بسم الله الرحمن الرحيم

اسف لتأخرى عشان ظروف العمل و المرمطة :) ----> IT specialist تحت التدريب و للأسف مش بنستقر فى مكان يعنى كل يوم سفر
فاعذرونى لو اتاخرت على ما انزل حاجة

المهم انهارده هنتكلم عن سبيدر جان قصدى عجلة جان :D او مربع التسعة

جان صاحب مقولة (متى ماعرفت كيف تستخدم الوقت مع السعر فانت تعرف كيف تتاجر)
احنا انهارده هنتكلم عن السعر

فى الحقيقة اللى هتشوفوه حاجة غريبة و محيرة و المعظم هيسأل و انا اولكوا هوا ده ازاى بيحصل كده؟؟؟ بس الاجابة الوحيدة لسؤالى هى

المخرج عاوز كده :D


بصوا للصورة دى كده و ركزوا كويس فيها

http://www.fx-arabia.com/vb/uploaded...1327441186.gif


ايه مربع الارقام ده؟؟؟ ده يا سيدى مربع التسعة لو بصيت فى المركز بتاعه هتلاقى رقم 1 عاوزك تمشى مع الارقام كده 1 , 2 , 3 , ...... هتلاقى المربع اتكون عند الرقم 9 و عشان كده سمى مربع التسعة


طيب ايه الدائرة دى؟؟؟ الدائرة دى بتمثل سنة كاملة لانها تستخدم فى حساب الزمن برده و ايه الارقام اللى بالاحمر دى؟؟؟ دى الزوايا اللى اهتم بيها جان و اتقسمت كالآتى

Cadinal cross ( 90 , 180 ,270 , 0/360)l و دى اللى بيمثلها التقاطع الاصفر
ordinal cross (45 , 135 , 225 , 315)l و دى اللى بيمثلها التقاطع الازرق


و الزوايا دى يا سيدى اسمها مستويات جان و بما اننا بنتكلم عن السعر يبقى هنقول السعر يتحرك بزاوية ( 45 . 90 .......)
طيب ازاى نحسب اللى انت بتقول عليه ده؟؟؟؟

الاول تشيل العلامة العشرية.

ثانيا : المعادلة كلآتى تاخد الجذر التربيعى للنقطة اللى انت جايبها + او - مقدار الزاوية و بعدين تربع ----> سهلة صح :D

تعالى نشوف مكونات المعادلة


اول حاجة النقطة اللى هنشتغل عليها ---> نختار اعلى قمة او اقل قاع فى الوقت الحالى يعنى امبارح مثلا بس بيقولوا ده لا يفضل يعنى مش بيدى تاثير اوى اومال ايه؟؟؟

قالك تختار قمة معروفة او قاع معروف من فترة يعنى على الاقل فى اخر 3 شهور

طيب انت تفضل ايه؟؟؟ انا بصراحة بعملها عادى مش شرط مدة كبير و مش بعمل من مدة كبير الا ما بلاقى ان المستويات اللى انا راسمها دى بعيدة اوى عن السعر

الحالى ف من رايى جرب على كلو انت مش هتخسر حاجة


طيب دى يا سيدى دى اول حاجة ايه بقى + او - مقدر الزاوية دى؟؟؟؟

+ او - دى على حسب النقطة اللى انت جايبها لو النقطة كانت قمة يبقى - لان احنا بندور على مستويات اقل من المنطقى و نشوف السعر هيعمل عندها ايه؟؟
و لو النقطة قاع يبقى + لان انت بتدور على مستويات اعلى يتعمال معها السعر

طب و ايه مقدر الزاوية ده؟؟؟

سهلة اوى قالى كل 45 درجة بنزود 25. اززاى يعنى ؟؟؟؟؟ يعنى كالآتى
45 = 25.
90 = 50.
135 = 75.
180 = 1
225 = 1.25
270 = 1.50
315 = 1.75
360 = 2 و هكذا لحد ما توصل لاى زاوية انت عاوزها
يعنى لو قلتلك مثلا 450 يبقى كام؟؟؟ هتبقى 2.5 و احسبها

تمام كده عرفنا مقدار الزاوية بعد ما تضيف او تطرح ترجع تربع تانى

خلينا نشوف مثال احسن

خلينا ناخد مثلا اليورو/دولار لما كان عند مستويات 1.3550 قريب لسه ده ، ده كان قمة
يبقى الخطوات ايه؟؟؟
1 - نشيل العلامة العشرية
2 - ناخد الجذر ل 13550
3 - نطرح من الناتج مقدار الزاوية اللى عاوزة يتحركها للاسفل
4 - نربع تانى الناتج
5 - حط العلامة العشرية تانى مكانها

و النواتج للمثال ده هيا كالآتى
تحريك السعر بزاوية 45 ----> 1.34910
تحريك السعر بزاوية 90 ---> 1.34330
http://www.fx-arabia.com/vb/uploaded...1327445051.jpg

و هكذا و الصورة توضح المستويات و شوفوا تعامل السعر مع المستويات دى ازاى لحد الآن و شوفوا السعر بيعمل معاها ايه دلوقت


والله الصورة بتحكى لوحدها يا جدعان

طيب يا عم انت حاطط اخر مستوى ل زاوية 450 ليه؟؟؟
اهو ده بقى اللى بسميه المستوى السحرى

لما يكون فى ترند صاعد او هابط عاوزك تضيف المستوى ده و شوفوا هيعمل ايه؟؟؟
ولا اقولكوا اوريكوا انا الاول :P

شوفوا الباوند دولار كده ايه اللى حصل معاه هنا لما عملنا المستوى ده ترند هابط جينا فى القمة بتاعته و عملنا عليه المعادلة ب زاوية 450 و اسيب الصورة تتكلم عن نفسها
http://www.fx-arabia.com/vb/uploaded...1327445670.jpg

فى حد لسه ع الكومبيوتر؟؟؟؟ ولا كله نزل تحت الكرسى؟؟؟؟

يبقى كده خلصنا عاوزين نجمع كل اللى فوق ده بقى فى سطرين
كل اللى فوق ده يتلخص فى الخطوات دى:

1 - نشيل العلامة العشرية

2 - ناخد الجذر للنقطة اللى جبناها سواء كانت قمة او قاع

3 - نطرح او نجمع من الناتج مقدار الزاوية اللى عاوزة يتحركها (لو قمة = طرح ، قاع = جمع )
و ده كيفية حساب قيمة الزاوية
سهلة اوى قالى كل 45 درجة بنزود 25. اززاى يعنى ؟؟؟؟؟ يعنى كالآتى
45 = 25.
90 = 50.
135 = 75.
180 = 1
225 = 1.25
270 = 1.50
315 = 1.75
360 = 2 و هكذا لحد ما توصل لاى زاوية انت عاوزها
يعنى لو قلتلك مثلا 450 يبقى كام؟؟؟ هتبقى 2.5 و احسبها

4 - نربع تانى الناتج

5 - حط العلامة العشرية تانى مكانها


طبعا يا جماعة مش لازم المستويات تثبت فعاليتها 100 فى المية او السعر لازم يتأثر بيها و عشان كده احنا خليناها من ضمن الخلطة و دى مكون واحد بس يعنى لما هنستخدم بأذن الله هنستخدم كل اللى هنشرحة عشان تطلع احسن نتيجة بأذن الله

و بكده نكون خلصنا يا جماعة مربع التسعة بالنسبة ل حساب السعر


طبعا انا مستنى اشوف جمال الشارت بتاعكم و هوا عليه المستويات دى

و اى سؤال بأذن الله انا موجود


و الى اللقاء فى المكون التالى من خلطنا
Gann math levels

دمتم بود




و متنسوش تضغطوا على لايك لو المشاركة عجبتك :1 (76):

المشاركة الأصلية كتبت بواسطة ام كرار (المشاركة 261717) مشكور اخي بارك الله فيك هذا موقع يتكلم عن الماركت بروفل وباللغه العربيه marketprofilefx.com/vb/forum.php

المشاركة الأصلية كتبت بواسطة Eng.Hamada (المشاركة 261753) متابع ياكبير وتشكر واحلي لايك

المشاركة الأصلية كتبت بواسطة ابو بشار (المشاركة 261978) بجد هي عايزة سؤال احلى لااايك للموضوع الجامد ده

المشاركة الأصلية كتبت بواسطة espoir154 (المشاركة 262148) متابعينك يا اخي

المشاركة الأصلية كتبت بواسطة abu_habiba (المشاركة 262247) مشتاقين جدا للدخول فى الموضوع

المشاركة الأصلية كتبت بواسطة sedra (المشاركة 262311) بصراحة من اهم واجمد مواضيع المنتدى،،، موفق يا اخي العزيز

المشاركة الأصلية كتبت بواسطة جواد اشرف (المشاركة 262799) احل موضوع شفته في المنتدى الى حد الان ,......تسلم يا باش مهندس احلى لايك موضوع يستاهل التثبيت

شرح رائع وبسيط

فى انتظار باقى الخلطه

+1 لايك

المشاركة الأصلية كتبت بواسطة wolfkamikaz (المشاركة 262835) مشكور اخي على الشرح بس مربع التسعة لا يزال غامض و بدو دماغ عالي هو فعلا عنصر جيد للخلطة السحرية واصل يا بطل

المشاركة الأصلية كتبت بواسطة spiderhoof (المشاركة 262849) شرح رائع وبسيط فى انتظار باقى الخلطه +1 لايك