المشاركة الأصلية كتبت بواسطة hussien (المشاركة 272913)

من خلال خبرتي الطويييييييييله جدا .....حوالي شهر في الفوركس مع الحساب الحقيقي حبيت انقل لكم تجربتي العجيبه التي اكتشفت بعدها انني اتمتع بكل عيوب المتاجرين بلا استثناء
كان حسابي 250 دولار وبونص 100 دولار بشروط اني افتح 6.66 عقد استاندرد
من خلال مراجعه الاكونت هستوري فتحت ما مجموعه 340 عقد ميكرو كل ده في اقل من شهر وده عدد كبير جدا وده معناه اني كل مااقعد امام الشارت ايدي تاكلني علي علي فتح الصفقات وده اول عيب
العيب الثاني اكتشفت ان عندي في الميتاتريدر اكثر من 100 مؤشر و40 تمبلت لاستراتيجيات مختلفه كل ما الاقي اي استراتيجيه في اي منتدي احملها واضيفها للميتاتريدر
ولما ابدا الشغل احط التمبلت الفلاني الاقيه بيع احط التاني الاقيه شراء التالت بيع وهكذا...... اشيل ده كله واقول لنفسي اشتغل برايس اكشن علي الشموع الانعكاسيه .....المهم خلاصه العيب الثاني التشتيت وعدم التركيز علي استراتيجيه واجده او طريقه
العيب الثالث عدم التعليم بطريقه منتظمه تقدروا تقولوا فاهم حاجه في كل حاجه ومش متقن اي حاجه واكتشفت اني محمل علي الجهاز بتاعي عشرات الكتب عن كل حاجه وعشرات الفيديوهات بالعربي والانجليزي وتقريبا ماشفتش منها حاجه الا القليل واكتشفت في نفسي اني بنزل علي اي موضوع بتقلي واركز عليه كام يوم وبعد كده ازهق منه واسيبه بالشهور ودي طريقتي في المذاكره طول عمري
فاكرين عادل امام في المسرحيه القديمه لما كان فراش في مكتب محامي وبيقول انه ضليع في الجنح وارشيف في الجنايات ...انا ساعات احس اني ضليع في المؤشرات واستاذ في الدعم والمقاومات وده بعد اي صفقه احللها بنفسي وادخلها وانجح فيها ولو فشلت احس بالياس والاحباط واني اغبي خلق الله
الاستاذ احمد بيقول ان الخساره هي اول طريق النجاح...وبما اني خسران 70 في الميه من حسابي اذا ابشروا ياقوم بولاده نجم الفوركس الاول قريبا وانتظروا توصياتي السونجيه والاسكالبيه في بدايه 2015
وبمناسبه التوصيات انا اعجبت جدا باثنين حتي الان الاستاذ احمد صلاح ودي مش مجامله والله ودخلت معاه اكثر من تو صيه وخصوصا التوصيه التي ضربت استوب ههههههههه واخ تاني في منتدي اخر معجب بيه جدا بس عمري ما دخلت معاه اي توصيه والسبب انه يعتمد علي طريقه رقميه لا اعرفها ويرفض ان يشرحها غير انه بيفتح عقود ضخمه جدا مجرد ما بشوفها بتخض اول مايرتد السعر كام نقطه الاقي الحساب اوشك علي المرجنه اقول كده خلاص كل اللي كسبه الشهر كله هيتبخر في صفقه واحده وسبحان الله بعد شويه ارجعله الاقيه قفل الصفقه علي ربح مهول طريقته بتحقق 865 في الميه في الشهر وبالفعل تتحقق
انا الان اعرف عيوبي فهل استطيع التغلب عليها ..هذا ما ستجيب عليه الايام القادمه
وفي النهايه ارجو منك استاذ احمد ان تسامحني لانني استغليت ورشتك القيمه وكتبت كل هذا الكلام الفارغ واوعدك اني مش هعملها تاني وشكرا جزيلا

المشاركة الأصلية كتبت بواسطة hussien (المشاركة 272958)

الاخوه الاعذاء شكرا لكم علي ردودكم المشجعه ..
انا عندي وقت طويل جدا ..ويا انا او الفوركس خصوصا ان شغلي الخاص بيتدهور لاسباب خارجه عن ارادتي والفوركس بالنسبه لي هي الامل الوحيد لتحسين ظروفي

المشاركة الأصلية كتبت بواسطة hussien (المشاركة 272972)

انا عندي اقتراح...
بما اننا معظمنا مبتدئين وغلابه ومحتاجين الي ياخد بايدنا ويعلمنا بنظام معين systematic يعني ...حلوه سيستماتك دي
وبما اننا معظمنا اتعودنا علي الدروس الخصوصيه واتعودنا منعملش الواجب الا اذا كان اهالينا فوق دماغنا والمدرس صعب ...يعني بنخاف منختشيش
وبما اننا وقعنا في راجل خبره ومحترم وخدوم وجنتل مان واسمه احمد صلاح ولذا اقترح ان يوجهنا بماذا نبدا ومن اين ويصحح لنا ولو في موضوع مستقل للتعليم والذي لايلتزم يتم طرده من موضوع التعليم والورشه
والاستاذ احمد هيستفيد ايه....اقول لكم هيستفيد كتير اولا هيبقي ناظر المدرسه ثانيا كلنا هنعمله لايك ثالثا ...هندعيله بالتوفيق والنجاح
الموافق علي الاقتراح يدعمني

المشاركة الأصلية كتبت بواسطة أبو ضحى (المشاركة 273791)

وأنا أضم صوتي لصوتك ، وياريت يقبل الأستاذ أحمد صلاح

المشاركة الأصلية كتبت بواسطة Mr.GooDMaN (المشاركة 273937)

صباح الفل ع الجميع
واسبوع اخضر ان شاء الله
ويا ابو صلاح انا بيعت الكيبل من 1.5815 ايه رأيك ؟؟؟