر للأسكندرية نتيجة لرغبة الأعضاء و لا يوجد أحد أجبرهم علي هذا الأختيار حتي الدكتور أسامة صاحب هذه الدعوة بالرغم من أنة من الأسكندرية إلا أنة أمتنع عن تحديد المكان الأفطار و تركة بناء علي رغبة أعضاء المنتدي يعني قمة الديمقراطية و العاداله و لذلك لابد لنا من أحترام رأي الأغلبية و إن شاء الله السنة الجاية حنصوت بردة للأسكندرية لغاية رمضان مايجي في الشتاء نبقي نصوت للقاهرة أو أسوان :) و إن شاء الله منتظرك في رمضان و أوعدك أني حشهيصك يا زميلي و خليك تنسي أنك من القاهرة أصلا |
رد: الافطار الرمضانى لاف اكس ارابيا..اللهم بلغنا رمضان
اقتباس:
شهيصني كده وأنا ارسيك ع الحوار الافطار المرة اللي فاتت كان في اليكس ايه الافطار يتعمل مرتين ورا بعض في اليكس ده صعب جدا ولا عشان الدكتور اسامة في الاسكندرية يبقى كله يهج ويروح كده |
رد: الافطار الرمضانى لاف اكس ارابيا..اللهم بلغنا رمضان
تعمل ايه باه اذا كان القاهرة نفسهم عاوزين يروحوا الاسكندرية؟
اظن هذا الاسلوب اكثر عدلا على فكرة يعنى لو مشينا على اقتراحك ممكن السنه الجاية يكون الافطار فى طنطا وكده محدش هيروح اصلا غير عدد قليل اوى "على حد ظنى" ونقول ليه سياسة الدور مالو كلنا سكندرانيين ايه يودينا طنطا من اصله؟ |
رد: الافطار الرمضانى لاف اكس ارابيا..اللهم بلغنا رمضان
فاضل يوم واحد على انتهاء التصويت..
حتى الان الاسكندرية متقدمة فى التصويت و فور انتهاء التصويت سنبدأ فى تحديد التوقيت و المكان و الاكل كمان. من لم يصوت يرجى تصويته.. يرجى العلم ان اهل القاهرة المسجلين سنوفر لها باص ينقلهم من القاهرة الى الاسكندرية و يعود بهم مرة اخرى..(او العكس فى حالة فوز القاهرة). بالتوفيق للجميع ان شاء الله و رمضان كريم على الجميع.. |
رد: الافطار الرمضانى لاف اكس ارابيا..اللهم بلغنا رمضان
اقتباس:
ما شالله عليك يا دكتور ايه الدلع دا , كنت بتمنى ان اكون بمصر مشان احضر الافطار لكن باذن الله اذا السنة الجاية كانت الامور تمام هحاول احضر ان شالله تعملوه بانتركاتيكا تحياتي ليك يا دكتور يا ابو الشهامة و الكرم و الديمقراطية و احلى لايك عالكلام الجميل و الكرم و الدلع :1: و لايك لميدو و لطارق عالكلام الي يفرح القلب تحياتي |
رد: الافطار الرمضانى لاف اكس ارابيا..اللهم بلغنا رمضان
اتمنى لكم صوما مقبولا وافطارا شهيا وان يبلغنا رمضان واياكم
ما رايكم يكون في سنة من السنين الافطار في المدينة المنورة ونطلع عمرة بتوقيت واحد ونلتقي في مكة والمدينة صحيح ان مكة ستكون حر جدا ولكن الاجواء الايمانية ستجعلها بردا وسلاما تحياتي واحسدكم واتمنى من الادارة تزويدي بايميلات وهاتف شباب المنتدى بالكويت لنحاول ان نعمل رابطة اريبيا فرع الكويت تحياتي للجميع |
رد: الافطار الرمضانى لاف اكس ارابيا..اللهم بلغنا رمضان
اقتباس:
واضح منذ البداية ان الاسكندرية مكتسحة و هى تستحق كمدينة و اهلها ايضا و طبعا سوف نحضر بإذن الله لو كان اجتماع شباب ارابيا فى اى مكان لنتعرف بالناس الحلوين اشكركم و إلى اللقاء فى الاسكندرية |
رد: الافطار الرمضانى لاف اكس ارابيا..اللهم بلغنا رمضان
انا عندى اقتراح حلو وجميل
يكون فيه 2 افطار جماعى واحد فى الاسكندرية واحد فى القاهرة وبدل يا دكتور متاخد ثواب افطار واحد يكونوا اثنين:1 (96): انا شخصيا اتشرف جدا بالافطار مع اعضاء اف اكس ايربيا لكن عندى ظروف صعبة مش لازم اقولها تخلينى مستحيل اذهب للافطار فى الاسكندرية |
رد: الافطار الرمضانى لاف اكس ارابيا..اللهم بلغنا رمضان
اقتباس:
لو اقتراحك اتنفذ يبقه على ان اختار بمقابلة اما الدكتور اسامه او مقابلتك مثلا وانا نفسى اشوفكم انتو الاتنين:1 (3): |
رد: الافطار الرمضانى لاف اكس ارابيا..اللهم بلغنا رمضان
ان شاء الله انا معاكم فى الأفطار الجماعى أيا كان المكان كنت اتمنى تشرفونا فى طنطا طبعا لكن المهم ان احنا نتقابل فى يوم جميل مبارك زى ده
|
رد: الافطار الرمضانى لاف اكس ارابيا..اللهم بلغنا رمضان
انتهى التصويت منذ قليل..
و ربحت الاسكندرية شرف تنظيم افطار ارابيا الثانى اغسطس 2011 و هذا شرف لى ان اقابلكم جميعا و نتحدث سويا..اعلم ان الكثير منكم ليس له اصدقاء فوركسيين كتير او خالص و دى فرصة طيبة انك تقعد مع ناس كلها فوركسية و الفوركس واكل دماغها :) الان نتحدث بشكل اكثر ايجابية.. العدد المتاح هو 50 فرد و التسجيل سيكون بالاسبقية يرجى ارسال ايميل الى info@fx-arabia.com فيه المعرف الخاص بك و اسمك و رقم تليفونك و مدينتك التى ستاتى منها. فور انتهاء العدد ساقوم باعلامكم لايقاف التسجيل.. الان الاخوة الاسكندرانية عايزين نتفق على مكان يكون فيه سمك او سمك و لحوم و يكون كويس و يتحمل 50 فرد.. فى حل من اتنين..اما اننا نجيب سمك من مطعم كويس و نحجز كافية بالكامل يوم و الحل التانى اننا نروح نقعد ناكل فى مطعم و بعد كده نتحرك للكافيه و اعتقد الاول افضل. عايزين نحدد الموعد و يكون يوم سبت او جمعة عشان الناس الاجازة يفضل سبت عشان الزحام يوم الجمعة. الاخوة القاهراوية: لو حد عنده معرفة بميكروباص تويوتا حديث يقدر يكلمه انه يوصل الشباب الى الاسكندرية و يفطر معانا و يروحهم تانى و يقولنا حسابه ايه,ياريت حد يتطوع و يقوم بالمهمة دى و لو مفيش حد اتطوع انا حشوف حد من الاسكندرية بس الافضل انه يكون من القاهرة عشان يروح معاكم..ياريت لو حد يقدر يبعتلى على الخاص او يعرفنا انه يقدر على الاقل هنا و انا ساتواصل معه. ياريت محدش ينسى يكتب بياناته كاملة عشان نتواصل مع الجميع بسهولة.. تحياتى و رمضان كريم عليكم جميعا :) الله كريم. |
رد: الافطار الرمضانى لاف اكس ارابيا..اللهم بلغنا رمضان
بصراحه انا كان نفسى انى ابقى معاكم بس انا دلوقتى فى سوهاج يعنى مشواااااااااااار وكل سنه وانتوا طيبين وان شاء الله لو نزلت اسكندريه قريب اتمنى انى اقابلك يا دكتور |
رد: الافطار الرمضانى لاف اكس ارابيا..اللهم بلغنا رمضان
ان شاء الله تقدر تشرفنا لو امكن..
عامة اتمنى اقابلك فى اى وقت و فى اى مكان :) تحياتى يا ميدو |
رد: الافطار الرمضانى لاف اكس ارابيا..اللهم بلغنا رمضان
هو انت يا دكتور قصتك ايه مع الرقم 50 :)
|
رد: الافطار الرمضانى لاف اكس ارابيا..اللهم بلغنا رمضان
انا اختار اننا نجيب السمك من مطعم مثلا حودة جندول و نحجز اى كافية هيكون احسن |
رد: الافطار الرمضانى لاف اكس ارابيا..اللهم بلغنا رمضان
اقتباس:
|
رد: الافطار الرمضانى لاف اكس ارابيا..اللهم بلغنا رمضان
هو مطعم ابو راويه يساع اكتر من 50 (الطابق العلوى) وكمان جنبه كافيه ليالى الهانوفيل ممكن تحجزوا القاعه اللى فوق وتستمتعوا برمضان مع الفوركس (العنوان مقابل شارع الهانوفيل مباشرة) ده طبعا اقتراح |
رد: الافطار الرمضانى لاف اكس ارابيا..اللهم بلغنا رمضان
اقتباس:
حتى التارجت بتاعى 50 وستوباتى غالبا 50 :) تحياتى اقتباس:
لازم يكون بلدى بلدى.. عيب متفضحوناش :) ممكن عروس البحر اقتراح رائع لو حناكل فى مطعم اسماك.. اقتباس:
مش حاجة جنب البيت :) اقترح اننا نؤجر قاعة ريفييرا كافية فى كامب شيزار على البحر و هو ما تم فيها احد اجتماعات ارابيا السابقة و ان اقوم باحضار السمك و ما لذ و طاب من فواكه البحر و السلاطات الى هناك. :1 (27): ما رايكم فى هذا الاقتراح لانه سيعفينا من التحرك بهذا العدد الكبير بين المطاعم و الكافيهات. لازلت منتظر تسجيل الاخوة الراغبين فى الحضور و ياريت اللى يسجل يكون على مستوى المسؤلية حتى لا يضيع الفرصة على اخ اخر يمكنه الحضور.. سيغلق التسجيل فور اكتمال العدد.. بالتوفيق للجميع الله كريم |
رد: الافطار الرمضانى لاف اكس ارابيا..اللهم بلغنا رمضان
كان نفسنا نحظى باصدقاء فوركسوين من ارابيا
بس يلا المره الجايه ان شاء الله واتمنى من الله التوفيق لكم جميعا وافطار شهيا باذن الله وان شاء الله المره الجايه نكون معاكم تحياتى |
رد: الافطار الرمضانى لاف اكس ارابيا..اللهم بلغنا رمضان
تم أرسال البيانات الخاصة يا دكتور علي الاميل و كمان بحب أضيف أنة فية فيش ماركت في بحري الدور الثاني و علي البحر مباشرتا و فيو رائع و الدور الأول فية كافتيريا زي الفل و طبعا الي تشوفة يا دكتور فكرتك بردة كويسة بخصوص ريفيرا كافية المهم بس أننا نتقابل و نتعرف علي بعض و نستفاد أيضا من خبرات بعض و كل عام و أنت بخير و رمضااان كرررررررريم |
رد: الافطار الرمضانى لاف اكس ارابيا..اللهم بلغنا رمضان
يرفع..
وصلنى حتى الان 25 تسجيل و باقى 25 تسجيل اخر.. من القاهرة حتى الان 5 مسجلين و اامل ان يصلوا الى 14 على الاقل ليمكن تجهيز ميكروباص لهم.. هل هناك من يعرف سائق ميكروباص تويوتا حديث من القاهرة ليقوم بالمهمة.. بالنسبة للاخوة الاسكندرانية اعتقد ان فكرة ريفييرا الاقرب للتنفيذ.. للامانة كمان انا جوز عمتى تاجر سمك كبير جدا فى الاسكندرية و حيكون تظبيط عالى قوى من حيث انواع اسماك مش موجودة فى المطاعم كالمياس مثلا.. مع الجندوفلى و البسارية و الدينيس و الشراغيش و الموسى و البربون.. لا تنسى الجمبرى الجامبو و السبيط كمان.. لو فى حد قرب يتجوز يبقى نجيبله استاكوزا وصاية.. باقى 25 فرد لانتهاء التسجيل و ياريت اللى مسجلش يلحق يسجل معانا. الله كريم |
رد: الافطار الرمضانى لاف اكس ارابيا..اللهم بلغنا رمضان
اشطة يا دكتور معانا عرسان فى السكة زى medo 1982 و ديل بيرو و انا اهوة لسة متجوز جديد اتوصى بالاستاكوزا شوية و شيهصنا يا دكتور ههههههه و طبعا كافية الريفيرا جميلة جدا و فى مكان فى السنتر لينا كلنا و على البحر و زى الفل
تحياتى ليك يا دكتور يا عسل |
رد: الافطار الرمضانى لاف اكس ارابيا..اللهم بلغنا رمضان
تم ارسال البيانات يابرنس
وفكره ريفيرا زى الفل رمضان كريم |
رد: الافطار الرمضانى لاف اكس ارابيا..اللهم بلغنا رمضان
انا ريقى بيجرى :P
منتظر السمك والجمبرى الاسكندرانى على احر من الجمر صراحة مش عارف ميكروباص محدد بس لو قفلت يعنى هاجى برضه ده انا بسمع كتير عن السمك عندكوا ولما جيت اخر مره فضلوا يقولولى هو قدورة مفيش غيره وكان حلو بس مفرقش اوى عن اللى عندنا وبعدها قالولى لا ده فى اجمد منه بكتير! شكله كده هيبقة يوم يخلينى اتجوز غصب عنى ^^ |
رد: الافطار الرمضانى لاف اكس ارابيا..اللهم بلغنا رمضان
تم ارسال البيانات
و نلتقى على خير ان شاء الله |
رد: الافطار الرمضانى لاف اكس ارابيا..اللهم بلغنا رمضان
طيب تمام..
فى انتظار المزيد من التسجيلات .. ما رايكم فى الموعد ارى ان يكون ثانى جمعة او سبت من رمضان.. جمعة ولا سبت سبت ولا جمعة.. تحياتى |
رد: الافطار الرمضانى لاف اكس ارابيا..اللهم بلغنا رمضان
انا شخصيا ارشح الجمعة رغم انه يوم عمل فوركساوى
بس عشان نبقه براحتنا ومش شايلين هم الشغل تانى يوم والاهم انه ميبقاش فى العشر الاواخر من رمضان طبعا |
رد: الافطار الرمضانى لاف اكس ارابيا..اللهم بلغنا رمضان
يوم الجمعة افضل بسبب ظروف العمل علشان الواحد بيطلع من مطنحة الجوازات مش شايف ادموة
|
رد: الافطار الرمضانى لاف اكس ارابيا..اللهم بلغنا رمضان
انا كمان بقول تانى جمعة
|
رد: الافطار الرمضانى لاف اكس ارابيا..اللهم بلغنا رمضان
كل عام والامه الاسلاميه كلها بخير بمناسبة الايام المباركات وشهر رمضان اعاده الله علي الامه الاسلاميه بالخير واليمن والبركات
شكرا للدكتور عادل علي الدعوه الكريمه وان شاء الله نتعرف عن قرب ونتعرف بالاعضاء والاخوه بالمنتدي اسكندريه تكسب :1: نتمني ان شاء الله ان يكون يوم الجمعه وهو خير يوم عرفته الأرض |
رد: الافطار الرمضانى لاف اكس ارابيا..اللهم بلغنا رمضان
كل سنة و أنتم طيبين جميعا و رمضاان كريم أنا مش فارق معايا اليوم بصراحة :)
|
رد: الافطار الرمضانى لاف اكس ارابيا..اللهم بلغنا رمضان
كل سنه وانتم طيبين
|
رد: الافطار الرمضانى لاف اكس ارابيا..اللهم بلغنا رمضان
فى انتظار المزيد من التسجيلات لمن يريد الحضور..
مش عايز ارسل ايميل لحد يسجل و عايز الناس المتابعة معنا هى من تتابع.. للعلم و التذكير كل اعضاء ارابيا مدعويين للافطار و ليس الصائمين فقط.. بالتوفيق يا شباب |
رد: الافطار الرمضانى لاف اكس ارابيا..اللهم بلغنا رمضان
اقتباس:
اول حاجة ياريت الافطار يكون الجمعة وليس السبت ويكون تاني جمعة ثاني حاجة ياريت ميكونش الافطار سمك اجباري ( احنا القاهريين عمرنا ما فطرنا سمك في رمضان ) ، شوف مطعم تاني يا دكتور بيعمل كل الاصناف لوسمحت ثالث حاجة : انا بتخنق من الميكروباص ، انا حاجي مع نفسي بالعربية او بالقطر التوربيني |
رد: الافطار الرمضانى لاف اكس ارابيا..اللهم بلغنا رمضان
اقتباس:
و تم اسال البيانات |
رد: الافطار الرمضانى لاف اكس ارابيا..اللهم بلغنا رمضان
انا بقول نخليها الجمعة اللى جاية على طول احسن هههههههههههه |
رد: الافطار الرمضانى لاف اكس ارابيا..اللهم بلغنا رمضان
زى ما توافقو انا قشطة انا جاى اولا عشان اقابل دكتور اسامة الراجل دة انا مش عارف اقول عنو اية و اتعرف ع ناس فوركسوية انا معرفش حد:1 (27):
ثانيا اول مرة هاجى اسكندرية و اول مرة افطر برة ف رمضان و بحب السمك موت :1 (83): |
رد: الافطار الرمضانى لاف اكس ارابيا..اللهم بلغنا رمضان
يعنى يادكتور عامل تصويت وفطار ومفيش دعوة ولا حاجه
ماشي ماشي لو الافطار يوم الخميس او الجمعه انا ممكن اجي ان شاء الله لانو شغلي ميسمحليش بغير كدا بصراحه شوف التصويت هيستقر على يوم ايه فى الاخر وبعدين انا هاخد قراري ان كنت هقدر اجي او لا اتمنى اكون معاكم ان شاء الله فى اليوم دا عشان اتعرف عليكم شخصيا بالتويق يا دكتور ان شاء الله وكل سنه وانتى طيبيين |
| الساعة الآن 10:05 AM |
Powered by vBulletin® Copyright ©2000 - 2024
جميع الحقوق محفوظة الى اف اكس ارابيا www.fx-arabia.com