رد: حكمة خرجت بها بعد خسارة حسابك الاول في حياتك الفوركسية forex
 

الحمد لله محصليش الكارثة دي عشان اتعلمت جامد من مشروع دخلته قبل كده من الآخر اوعى تنط في البحر قبل ما تتعلم السباحة
انا درست الفوركس كورسات مكثفة ومعايا شهادات معتمده في التحليل وطبعا غير الفيديوهات والكتب وخبرات الاخوة الافاضل طبعا والديمو كل ده قبل الدخول في السوق .. كلامي طبعا عن اسباب استمراري في السوق ده مش حكمة من خسارة اكييد :1 (109):
1/ تاجر بعقلك واوعى تحشر قلبك في الشغل هيوديك ف داهية .
2/ مفيش مشروع في الدنيا فاشل بس في مدير فاشل ومدير ناجح .. اتقن فن ادارة راس المال .
3/ لو عاوز توصل قمة البرج ركز في السلمه الاولى عشان متتكعبلش وانت مشغول بالنظر للقمة .
4/ توقع من السوق اي شيئ .
5/ كتر المؤشرات مش شطارة اختار اللي يفيدك بس .
6/ No Gain Without Pain او من الاخر اللي بيتعب بيلاقي بس وجه تعبك في الاتجاه الصح .
7/ اصنع اسلوبك الخاص متاخدش كوبي من حد جاهز .
8/ اوعى ترجع للسوق قرش خدته منه .. بمعنى اصح احمي ارباحك مترميهاش .. دوق طعم تعبك ده بنزينك عشان تقدر تكمل .
9/ ماتدمرش اعصابك بالوقوف قدام الشارت طول ما الصفقه مفتوحة .. افتح position وحط تارجت واستوب وسيب اللاب وانزل شوف حياتك ..
10/ مش شرط طول ما انت قاعد تتاجر .. الاسد بيراقب فريسته ساعة ويخطفها ف ثانية ..
11/ متزعلش لو حد قالك ارضى ب 25% شهريا وتقول ده قليل .. 25% دي تقدر تعملك اول مليار بعد 10 سنين ومن بداية 1000$ .
12/ اتعلم كويس اوي وابدأ بحساب حلو ميقلش عن 1000$ احسن ما تقول اجرب ب 100$ بس وكده كده مبلغ تافه .. حسابك ممكن يتمرجن في صفقة واحدة وكمان ربحها مش هيرضيك .. اقل من 1000$ تضييع وقت ..
13/ ابعد عن ثلاثي اضواء الخسارة .. الخوف .. الطمع .. الثقة الزيادة بالنفس وانك تبطل تتعلم حتى ولو مستمر بالمكسب ..

اتمنى مكونش صدعتكوا وتحية ممتازو على الموضوع الرائع :1 (109):